ممكن أعرف الحاجات ده تتغير كل قد اية

[egman]

السلام عليكم ورحمة الله وبركاته

انا عايز اعرف اغير الحاجات ده كل كام كليو :

1. فلتر بنزين
   
2. فلتر هواء
   
3. سير دينامو
   
4. سير كاتينة
   
5. بلية شداد كاتينة
   
6. بوجيهات
   
7. سلك الدبرياج
   
8. تيل الفرامل الامامي والخلفي .
   

حد يعرف قواعد الموتور التلاته يعملوا كام وفين احسن مكان بيبع وجديد ولا استيراد احسن واعرف منين فى حالة الاستيراد انهم تمام وكويسين ؟

[ehab_mansour]

السلام عليكم ورحمة الله وبركاته

انا عايز اعرف اغير الحاجات ده كل كام كليو :

1. فلتر بنزين كل 20 الي 30 الف كيلو
   
2. فلتر هواء زي فلتر البنزين
   
3. سير دينامو مع سير الكاتينة
   
4. سير كاتينة كل 50 الف كيلو
   
5. بلية شداد كاتينة المفروض مع سير الكاتينة لكن ممكن تكشف عليها ولو كويسة متغيرهاش
   
6. بوجيهات كل 20 الي 30 الف كيلو
   
7. سلك الدبرياج لما يحصل فيه مشكلة او يبقي تقيل او يتأكل
   
8. تيل الفرامل الامامي والخلفي . أمامي كل 20 الي 30 الف وخلفي بصراحة بيغيب قوي لكن كل متلاقي فرامل اليد خفت ومش كويسة تكشف عليها و تغيرها لو محتاجه
   

حد يعرف قواعد الموتور التلاته يعملوا كام وفين احسن مكان بيبع وجديد ولا استيراد احسن واعرف منين فى حالة الاستيراد انهم تمام وكويسين ؟

قواعد الموتور تشتريها جديد أفضل لأنها مستهلكة ومتنفعش استيراد و عربيتك اللي بتتهري فيها هي القاعدة الأمامية دايما ودي كنت مغيرها ألماني ب 150 جنيه
طبعا اللي ذكرته ده من خلال التجربة و كاتالوجات الصيانة ويمكن أكون مزود شوية ولكن الصح تعمل السيرفس في ميعاده حتي ولو معندكش مشكلة دي وجهة نظري الشخصية

[egman]

انا الحمد لله بعمل الصيانات فى مواعيدها بس كنت عايز اعرف الحاجات ده تحديدا غير الزيت بتتغير كل قد اية ...

وفين لقيت القواعد المانى الصنع وفعلا المانى ولا بتطلع صينى فى الاخر وجبتها من عند مين ؟

[ehab_mansour]

انا الحمد لله بعمل الصيانات فى مواعيدها بس كنت عايز اعرف الحاجات ده تحديدا غير الزيت بتتغير كل قد اية ...

وفين لقيت القواعد المانى الصنع وفعلا المانى ولا بتطلع صينى فى الاخر وجبتها من عند مين ؟

شوف انا أشك انها الماني بس هو حلف انها ألماني و كانت تصنيع شركة بتقول كده لكن انا قلبي وعقلي بيقول انها صيني وده كان من المنصورة من فترة في عربيتي الابيزا اللي فاتت

[SYD]

السلام عليكم ورحمة الله وبركاته

انا عايز اعرف اغير الحاجات ده كل كام كليو :

1. فلتر بنزين الكتالوج بيقول كل 60,000 لكن لظروف البنزين بتاعنا بيبقي كل 30,000
2. فلتر هواء الكتالوج بيقول كل 60,000 لكن لظروف الجو بتاعنا بيبقي كل 30,000
   
3. سير دينامو كل 50,000 ويستحسن لو كل 40,000
   
4. سير كاتينة كل 50,000 ويستحسن لو كل 40,000
   
5. بلية شداد كاتينة مع سير الكاتينة
   
6. بوجيهات الكتالوج بيقول كل 30,000 (بس مش محدد 3 شمعة ولا 1 شمعة بس بتوع قطع الغيار بيقولوا 3 شمعة)
   
7. سلك الدبرياج حسب الحالة بس يستحسن تغيره كل فترة ولتكن 30,000
   
8. تيل الفرامل الامامي والخلفي . الكتالوج بيقول اكشف علي التيل الأمامي كل 15,000 والتيل الخلفي اكشف عليه بصورة دورية كل 12 شهر
   

حد يعرف قواعد الموتور التلاته يعملوا كام وفين احسن مكان بيبع وجديد ولا استيراد احسن واعرف منين فى حالة الاستيراد انهم تمام وكويسين ؟

