الى خبراء السيات اريد تسعير هذه السيارة

[alaamousa]

السلام عليكم اعضاء نايل موتورز الكرام اريد تسعير سيارة سيات ابيزا 2002 لون احمر كاملة مانيوال فابريكة دواخل رشة برة نظافة محتاجة شوية تزبيط للاوكر بتاعت الابواب والابواب ايضا محتاجة تظبيط
علما بان سالت ناس قالولي ابعد عن هذه السيارة لانها قطع غيارها غالية جداا وبيعتها تقيلة غير ان في قطع غيار مش موجودة اصلا علما بان سعر السيارة معروضة عليا ب 45000 ومش عايز ينزل جنيه بس واحد معاه قاللي انا هحاول اكسرلك معاه 500 افيدوني وجزاكم الله خيرا ...... ارجو سرعة الرد لانهم مستنيني ارد عليهم

بحبك يا نايل موتورز

[Quarks]

انا معايا العربيه ده بس الكودوبا 2001 يعنى هى هى بس بشنطه, بص وركز معايا فى كلامى العربيه ليها مميزات وليها عيوب: مميزات كالاتى: ركوبه تحفه وعزل داخل السياره ممتاز ولو 1400 سى سى هتكون ممتازه معاك فى السحب وشد وتفحيط ولو 1000 سى سى مش عارف بصراحه بس اسمع انها مقرفه خصوصا مع التكيف نكمل ::: العربيه منظره وجمال وشياكه وروشنه وشد وتفحيط للصبح وثبات خارق على السرعات ومغريه جدا بس متفرحش اوى وركز معايا فى العيوب::::::::: قطع غيار نار يا حبيبى نار هى متوفره جدا بس طبعا مش زى الفيرنا والدايو لانوس اطلاقا:::: يعنى من الاخر لو عايز عربيه ركوبه وروشنه يبقى ابيزا ولو عايز عربيه قطع غيارها بتلاته تعريفه من عند البقال وسهل تصليحها ابعد عن الابيزا تمااااااما اللى بيركب الابيزا 2000-2001 بيكون دماغه غاويه منظره وبصراحه العربيه روشه طحن وسواقه وثبات خارق تعالالى بقى وخلينا نكمل بالنسبه للسعر وعمليه اعاده البيع::: العربيه ده رانج سعرها واسع جدا على حسب حالتها بمعنى ايه؟؟؟؟ العربيه قطع غيارها مولعه زى ما اتفقنا علشان كده لو مش متظبطه هتدفع كتييييييير علشان كده هتلاقى عربيات ب 38 الف وب 40 الف و42 الف ولو متظبطه هتريحك جدا والمفروض ان سعر ال 45000 ما يتقالش الا لو العربيه ما فيهاش الهوا يعنى مش محتاجه فسوه فاهمنى فسوه علشان اى شئ محتاج تصليح فى العربيه ده ليه تمن وهيقلل من سعرها ويقلل كتير كمان بس المهم تاخد حد بيفهم معاك :::: نكمل اخر حاجه اعاده البيع وده مهمه جدااااااااااا::: العربيه اعاده بيعها سئ ومش هتعرف تبيعها بسعر عالى زى اللى هتشتريه بيها 45000 الا لواحد ركيب ودماغه غاويه العربيه ده وبيفهم فى العربيات انما الناس اغلبها فى مصر بتحب العربيات اللى زى دايو لانوس وفيرنا علشان بتتباع تانى يوم وما بتنقصش ولا مليم من سعرها

[behman]

لو العربيه 1000 سي سي تبقي غاليه لو 1400 اصلي ممكن تمشي 45 شرط انها تكون نضيفه
و مافيهاش مصاريف
وبالنسبه لقطع الغيار انا مش شايف انها غاليه خالص !!! زي ما الاخ كواركز بيقول
و اسعار قطع غيارها جديده موجوده هنا في القسم
و الاستيراد بتاعها موجود و ارخص و احسن من الجديد في معظم الحاجات
و افتكر انك راكب عربيه الماني موديل 2002 ... مش كوري

[Quarks]

استاذ behman انا معايا العربيه اللى هو بيسأل عليها بس كوردوبا 1400 سى سى 100 bhp يعنى الفرق بس فى الشنطه واكيد مش غاوى افطس العربيه لانها عربيتى يعنى المفروض اشكر فى العربيه جدا بس انا طبعى انى اكون امين مع اللى قدامى مش علشان انا معايا العربيه خلاص هشكر فيها واتكلم عن مميرات فقط بدون عيوب ::: وحكاية اسعار قطع الغيار ده نسبيه بس انا كنت بقارن بالدايو لانوس والفيرنا مش بقارن المانى بالمانى انا عارف ان كل الالمانى غالى بس انا بكلم واحد بيفكر يشترى عربيه فى رانج معين من الفلوس وممكن يكون بيقارن مع عربيات فى نفس الرانج ولو انا مش مقتنع بعربيتى ما كنتش اشتريتها اساسا بس انا بعشق الكوردوبا جداااااااااااااا ومدمن كمان وشايف من وجهه نظرى الخاصه جدا انها افضل عربيه بالنسبه لسعرها بس ده دماغى انا مش حابب افرضها على حد وعلى فكره انا بفكر ابيع العربيه علشان قدامى حاجه اعلى اكتافيا وسعر كويس يعنى المفروض انى اشكر فى العربيه مش افطسها بس ده امانة ولازم الاستاذ اللى هيشترى يكون ملم بالتفاصيل كلها

[behman]

انت راجل زوق و كلامك علي راسي .... انا بس حبيت اوضح الصوره اكتر من وجهه نظري
و انا برضو شايف الكوردوبا 1400 2002 هي احلي عربيه في سعرها و في قطع غيارها كمان جديد و استيراد
و كنت عايز استفسر عن حاجه .... هو في كوردوبا 1400 اوتوماتيك ؟؟

[Quarks]

استاذ behman انا بعتذر لحضرتك جدا عن التأخير فى الرد
بالنسبه لسؤال حضرتك لا مفييش اوتوماتيك اطلااااااااااااااقا ولو لقيت عربيه اوتوماتيك 2002 وانتى مغمض تعرف انها مسقطه ماكنه اللى هى ماكنه الابيرا الجديده الاتوماتيك 1400

[behman]

شكرا يا باشا علي المعلومه .... في واحده سودا علي كونتاكت 1400 حلوه اوي ابقي شوفها