هو فين أعضاء المنتدي ولا محدش بيركب سيات

[SYD]

طب ده ميدان مارينا ده الوحيد إلي مافيهوش زئل الطوب (النشاط الرياضي الجديد للشعب)، يا ميادينك يا مصر

هههههه
بتفكرني برياضة رمي الجوللة، احنا بقينا اطفال الحجارة

الله المستعان
،
،

[SYD]

والله يا باشا أنا بدخل على طول بس أنا لسة جايب عربيتى من 6 شهور و كمان أول عربية فامعنديش خبرة كبيرة أنى أرود كتييير:copy of majd(4): بس أنا استفد هنا بصراحة

الف مبروك العربية
حضرتك بصراحة هنا هتاخد خبرة غير عادية الصراحة
الناس هنا متعاونة جدا وكريمة جدا في معلوماتها

الله المستعان
،
،

[SYD]

يا كبير وجودك في القسم كفايه .... و الباشمهندس ايهاب كمان ... انتو ماليين القسم
وزي مانت قلت ... الناس قليله في حين ان السيات ليها شعبيه
بس عموما المواضيع مفيده لحد كبير و في مشاكل كتير اتحلت هنا
هو محتاج اعضاء اكتر عشان تبادل الخبره يزيد
و اكيد موضوع المقابله ده يشرفني و هاتكون حاجه حلوه ... ربنا يسهل

الله أكبر
ياباشا القسم منور بوجودك معانا، بس انت اختفيت بقالك يمكن 10 ايام، لعل المانع خير
وانشاء الله نتقابل في القريب العاجل، لأني الصراحة متشوق اشوف كل الناس الي عمال اتكلم معاهم بقالي كام شهر
اول لما يبقي في جديد هبعت لحضرتك علي الخاص وانشاء الله نعمل موضوع علي العام والي عايز يجي اهلا وسهلا ونسيب التليفونات

والله المستعان
،
،

[SYD]

نحن هنا لكن فعلا مشاركاتنا قليلة اوى

اهلا بيك ونتمني مشاراكات حضرتك وحسك معانا

والله المستعان
،
،

[egman]

والله يا رجالة انا نفسي فى المقابلة ده باذن الله هتكون قد اية مهمه وانا كنت ناديت بيها قبل كده .

[SYD]

والله يا رجالة انا نفسي فى المقابلة ده باذن الله هتكون قد اية مهمه وانا كنت ناديت بيها قبل كده .

انشاء الله نستفاد بيها كلنا واكبر استفادة اننا نتعرف ببعض
انا بصراحة اتعرفت علي المهندس ايهاب منصور وسعيد جدا بمعرفة راجل زي دة قد ايه هو محترم وزوق

والله المستعان
،
،

[eemmoo]

هو فعلا اللى بيردوا على المواضيع عددهم قليل جدا بس ده وارد عشان مش كل اللى راكب عربيه بيفهم فى العربيات ومنهم انا طبعا معنديش خبره اوى فى الصيانه

وربنا يباركلنا فى الموجودين اللى فعلا بيفيدونا بجد وناس ما شاء الله فاهمه فى كل حاجه

وانا مع فكره المقابله بس احنا المفروض نحاول نظبط الوقت والمكان من دلوقتى يمكن نقدر نتقابل قبل رمضان

وكل سنه واعضاء المنتدى بخير

[SYD]

وحضرتك بخير
فعلا المهندس ايهاب ضد اننا نتقابل في رمضان
كمان انا شغلي طلع في رمضان قبل الفطار لحد الساعة 3 عصرا وبعد الفطار من 8 ل 12 منتصف الليل

لحد دلوقتي الي عندهم استعداد
1- مهندس ايهاب منصور (اللوجو حب الرسول في اتباع سنته)
2- استاذ احمد مبروك (اللوجو علامة سيات الفضية)
3- بيهمان (اللوجو ظهر ابيزا زرقاء)
4- eemmoo (بدون لوجو)
5- ahmedtunning (بدون لوجو)
6- egman (بدون لوجو)
7- العبد لله "SYD" (اللوجو ظهر ابيزا وجولف)

والله المستعان
،
،

[windofchange]

والله يا بشمهندس سيد لسه الواحد راجع من مطروح 5 ايام جمال جداااااااا ياريت نتقابل هناك في مطروح اه والله ليه لأ؟ وانتو الخير والبركة الواحد بيحاول يرد اي ردود بسيطة يمكن ينفع الناس بيها...... بس ان شاء الله معاكم في المقابلة دي(ارمي لنا ميعاد ونشوف ميين ممكن يجي)......ايهاب