اقصى سرعه جبتها كام بالابيزا ال 1000

[SYD]

الله ينور يا باشمهندس ايهاب
ربنا يباركلك فيها

والله المستعان
،
،

[golfman]

بصراحه جيب 160 وكنت مشغل التكيف على طريق دفره الزراعى وكانت كويسه جدا الحمد الله

[behman]

ايوه كل مواتير الكوردوبا ال 1000 سيسي 16 فالف 70 حصان ومنزلش فيها ال 50 حصان 8 فالف خالص
و ال 1400 فيه منه
1-1400 i و ده 8 فالف بكود abd و قوة 60 حصان عند 5200 لفة و عزم 107 نيوتن متر عند 2400 الي 2800
2- 1400 mpi وده 8 فالف أيضا و قوة 60 حصان عند 6200 لفة و عزم 116 نيوتن متر عن 2800 الي 3200 لفة بكود aex & apq
3- 1400 mpi و ده 16 فالف 100 حصان عند 6000 لفة و عزم 126 نيوتن متر عند 4200 لفة و كوده afh

الف شكر يا ايهاب علي التوضيح
هو انت بتشتغل ايه صحيح ؟؟

[ehab_mansour]

الف شكر يا ايهاب علي التوضيح
هو انت بتشتغل ايه صحيح ؟؟

انا خريج هندسة قسم الالكترونيات فرع الحاسبات ونظم التحكم جامعة المنصورة
شغال مهندس صيانة و برمجة و تصميم أنظمة التحكم و الالكترونيات
وفي البطاقة مهندس كهرباء حر ههههههههههههه
ايه رأيك خلطة من كله أهه أصل عندنا في مصر المهندسين عشان ينفعو لازم يبقي بتاع كله

[behman]

انا قولت كده برضو .... لازم تكون مهندس
و لو اشتغلت في مجال العربيات هاتنجح يا ايهاب علي فكره
انا نفسي ادخل توكيل محترم و اشتغل فيه ... بس الدنيا قافله خالص

[eemmoo]

بالضبط كده الصورة دي لعربيتي القديمة اللي بعتها ابيزا 98 1000 سيسي 50 حصان
واللي معايا دلوقتي كوردوبا 1000 سيسي 16 فالف 70 حصان ولكن لسه مفكرتش أجرب أجيب أخرها ولكن فيه فرق كبييييييييييير بين شدها وبين الابيزا اللي كانت معايا دي بتحس انها بتشد معاك باستمرار حتي140 و لسه مكملتش بعد كده... لكن الابيزا كنت بعد ال 120 بحس انها بدأت براحتها تكمل الباقي

الكوردوبا اللي معايا محركها بيطلع أقصي عزم و أقصي قدرة له بعيد خالص عن محرك الابيزا ال 1000 ولو حد عايز مقارنة ممكن أكتبها كاملة
الابيزا أخر عدد لفاتها و أقصي قوة عند 5500 لفة في الدقيقة ولكن الكوردوبا عند 6600 لفة في الدقيقة
الابيزا أقصي عزم لها عند 3800 لفة في الدقيقة و لكن الكوردوبا عند 4400 لفة في الدقيقة
و الاتنين 1000 سيسي ولكن الابيزا 8 فالف و 50 حصان و الكوردوبا 16 فالف و 70 حصان

والله الموفق

انا لو اعرف كده مكنتش جبت الابيزا وجبت كوردوبا عشان كمان شوفت الطابلوه بتاعها عجبنى اووى بالذات التكييف التتش والشاشه والسعر هو هو

[behman]

انا لو اعرف كده مكنتش جبت الابيزا وجبت كوردوبا عشان كمان شوفت الطابلوه بتاعها عجبنى اووى بالذات التكييف التتش والشاشه والسعر هو هو

انا كمان كنت فاكر الاتنين نفس المواتير ... اتصدمت لما عرفت الفرق
بس السعر علي فكره مش هو هو ... الكوردوبا اغلي شويه

[matrix012]

والله يا جماعه انا مش عارف اقول ايه بس انا جبت ال 160 بالعربيه الابيزا 94 ماتور 1400 فى طريق العين السخنه والحمد لله ثبات واتزان زى الفل مع العلم ان الشكمان مش مظبوط خالص بس انا مردتش اقرص اكتر من كده خصوصا ان المدام قلبها خفيف شويه وطلبت منى انى اهدى

[eemmoo]

انا كمان كنت فاكر الاتنين نفس المواتير ... اتصدمت لما عرفت الفرق
بس السعر علي فكره مش هو هو ... الكوردوبا اغلي شويه

مش اغلى ولا حاجه هما الاتنين نفس السعر بالظبط يمكن الكوردوبا احلى بس ملهاش سوق فى البيع زى الابيزا عشان كده سعرها ارخص

[SYD]

مش اغلى ولا حاجه هما الاتنين نفس السعر بالظبط يمكن الكوردوبا احلى بس ملهاش سوق فى البيع زى الابيزا عشان كده سعرها ارخص

بيهمان
علي فكرة هو يقصد ابيزا 2001 او 2002
فعلا بتبقي سعرها قريب اوي من كوردوبا 2002
انا بصراحة ماركبتش كوردوبا بس اعتقد هتبقي احلي من الابيزا الا لو بتحب الهاتشباك

والله المستعان
،
،

[fadynabil]

165 مو ٩٤ ١٣٠٠ كاربيراتير وده علي طريق السخنه .. بس الطريق كان معايا في المنزل .. وارجع تاني ١٥٠ /١٥٥

[Ahmed Mubarak]

السلام عليكم

150 كم / س ابيزا 2000 1000 سى سى طريق مصر اسكندرية الصجراوى

[eemmoo]

انا معايا ابيزا 1000 بس الار بى ام بيكون على 5 والسرعه لسه 130 او 135 بالكتير اووى ماتعرفش ايه السبب ان الار بى ام بيعلا كده جامد على سرعات بطيئه

[alzelafy]

ربنا يبارك فيكو يا جماعه صاحب الموضوع بقى عربيتو ما بتعديش ال 100 على rpm 4 و الخامس مش عارف ايه السبب و بحس ان صوت الموتور عالى جدا و الاسطوانه تمام العربيه فى المطالع وحش

[ehab_mansour]

انا معايا ابيزا 1000 بس الار بى ام بيكون على 5 والسرعه لسه 130 او 135 بالكتير اووى ماتعرفش ايه السبب ان الار بى ام بيعلا كده جامد على سرعات بطيئه

طقم دبرياج علطول
طالما السرعة لا تناسب عدد اللفات يبقي فيه عند فقد ميكانيكي في توصيل الحركة بين المحرك و العجل و الوسيط بينهم هو طقم الدبرياج و الفتيس
و الفتيس تروس يعني طالما الترس جه علي المقابل ليه يبقي لازم يحققو السرعه المطلوبة
يبقي لم يتبقي غير الطقم