مشاكل التدوير فى الصباح

[sherif_1011983]

معايا كوردوبا 2002 العربيه معايا ممتازه فى كل حاجه من يوم ما جبتها زيروا لحد النهارده ملهاش حل بس عندى استفسارات !!
ليه العربيه فى البرد الصبح فى اول تدويره الموتور بيكون مبرجل وبحس انه مخنوق لما بدوس بنزين والار بى ام بينزل وكانها هتبطل. ولما بطفى الموتور وافتحه تانى مع دوسه بنزين وهى بتدور او ساعات كمان من غير دوس بنزين بتتزبط فى عدم البرجله وبيكون دوران الموتور مستقر لحد ما تسخن وتبقى زى الفل
حد عارف ده عيب ايه
مع العلم انى مغير فلاتر هواء بنزين بوجيهات
بس مغيرتش اسلاك البوجيهات من يوم الشراء

وفيه صوت عالى بس مش اوى لسه ما وصلش لدرجه الازعاج جاى من ناحيه الفرن بتاع الشكمان هل ده بيأثر على العزم والكلام ده

وفيه صوت خبط خفيف اوى زى ما يكون حاجه سايبه بحس بيه لما يكون الجو هادى اوى بيروح لما بدوس دبرياج

بس خلاص
مستنى الردود وشكرا

[kar!m]

متابع

[ehab_mansour]

معايا كوردوبا 2002 العربيه معايا ممتازه فى كل حاجه من يوم ما جبتها زيروا لحد النهارده ملهاش حل بس عندى استفسارات !!
ليه العربيه فى البرد الصبح فى اول تدويره الموتور بيكون مبرجل وبحس انه مخنوق لما بدوس بنزين والار بى ام بينزل وكانها هتبطل. ولما بطفى الموتور وافتحه تانى مع دوسه بنزين وهى بتدور او ساعات كمان من غير دوس بنزين بتتزبط فى عدم البرجله وبيكون دوران الموتور مستقر لحد ما تسخن وتبقى زى الفل
حد عارف ده عيب ايه
مع العلم انى مغير فلاتر هواء بنزين بوجيهات
بس مغيرتش اسلاك البوجيهات من يوم الشراء

وفيه صوت عالى بس مش اوى لسه ما وصلش لدرجه الازعاج جاى من ناحيه الفرن بتاع الشكمان هل ده بيأثر على العزم والكلام ده

وفيه صوت خبط خفيف اوى زى ما يكون حاجه سايبه بحس بيه لما يكون الجو هادى اوى بيروح لما بدوس دبرياج

بس خلاص
مستنى الردود وشكرا

أهلا بيك أخي الفاضل عضو جديد في نايل موتورز
علي فكرة انا معايا نفس عربيتك لسه شاريها من 5 شهور تقريبا وهي فعلا عربية ممتازة
أولا بخصوص مشاكل الدوارة الصبح فده سببه الرئيسي بيكون ان بوابة الانجيكشن عندك محتاجه تتنظف ... أخر مرة نظفتها امتي ؟ او لو نظفتها و مع ذلك مازال ده بيحصل يبقي محتاجه تتغير بواحدة أخري استيراد

بخصوص الصوت اللي جاي من ناحية فرن الشكمان فده ممكن يكون من حاجات كتير ( بلية شداد - دينامو - تنفيس من جوان الفرن - .....) فياريت تحدد الصوت عبارة عن ايه

بخصوص الصوت اللي بتسمعه ولما تدوس دبرياج يختفي فده صوت خشونة صادر من بلية الدبرياج ودي بتتغير لوحدها او مع الطقم و لو طقم الدبرياج مازال كويس يبقي كبر دماغك منها لأن تغييرها بيحتاج فك الفتيس أكنك هتغير طقم الدبرياج كله

ياريت تحكي شوية عن العربية و عملت بيها كام الف حتي الأن و متوسط استهلاكها معاك للبنزين و بتحطلها بنزين ايه و ايه أخبار التكييف عندك و عاملة ايه مع التكييف و ايه عيوبها معاك يعني شوية معلومات كده لأني لسه شاري أختها من 5 شهور و الحمد لله هي ممتازة جدا معايا و تكييفها أكثر من ممتاز و كذلك موتورها لكن بحب أسمع من المالك الأصلي
وياريت كمان أعرف منك بتغيرلها بوجيهات نوعها ايه وعلي فكرة انا محتاج أغير سلوك بوجيهات عندي ولكن للأسف اللي موجود في السوق كله ألماني و الطقم ب 350 الي 450 لأن المحركات ال 16 فالف دي من فولكس قطع غيارها غالية و مش منتشرة للأسف

