الباور فصل في كوردوبا 2006 أرجو الأفادة

[twinlap]

السلام عليكم ورحمة الله وبركاته
انا معايا سيات كوردبا موديل 2006 كانت ماشية زي الفل معايا وانا بركن من يومين لقيت الدريكسيون تقل فجأة ولمبة الباور نورت في التابلوه ؛ الباور عندي زيت وكهرباء زي الألنترا كده يعني مفيش سير للباور ؛ المهم يا جماعة الدريكسون تقل موووووووت ومفيش فايدة فيه واللمبه منورة في التابلوه مش عارف ايه الي فيها ؟؟؟ قالولي لازم توصل علي الكمبيوتر علشان اعرف العيب فين ؟؟ حد يعرف حاجة بخصوص الموضوع ده وهل حد يعرف مكان الاقي فيه كمبيوتر العربية دي ويكون حد امين بس علشان محدش يستسهل ويقولي اغير طرمبة الباور او يهولي الموضوع ؟

[ehab_mansour]

حضرتك هتروح لأي حد متخصص في مجموعة فولكس هتلاقي عنده كابل كشف الأعطال بالكمبيوتر و هيكشفلك عليها و هيحددلك العيب فين

لو تعرف انت بنفسك تشيك علي كابل طرمبة الباور عندك و علي الفيوزات يمكن يكون فيها حاجه ضربت وتكون هيا اللي عاملة المشكلة لأن طالما الباور كهرباء يبقي ليه فيوز حاول وربنا يسهلها

و أكتر مركز متخصص و الناس بتشكر فيه هو محمد سمير خلف حديقة بدر بشارع جسر السويس
وفيه ناس كتييييييير في الحرفيين المهم انك تلاقي حد قريب منك عشان سواقة العربية هتكون صعبة جدا من غير باور ده لو عرفت تمشي بيها أساسا كده ...... ربنا معاك

[twinlap]

الف شكر يا باشا علي ردك السريع
انا روحت لمحمد سمير وروحت لسيد جولف وقالولي ان طرمبة الباور باظت ولازم تتغير
الكارثة بقي اني قلبت الحرفيين عليها مش لاقيها استيراد خالص وكل واحد يقولي متتعبش نفسك مش هتلاقيها وجديدة لقيتها ب4000 وهيجيبهالي كمان بعد 3 ايام
مش عارف بقي لو نزلت بورسعيد الاقيها استيراد ولا هخبط المشوار علي الفاضي ؟

[أحمد الجندى]

طيب ما تجرب تطلع على الوكالة يمكن تلاقيها استيراد أو لو زنقت قوى اطلع على بورسعيد

[ehab_mansour]

الف شكر يا باشا علي ردك السريع
انا روحت لمحمد سمير وروحت لسيد جولف وقالولي ان طرمبة الباور باظت ولازم تتغير
الكارثة بقي اني قلبت الحرفيين عليها مش لاقيها استيراد خالص وكل واحد يقولي متتعبش نفسك مش هتلاقيها وجديدة لقيتها ب4000 وهيجيبهالي كمان بعد 3 ايام
مش عارف بقي لو نزلت بورسعيد الاقيها استيراد ولا هخبط المشوار علي الفاضي ؟

مش عارف الصراحة ولكن أعتقد ممكن تلاقيها في بورسعيد
ب 4000 جنيه جديدة يا نهار أبيض ليه ؟؟؟؟؟؟؟ ربنا معاك

[mr_shims_49]

السلام عليكم
علبة الباور في التوكيل بحوالي 3400 و موجودة
بس اسأل علي الاستيراد كويس الاول سألت عند بيومي اللي في الحرفيين ؟ لو قالك معندوش خليه يكلملك الفرع بتاعه اللي في بورسعيد يسألك عنده بدل ما تخبط المشوار علي الفاضي
وشوف كده وصلت لأيه و قولنا وان شاء الله خير

[twinlap]

بص يا باشا انا سالت فعلا عند بيومي ؛ كل محلات الحرفيين وشهاب وكله قالي انها ب1500 جنيه وكانت عندهم من شهرين كده ؛ بيومي قالي ممكن اشوفهالك علش اخر الشهر بس انا ببيعها ب 2500 جنيه ؛ طبعا هو عارف انها مش موجودة علشان كده مزود 1000 جنيه علي تمنها استيراد ؛ علشان كده قولت انزل بورسعيد علطول واشوف بس هلاقيها في بورسعيد فعلا ؟ ولا ممكن اروح وارجع علي الفاضي ؛ انا سالت النهارده في التوكيل قالولي موجوده ب3400 فعلا بس كتير اوي يا جماعة

[mr_shims_49]

بص يا باشا هو بيومي كده دايما بيغلي اوي في الاسعار لأنه عارف ان هو اكتر واحد عنده حاجات سيات
انا بصراحة مش عايز اقولك روح بورسعيد قبل ما تتاكد انها موجودة و ان كمان في فرق سعر كويس يستاهل المشوار ده انا روحت مرة بورسعبد المنطقة اللي فيها قطع الغيار انا ماكنتش بسال علي حاجة معينة بس اللي لاحظتو ان الكوديل ده برده قليل هناك و في الغالب هتلاقي نفسك رايح لبيومي اللي هناك لأني لما سألت عرفت ان هو اكتر واحد في مصر بيستورد سيات
بص ده رقم محل في الحرفيين اسمه الاخلاص كلمه اساله كده و ربنا يسهل ان شاء الله
0120960859
0112338388

[twinlap]

يا باشا الف شكر بجد علي مشاركتك انا بتصل بالأرقام الي حضرتك بعتهالي بتاعه المحل ده بس هم مش بيرودو ممكن اكون متصل بدري بقي شوية كده وهحاول تاني معاهم يارب الاقيها هناك بدل ما اخبط مشوار لبورسعيد وهرد عليك تاني لما اعرف عندهم ولا لأ

[mr_shims_49]

يا باشا مافيش حاجة احنا اخوات وانا لو حد من اصحابي رايح بورسعيد ولا حاجة هاخليه يسألك و يجبلك ارقام تليفونات بص يا باشا انا هاقولك علي حل كده انت ممكن تعمل موصوع في المنتدي العام بعنوان انك عايز مساعدة من رجالة بورسعيد و اكتب انك محتاج بس من اي واحد رايح منطقة قطع الغيار هناك يسألك معاه او لو معاهم ارقام تليفونات الناس هناك يدوهالك و الناس هنا في المنتدي ماشاء الله بتحب تساعد و محترمين و انا متابع معاك اهو و علي فكرة هو اكيد تنفع لها طرمبة البولو من نفس الموديل او الفابيا بس اسال و اتاكد و ان شاء الله خير

[mr_shims_49]

يا باشا مافيش حاجة احنا اخوات وانا لو حد من اصحابي رايح بورسعيد ولا حاجة هاخليه يسألك و يجبلك ارقام تليفونات بص يا باشا انا هاقولك علي حل كده انت ممكن تعمل موصوع في المنتدي العام بعنوان انك عايز مساعدة من رجالة بورسعيد و اكتب انك محتاج بس من اي واحد رايح منطقة قطع الغيار هناك يسألك معاه او لو معاهم ارقام تليفونات الناس هناك يدوهالك و الناس هنا في المنتدي ماشاء الله بتحب تساعد و محترمين و انا متابع معاك اهو و علي فكرة هو اكيد تنفع لها طرمبة البولو من نفس الموديل او الفابيا بس اسال و اتاكد و ان شاء الله خير