مشكلة غريبة

[ahmedtunning]

السلام عليكوم يا ابيزاويه
انا عندي مشكله غريبة اوووووووووي العربية بتعمل كالاتي
اول ماكبس علي دوسة البنزين الاقي الار بي ام عالي و نازل و بعد كده ياعلي تاني
وعلي كده علي كل الغيارات
والعربية تجيب 160 اخرها وسحبها بقي بطئ اووووووي
عاملتلها سيرفس كامل سير كاتينه بوجيهات فلتر بنزين و برده نفس الكلام
انا شاكك في الاير ماس
او في الكهرباء عموما
وصحيح المياه بتنقص بس بمقدار قوليل اوي و الزيت مابينقصش والمتور سليم 100 % بس مش عارف العيب في ايه

[behman]

الموتور اللي فيها ايه ؟؟

[ahmedtunning]

ady 2000 cc

[ehab_mansour]

ياريت تجيب علي الأسئلة دي وبعدين ربنا يسهلها
1- هل العربية أسبراتير الكتروني ولا (شاكوش و وش أسبراتير)
2- هل بتغسل المحرك بالماء ولا بتنظفه ازاي
3- أخرمرة غيرت فيها سلوك بوجيهات امتا و أطرافها حالتها ايه
4-العربية فيها بوابة انجيكشن ولا هاف انجيكشن ولا ايه نظامها ؟
5- غيرت فلتر الهواء ولا لأ واخر مرة امتا

منتظر ردك

[ahmedtunning]

ياريت تجيب علي الأسئلة دي وبعدين ربنا يسهلها
1- هل العربية أسبراتير الكتروني ولا (شاكوش و وش أسبراتير)
2- هل بتغسل المحرك بالماء ولا بتنظفه ازاي
3- أخرمرة غيرت فيها سلوك بوجيهات امتا و أطرافها حالتها ايه
4-العربية فيها بوابة انجيكشن ولا هاف انجيكشن ولا ايه نظامها ؟
5- غيرت فلتر الهواء ولا لأ واخر مرة امتا

منتظر ردك

1- هي موبينه بس الحقيق انا مش فاهم قصد حضرتك
2- الموتور بيتغسل بجاز بس وكل فتره طويله (3 شهور )
3 - السلوك ماغيرتهاش بس البوجيهات هي اللي غيرتها
4- العربيه فول انجيكشن بوابة.
5- فلتر الهواء محتاج يتغير.

كمان ريحة العادم مش حلوه خالص يعني ماكنش فيه ريحه للعادم خالص و مره واحد بقت ملحوظه

[ehab_mansour]

السلام عليكم ورحمة الله وبركاته

1- غير فلتر الهواء ضروري جدا وبعدين كمل التالي لأن تخيل بني أدم تنفسه مكتوم هيقدر ييجري هكذا الفلتر بالنسبة لمحرك السيارة

2- دي صورة واضح فيها الأسبراتير وكمان وهو متفكك وكيفية فكه ومكانه فين وعلي فكرة عربيتي القديمة ابيزا 98 كان فيها ده بالضبط وحاليا الكوردوبا فيها زيه مع اختلاف الحجم وال cover اللي عليه و أعتقد ان فولكس كانت بتستخدم التقنية دي في توزيع شرارة الكهرباء للبوجيهات حتي 2002 فمحتمل تلاقيها عندك كده


Uploaded with ImageShack.us

لوطلع ده موجود عندك يبقي من غير تفاهم تشتري شاكوش ووش أسبراتير جديد وليس استيراد او تخلي كهربائي يكشفلك عليهم لو متأكلين يبقي تغيرهم وهتحس بفرق كبييييييييييييير جدا ان شاء الله

3- اكشف علي أطراف سلوك البوجيهات من ناحية البوجيهات ومن ناحية الأسبراتير لو لقيت أطرافها مملحة يبقي نظفها ب wd40 وبعيدها المفروض تغيرها ولكن التنظيف مؤقتا لحد ما تتغير
4- فك عمة الهواء اللي جواها الفلتر هتشوف بوابة الانجيكشن شوفها نظيفة ولا لأ و أكيد هتلاقيها مش نظيفة هتشتري منظف جاف (منظف كابيراتير) وتفكها وتنظفها جيدا وبعديها هتلاقي السلانسيه بتاع العربية عالي شوية لفترة حوالي اسبوعين وهيتظبط لوحده