[sherif_1011983]

العربيه بصراحه مميزاتها مغطيه على عيوبها انا شاريها زيرو 2002 وبركب عربيات كتير موديلات اعلى بتمسك بيها اكتر ثبات محترم عفشه بنساها فى التربيط قطع الغيار موجوده واسعارها فى المتوسط فيه حاجات رخيصه اوى وفى حاجات غاليه بس تاكد ان الغالى بيتغير كل 10 سنين مثلا وانا بفضل الاصلى عشان الفك والتركيب وقفه الميكانيكيه بدل ما اغير كل سنه لا اغير كل كام سنه
موتور 1000 سى سى بس بيجارى مواتير 1300 الى 1500
التكيف على الطرق بصراحه ملوش حل بيتلج ايدى بس جوه البلد بيجهد الموتور شويه
انا بركب بوجيهات تلاته شمعه فيه بيرو وفيه nkg
اسلاك البوجيها فعلا ده سعرها بس لو ركبتها هتنساها لمده 10 سنين
انا من شهر مغير طقم مساعدين امامى وخلفى وجلب مقصات وتيش اصلى من التوكيل وقواعد موتور وكبالن وتيل خلفى وامامى كلفت حوالى 2700 جنيه مش كتير على فكره
استهلاكها فى البنزين 20 لتر كل 335 كيلو بالظبط فى السواقه المحترمه
خالى بالك بس من الجزء الخلفى فيها ده اللى ممكن يكون المشكله لانها مش منتشره اوى فممكن هتتعب انك تلاقى اى قطع فى الجزء الخلفى الزجاج الشنطه الفوانيس الباقى كله منتشر ابيزا وبولو واسكودا هتلاقى كل حاجاتها
العربيات الالمانى بالذات حساسه والطرق المصريه ما بتاكلش معاها عشان كده لو ايدك فيها على طول هتحس انك راكب عربيه محترمه جدا وربنا يباركلك فيها ويكفيك شرها

[ehab_mansour]

العربيه بصراحه مميزاتها مغطيه على عيوبها انا شاريها زيرو 2002 وبركب عربيات كتير موديلات اعلى بتمسك بيها اكتر ثبات محترم عفشه بنساها فى التربيط قطع الغيار موجوده واسعارها فى المتوسط فيه حاجات رخيصه اوى وفى حاجات غاليه بس تاكد ان الغالى بيتغير كل 10 سنين مثلا وانا بفضل الاصلى عشان الفك والتركيب وقفه الميكانيكيه بدل ما اغير كل سنه لا اغير كل كام سنه
موتور 1000 سى سى بس بيجارى مواتير 1300 الى 1500
التكيف على الطرق بصراحه ملوش حل بيتلج ايدى بس جوه البلد بيجهد الموتور شويه
انا بركب بوجيهات تلاته شمعه فيه بيرو وفيه nkg
اسلاك البوجيها فعلا ده سعرها بس لو ركبتها هتنساها لمده 10 سنين
انا من شهر مغير طقم مساعدين امامى وخلفى وجلب مقصات وتيش اصلى من التوكيل وقواعد موتور وكبالن وتيل خلفى وامامى كلفت حوالى 2700 جنيه مش كتير على فكره
استهلاكها فى البنزين 20 لتر كل 335 كيلو بالظبط فى السواقه المحترمه
خالى بالك بس من الجزء الخلفى فيها ده اللى ممكن يكون المشكله لانها مش منتشره اوى فممكن هتتعب انك تلاقى اى قطع فى الجزء الخلفى الزجاج الشنطه الفوانيس الباقى كله منتشر ابيزا وبولو واسكودا هتلاقى كل حاجاتها
العربيات الالمانى بالذات حساسه والطرق المصريه ما بتاكلش معاها عشان كده لو ايدك فيها على طول هتحس انك راكب عربيه محترمه جدا وربنا يباركلك فيها ويكفيك شرها

ربنا يكرمك و يجازيك خيرا وانا عارف انها عربية محترمة جدا و حاسس بكده
بس مرديتش علي كلامي فوق بالنسبة لمشكلتك !!!
بخصوص قطع غيار العفشة ياريت تفصلها سعر و تركيب للمعرفة و عملت الشغل ده فين و اشتريت من مين ؟ كلها من التوكيل ولا فيه حاجه من برة

بخصوص استهلاك البنزين هيا فعلا اقتصادية ولكن بيزيد الاستهلاك شوية مع التكييف و الزحمة وده طبيعي

