مساعده فى ابيزا 94

[Ahmed_Gallant]

السلام عليكم
انا بعت عربيتى الرانجلر وبخلص فى عربيه ابيزا94 فاضيه محتاجه دوكو وموتور لان الموتور اللى فيها ودع البلوكه اتشرخت العربيه كل حاجه فيها سليمه من دواخل واساسيات وهى 4 باب فيها فتيس 4 غيار انا نظرا لقله الفلوس بفكر اخدها واشدها على قدى وبعد كده ان شاء الله لما ربنا يكرم اسقط مكنه بفتيس محترم العربيه فتيس 4 غيار ومكنه 1400 كربراتير ده اللى مكتوب فى الرخصه مع انى شاكك هو كان موتورها الاساسى بس انا حاسس انه 1300 العربيه مفيهاش شغل سمكره خالص مجرد معجون وهخلصها ان شاء الله على 20 بحالتها
نيجى بقى للاسئله
1- هل السعر ده كويس باعتبار ان العربيه سليمه ما شاء الله ميه فى الميه وده انا متاكد منه
2- هل صحيح الفتيس ال4 غيار بيركب عليه مكنه كربراتير 1400 ولا 1300
3- انا حاطط ميزانيه للموتور فقط البلوك ووش السلندر بدون ادوات التغذيه 1000 جنيه من غير الفتيس هل ده مناسب
4- محتاج ارقام تليفونات تجار استيراد عشان ابقى بشترى على علم انا ساكن فى الهرم وسمعت ان فى واحد فى المريوطيه على اللبينى اسمه ملك الجولف كنت عايز رقم تليفونه وهل ده اسعاره كويسه ولا خلينى فى الحرفيين
5- بالنسبه لموضوع ان العربيه فاضيه ده هيتعبنى زى الباور مثلا ولا الدريكسيون فى اللذيذ يعنى
انا بشكر اولا واخيرا كل الناس اللى فى منتدى ابيزا لانى من متابعه المواضيع شايف انهم فى منتهى التعاون

[ahmedtunning]

ان شاء الله حد هيفيدك وربنا يباركلك فيها

[Ahmed_Gallant]

ان شاء الله حد هيفيدك وربنا يباركلك فيها

متشكر جدا
انا بس اكتشفت حبه حاجات فى العربيه دى وهى ان المكنه اللى كانت فيها 1300 هاف انجيكشن وفيها كنترول والفتيس 5 غيار انا بقى مش معايا من المكنه القديمه غير الفتيس والديناموالباقى كله مش موجود كلمت ملك الجولف اللى على اللبينى قاللى اركبلك مكنه 1400 انجيكشن بالكنترول بالضفيره بالتركيب من غير كباس التكييف ومكنه الباور وطبعا من غير فتيس لانى اللى عندى سليم المهم هياخد 3500 هل ده سعر كويس ولا ممكن اظبط حاجه احسن من كده وهل المكنه ال1400 دى افضل كتير بسكل ملحوظ تستاهل فرق الفلوس لان المكنه ال1300 سالت عليها بوش سلندر فاضى والبلوك كانت عامله 1400 جنيه من غير التركيب
اسف للاطاله

[SYD]

0124980425
ايمن جمعة

بردو علي اللبيني
كلمه وشوف هيقولك ايه

قوله بس انك من طرف محمد سيد بتاع الأبيزا الزيتي وهو هيعمل معاك الصح

العربية علي 20 سعرها جامد جدا
بعد التسقيط والتظبيط والذي منه لو وقفت عليك ب 23 او 24 بردو انت الكسبان

والله المستعان
،
،

[windofchange]

ال1400 انجكشن بتنزل بباور وتكييف واعتقد فرق السعر بينها وبين ال1600 انجكشن بسيط وان كانت ال1600 قليلة شويه فالسوق والفتيس 5غيار سواءا 1300 او 1400 ,الانجكشن نسبة انضغاط الموتور فيه عالية فمينفعش معاه 80 الموتور هيسقف معاك ال1300 كربيراتير او 1400 كربيراتير يشغل 80 ويتظبطله كهرباء عادي ,المكن اللي فات ده كله كامة واحدة 8 صباب وطبعا بيتسقط مكن كتير للايبيزا الحمدلله انت ممكن تسقط مكنة 2000 سي سي انجكشن ديزل ومتهيألي ممكن تترخص عادي وممكن 1600 2 كامة انجكشن بيسموها الفهد بس قطع غيار الموور ده ناقصة فالسوق وان كنت انا لو شفته كنت سقطته اصل ايه اللي هيبوظ فيه في خلال مثلا 3 سنين الا لا قدر الله سير الكتينة فلت او اتقطع هههههههههههههه بالتوفيق ياباشا.....ايهاب

