كبس البارات

[SYD]

السلام عليكم ورحمة الله وبركاته
امبارح غيرت جلب المقصات والحمد لله
طبعا مش عارف اقول انطباعي او اي تفاصيل لسببين
1- لسة ماظبطش زوايا
2- ودة الأهم اني لقيت تزييق جامد جدا في المطبات وفي الطوالي ووانا واقف اساسا وبكسر الدريكسيون

الي حصل امبارح كان كالتالي
1- فك المقص وطلعه بره
2- فك البارات الي ماسكه في المقص وفي فنهايتها بيض
3- بعت البارات تتكبس علي المكبس

انا لحد دلوقتي مش فاهم يعني ايه يكبس البارات
المهم لما رجعتله تاني النهاردة فك البارات وفك البيض وفضل يدق عليهم بالشاكوش وقالي بريحلك البارات
وكمان قالي امشي بيها يومين كدة وتعالالي تاني نشوف حصل ايه

انا عايز افهم امشي عليهم يومين بأفتري؟ يعني افضل اخد مطبات عشان اريح البارات؟؟ ولا امشي زي البني أدمين واريح العربية في المطبات؟؟؟

ارجو الأفادة في كل السيناريو الي حصل من امبارح دة

والله المستعان
،
،

[Ahmed Mubarak]

السلام عليكم

اعتقد انه بعت المقصين والجلب علشان يكبسهم ومش البارات دى معلوماتى لما غيرت جلب المقصات قبل كدة وكانت الخطوات كالاتى

فك المقصين
شراء عدد 2 جلبة
كبس الجلبتين فى المقصات
التركيب
ظبط الزوايا

بصراحة مجربتش كبس البارات بس انتظر ردود باقى الاعضاء

[SYD]

والله انا مش عارف لأني كنت بصلي الجمعة ساعتها
ولما رجعت لقيته خلاص كبس الجلب في المقصين وكمان البارات رجعت من المكبس

والنهاردة لما دق علي البارات بالمطرقة فعلا التزييقة صوتها راح بنسبة 75%

وقالي امشي عليها شوية عشان تريح
فيبدو انه فعلا كبس البارات وبيقولي السبب ان في بارة اتكبست اكتر من التانية

في انتظار الردود

والله المستعان
،
،

[ehab_mansour]

كبس الجلب في مكانها بالمقص ده شيء طبيعي عشان تتركب مكانها

الشيء الغير طبيعي هو كبس بيض الطرف الخاص بالتوجيه (بارات التوجيه الخارجية)لأن ده شغلانه قديمة كانت بتتعمل في العربيات القديمة بدلا من تركيب جوز جداد ترشيدا للمصاريف

ثمن جوز بيض الطرف هو 100 جنيه جداد تركي وركبتهم في الابيزا اللي بعتها وكانو شغالين زي الفل ولا توجد منهم اي مشكلة
بعد تركيبهم بتلاقي التوجيه رخم شوية(وبيتهيئلي انت عندك باور لذلك مش هتحس أبدا بتغييرهم ) ولكن بعد اسبوع بتبقي أخر حلاوة وبيعملو فرق جامد جدا

أنصحك تروح تخليه يخلعلك الاتنين اللي كبسهم وتكون شاريله اتنين جداد يركبهم مكانهم وريح دماغك او تخليه يخلعهم تاخدهم تشتري اتنين زيهم الضبط عشان ميفتيش بياع قطع الغيار ويديك حاجه مش بتاعتك

[eemmoo]

انا لسه مغير الاربع جلب بتوع المقصات الاسبوع اللى فات واشترتهم بـ 100 جنيه بس صينى طبعا وهو فعلا فك المقصات وراح كبسهم بس للاسف دلوقتى حاسس ان العربيه بتلق فى الطلعه ومش عارف بقى ده عيب الجلب ولا عيب قاعده الموتور مع ان الجلب القديمه وهى كانت الاصليه بتاعتها مكنتش بتعمل معايا كده اللى قالى عليها بايظه ولازم تتغير

منهم لله الصنايعيه دول

[pepsi007]

عشان اريح البارات اخرب باقي العفشه يعم بالراحه

[SYD]

شكرا يا جماعة علي الردود
دلوقتي الحمد لله العربية استريحت كتير عن اول امبارح ورجعت تاني الله اكبر عليها زي الحرير
انا اصلا مش عارف انا ليه غيرت جلب المقص او كبست البارات
العربية من الاساس كانت ناعمة زي الحرير في المطبات والمشي الطوالي

