مشكلة فى السحب القرطبه ارجو النصيحة

[tgaber]

انا اشتريت قرطبة 2008 بس حاسس ان سحبها وحش يعنى 0 100 فى 30 ثانيه و النقلة الرابعة هى الى بتاخد اكتر وقت ,هو كدة عادى ارجو النصيحة

[SEATLOVER]

اهلاً بيك يا tgaber معانا
و الف مبروك على العربية وربنا يديلك خيرها و يكفيك شرها ان شاء الله
مش كنت تقولنا يا راجل عشان نفرح معاك من زمان

بص يا سيدى طبعاً اللى انت بتقولة دة مش الطبيعى خالص و مفروض من 0 الى 100 ما يزيدش عن 12 ثانية بالكتير

انا مش عارف انت عربيتك مانيوال ولا اتوماتيك

بس على العموم فى احتمالات كتير بس معظمهم هايبقى بعيد عشان العربية جديدة
فاممكن يكون البنزين اللى انت متعود علية من بنزينة معينة !

وفى طبعاً احتمال ظبط الوحدة بتاعت العربية على الكمبيوتر لآن دى بتفرق كتير جداً فى تغيير سحب العربية على كل نقلة

المهم روح التوكيل وقولهم على مشكلة سحب العربية مع تعدد الغيارات ..و هما هايعملوا الازم ان شاء الله .

وربنا معاك

[tgaber]

اشكرك جدا
انا ديما باستفيد من ردودك
العربية مانيوال و انا ياستعمل 92 من شيل, سؤال اخير تعرف حد فى التوكيل
و شكرا على ذؤك

[SEATLOVER]

شوف الخاص بتاعك يا tgaber
وان شاء الله خير

[fahd_628]

طيب انت لما بتسحب بيها و تشوف بتجيب من 0-100 فى قد اية بتجيب ال Rpm على 6 او 6,5 ولا لأ ؟

لو مش كدة يبقى فية حاجة غلط طبعا

[mohamed ibiza]

كده السحب تعبان جدا هي القرطبة اصلا بتاخد من 0-100 في 13 ثانية تفريبا حطلها بنزين 95 كده و شوف لو السحب اتظبط يبقي عيب بنزين لو متظبطش روح التوكيل









Ibiiiiiiiiiiiiiiiiiiiiiiiiiiiiiiiizzzzzzzzzzzzzzzz zzzzzaaaaaaaaaaaaaaaaaaaa For Ever