[SYD]

ال1400 انجكشن بتنزل بباور وتكييف واعتقد فرق السعر بينها وبين ال1600 انجكشن بسيط وان كانت ال1600 قليلة شويه فالسوق والفتيس 5غيار سواءا 1300 او 1400 ,الانجكشن نسبة انضغاط الموتور فيه عالية فمينفعش معاه 80 الموتور هيسقف معاك ال1300 كربيراتير او 1400 كربيراتير يشغل 80 ويتظبطله كهرباء عادي ,المكن اللي فات ده كله كامة واحدة 8 صباب وطبعا بيتسقط مكن كتير للايبيزا الحمدلله انت ممكن تسقط مكنة 2000 سي سي انجكشن ديزل ومتهيألي ممكن تترخص عادي وممكن 1600 2 كامة انجكشن بيسموها الفهد بس قطع غيار الموور ده ناقصة فالسوق وان كنت انا لو شفته كنت سقطته اصل ايه اللي هيبوظ فيه في خلال مثلا 3 سنين الا لا قدر الله سير الكتينة فلت او اتقطع هههههههههههههه بالتوفيق ياباشا.....ايهاب

ازيك يا ايهاب
عامل ايه ؟ واحشني يا راجل

1+
الكلام دة فعلا سليم 100%

والله المستعان
،
،

[windofchange]

وانت كمان يا بشمهندس سيد اتمني تكون بخير ,ربنا يكرم ونتقابل قريب ان شاء الله لأن نفسي اشوفك والله زي ماشفت ايهاب باشا ربنا يكرم ونتقابل قريب وياسلام لو مقابلة ايبيزاوية وسيتاوية ربنا يكرم

[SYD]

انشاء الله قريبا
بس لما عربيتي تخلص عشان افرجكم عليها

والله المستعان
،
،

[Ahmed_Gallant]

0124980425
ايمن جمعة

بردو علي اللبيني
كلمه وشوف هيقولك ايه

قوله بس انك من طرف محمد سيد بتاع الأبيزا الزيتي وهو هيعمل معاك الصح

العربية علي 20 سعرها جامد جدا
بعد التسقيط والتظبيط والذي منه لو وقفت عليك ب 23 او 24 بردو انت الكسبان

والله المستعان
،
،

المكنه اللى هى 1300 هاف انجيكشن انا كنت سالت عليها عند ايمن وهو فعلا قريب من ملك الجولف بس سالته قبل ما اشوف المشاركه للاسف ورحتلو كانى زبون عادى قاللى المكنه فاضيه وش سلندر وبلوك منغير حتى الفرن ب1400 ولو عايز افك موتور كامل من نص هيدخل فى 4000 ملك الجولف بيتكلم ان ال1400 انجيكشن ب3500من غير فتيس او تركيب انا عندى امكانيه انزل الحرفيين لو الاسعار هتتظبط عن كده بس المشكله انا معايا عربيه ميجان 2005 يا ترى ينفع المكنه تدخل فى شنطتها انا عايز اقلل التكلفه على قد ماقدر عشان انا مش معايا فلوس والعربيه محتاجه وش دوكو ده غير نقل المليكه وربنا يسمع منك وتقف لحد كده هى الحمد لله مش محتاجه مصاريف قوى حبه تظبيط بس عشان اتركنت شويه بس هى بحاجه الفبريكه سواء زجاج او كشافات او تابلوه ما شاء الله

ال1400 انجكشن بتنزل بباور وتكييف واعتقد فرق السعر بينها وبين ال1600 انجكشن بسيط وان كانت ال1600 قليلة شويه فالسوق والفتيس 5غيار سواءا 1300 او 1400 ,الانجكشن نسبة انضغاط الموتور فيه عالية فمينفعش معاه 80 الموتور هيسقف معاك ال1300 كربيراتير او 1400 كربيراتير يشغل 80 ويتظبطله كهرباء عادي ,المكن اللي فات ده كله كامة واحدة 8 صباب وطبعا بيتسقط مكن كتير للايبيزا الحمدلله انت ممكن تسقط مكنة 2000 سي سي انجكشن ديزل ومتهيألي ممكن تترخص عادي وممكن 1600 2 كامة انجكشن بيسموها الفهد بس قطع غيار الموور ده ناقصة فالسوق وان كنت انا لو شفته كنت سقطته اصل ايه اللي هيبوظ فيه في خلال مثلا 3 سنين الا لا قدر الله سير الكتينة فلت او اتقطع هههههههههههههه بالتوفيق ياباشا.....ايهاب

