بعد اذنكم عاوز اعرف استهلاك الأبيزا 94 في البنزين اد ايه؟

[sammor_28]

ممكن شباب منتدى السيات يقولولي استهلاك البنزين في الأبيزا 94 اد ايه ...
وهى الأفضل ولا البيزا موديلات 2000 - 2001 .....
من حيث المضمون والأستهلاك...
ولو انا شاب في المبتدى وهصرف عالعربيه ايهما هيكون افضل ليا 94 - 2000....
طبعا من حيث قطع الغيار والصيانه والبنزين والذي منه :d(الجري والشد يعني)....مين يستحمل

[SEATLOVER]

اهلاً بيك يا sammor فى قسم السيات اللى انت مش غريب علية
بص يا سيدى طبعاً البنزين قلق الناس كلها و الكل بقى بيسأل على الاستهلاك اد اية :)

استهلاك موديلات الابيزا للبنزين كالاتى
ابيزا مو 94 10.4 لتر/100 كم
ابيزا مو 96-97-98-99 8.2 لتر/100 كم
ابيزا مو 2000 فيما فوق 6.8 لتر/100 كم

وهى الأفضل ولا البيزا موديلات 2000 - 2001 .....
من حيث المضمون والأستهلاك...

من حيث المضمون ..تفرق حسب احتياجاتك .. ودة ممكن تعرفة من خلال جولة فى القسم هنا هاتعرف كل التفاصيل

من حيث الاستهلاك فالبنزين موديلات 96-97-98-99 و ال 2000 فيما فوق ..اوفر فى البنزين كتير جداً جداً يعنى ممكن توصل 900 كم فى التانك بسهولة

ولو انا شاب في المبتدى وهصرف عالعربيه ايهما هيكون افضل ليا 94 - 2000....
طبعا من حيث قطع الغيار والصيانه والبنزين والذي منه :d(الجري والشد يعني)....مين يستحمل

من حيث قطع الغيار و الصيانة و الشد .... الابيزا 94 تكسب
من حيث استهلاك البنزين الابيزا 99 و ال 2000 فيما فوق تكسب

ربنا يوفقك إن شاء الله

[sammor_28]

الف شكر ليك يابشمهندس عمرو ....
بجد قمه في التوضيح اشكرك جدا....
معلش اسف هتقل عليك..ممكن سؤال كمان ؟
الأبيزا 94 ينفع يتحطلها بنزين 80 ولا ....؟
ومن كلام حضرتك الأبيزا 94 بتعمل تقريبا حوالي 200 كيلو متر في الصفيحه..
يعني زي النوبيرا ... والنوبيرا اوقات بتعمل 250 في الصفيحه..ولا ايه؟

[sammor_28]

وان شاء الله لما انوي اجيب الأبيزا ايه اهم حاجه ابص عليها في العربيه وهل في حاجات معينه انتبه لها...
متأسف بتقل عليكم معلش...

[SEATLOVER]

الف شكر ليك يابشمهندس عمرو ....
بجد قمه في التوضيح اشكرك جدا....
معلش اسف هتقل عليك..ممكن سؤال كمان ؟
الأبيزا 94 ينفع يتحطلها بنزين 80 ولا ....؟
ومن كلام حضرتك الأبيزا 94 بتعمل تقريبا حوالي 200 كيلو متر في الصفيحه..
يعني زي النوبيرا ... والنوبيرا اوقات بتعمل 250 في الصفيحه..ولا ايه؟

-بالنسبة للاستهلاك احنا بنتكلم فى المتوسط داخل البلد لكن بسفريات او مشاوير بدون زحمة ووقفة جوة البلد ممكن تعمل اكتر من 250 كم فى الصفيحة .. وخلى بالك دايماً كل ما الموديل يقدم السيطرة على استهلاكة للبنزين بتبقى صعبة ...يعنى لازم يكون كلة مظبوط 100 %

-موضوع ال بنزين 80 دة مانصحش بية خالص فى ابيزا لطبيعة الموتور و مكونات العربية ..على العموم لو حد جربة ...يقدر يفيدك اكتر

-بالنسبة للكشف ذاكر الموضوع دة كويس ..ولو عرفت تاخد معاك حد خبرة يبقى احسن كتير

http://www.nilemotors.net/Nile/showthread.php?t=20244

وطبعاً لو ميكانيكى ثقة يبقى تمام

[sammor_28]

انا مش عارف اشكرك ازاي يااستاذ عمر بجد الف الف شكر ليك على افادتك

[SEATLOVER]

انا مش عارف اشكرك ازاي يااستاذ عمر بجد الف الف شكر ليك على افادتك

العفو يا sammor ماتقولش كدة ...وتشرف فى السيات فى اى وقت يا باشا ..بيتك ومطرحك

[mohamed ibiza]

الاستهلاك بالظبط زي ما قال عمرو باشا كده بالظبط جاب المفيد مش غريب عليه اما موضوع بنزين 80 للابيزا 94 الفلتر هيتسد و العربية هتقطع و في الاخر هتدبس و مش هتعرف تمشي بيها عن تجربة للحركة دي مع ابيزتي اما الصيانة و اسعار القطع و الشد و الجري ابيزا 94 تكسب ابيزا 99 تكسب في الاستهلاك القليل و 2001 استهلاكها قليل انما عموما الاطول عمرا اعلي كفاءة اقل مصاريف 94 94 94 94 94 94 94

[sammor_28]

الف شكر ليك يامحمد على ردك ومتابعتك

[mohamed ibiza]

لا شكر علي واجب اي استفسار عن الابيزا 94 او سيات عموما انا و حبيبي عمرو باشا موجودين:)

[mosadgasm]

شكرغااااااااااااااااااااااااااااااااااا

[MAHMOUD_MK]

ياجماعه انا محتاج اعرف منكم ابيزا 94 احسن ولا الاكسيل وياريت تجاوبونى بعد اذنكم

[ehab_mansour]

ياجماعه انا محتاج اعرف منكم ابيزا 94 احسن ولا الاكسيل وياريت تجاوبونى بعد اذنكم

رأيي الشخصي وعن تجربة لا توجد مقارنة بين الكوري والألماني او الأوروبي نهائيا وخاصة الهيونداي لأني شفت عربية اكسنت مع زميل لي في العمل وقرفت من الشركة دي علي بعضها من وقت ما شفت مشاكلها وقرفها

والله الموفق