يالا اهو هنعتبره سيرفيس وارتحنا منه

بجد متشكر يا جماعة

والله المستعان
،
،

[behman]

شكرا يا جماعة علي الردود
دلوقتي الحمد لله العربية استريحت كتير عن اول امبارح ورجعت تاني الله اكبر عليها زي الحرير
انا اصلا مش عارف انا ليه غيرت جلب المقص او كبست البارات
العربية من الاساس كانت ناعمة زي الحرير في المطبات والمشي الطوالي

يالا اهو هنعتبره سيرفيس وارتحنا منه

بجد متشكر يا جماعة

والله المستعان
،
،

مبروك يا معلم
بس انا برضو اول مره اسمع عن كبس البارات ده
الجلب لاوم تنزل في المقص كبس ... عن طريق مكبس هايدروليك ب 10 جنيه في الحرفيين
و الموضوع ده بيتعمل في 10 ثواني
بس كبس البارات دي مش فاهمها

[SYD]

والله يا جماعة انا زعلان جدا علي الي حصل دة وندمان اني غيرت جلب المقصات

المفاجأة انه باين كدة من الدق علي البارات ان في اويل سيل ضرب في علبة الدريكسيون
النهاردة لقيت زيت الباور كله في الأرض ولما حطيت زيت تاني بردو لقيته في الأرض

ولما روحت للميكانيكي بتاعي قالي العلبة عايزة حشو

ارجو الأفادة

والله المستعان
،
،

[ehab_mansour]

والله يا جماعة انا زعلان جدا علي الي حصل دة وندمان اني غيرت جلب المقصات

المفاجأة انه باين كدة من الدق علي البارات ان في اويل سيل ضرب في علبة الدريكسيون
النهاردة لقيت زيت الباور كله في الأرض ولما حطيت زيت تاني بردو لقيته في الأرض

ولما روحت للميكانيكي بتاعي قالي العلبة عايزة حشو

ارجو الأفادة

والله المستعان
،
،

الله المستعان
ده عيب الصنايعية اللي مبيفهموش هما بيعملو ايه ومفكرين الدنيا كلها دق وبس يا أفندم انا لما بتفرج علي شغل اوروبا بلاقيهم كل حاجه في العربية ليها عدة معينة tools خاصة بيها عشان تتفك بيها وعمري ملقيت حد بيفك دق ولا خبط زي مبيحصل هنا
أراهنك لو رحت لأي واحد من اللي شغالين في مصر ولقيت حتي 10 % من العدة اللي المفروض تكون موجودة

علي العموم ربنا معاك انا متعرضتش قبل كده لقصة الحشو دي وربنا يستر ومتحتجش حاجه تتغير

[hugan]

كبس الجلب في مكانها بالمقص ده شيء طبيعي عشان تتركب مكانها

الشيء الغير طبيعي هو كبس بيض الطرف الخاص بالتوجيه (بارات التوجيه الخارجية)لأن ده شغلانه قديمة كانت بتتعمل في العربيات القديمة بدلا من تركيب جوز جداد ترشيدا للمصاريف

ثمن جوز بيض الطرف هو 100 جنيه جداد تركي وركبتهم في الابيزا اللي بعتها وكانو شغالين زي الفل ولا توجد منهم اي مشكلة
بعد تركيبهم بتلاقي التوجيه رخم شوية(وبيتهيئلي انت عندك باور لذلك مش هتحس أبدا بتغييرهم ) ولكن بعد اسبوع بتبقي أخر حلاوة وبيعملو فرق جامد جدا

أنصحك تروح تخليه يخلعلك الاتنين اللي كبسهم وتكون شاريله اتنين جداد يركبهم مكانهم وريح دماغك او تخليه يخلعهم تاخدهم تشتري اتنين زيهم الضبط عشان ميفتيش بياع قطع الغيار ويديك حاجه مش بتاعتك

+111111111111
كبس البارات موضوع قديم جدا وهو موضوع مؤ قت لا يتعدي الشهرين و وكله يرجع علي قديمه تاني
مفيش حد بقي بيكبس الان الكل بيغير البار علي طول

[SYD]

+111111111111
كبس البارات موضوع قديم جدا وهو موضوع مؤ قت لا يتعدي الشهرين و وكله يرجع علي قديمه تاني
مفيش حد بقي بيكبس الان الكل بيغير البار علي طول

