أرجـــو النصيـحة فى شــراء إيبيـزا فى حدود 38000:40000

[teto007]

انا عايز اجيب ابيزا فى حدود 38000 الى40000 وعايزوكو ترشحولى اجيب موديل اية
من 94 الى 99 مع العلم ان انا اهم حاجة عندي الحالة النضيفة اوى



......................................
تم تغيـيـــر العنوان لمخالفته للقاعدة رقم 16

الإدارة - 3

برجاء مراجعة قوانين المنتدى
http://www.nilemotors.net/Nile/showthread.php?t=21391

[Ahmad]

أعتقد علشان تجيب حاجة نظيفة قوي محتاج تزود شوية لحد ال 45 مثلا.
موديل 98 و 99 ممكن تلاقي منهم حاجات نظيفة و فيها كماليات كتير.
انا معنديش خبرة كبيرة في موديل ال 94. بس أعتقد ان ال 98 و 99 تكنولوجي أعلي و رفاهية أكتر, ده غير ان فرصة عثورك علي عربية نظيفة قوي أكبر. بس الموتور 1000 سي سي مش بتاع شد جامد , انما انا شايفه معقول جدا و مش بيقصر معايا خالص الحمد لله.
انما موديل 94 موتور 1300 سي سي يعني أقوي شوية و يستحمل الشد أكتر. بس لازم تكشف كويس علي الموتور علشان تتأكد من كفاءته.
غير ان موديل ال 94 متبهدل أكتر بحكم السنين يعني :)

ربنا يوفقك :)

[SEATLOVER]

بص يا تيتو ... احمد باشا (العضو المتميز ) ماشاء الله ربنا يباركلة قالك كل المفيد وكلامة كلة الله ينور علية

انا بس هاضيف حاجة صغيرة ... ان المبلغ اللى معاك يجبلك إن شاء الله
ابيزا 94 ذى الفل .... بس خد بالك من النقط دى
1-اصبر خالص وماتستعجلش ...الابيزا التدوير عليها مش سهل و عايز صبر
2-دور على الموتور الاصلى 1300 كربراتير وبلاش مواتير متسقطة
3-المبلغ اللى معاك تدور بية على ابيزا 94 كاملة
4-اكشف و افحص كويس اوى
5-بدام ركزت فى موديل 94 انسى اى اغراءات فى موديلات اعلى 98 او 99

وربنا يوفقك وتلاقى اللى بدور علية ان شاء الله .

[محمد قاسم]

يا باشا أنا رأيى أن المبلغ قليل شوية و بعدين الموديلات القديمة 75% منها حتلاقى متبهدل أنت ممكن تجيب واحدة مرفوعة كام سنة "و دى حاجة نادرة" أو يكون صاحبها مخليها فى عينيه و ربنا يوفقك و تجيبها
و على كل حال ده رأيى

[Ahmad]

بص يا تيتو ... احمد باشا (العضو المتميز ) ماشاء الله ربنا يباركلة قالك كل المفيد وكلامة كلة الله ينور علية

انا بس هاضيف حاجة صغيرة ... ان المبلغ اللى معاك يجبلك إن شاء الله
ابيزا 94 ذى الفل .... بس خد بالك من النقط دى
1-اصبر خالص وماتستعجلش ...الابيزا التدوير عليها مش سهل و عايز صبر
2-دور على الموتور الاصلى 1300 كربراتير وبلاش مواتير متسقطة
3-المبلغ اللى معاك تدور بية على ابيزا 94 كاملة
4-اكشف و افحص كويس اوى
5-بدام ركزت فى موديل 94 انسى اى اغراءات فى موديلات اعلى 98 او 99

وربنا يوفقك وتلاقى اللى بدور علية ان شاء الله .

أولا أشكرك يا Seat Lover علي كلامك الجميل دة. و دي شهادة أعتز بيها جدا من صديق عزيز في منتدانا الجميل دة.

طبعا مش هقدر أزود حاجة بعد كلامك دة.
بس حبيت أاكد لصديقنا تيتو علي نقطة "الصبر" :) . فعلا الابيزا محتاجة صبر جامد و بال طويل علشان تلاقي واحدة كويسة و فيها كل اللي انت عايزه.

ربنا يوفقك.

[teto007]

الف شكر يا جماعة على الاراء الجميلة دى اللى اكيد فاديتنى

[teto007]

بس مش شايفيين ان 45000 كتير على 1998 او 1999 انا لسة واحد صاحبى جايبها ب 38000 موديل 1998 كاملة وواحد تانى جايب و احدة 2001 ب 44000 باردو كاملة و حالتهم ممتازة

لو قدامى 1999 و 2001 او 2002 اخد انهى و حدة؟

[mohamed ibiza]

بعد كلام سيات لوفر مفيش كلام فعلا خليك في الابيزا 94 احسن موديل في الابيزا هو 94 بس افحصا جامد من الاخر فوتها من الفحص لان الشباب قايمين بالواجب مع الابيزا تمام










Ibiiiiiiiiiiiiiiiiiiiiiiiiiiiiiiiiizzzzzzzzzzzzzzz zzzzzzaaaaaaaaaaaaaaaaaaaa For Ever

[mohameduoser]

بس مش شايفيين ان 45000 كتير على 1998 او 1999 انا لسة واحد صاحبى جايبها ب 38000 موديل 1998 كاملة وواحد تانى جايب و احدة 2001 ب 44000 باردو كاملة و حالتهم ممتازة

لو قدامى 1999 و 2001 او 2002 اخد انهى و حدة؟

تاخد 2002 افضل شكلها احدث من جوة و برة

[Ahmad]

تاخد 2002 افضل شكلها احدث من جوة و برة

أعتقد بيفرق من شخص لاخر ,
كل موديل ليه مزايا و عيوب.
الشكل ال قديم 94-99 ميزته في أسعار قطع غياره مناسبة الي حد كبير, غير الشكل الجديد من أول 2000 قطع غياره غاليه قوي, و دة في رأيي هو اللي منزل ثمنها لدرجة انها بقت أقرب للموديل اللي قبليه.

انما لو مش همك اسعار قطع الغيار, يبقي كل ما تبقي العربية أحدث كل ما يكون احسن. زي mohameduoser ما قال شكل جديد من جوه و بره و طبعا تكنولوجي أعلي :)

بالتوفيق.