في حد هنا من الزقازيق ؟؟

[start_wow]

مساء الخير يا شباب
لو سمحتوا انا بفكر اشتري ابيزا ومعايا حوالي 36 بس مش عارف دول ممكن يجيبوا اي موديل بالظبط في الابيزا وممكن تكون كاملة ولا ايه وبعدين لو فيه حد هنا من الزقازيق يقدر يقولي علي توافر قطع الغيار ولا لأ ولو الاقيها الاقيها فين ؟؟

[sameh_se]

بسم الله الرحمن الرحيم
اولا احب اهنيك على اختيارك للابيزا لانها عربية فوق الوصف .
و بالنسبة للمبلغ الى معاك دة ممكن يجيب لك عربية كويسة 94 او 98
اما عن قطع الغيار ف موجود فى الزقازيق فى الزراعة اسمة العامر و اسعارة كويسة الى حد ما
وفى شارع المحافظة اسمو ممدوح جنب مدرسة الناصرية لابتدائية و دا بحالات بس اغلب حالاته غالى
وفى جنب مستشفى الفردوس للعيون معرض الكمال بس دا بيفهم اوى و بيجيب من الاخر و الكبير بقا
بعد موقف المنصورة شركة الانتصار ودا عندو كمية قطع غيار بالعبيط و غالبا كل الى بيبيعو استيراد فى الزقازيق بياخدو منه و للاسف ما فيش قطع غيار جديدة فى الزقازيق كل الموجود استيراد
نفسى اكون قدرت اديلك فكرة كويسة و شاملة و مختصرة و لو فى اى استفسار انا فى الخدمه و شرقاوى و من الزقازيق

[start_wow]

استاذ سامح سعدت بمعرفتك وانا كمان شرقاوي من الزقازيق و شكرا جزيلا ليك وشكرا علي الايضاح..بس اسمحلي يعني اعرف منك شوية اذا اكنت متوسط اسعار قطع الغيار في المعقول ولا لأ يعني لان السيارات الاوروبية معروف عنها قطع غيارها اسعارها عالية اوي..وبعدين حضرتك انا كنت عايز اعرف اذا كانت الابيزا الموديلات اللي حضرتك ذكرتها وهيا من موديل 94 الي 98 اذا كانت بتكون كاملة ولا نصف ولا فاضية؟؟..وبعدين هيا السي سي بتاعها بيكون كام؟؟ يعني العربية تتحمل شغل ولف وسفر ولا لأ.. وشكرا مرة اخري لذوقك..

[sameh_se]

استاذى العزيز ..
تقريبا لا يوجد فروق جوهرية بين ال ابيزا 94 و 98 و عل ىالعموم هتلاقى الامواصفات فى الموضوع دة

http://www.nilemotors.net/Nile/124463-1984-2010-a.html

و بالنسبة للاسعار دا موضوع نسبى بس الى اقدر اقولة ان قطع الغيار ممكن تغيرها مرة واحدة الله اعلم هتغيرها تانى امتى لانها يتعيش جدا جدا

و تحت امرك على فى اى وقت

[hamzamahmoud]

السلام عليكم
على فكرة اختيار موفق ان شاء الله
وانا عارض عربيتى للبيع هى ابيزا 94 مرور الزقازيق بها رخصة سنتين وتكييف وسنتر وانذار وفبريكة دواخل و2زجاج كهربا ماتور 1300 كل العددات شغالة لون ازرق ميتلك وهى موجودة فى القاهرة لوتحب تتفرج عليها

[start_wow]

استاذ حمزة رديت عليك في رسالة علي الخاص..