وعشان تكون عارف الحاجات دي كلها صيانات دورية عادية يعني انت حتي الأن مدخلتش في حاجه شاذة او مبتتغيرش كل فترة يعني كده كده المفروض تتغير كل فترة

وربنا يوفقك و الجميع لما يحبه ويرضاه

[ahmedtunning]

الف شكر يا هندسة
هجرب و اقولكوا النتيجة

[tarekomar66]

بالتوفيق ان شاء الله ومنتظرين تقريرك بفارغ الصبر

[SYD]

الله ينور يا مهندس ايهاب
بالنسبة للأخ احمد تيونج اسمع كلام الباشمهندس وانت مغمض وعن تجربة
الراجل دة الله اكبر كلامة بنسبة 99% بيطلع دائما صح بفضل الله

والله المستعان
،
،

[ehab_mansour]

بالتوفيق ان شاء الله ومنتظرينك

[ahmedtunning]

انا يهمني ال 1% كمان هههههههههههههه
بجد انا مش عارف اشكركوا ازاي و باذن الله اجرب واقولكوا النتيجة باذن الله

[ahmedtunning]

وشكر خااااااااااااااااص للمهندس ايهاب منصور

[behman]

السلام عليكم ورحمة الله وبركاته

1- غير فلتر الهواء ضروري جدا وبعدين كمل التالي لأن تخيل بني أدم تنفسه مكتوم هيقدر ييجري هكذا الفلتر بالنسبة لمحرك السيارة

2- دي صورة واضح فيها الأسبراتير وكمان وهو متفكك وكيفية فكه ومكانه فين وعلي فكرة عربيتي القديمة ابيزا 98 كان فيها ده بالضبط وحاليا الكوردوبا فيها زيه مع اختلاف الحجم وال cover اللي عليه و أعتقد ان فولكس كانت بتستخدم التقنية دي في توزيع شرارة الكهرباء للبوجيهات حتي 2002 فمحتمل تلاقيها عندك كده

اضغط هنا لتصغير الصورة.

Uploaded with imageshack.us

لوطلع ده موجود عندك يبقي من غير تفاهم تشتري شاكوش ووش أسبراتير جديد وليس استيراد او تخلي كهربائي يكشفلك عليهم لو متأكلين يبقي تغيرهم وهتحس بفرق كبييييييييييييير جدا ان شاء الله

3- اكشف علي أطراف سلوك البوجيهات من ناحية البوجيهات ومن ناحية الأسبراتير لو لقيت أطرافها مملحة يبقي نظفها ب wd40 وبعيدها المفروض تغيرها ولكن التنظيف مؤقتا لحد ما تتغير
4- فك عمة الهواء اللي جواها الفلتر هتشوف بوابة الانجيكشن شوفها نظيفة ولا لأ و أكيد هتلاقيها مش نظيفة هتشتري منظف جاف (منظف كابيراتير) وتفكها وتنظفها جيدا وبعديها هتلاقي السلانسيه بتاع العربية عالي شوية لفترة حوالي اسبوعين وهيتظبط لوحده

وعشان تكون عارف الحاجات دي كلها صيانات دورية عادية يعني انت حتي الأن مدخلتش في حاجه شاذة او مبتتغيرش كل فترة يعني كده كده المفروض تتغير كل فترة

وربنا يوفقك و الجميع لما يحبه ويرضاه

ربنا يكرمك و يزيدك يا هندسه
كلام سليم 100 ال 100

[ashoub]

سؤال يابشمهندس ايهاب
عندى الاسبراتير اطرافه بتبقى مجنزره بحاول انضفه بمفك طبعا شويه وبيجنزر تانى هل فى علاج للموضوع ده

[ggaamm]

ألف سلامة على عربيتك ياحج
ايه الأخبار دلوقتى ؟؟