الصراحة انا ماغيرتهمش
بس لو علي كلام المهندس ايهاب انه شاكك انهم صيني يبقي الاستيراد احسن وتبقي مفكوكة قدام عينيك من العربية، يعني ضامن انهم اصلي بتوع بلادها
ومعروف في الاستيراد انك بتشتري وتتفق معاه انك هتوريها للميكانيكي ولو مش حلوة هتغيرها
انا شخصيا غيرت طرمبتين باور قبل كدة و3 طرمبات هوا للسنتر لحد لما اخد الحاجة النمرة 1
وزي مابيقولوا الي اوله شرط اخره نور، اتفق معاه علي مبدأ الترجيع قبل ما تتفق علي السعر عشان لو عايز يزود 10 ولا 20 جنيه كمان لكن لو جيبت معاه من الأخر وجيت تقوله ارجع مش هيرضي ويقولك انا مديهالك سليمة

والله المستعان
،
،

[behman]

بالنسبه للقواعد فعلا الموجود في السوق مش الماني و لو الماني مش هاتبقي ب 150 للكبيره ( القنبله )
و نفس الكلام في الجلب اللي ب 65 و البطاحات اللي ب 130
القواعد الاستيراد بيتعرف حالتها من حاله الكاوتش و الفتحات اللي فيها
لما تقلب الجلد اللي مغطي القاعده الكاوتش هاتشوف الفتحات بتاعت القاعده
المفروض تكون الفتحات دي دورانها منتظم ( خرم مدور ) كل مايكون الفتحه شكلها بيضاوي او مريحه بتكون القاعده مستهلكه
و لو هاتجيب استيراد هات قواعد 2001-2003 ... نفس القاعده الكبيره بتاعت ال 94 و 98
هاتكون اجدد و حالتها احسن اكيد

[behman]

وعلي فكره القاعده الاستيراد لو حالتها كويسه هاتعيش معاك اكتر من الجديد ابو 150 ده ... عن تجربه
و سعرها ممكن يوصل ل 120 لو حالتها حلوه و جديده ... و لو لقيت واحده حلوه اكيد الباقي هايكون زيها فريح دماغك و هات ال 3
2 كبار و واحده صغيره بتاعت الفتيس .... 2 علي القنطره ( كبيره و صغيره ) و واحده قدام للموتور ( كبيره )

[eemmoo]

ازاى التيل الامامى يقعد 15000 كم و 20000 كم و 300000 كم ده انا بغيره كل 1500 او 2000 كم بالكتير اوووى

وبجيب نوع اسبانى تقريبا اسمه rh

[ehab_mansour]

ازاى التيل الامامى يقعد 15000 كم و 20000 كم و 300000 كم ده انا بغيره كل 1500 او 2000 كم بالكتير اوووى

وبجيب نوع اسبانى تقريبا اسمه rh

ايه يا عم ده 1500 ايه و 2000 ايه مش ممكن مانا غيرت الأسباني ال rh ده قبل كده وكمان كانت الطنابير في عربيتي الابيزا القديمة حامية وبتاكل االتيل بسرعه(علي كلام أكتر من فني وحسب مشفتها ) والعربية مكنتش بتقف يوم وسفر وبهدلة و كنت بغيره مش أقل من 30 الف نهائيا
يا سيدي الفاضل التيل بيتغير لما يبدأ يقل عن ثلث سمك البادة بتاعت التيل يعني أقرب ينتهي هنا تبدأ في تغييره خلال فترة قريبة
اكيد فيه حاجه غلط

[egman]

جزاكم الله جميعا خيراً عنى وتحياتى لكم جميعا وشكرا للمشاركة الفعالة ،،،

[SYD]

ازاى التيل الامامى يقعد 15000 كم و 20000 كم و 300000 كم ده انا بغيره كل 1500 او 2000 كم بالكتير اوووى

وبجيب نوع اسبانى تقريبا اسمه rh

بتغير التيل قبل الزيت ؟؟؟
يعني تقريبا كل شهر ؟؟؟

مستحيييييييييييييييييييل

لو بالمنطق دة يبقي المسامير زمانها اتبرت

دي اكيد مش طنبورة دي صنفرة

[Hooba17]

ازاى التيل الامامى يقعد 15000 كم و 20000 كم و 300000 كم ده انا بغيره كل 1500 او 2000 كم بالكتير اوووى

وبجيب نوع اسبانى تقريبا اسمه rh

دي غريبة أوي بصراحة

[Hooba17]

سؤال

إزاي أعرف إن التيل الأمامي عايز يتغير؟؟ دا بغض النظر عن الكيلومترات

[Ahmed Mubarak]

سؤال

إزاي أعرف إن التيل الأمامي عايز يتغير؟؟ دا بغض النظر عن الكيلومترات

السلام عليكم

بتخلى الميكانيكى يفك العجل وبالنظر بيبان

[ehab_mansour]

السلام عليكم

بتخلى الميكانيكى يفك العجل وبالنظر بيبان

+1
بالاضافة الي بتحس ان دواسة الفرامل نزلت شوية بقيمة تأكل التيل
بمعني ان التيل لما بيكون جديد ومليان بتلاقي الدواسة عالية وعلي الشعر بيبقي فيه فرامل ولما بيتأكل التيل وتحس ان الفرامل وطيت وبتحتاج تدوس شوية عشان تحس بالفرامل يبقي هنا محتاج يتغير التيل