سؤال لخبراء الابيزا

[Mahmoud.Fathy]

يا شباب .... قدامى ابيزا 2000 حالتها ممتازة موتور 1400 اصلي ..... كاملة ايه رايكو فالموديل دا انا خايف لانه مش منتشر اوى وخايف من الصيانة وقطع الغيار.... ارجو رد خبراء الابيزا بسرعة

[meeg]

فى الغالب الماتور ده نفس اللى عندى اللى هو aex
وده قطع غياره موجوده وحتى لو مش هوه قطع غيار الابيزا يجميع محركتها متوفره كلها بالحرفيين
وبرضوه فى خبراء هتفيدك انا رديت على قد معلوماتى
وربنا يوفقك

[ehab_mansour]

مين قال لحضرتك ان الموتور ده هو الأصلي
انا مبحبش أشكك في كلام حد ولكن توخي الحذر علي الأقل تبقي عارف انه متسقط ولا فعلا أصلي ودي مش ممكن تتأكد منها غير من ملف المرور
غير كده لاتقلق من قطع غيار ولا غيره هي غالية شوية ولكن بتركبها وتنساها يعني ممكن تركب العربية سنتين من غير صيانة غير المستهلكات فقط

[Mahmoud.Fathy]

طب لو الموتور طلع متسقط ايه الضرر منه ؟؟؟؟؟

[ehab_mansour]

طب لو الموتور طلع متسقط ايه الضرر منه ؟؟؟؟؟

القصة مش انه فيه ضرر او لأ اهم شيء اني ابقي عارف ايه اللي في العربية قبل ما اشتريها عشان اكون علي نور ومرجعش أكره العربية لما حد يطلعلي فيها القطط الفطسانه بعد الشراء دي أولا
ثانيا مشاكل التسقيط كتيييييييييير جدا محتاجه فقط صنايعي عنده ضمير يسقط ويقفل صح و أقدر أقلك اني ملقيتش حد كده حتي الأن كله بيمسك العربية يفككها وبعدين لما ييجي يقفل يربط أي حاجه بأي حاجه وفيه ناس عندها ضمير شوية لكن الله أعلم اللي كان مسقط موتورك ده ايه نظامه ؟

وطبعا تقفيل الفبريكة صعب بل مستحيل تلاقي حد يقفله تاني والعربيات الألماني حساسة لأي لعب في الكهرباء و الحساسات والكنترول فلو اتسقطلها موتور ومش متقفلة صح هتكرهك في حياتك وفي الألماني كله

انا بنصحك لله والله وخايف عليك تقع في حاجه مقرفة ويكون ليها خبايا ومشاكل تقرفك بعد الشراء

والله الموفق

[Mahmoud.Fathy]

هو انا اتاكدت من صاحب العربية ان الموتور مش متسقط وان العربية فابريكة ومتغيرش فيها اى حاجة غير حاجات الصيانة الدورية .... انما موتور اصلي بتاع العربية وتكييف اصلي والعربية بس رشة من برة نظافة ..... حد يقدر يقولى ازاى اقدر اتاكد ان دا الموتور الاصلي .... بس بطريقة بسيطة لانى مش عندي خبرة فالابيزا ودا اول تعامل ليا مع العربيات

[ehab_mansour]

بسيطة جدا تاخد صاحبها بعد متتفق فيها وتشترط عليه انك فقط عايزتتأكد انه الموتور الأصلي وتروح علي المرور وتكشف علي ملفها ولو متغير الموتور هيبان من الملف وبس

[Mahmoud.Fathy]

مفيش طريقة وانا واقف معاه قدام العربية مثلا او حاجة مكتوبة على الموتور او رقم او حاجة شبه كده ...... والمفروض يا جماعه يكون متوسط سعرها كام ؟؟؟؟؟

[eemmoo]

متوسط سعرها فى حدود 40000 لو حالتها نضيفه

[behman]

مفيش طريقة وانا واقف معاه قدام العربية مثلا او حاجة مكتوبة على الموتور او رقم او حاجة شبه كده ...... والمفروض يا جماعه يكون متوسط سعرها كام ؟؟؟؟؟

وانت واقف معاه دي صعبه شويه
ممكن من الملف بتاع المرور زي ما ايهاب قالك
او ممكن من رقم الشاسيه
و هي لو 1400 اصلي او متسقط ... لو حالتها حلوه اتوكل علي الله هاتها
و 1400 اصلي في ابيزا 2000 لو مافيهاش مصاريف و فابريقه بالكامل تعمل رينج 45 في رأيي