تجربة زيت فرامل ....l Dot 4

[SYD]

باشا مبروك عليك
معنى كده ان الدوره كلها بتاخد 250 مللى ؟
وممكن حضرتك توضح معنى غسيل الدوره يعنى ايه وايه اللى ممكن ينزل من شوائب من دوره الفرامل اصل مفيش اجزاء كتير بتحتك ببعض عشان يطلع منها رايش لو سمحت توضحلى النقطه دى

ياااااااااااااااه
انت جاي تباركلي بعد سنة من الموضوع ؟؟
الله يبارك فيك يا ابو حميد

معني غسيل الدورة - انك تمشي زيت نظيف فيها - تحطه من الخزنة وتنزله من المساتر
وبعدها تغسل الخزنة كويس بالماء وتنشف الخزنة كويس اوي (انت عارف ان الباكم بيحل من الماء) وتحط بعد كدة الزيت الموصي بيه (Dot4) وتاخد الهوا وان شاء الله هتحس بالفرق

الموضوع دة بتكرره كل سنتين او كل 60,000 كم

انت بتنظف مش عشان الشوائب - بس عشان كان ممكن يكون الزيت القديم متخلط او كان dot3 او لأي سبب من الأسباب - دة غير ان الزيت بيرطب لو قعد اكتر من سنتين - واكيد اللي انت شاري منه العربية ماغيروش من يوم ماجبها وبيزود فقط (انواع مختلفة) كما هو الشائع في المحروسة.

تحياتي

[SYD]

الف مبروك يا باشا

الله يبارك فيك يا ابوحميد

علي فكرة انا مش ناسي الرد علي موضوعك
بس والله مشغول اخر 30 حاجة في حوار كدة ويادوب بدخل بالعافية ومن بكرة هتسحلي يومين كدة في الشغل من الصبح لبليل - يعني علي اخر الأسبوع بأذن الله هكون عاملك مقارنة محترمة وتقرير علي مزاجك

تحياتي

[SYD]

باشا انت بتغيره كل قد ايه في النوبيرا!!!؟؟؟

وايه النوع اللي يتجاب!

اولا كدة اي نوع زيت بيتغير كل سنتين بحد اقصي سواء زيت موتور او زيت فرامل او زيت فتيس او زيت باور
وبالزات زيت الموتور يفضل لو كل 6 شهور

اما عن الموصي به فيفضل تراجع المانيوال

[misoalex]

بفضل الله الفرامل لحد الأن تمام التمام وغيرت التيل والزيت مستواه تمام وكل حاجة بفضل الله علي ما يرام

تمام ربنا يباركلك فيها
بس هل ممكن ننفخ فى قربه الزيت بكمرووسر الهواء عشان نتأكد ان كل الزيت اللى فى الدوره نزل ونحط الجديد بدون ان يختطلط بالقديم ؟؟

[SYD]

تمام ربنا يباركلك فيها
بس هل ممكن ننفخ فى قربه الزيت بكمرووسر الهواء عشان نتأكد ان كل الزيت اللى فى الدوره نزل ونحط الجديد بدون ان يختطلط بالقديم ؟؟

هي طبعا الفكرة حلوة
بس انت حسستني ان من الخزنة لحد مساتر العجل مفيش مستر عمومي ولا لواكير ولا اي حاجة بينهم
اعتقد ماينفعش ومتهيألي كفاية اوي انك تاخد الهواء وتكارك البدال لحد لما تطرد كل الزيت القديم
عشان كدة بقول ان مهم انك تغسل الدورة

تحياتي

[misoalex]

هي طبعا الفكرة حلوة
بس انت حسستني ان من الخزنة لحد مساتر العجل مفيش مستر عمومي ولا لواكير ولا اي حاجة بينهم
اعتقد ماينفعش ومتهيألي كفاية اوي انك تاخد الهواء وتكارك البدال لحد لما تطرد كل الزيت القديم
عشان كدة بقول ان مهم انك تغسل الدورة

تحياتي

طب فهمنى واحده واحده اللى المكانيكى عمله عندك

هو فك اللاواكير اللى فى العجل ونزل الزيت كله وبعدين حط الزيت الجديد واللواكير مفتوحه ولا قفلها وحط الزيت واخد هوا وبعدين نزله وحط الزيت النضيف فى الاخر
معلش عاوز افهم الطريقه الصحيحه

[SYD]

طب فهمنى واحده واحده اللى المكانيكى عمله عندك

هو فك اللاواكير اللى فى العجل ونزل الزيت كله وبعدين حط الزيت الجديد واللواكير مفتوحه ولا قفلها وحط الزيت واخد هوا وبعدين نزله وحط الزيت النضيف فى الاخر
معلش عاوز افهم الطريقه الصحيحه

بص يا باشا هو عمل كالتالي
1- فتح مساتر العجل ونزل الزيت القديم كله
2- قفل المساتر
3- حط زيت التنظيف (زيت بندكس dot3)
4- فتح مساتر العجل ونزل زيت التنظيف
5- فك خزنة زيت الباكم من مكانها علشان يغسلها بالماء
6- ركب الخزنة وقفل مساتر العجل
7- حط الزيت الجديد (زيت شل dot4)
8- اخد الهوا من الدورة من مساتر العجل

بس - دي كل الحكاية

[Greeko]

هو زيت التنضيف لازم يكون نوع نضيف ولا مش فارقة ؟؟

[SYD]

هو زيت التنضيف لازم يكون نوع نضيف ولا مش فارقة ؟؟

المهم يكون زيت جديد
مش هتفرق نوعه او درجته لأنك هتنزله وترميه

تحياتي للجميع

[mohammad isdf]

مبروك يا معلم ودايما مبسوط يا رب، انا روحت لعصام وزودلى زيت فرامل ومنزلش القديم، ومعرفش كان ايه نوع ده ولا ايه نوع ده، كده صح ولا لاء

[SYD]

مبروك يا معلم ودايما مبسوط يا رب، انا روحت لعصام وزودلى زيت فرامل ومنزلش القديم، ومعرفش كان ايه نوع ده ولا ايه نوع ده، كده صح ولا لاء

لا دة كدة مش صح
المفروض تنزله كله وتغسل الدورة وتحط الجديد
إحنا قولنا ان دة خطا شائع بتقع فيه معظم الميكانيكية

لما تروحله المرة الجاية خليه ينزلك الزيت كله ويغسلك الدورة

تحياتي.

[SYD]

مبروك يا معلم ودايما مبسوط يا رب، انا روحت لعصام وزودلى زيت فرامل ومنزلش القديم، ومعرفش كان ايه نوع ده ولا ايه نوع ده، كده صح ولا لاء

لا دة كدة مش صح
المفروض تنزله كله وتغسل الدورة وتحط الجديد
إحنا قولنا ان دة خطا شائع بتقع فيه معظم الميكانيكية

لما تروحله المرة الجاية خليه ينزلك الزيت كله ويغسلك الدورة

تحياتي.