هى فعلا نازله بباور وتكييف وانا قولتلو هيفرقوا قوى فى السعر قاللى يعنى قولتلو انا كده كده التكييف عندى مكانش موجود بس هى كانت مجهزه فيها المروحه وعلبه كده تانيه كده والتابلوه فيه المواسير بتاعت الهوا والباور مش لازمنى عشان مش عايز اعدل فى العربيه وكمان هى مش مستاهله وهو حسبلى الحسبه دى على الاساس ده 3500 موتور كامل بالكنترول بالضفيره بالتركيب من غير الفتيس والباور والكباس انا معنديش مشكله فى موضوع البنزين انا عايز بس الاوفر حاليا مكنه بتمشى بادوات التغذيه من غير المارش ولا الفتيس انا عامل ميزانيه 1500 الى 2000 وبالنسبه للاسعار اللى سمعتها اظن قريبه

ازيك يا ايهاب
عامل ايه ؟ واحشني يا راجل

1+
الكلام دة فعلا سليم 100%

والله المستعان
،
،

شكرا لحضرتك نورت الموضوع

[windofchange]

المكنة تخش في شنطة الميجان عادي لأني شفتها دخلت في شنطة الايبيزا بس جهز سفنج وملاية مش محتاجة عشان الشحم والزيت من المكنة ميوسخش فرش الشنطة

[Ahmed_Gallant]

المكنة تخش في شنطة الميجان عادي لأني شفتها دخلت في شنطة الايبيزا بس جهز سفنج وملاية مش محتاجة عشان الشحم والزيت من المكنة ميوسخش فرش الشنطة

شكرا يا باشا للرد السريع بس انا لسه عندى استفسار هم تجار الحرفيين احن من اللى على اللبينى ولا هيبقى مشوار على الفاضى لو فرق 100 او 200 جنيه ملهاش لزمه لانى لو طلع فى المكنه حاجه هصرفهم مواصلات لكن لو الفرق 500 او 700 اكيد الموضوع هيجازى

[agaty1st]

و الله يا جماعه أنسب مكنه تتسقط للأبيزا هوه ال 1400 كامل بالفتيس و الأنجكشن و كل حاجته و انا سقت عربية واحد صاحبي عامل فبها كده و كان السحب ممتاز و العربيه ممتازه في كل حاجه و مش محتاجه أكتر من كده و نصيحه أي موتور فوق ال 1400 يبقى أوفر على العربيه

[Ahmed_Gallant]

و الله يا جماعه أنسب مكنه تتسقط للأبيزا هوه ال 1400 كامل بالفتيس و الأنجكشن و كل حاجته و انا سقت عربية واحد صاحبي عامل فبها كده و كان السحب ممتاز و العربيه ممتازه في كل حاجه و مش محتاجه أكتر من كده و نصيحه أي موتور فوق ال 1400 يبقى أوفر على العربيه

انا لسه راجع من عند ملك الجولف وسبتله العربيه واتفقنا على مكنه 1400 انجيكشن بس من غير كباس التكييف وان شاء الله هستلمها كمان اسبوع وهعمل تقرير عن اللى تم وايه مزايا وعيوب المكنه وهل متوافقه مع الفتيس بتاع الهاف انجيكشن وكمان هشوف اقصى سرعه ان شاء الله

[SYD]

انا لسه راجع من عند ملك الجولف وسبتله العربيه واتفقنا على مكنه 1400 انجيكشن بس من غير كباس التكييف وان شاء الله هستلمها كمان اسبوع وهعمل تقرير عن اللى تم وايه مزايا وعيوب المكنه وهل متوافقه مع الفتيس بتاع الهاف انجيكشن وكمان هشوف اقصى سرعه ان شاء الله

الف مبروك يا باشا علي العربية وعلي الموتور
احسنت الأختيار بتوجهك لملك الجولف "أحمد فتحي" عنده واحد معلم بمعني معلم وانا شخصيا بعتبره هو ملك الجولف والفولكس عموما اسمه "محمد رمضان" شاب بنظارة ورفيع بس معلم بمعني الكلمة

انا ساكن قريب جدا منهم وبعدي يوميا عليهم هبقي اوصيه علي عربيتك
محمد دة حبيبي من كذا سنة هو وابوه عم رمضان ملك ملوك الفولكس في مصر

والله المستعان
،
،

[SYD]

بس انت تكلفة بتكلفة كنت جيبت المكنة ال1400 الأنجيكشن ال75 حصان
موفرة جدا في البنزين وسحبها طلقة

يالا حصل خير والف مبروك

والله المستعان
،
،