برجاء الدخول والمساعدة من اعضاء المنتدى

[abdoelsayed]

السلام عليكم ورحمة الله وبركاته

انا جديد فى اللمنتدى وكنت طالب مساعدة من اعضاء المنتدى وواثق انى هالاقى طلبى هنا

كنت بفكر اشترى عربية فى حدود من 25 الى 30 الف وكان قدامى اختيارات بس بصراحة مبعرفش ف العربيات زيكم ياريت تتفضلوا بالمساعدة وابداء الراى

الانواع اللى بفكر فيها كالتالى :-
1- سيات ايبيزا 94
2-اسكودا فيليشيا 96
3-فيات ريجاتا
4-بيجو 504 موديل 79 او 78 ودى بصراحة كانت اول اختيار قدامى
5-جولف 68

معلش عارف انى طولت عليكم بس ياريت لو حد يقدر يساعد يتفضل بالنصيحة وياريت الرد بسرعة لانى ناوى فعلا اشترى خلال ايام
متشكر جدااااااااااااااااااااااااااا

[ashoub]

ليه مفكرتش فى البولو موديل 95 او 96 او 97 هتبقى فى الرنج الى معاك ولو معاك اكتر هات جولف 3 هتعمل حوالى 35 الف وده راى الشخصى بس متستعجلش وهات حاجه حاله كويسه

[abdoelsayed]

متشكر جدا على الراى والنصيحة -- ومنتظر نصيحة باقى الاعضاء

[elpasha1]

ممكن تفكر فى هيونداى اكسل او كيا برايد افضل (قطع غيار ارخص )
- لكن لو من ضمن اختياراتك تبقى ( ابيزا او فليشا) على اساس انهم يعتبروا موديل قريب
- والبيجو لو كنت بتسافر وعيل كبير ة
وبالتوفيق ان شاء الله

[abdoelsayed]

متشكر ياباشا على الرد

انا محتاج حاجة تستحمل السفر والبهدلة وبالنسبة للعيلة هم 4 افراد

الفكرة هنا لو هتجيب ممكن تجيب حاجة موديل قديم زى البيجو 79 او 78 ولا تخليك فى الاحدث زى الفيليشيا والايبيزا

وكمان لو قدامك الاتنين فيليشيا وابيزا ياترى الافضلية لمين

اسف عارف انى طولت عليكم بس اكيد حاسين بحيرتى لانكم اكيد مريتم بيها اول مرة

متشكر جداااااااااااااا ومنتظر الرد

[ashoub]

ابيزا احسن من الفليشيا والى احسن منهم البولو انا تعبت كتير زيك وابعد عن البيجو عربيات قديمه وهتقرفك البولو والابيزا عربيات قويه وتتحمل

[abdoelsayed]

متشكر جدا على النصيحة الغالية وجزاكم الله خيرا

انا فعلا مستريح نفسيا للايبيزا بس الناس بتخوفنى وبتقول ضيقة ومش فى نفس كفاءة الفيليشيا مع انى نفسيا مستريح للايبليزا

الحاجة التانية تفتكر انه من 25 الى 27 الف ممكن اجيب ايبيزا موديل 94 نضيفة ولا ايه الظروف ؟؟؟

[grumby78]

اولا مافيش وجه مقارنه بين الفليشيا -مع احترامي لملاكها -وبين الابيزا . الابيزا سياره اعتماديه جدا قليلة المشاكل وغير معقدة الصيانه وقطع غيار متوفره جدا مستعمل وجديد بكافة الاسعار ناهيك عن الشكل اللي في رايي الخاص متفوق لصالح الابيزا حتى في الموديلات الاقدم .. والسعر ده للاسف مايجيبش ابيزا كويسه 4 doors 1994 حتلاقي فيها صرف اكيد الابيزا الكويسه مش اقل من 30000 الى 35000 كحد اقصى لافضل الحالات ... بالتوفيق

[abdoelsayed]

متشكر جدا على الرد والنصيحة -- بس مواقع زى كونتاكت كار وغيرها كان فيها تقريبا كل الايبيزا 94 فى رينج ال 26 الف ومنظرها بصراحة شدنى وفبريكا من جوة فمش عارف ظرفها ايه

ومنتظر اى نصيحة من الاخوة الافاضل بس كده الواحد استريح اكتر للسيات وربنا يقدم اللى فيه الخير

[abdoelsayed]

؟؟؟؟؟

[ashoub]

ممكن تجيب بالسعر ده عادى بس لو واحد معرفه ميكنش تاجر لان التاجر بياخدها بالسعر ده من زبون ويصرف عليها الف ويبعها اغلى وعلى فكره الابيزا واسعه من جوه مش ضيقه والعيب الشهير للفلشيا ان ماتورها بيسخن بسرعه وساعات الضفيره بتسيح وقطع غيارها استيراد اعتقد اغلى من الابيزا بس تانى من شراء العربيه ومتستعجلش لا علشان تلاقى ابيزا بحاله نضيفه صعب شويه انا نزلت السوق لمده شهر علشان اجيب العربيه الى معايا متستعجلش

[abdoelsayed]

؟؟؟؟؟

[abdoelsayed]

متشكر جدا على مشاركتكم القيمة وربنا يجعله فى ميزان حسناتكم واعمالكم يوم القيامة

وياريت لو حد قدامه ايبيزا 94 كويسة ياريت يرد عليا او يبعت لى على الخاص

جزاكم الله خيرا