خبرتك عن السيات؟ هل فكرت تبعد عن الروتين و تشتري سيات ؟

[SAbuhashem]

أنا عارف إن الموضوع دة المشاركات فيه هتكون قليلة جداً! :)


مطلوب خبرات الاعضاء مع سيارات سيات بجميع طرازاتها وفئاتها
(ولو حتى عندك خبرة سريعة مع سيارة صديقك أو قريبك )

وياريت توجعوا اديكو شويه وتكتبوا كل حاجة تخص السيارة من أسعار صيانات وقطع غيار وأماكنها برة الوكيل

مدة امتلاكك للعربية وتقيمك النهائي ليها في الفترة دي على مقياس ١ إلى ٥

رأيك النهائي بكل أمانة وهل تنصح بشراء سيارة سيات ٢٠٠٨ لراغبي التملك فترات طويلة ؟


الجزء التاني :

هل فكرت تحط السيات من ضمن اختياراتك لشراء سيارة جديدة ؟

هل عندك أي إستفسار أو خوف من سيارات سيات لذلك ابعدتها عن قائمة ترشيحاتك للسيارة الجديدة ؟

هل فكرة المانوال والأتوماتيك تسيطر على عقلك كلما زاد سعر السيارة عن ١٠٠ ألف جنيه ؟ وللعلم انك هتاخد مقابل الاستغناء عن الأوتوماتيك كماليات تانية كتير مش هتلاقيها اللا في العربيات اللي سعرها أعلى من ٢٠٠ ألف جنيه وبنفس الجودة في الصناعة ؟


Thanks
Eng.Sherif Shaker

[SEATLOVER]

يا باشمهندس شريف
مع كل احترامى لموضوعك و انا عارف انك مهتم بسيات و ناوى عليها إن شاء الله
بس صياغة الموضوع و النقط اللى فية ..كتيرة وكبيرة جداً جداً
دة ممكن يكون منتدى لوحدة
فامينفعش كل النقط و االمواضيع دى تبقى فى موضوع واحد وفيها ما يخص مُلاك سيات و من هم من خارج مُلاكها
الموضوع مفتوح اوى.... وغير محدد المعالم
انا ليا خبرة اكتر من 15 سنة فى موديلات سيات
مش هاعرف اللخصها فى مجرد (مشاركة )
واظن برضو كتير من اللى ممكن يشاركوا هيتوهوا من الموضوع

معلش اعذرنى

[M_HaFeZ]

والله انا معنديش خبره شخصيه فى السيات لكن حاططها اكيد فى اختياراتى لو فى الفرصه المتاحه سعريا ...
كفايه سمعتها وشكلها وتجهيزاتها والاهم المكونات الالمانيه ... ويعيبها بس التوكيل واسعار قطع الغيار اللى من ناحيه تانيه معمره

[Karim_Monir]

ممممم
شريف الليون واكلة دماغك قوي
بس انا هاجاوب في نقطتين بس اللي ليا فيهم
لو عربية فوق ال 100 الف او حتى 150 مش فارقة معايا مانيوال من اتوماتيك لاني عاشق للمانيوال واني اسوق العربية مش هيا تسوقني عشان كدة لو معايا ال 160 الف هانزل ادور على افنسيس ودي مانيوال بس ومش هافكر مثلا في الفكترا وهيا في منها اتوماتيك
تاني حاجة بقي هل هافكر في الليون
اه ممكن افكر فيها كسر زيرو فقط مش زيرو عشان لو فكرت ابيعها ماخسرش الخسارة الجامدة قوي دي ومش هاخليها معايا كتير بكبيرها سنة او سنة ونص
لاني بمشي كيلومترات كتير والعربيات السيات رغم جودتها لكن محدودية انتشار قطع غيارها هايخليها عائق ليا اني الاقي اي قطعة غيار بسهولة
مثال صغير :
اخو المدام خبط امبارح عربية كرولا 2007 زي بتاعتي وخبط الرفرف والاكصدام والكشاف والشبورة وقربة المساحات
نزلت اجيب قطع غيارهم لقيت صيني وتايواني وياباني اصلي
والكلام ده برة التوكيل طبعا
مع سيات في الغالب هاتكون مرتبط بحاجات كتير جوة التوكيل مش هاتكلم عن فانوس وكدة
ثانيا هاتلاقي الاصلي فقط وبالكتير قوي بعد كام سنة تلاقي بديل ليها تركي او تشيكي ده لو حصل

حبيت بس اوضح وجهة نظري بمثال وعذرا للاطالة

[SAbuhashem]

يا باشمهندس عمرو لو لاحظت أسئلتي هتلاقيها شقين واحد لمالكي السيات والتاني للي بيفكروا في السيات لكن ليس لهم خبرة حقيقية معاها

الجزء الاول يمكن أطول شيء فيه هو موضوع تكاليف الصيانة لكن غير كدة الإجابة مجرد كلمتين وبس عن تقييم السيارة واللي هيرد على الجزء الأول مش هيرد على التاني لأنهم شقي نقيض .


M_Hafez شفت موضوعك عن السيارات الكبيرة لو الليون مش متاحة بالنسبه لك مادياً يبقى مفيش غير الماتيريا هتعوم فيها صدقني.


كريم .
أنا منكرش اني من أشد المعجبين بالليون من جميع الجهات
لكن ماينفعش ندخلها في مقارنة مع الكورولا من حيث إنتشار قطع الغيار صعب قوي .
المقارنة من أي ناحية تانية الليون تاكلها أكل :)

بالنسبه لموضوع الاتوماتيك أنا أؤيدك وبشدة المانوال حاجه تانية وبالذات لما تكون بتحبه مش مغصوب عليه .


Thanks
Eng.Sherif Shaker

[Karim_Monir]

طبعا معاك حق الليون شكل ومضمون جامد قوي
وهيا معادلة صعبة مش هايحلها غير تظبيط احتياجاتك الفعلية من العربية

[M_HaFeZ]

.


M_Hafez شفت موضوعك عن السيارات الكبيرة لو الليون مش متاحة بالنسبه لك مادياً يبقى مفيش غير الماتيريا هتعوم فيها صدقني.

Thanks
Eng.Sherif Shaker

شكرا ياباشا على اهتمامك
والله الماتيريا عيبها الوحيد شكلها
غير كده عربيه تستاهل تمنها بالكامل
ربنا ييسر ان شاء الله الظروف ونشوف هنرسى على ايه