ماكينة زجاج كهرباء

[matrix012]

انا مش عارف مالى كل شويه حاجه تحصل فى العربيه بس الحمد لله كلها حاجات بسيطه
من يومين كده ماكينه الزجاج الى فى الباب اليمين بطلت تطلع ولا تنزل روحت للراجل بتاع البيبان الى جمبنا فكها ولقى الوير بتاع الزجاج مقطوع وقالى كمان انى اغير البكره بتاعتها ( حاجه بيضه كده وفيها تجاويف بيتحرك فيها الواير ) المهم انو قال البكره هتعمل 60 جنيه ومتهيئلى هوا كده غالى والتركيب بتاع الماكينه هيكلف 50 جنيه بالواير
قولولى اعمل ايه اجيب ماكينه استيراد ( مش عارف هتعمل كام ) ولا انزل ادور على البكره البيضه وربنا يكرم والاقيها بسعر كويس
عموما انا مش هعمل اى حاجه دلوقتى علشان مفيش فلوس وهستنى لحد اول الشهر بس يا مسهل والاقى حل

[ehab_mansour]

ريح دماغك وهات ماكينة استيراد وركبها لأنه صعب يعرف يقفل البيضة اللي بتتكلم عليها دي علي الماكينة صح
لكن ماكيينة علي بعضها هتشيل وتركب في خمس دقايق

[matrix012]

ريح دماغك وهات ماكينة استيراد وركبها لأنه صعب يعرف يقفل البيضة اللي بتتكلم عليها دي علي الماكينة صح
لكن ماكيينة علي بعضها هتشيل وتركب في خمس دقايق

شكرا على الرد السريع بس سؤال متعرفش الماكينه تعمل فى حدود كام وهل اى ماكينه تركب فى ابيزا 94 ولا لازم موديل معين ؟ وشكرا

[ehab_mansour]

شكرا على الرد السريع بس سؤال متعرفش الماكينه تعمل فى حدود كام وهل اى ماكينه تركب فى ابيزا 94 ولا لازم موديل معين ؟ وشكرا

السعر معنديش فكرة بس في حدود من 150 الي 250 ده توقعي
بخصوص انهي موديل فأعتقد برده انها لازم تكون لنفس الموديل عشان أماكن التثبيت و ميل الماكينة داخل الباب حسب تصميمها وتصميم الباب وأعتقد مش هتلاقي أرخص من ماكينة 94 او 98 لكن لودخلت في الموديلات الأعلي هتلاقيها أغلي

ولوعندك عده ركبها انت لأن الموضوع بسيط جدا 6 مسامير بمفتاح مقاس عشرة لتثبيت الماكينة والزجاج وفيشة الكهرباء هتركبها وتثبت فرش الباب تاني ودمتم
وربنا يوفقك ويهديلك العربية ويباركلك فيها ويبعد عنك المشاكل

[SYD]

علي فكرة انا فكيت المكنة وشديت الواير والموضوع في غاية السهولة لو الراجل محترف واعتقد الملف الابيض دة مش بيبوظ
حرام تغير المكنة كلها والموضوع في غاية السهولة

جرب رووح لعادل بتاع ضبط الابواب في شارع المطبعة فيصل
الراجل دة ياجماعة مخترع
بيغير الواير ويشده ويظبط الدنيا ومش هياخد اكتر من 25 او 30 جنيه مصنعية وتمن الواير اعتقد لن يزيد عن 20 جنيه

والله المستعان
،
،

[ahmedsamy]

السعر في حدود من 150 الي 250

أنا جبتها السنة اللي فاتت ب 150، و في ناس بيبعوها أغلى شوية بس مش هتعدي ال200 إن شاء الله!