استفسار عن كودوبا بشتريها

[alzelafy]

نخش فى الموضوع على طول
العربيه متسقط ليها موتور 1800 bb

1- ازاى اعرف ان عفشه الموتور دى هى الى راكبه و لا لا صاحبها بيقول شاريها كدة
2- الموتور دة منتشر و لا لا و قطع غيارة اخبارها ايه و هو انجكشن كامل بكنترول و حساسات و لا هاف اجكشن
3- السمكرى لما شافها قالى تمام بس فى خبطه فى الجانب الايمن عند الرفرف وواصله للفجوة اليمين من ناحيه الرفرف و عامله شرخ فى الجزء الدائرى الخارجى للفجوة هل دة يعيب العربيه ؟؟؟ السمكرى بيقولى عادى ممكن تتلحم و طالما الخبطه مش واصله للشاسيه يبقى عادى

4- فيها تكييف راكب مش اوريجنال و العربيه فيها مروحه واحدة سرعتين هل دة طبيعى و عادى و لا ايه النظام لان عندى فى الابيزا مروحتين جنب بعض

[ehab_mansour]

انا رأيي بلاش من العربية اللي ملعوب فيها كتير دي و مش معروف ليها أساس
يعني لو عربية كانت كاملة و اتسقطلها موتور مثلا أكبر و بس ماشي يبقي زي الفل ولكن متسقط و متركبلها كماليات كمان يبقي مليانة عك اكيد

[alzelafy]

بس سعرها اللى محليها فى عينى هتخلص على 27 و العربيه موديل 96 صالونها الااصلى و التابلوة كويس جدا طقم كاونش زيرو و البطاريه جافه جديدة و شكل الحوض نظيف و ضفيرة الكهرباء

[windofchange]

اقلك علي حاجة,انا احب لما يتسقط موتور يتسقط بملحقاته..ازاي , يعني الموتور ده 1800 المفروض والله اعلم بينزل بردياتير كبير ومروحتين وكمان اعتقد بيبقي راكب معاه طلمبة باور يبقي العربية يكون فيها الباور شغال مش لاغيه ومركب طمبورة ولاعب عند الدينامو,,كومبريسور التكييف يكون اوريجينال يعني الكومبريسور متشالش من الموتور والسربنتينة مااتفكتش من الردياتير اللي المفروض ركب معاه وعفشته معاه قواعد الموتور بالقنطرة(بيبقي فيها ميزان وده بيديك ثبات للعربية خصوصا مع قوة الموتور دي) وطقم سوست بمساعدين وفرامله معاه عشان تعرف توقف العربية يعني اسأله انت مغير طنابير بمقاس اكبر خدتها مع الموتور وكده ولا ماشي بفراملك القديمة واللي فالغالب مش هتوقف العربية وهتبان اووي لما تكون محمل يدوبك تهدي والله اعلم.....العربية استخرت ربنا وعجبتك يبقي تشوفلك نص فالحرفيين مكنة 1800bb وتفك منه ملحقات الموتور كلها ومن ضمنها كويل التكييف وكل حاجة(قول3800 جنيه او اقل للملحقات دي
) يبقي انت كده ظبطت الدنيا للموتور ده وللعربية,,الموتور اعرف ان هو انجيكشن كامل وشوف سعرها فالسوق بكام وهي فاضية وبموتورها الاصلي وشوف هو معلي سعرها فالمعقول وفهمهه ان انت المفروض هتظبط الدنيا دي كلها

[ahmedtunning]

هي فعلا الخابطة ديه متعبش العربية طالما بعيده عن الشاسيه والمكنة البي بي جميلة و قطع غيرها عند البقال وكل الميكانيكيا ايدهم فيها و استخير ربنا و ان شاء الله ربنا يكرمك للصح

[alzelafy]

مشكورين جميعا على حسن مساعدتكم ليا و ان شاء الله هعمل بالنصيحه