Tweet
السلام عليكم ورحمة الله وبركاته
اولا انا معايا ابيزا 94 كانت بتعمل حاجات كتير دبدبه خلفيه ودبدبه امايه قويه مع اى مطب حتى ولو كان صغير وماشى على ااقل من السلانسيه
وكنت بسمع اصوات دربكه تحت كرسى السواق
المهم علشان مطولش عليكو انا سئلت فى المنتدى على عفشجى كويس فى جسر السويس وناس كتير قالت محمد عفشه الى فى حلمية الزيتون
فعلا روحتلو امبارح السبت روحت حوالى 11 وكنت تالت عربيه موجوده رفع العربيه وبص بصه سريعه وقال اشترى جلبتين مقص روحت عند الصفا الى قبل التجنيد وجبتهم عملو 80 جنيه ورجعت لقيت الشارع شبه مسدود بسبب العربيات الى محمد بيشتغل فيها !!! ما علينا
فى صنيعى اسمو ممدوح هناك هوا الى اشتغل في عربيتى غير الكوتشتين بتوع الكبالن وركب صدمتين وركب كوتشتين لرفع المساعدين وطبعا نضف كل حاجه مقص ومساعدين وشحمهم وفعلا حسيت بفرق كبير جدا بس فى حاجه >> لما جيت احاسبو طلب منى بعد ما قعد يحسب كده ((220 جنيه )) متهيئلى انو غالى شويه او ممكن الكام كاتوشه الى جابهم سعرهم عالى او الصدامتين مش عارف
المهم قالى اروح عند رفيق بتاع الزوايه الى عند ااخر سور المستشفى العسكرى مش عارف اقول ايه حاجه بجد جامده جدا انا اول مره اشوف ظبط زوايه كده كان فى واحد ابن ــــــ روحت ظبط عندو قبل كده قالى هعملك 3 زراجين هيكلفو 150 جنيه مقتنعتش بكلامه وفعلا طلعت مش محتاجه زراجين ورفيق ده ظبط الزوايه زى الفل وكمان بيظبط العوا وبيعدل الطاره وبياخد 25 جنيه فى العربيه مهما طولت معاه وبيطلع الزوايه من عندو ملهاش حل وكمان معاك ضمان اسبوع
هيا ديه الحكايه ومعلش طولت عليكو وربنا يستر طريقى وطريقكم
اولا انا معايا ابيزا 94 كانت بتعمل حاجات كتير دبدبه خلفيه ودبدبه امايه قويه مع اى مطب حتى ولو كان صغير وماشى على ااقل من السلانسيه
وكنت بسمع اصوات دربكه تحت كرسى السواق
المهم علشان مطولش عليكو انا سئلت فى المنتدى على عفشجى كويس فى جسر السويس وناس كتير قالت محمد عفشه الى فى حلمية الزيتون
فعلا روحتلو امبارح السبت روحت حوالى 11 وكنت تالت عربيه موجوده رفع العربيه وبص بصه سريعه وقال اشترى جلبتين مقص روحت عند الصفا الى قبل التجنيد وجبتهم عملو 80 جنيه ورجعت لقيت الشارع شبه مسدود بسبب العربيات الى محمد بيشتغل فيها !!! ما علينا
فى صنيعى اسمو ممدوح هناك هوا الى اشتغل في عربيتى غير الكوتشتين بتوع الكبالن وركب صدمتين وركب كوتشتين لرفع المساعدين وطبعا نضف كل حاجه مقص ومساعدين وشحمهم وفعلا حسيت بفرق كبير جدا بس فى حاجه >> لما جيت احاسبو طلب منى بعد ما قعد يحسب كده ((220 جنيه )) متهيئلى انو غالى شويه او ممكن الكام كاتوشه الى جابهم سعرهم عالى او الصدامتين مش عارف
المهم قالى اروح عند رفيق بتاع الزوايه الى عند ااخر سور المستشفى العسكرى مش عارف اقول ايه حاجه بجد جامده جدا انا اول مره اشوف ظبط زوايه كده كان فى واحد ابن ــــــ روحت ظبط عندو قبل كده قالى هعملك 3 زراجين هيكلفو 150 جنيه مقتنعتش بكلامه وفعلا طلعت مش محتاجه زراجين ورفيق ده ظبط الزوايه زى الفل وكمان بيظبط العوا وبيعدل الطاره وبياخد 25 جنيه فى العربيه مهما طولت معاه وبيطلع الزوايه من عندو ملهاش حل وكمان معاك ضمان اسبوع
هيا ديه الحكايه ومعلش طولت عليكو وربنا يستر طريقى وطريقكم
Comment