Tweet
السلام عليكم ورحمة الله وبركاته
انا من يومين كده ادوس فرامل اسمع صوت حكة جامدة فى لكاوتش المهم انا شكيت فى التيل وكنت ناوى اغيره كده كده مع الصيانة قلت اروح عند محمد الزعيم فى جسر السويس وده بجد واحد من امهر الميكانيكية الى شوفتهم المهم التيل طلع متآكل جدا جدا لدرجة انه ممكن اغير الطنابير بسببه وده كان اهمال مني والواحد كان مضايق جدا انا كان بقالى حوالى 15000 الف ما غيروتوش وكن ناوى اغيره مع الصيانة لكن قدر الله وما شاء فعل وغيرت التيل والحمد لله .
المهم بقى الموضوع والمفاجاءة كانت فى ان محمد الزعيم سقط مكنه لعربية كوبية لون أسود موديل 94 مكنة vr6 وهو عامل اية بقى فى العربية :
- تعديل كامل للسيارة من انظمة الموتور والفرامل والكهرباء
- العربية من الخارج كلها 98 اكصدمات فوجات .
- تغيير نظام الفرامل الى abs .
- ضفيرة كهرباء متغيرة بالكامل من الاول للاخر زي ما بيقولوا .
- مكنة vr6 ما شاء الله عليها وهمية وهمية .
- فتيس اوتوماتيك .
- جنوط 5 خرم جنط اسبور عريض .
- ده غير انها تكييف وباور وزجاج كهرباء .
يعنى تقريبا كل العربية متعدله تعديل صح صح هو ما شاء الله عليه بيعمل تعديلات فى العربيات ده خياليه وكمان فى العفشة بتعتها غير طبيعيه بجد ده احسن واحد متخصص فى الايبيزا والجولف واهم حاجة انه بيراعى ربنا فى شغله جدا جدا .
أما بقى فى لحظة التجربة كانت مرعبه لهواة السرعه حاجة خيالية وسحب غير طبييعى انا خفت منها والله ما شاء الله عليها .
وعلى فكرة العربية ده للبيع ولو حد ناوى يشترى او عايز يتفرج عليها للشراء 0113991219 (محمد) وبجد ربنا يبارك للهيشتريها .........................
Comment