تجربتي مع مشكلة epc في الابيزا 2001

[pop201]

ظهرت لي مشكلة لمبة في لوحة العداد وسألت كتير وكله يقول شوفها علي الكمبيوتر والكابل الفيجا وروحت لكهربائي ومعرفش وناس تقول مشكلة في احد الحساسات وناس تقول حساس الفرامل


من الاخر كدة نزلت الصبح وانا قرفان وكانت العربية بتدور بطلوع الروح ولمبة تحذير epc شغالة قولت ابص علي لوحة الفيوزات وفعلآ طلع فيوز بايظ وغيرته بنفسي والمشكلة اتظبطت
الخلاصة عايز اقولها ممكن المشكلة تبقي تافهة وصغيرة والناس تلف حول نفسها المهم يكون الموضوع فيه افادة للجميع تقبلوا تحياتي اخوكم ماركو

[Mstfun]

اه والله فعلا

انا كمان عربيتي ابيزا 2001

لاقيت عداد الكيلو مش شغال مره

روحت لهريسه اشهر ميكانيكي الماني ف اسكندريه قالي الحساس ومش عارف ايه ودخت عليه مش لاقيه ف اسكندريه وواحد قالي هاجيبلك الطقم كله ب 250 جنيه

عم السيد كان بيظبط شويه حجات قالي هابصلك عليه.

وصلحه من غير مايغير حاجه واخد 30 جنيه

[koko6600]

انا عندى المشكلة دى بقالى 5 شهور ومش عارف احلها ورحت عند ناس كتير جامدين وحطيت العربية على الجهاز والوضع زى ما هو بس العربية ماشية معايا كويس اعمل ايه عشان epc متنورش ياريت حد يسعدنى

[pop201]

انا عندى المشكلة دى بقالى 5 شهور ومش عارف احلها ورحت عند ناس كتير جامدين وحطيت العربية على الجهاز والوضع زى ما هو بس العربية ماشية معايا كويس اعمل ايه عشان epc متنورش ياريت حد يسعدنى

شوف يامعلم اللمبة دية ليها علاقة بكل الحساسات اللي في العربية وممكن يكون حاجة تافهة جدآ رأجع الاول علي مجموعة الفيوزات كلها وفيوزات البطارية احتمال يطلع فيوز مش حساس

[titos_81]

لو عندك لمبه محروقه من لمبات الاستوب ممكن تعمل كده او زرار الاستوبات اللى على دواسه الفرامل و ممكن حساس المانقول و الله اعلم