موضوع للمناقشة حول فترات تغيير الزيوت

[egman]

السلام عليكم ورحمة الله وبركاته

انا كنت عايز نفتح موضوع الكل يتكلم فيه عن فترات تغيير الزيوت لاهميه الموضوع ولانى شوفت فى اماكن كتير ناس بتتكلم عن ضرورة تغيير الزيوت وناس تانية تقول مش بالضرورة تغيير الزيوت فقلت نفتح باب المناقشة واذا سمحتم لى ابدا بيه :

1. انا مع تغيير الزيوت على حسب ما هو مدون على عبوه الزيت بمعنى انا بحط زيت 5000 يبقى اقعد بيه 5000 .
   
   
2. انا مع تغيير الفلتر مع غيار زيت وهذا لانا الفلتر هو مستودع للرواسب فعدم تغييره مع غيار الزيت هينقل كل الرواسب الى الزيت الجديد .
   
   
3. لكن السؤال هنا هل فى حالة الحر الشديد مثل ما نمر به فى الصيف هل يجب التقليل فى الفترة يعنى مثلا الزيت الى بيقعد 5000 نغيره على 4000 ولا برده عادى نكمل لحد 5000 ؟
   
   
4. ارجو من احد الخبراء ان يسرد لنا وظائف زيوت المحرك ؟
   
   
5. هل فى فترات الصيف والحرارة العالية يكون الزيت معرض للتبخر اسرع من الشتاء ؟
   
   
6. هل الزيت عند بلوغه حد الكيلو مترات الموصي به يبدأ بالفعل فى فقدان خواصه للحفاظ على الموتور ويقل مستواه على مقياس الزيت ؟
   
   
7. هل للزيت تأثير قوى على مؤشر حرارة العربية فى حالة فقد خواصه او وصوله لحد التغيير المدون على عبوته ؟

تحياتى للجميع ،،،،

[alzelafy]

موضوع ممتاز جدا و نرجو المشاركه من الجميع انا مغير زيت و ماشى عليه 15000 خمسه عشر الف كيلو بدون مشاكل و الراجل بتاع الزيت بيقولى لسه فيه لزوجه و الزيت كويس و لما قلتله انى مشيت خمسه عشر الف كيلو الراجل قالى انتا مجنون لازم يتغير طبعا هو حافظ مش فاهم طبعا انا قريت موضوع تغيير الزيوت هنا فى المنتدى و مثتنع بيه جدا و التجربه العمليه بتقول ان الكلام دة صح بدليل انى ماشى المسافه دى و الموتور تمام الزيت كان 3000 كيلو و نوع عادى متداول فى السوق مش هقول اسمو عشان محدش يقول انى بعمل دعايه و كان ب 70 جنيه المهم انو يكون api 20-50w متعدد الدرجات هو دة اللى تدورو عليه و سيبك من النوع ابو 70 زى 100 زى 120 الفرق فى الدعايه بس اللى بيتحمل سعرها على الناس و دليل اخر انهم مبيكتبوش عدد الكيلوات على العبوة بيعتمدو على الكلام فقط يقولك دة 1000 و دة 5000 و دة 3000http://www.nilemotors.net/Nile/228099-a.html

[graffittiii]

هل للزيت تأثير قوى على مؤشر حرارة العربية فى حالة فقد خواصه او وصوله لحد التغيير المدون على عبوته ؟

أنا أعتقادي الشخصي أن الزيت ليس له علاقة بالتبريد ... التبريد له دورة بتتحكم فيه ...أعتقد الزيت لتسهيل الأحتكاك مش أكتر

[egman]

تحياتى الخاصة لكم جميعا وارجو المشاركة من الجميع لكى نستفيد لمن له تجربة فى هذا الموضوع .

اما بخصوص الزيت بيقلل درجة الحرارة فزيت الموتور بيعمل على تخفيض حرارته 75 او 80 %