والله ماطلبت منه كبس البارات لأني اصلا ماعرفش انه بيتكبس
هو من نفسه الي خلعه وقالي هكبسه
انا افتكرتها حاجة حلوة وهتفيدني

والله المستعان
،
،

[SYD]

الله المستعان
ده عيب الصنايعية اللي مبيفهموش هما بيعملو ايه ومفكرين الدنيا كلها دق وبس يا أفندم انا لما بتفرج علي شغل اوروبا بلاقيهم كل حاجه في العربية ليها عدة معينة tools خاصة بيها عشان تتفك بيها وعمري ملقيت حد بيفك دق ولا خبط زي مبيحصل هنا
أراهنك لو رحت لأي واحد من اللي شغالين في مصر ولقيت حتي 10 % من العدة اللي المفروض تكون موجودة

علي العموم ربنا معاك انا متعرضتش قبل كده لقصة الحشو دي وربنا يستر ومتحتجش حاجه تتغير

والله يا باشمهندس عشان ما اظلمش الصنايعي انا شاكك كمان في حاجة تانية
انا من ساعة الثورة والحالة الأمنية الجميلة وانا بركن العربية وبكسر الدريكسيون ناحية الرصيف للأخر وبسوجر الدريكسيون
تفتكر كسر العجل أخر حاجة بيأثر مع الوقت علي علبة الدريكسيون ؟؟؟؟؟

الي خلاني اشك في كدة حااجة مهمة جدا
لما جابت زيت كان من ناحية العجل الي بيبقي ناحية برة والمرة دي بالزات كانت راكن عكس

هوضحلك

انا بيتي لو انت واقف هيبقي علي يمينك وبالتالي العربية راكنة تحت البيت وعلي يمينها البيت والعجل مكسور كله ناحية اليمين يعني الفردة الشمال كلها داخلة لجوة
واليوم الي حصل فيه تسريب الزيت كنت راكن علي الرصيف التاني المقابل، يعني كنت راكن وكاسر العجل كله شمال يعني الفردة الشمال المرة دي كلها طالعة لبرة

والتسريب تم من ناحية البارة الشمال، حتي الكاوتشة بتاعتها كانت كلها زيت

تفتكر يا باشمهندس كسر العجل باستمرار لفترة طويلة بيأثر علي علبة الدريكسيون

والله المستعان
،
،

[hugan]

في كتيب المانوال بتاع العربيه
عند الركن لفتره يعني 10 ساعات مثلا يجب جعل العجل في وضعيه مستقيمه
وكذلك عدم ركن العربيه علي مرتفع بمعني ان العربيه تكون مايله

[ehab_mansour]

والله يا باشمهندس عشان ما اظلمش الصنايعي انا شاكك كمان في حاجة تانية
انا من ساعة الثورة والحالة الأمنية الجميلة وانا بركن العربية وبكسر الدريكسيون ناحية الرصيف للأخر وبسوجر الدريكسيون
تفتكر كسر العجل أخر حاجة بيأثر مع الوقت علي علبة الدريكسيون ؟؟؟؟؟

الي خلاني اشك في كدة حااجة مهمة جدا
لما جابت زيت كان من ناحية العجل الي بيبقي ناحية برة والمرة دي بالزات كانت راكن عكس

هوضحلك

انا بيتي لو انت واقف هيبقي علي يمينك وبالتالي العربية راكنة تحت البيت وعلي يمينها البيت والعجل مكسور كله ناحية اليمين يعني الفردة الشمال كلها داخلة لجوة
واليوم الي حصل فيه تسريب الزيت كنت راكن علي الرصيف التاني المقابل، يعني كنت راكن وكاسر العجل كله شمال يعني الفردة الشمال المرة دي كلها طالعة لبرة

والتسريب تم من ناحية البارة الشمال، حتي الكاوتشة بتاعتها كانت كلها زيت

تفتكر يا باشمهندس كسر العجل باستمرار لفترة طويلة بيأثر علي علبة الدريكسيون

والله المستعان
،
،

انا فهمك و أعتقد بتعمل مشكلة زي ما الأخ هوجان أقلك انه كتيب الصيانة لا ينصح بده وانا من يوم مركبت عربيات وانا لازم لما أركن اي وقت حتي ولو 5 دقايق لازم العجل يكون عدل ولو مش عدل لازم أفتح و أعدله تاني .....
ولكن كسر العجل ممكن يوصل لمشكلتك دي ولا لأ مش عارف