ابوس اديكم حد يرد عليا

[re3ooo]

انا عاوز اعرف هوا ليه مفيش مواضع عن سيات كوردوبا وهيا قطع غيارها هيا قطع غيار السيات ابيزا ولا ايه اصل معروض عليا كوردوبا موديل 2000 كامله وانا الصراحه مجربتش ايه حاجه غير الياباني فمشعارف عنها اي حاجه خالص فاياريت اي حد عارف عنها اي حاجه يقولي واهم حاجه قطع غيرها وضعها ايه

[ehab_mansour]

الكوردوبا عربية محترمة جدا و هي نفس الابيزا ولكن بشنطة و بتختلف عنها في بعض المقاسات فهي اعرض منها قليلا داخليا و في قاعدة العجلات
الكوردوبا معايا بقالها شهرين تقريبا و لسه محتجتش لحاجه و لا غيرت قطع غيار ولكن هتلاقي كل حاجه موجودة و متوفرة عادي جدا لأنها بتشترك مع مجموعة فولكس في التصميم و بالتالي كل اللي بيبيع قطع غيار للبولو و الابيزا و الجولف و الليون هتلاقي عنده للكوردوبا
ياريت توضح انت عايز تسأل علي ايه بالضبط وانا أجاوبك و قلي مواصفاتها و لونها و عاملة كام الف و حالتها ايه و بموتورها الأصلي ولا متسقطلها و معروضة بكام و ربنا ييسر ونقدر نفيدك
منتظرك

[re3ooo]

والله انا متشكر ايك جدا بس العربيه طلعت ابيزا مو1998 بس غريبه اوي مفيهاش تكيف ولا بور بس فيها ازاز كهربا ومريات كهربا ونضيفه عمله 100000 ك وفيها جنوت اسبور وسمعات نضيفه طالب فيها 35 بس نزلت 33 ايه رايك واهم حاجه قطع غيراها ايه وضعو اصلي متعود على الياباني بس

[behman]

والله انا متشكر ايك جدا بس العربيه طلعت ابيزا مو1998 بس غريبه اوي مفيهاش تكيف ولا بور بس فيها ازاز كهربا ومريات كهربا ونضيفه عمله 100000 ك وفيها جنوت اسبور وسمعات نضيفه طالب فيها 35 بس نزلت 33 ايه رايك واهم حاجه قطع غيراها ايه وضعو اصلي متعود على الياباني بس

موضوع العداد ده لازم تتاكد منه كويس عشان اللعب فيه سهل
ونا شايف لو هي سليمه دواخل و شاسيه و مايكونش فيها اي مصاريف ... السعر كويس
و موضوع قطع الغيار ده اطمن خالص من ناحيته ... حاجتها رخيصه بالنسبه لانها الماني و موديل 98 ... احسن اسعار في فئتها
و في موضوع هنا في القسم في اسعار كل حاجاتها
وحاجتها معمره و موجوده استيراد و جديد و موفره جدا في البنزين سواء ال 1300 او ال 1000

[re3ooo]

اوبا هوا ممكن يتلعب في العداد بتعها ده ديجيتال مش المفروض يبقا على شريحه كمبيوتر يعني صعب يتلعب فيه ولا هيا هيصه ممكن يتلعب فيها ديه ولا ايه وازاي اعرف انها مش ملعوب فيها انتا كده خوفتني

[behman]

العداد كله ممكن يتغير يا معلم وممكن يتلعب فيه برضو
عموما هي لو فعلا ماشيه 100 الف بس اتوكل علي الله و هاتها عشان مش هاتلاقي العداد ده كتير
و لو العداد مظبوط اكيد هايبان علي العربيه ... الحاله هاتكون حلوه اكيد و مافيهاش شغل ولا لعب كتير
يعني هاتلاقي الموتور جديد و الضفيره جديده و الصالون جديد و كل الفايبر بتاعها سليم و بحالته

[SYD]

والله انا متشكر ايك جدا بس العربيه طلعت ابيزا مو1998 بس غريبه اوي مفيهاش تكيف ولا بور بس فيها ازاز كهربا ومريات كهربا ونضيفه عمله 100000 ك وفيها جنوت اسبور وسمعات نضيفه طالب فيها 35 بس نزلت 33 ايه رايك واهم حاجه قطع غيراها ايه وضعو اصلي متعود على الياباني بس

اعتقد كدة كتير علي عربية تعتبر فاضية
بس عموما لو عاملة 100,000 بس من 98 تبقي تعتبر نظيفة بس غالية حبتين ب 33,000
\

والله المستعان
،
،

[re3ooo]

العداد كله ممكن يتغير يا معلم وممكن يتلعب فيه برضو
عموما هي لو فعلا ماشيه 100 الف بس اتوكل علي الله و هاتها عشان مش هاتلاقي العداد ده كتير
و لو العداد مظبوط اكيد هايبان علي العربيه ... الحاله هاتكون حلوه اكيد و مافيهاش شغل ولا لعب كتير
يعني هاتلاقي الموتور جديد و الضفيره جديده و الصالون جديد و كل الفايبر بتاعها سليم و بحالته

هيا فعلا التبلوه شكلو محترم اوي وبحلتو هوا عملها كسوه بيقول انها ب2000 جنيه لوحدها بس هيا خمتها نضيفه بس شكلها مش عجبني يعني والماتور عليه بخر زيت خفيف ربنا يسهل ويقدم الي فيه الخير شكرا ياباشا

[re3ooo]

اعتقد كدة كتير علي عربية تعتبر فاضية
بس عموما لو عاملة 100,000 بس من 98 تبقي تعتبر نظيفة بس غالية حبتين ب 33,000
\

والله المستعان
،
،

طب في رائيك كده تعمل كام وبحالتها ديه