وجزاك الله خيرا علي معلوماتك القيمة

[sherif_1011983]

بالنسبه للتدوير الصبح ظبتها فى التوكيل ونظفوا بوابه الهوا والرشاشات كلفت 80 جنيه
بالنسبه للصوت العالى غيرت فرن الشكمان 150 جنيه استيراد
شغل العفشه انا جايب من التوكيل باره الدريكسيون اصلى كامله يمين وشمال 800 جنيه وجلب مقصات اصليه 230 جنيه بتعيش كتير وعن تجربه. ركب بره ابعد عن مصنعيات التوكيل ما تركبش عندهم غير الحاجات الحساسه بس
من فتح الباب المساعدين الامامى والخلفى نوع المانى شاكس ده محترم اوى ويعتبر اغلى حاجه فى السوق امامى 700 خلفى 600 قاعده موتور امامى 100 وتيل خلفى 110 وامامى انا بجيت ati بحوالى 250جنيه كبالن 225 جنيه قنطره كامله استيراد 200 جنيه مقصات استيراد 150 جنيه
موبينه استيراد 300 جنيه مره شربونه الدينامو اتاكلت اضطريت اغير القطعه كامله جبتها اصلى 300 جنيه
سربنتينه تكيف استيراد 400 جنيه ردياتير اصلى توكيل 600 جنيه
فوانيس امامى 300 جنيه شبوره 200 جنيه اكصدام امامى كامل حليه وشنب 400 جنيه
الكبود شوفته استراد حالته نضيفه جدا بالعازل الداخلى 400 جنيه مع العلم ان كبود الدايو لانوس استيراد مش اقل من 900 جنيه وعن تجربه
اعتقد انا كده حاولت الم ليك معظم قطع الغيار اللى اتغريت باسعارها تقريبا اتمنى اكون افادتك

[ehab_mansour]

بالنسبه للتدوير الصبح ظبتها فى التوكيل ونظفوا بوابه الهوا والرشاشات كلفت 80 جنيه
بالنسبه للصوت العالى غيرت فرن الشكمان 150 جنيه استيراد
شغل العفشه انا جايب من التوكيل باره الدريكسيون اصلى كامله يمين وشمال 800 جنيه وجلب مقصات اصليه 230 جنيه بتعيش كتير وعن تجربه. ركب بره ابعد عن مصنعيات التوكيل ما تركبش عندهم غير الحاجات الحساسه بس
من فتح الباب المساعدين الامامى والخلفى نوع المانى شاكس ده محترم اوى ويعتبر اغلى حاجه فى السوق امامى 700 خلفى 600 قاعده موتور امامى 100 وتيل خلفى 110 وامامى انا بجيت ati بحوالى 250جنيه كبالن 225 جنيه قنطره كامله استيراد 200 جنيه مقصات استيراد 150 جنيه
موبينه استيراد 300 جنيه مره شربونه الدينامو اتاكلت اضطريت اغير القطعه كامله جبتها اصلى 300 جنيه
سربنتينه تكيف استيراد 400 جنيه ردياتير اصلى توكيل 600 جنيه
فوانيس امامى 300 جنيه شبوره 200 جنيه اكصدام امامى كامل حليه وشنب 400 جنيه
الكبود شوفته استراد حالته نضيفه جدا بالعازل الداخلى 400 جنيه مع العلم ان كبود الدايو لانوس استيراد مش اقل من 900 جنيه وعن تجربه
اعتقد انا كده حاولت الم ليك معظم قطع الغيار اللى اتغريت باسعارها تقريبا اتمنى اكون افادتك

جزاك الله خيرا أستاذ شريف وربنا يباركلك فيها بس انا شايف ان الأسعار ممتازة جدا و خاصة الاستيراد
الحمد لله

[sherif_1011983]

انا لاحظت انك من المنصوره
على فكره انا كمان من المنصوره - حى الجامعه وشغلى فى القاهره

ممكن بس تعرفنى حاله العربيه بتاعتك ايه وجبتها بكام لانى بنصح حد يشترى الموديل ده
شكرا....

[ehab_mansour]

انا لاحظت انك من المنصوره
على فكره انا كمان من المنصوره - حى الجامعه وشغلى فى القاهره

ممكن بس تعرفنى حاله العربيه بتاعتك ايه وجبتها بكام لانى بنصح حد يشترى الموديل ده
شكرا....

بعتلك رسالة علي الخاص !!!
انا فعلا من المنصورة ولكن أساسا مش من المدينة انا من أحد القري التابعة لمركز دكرنس ولكن عشت كتييييييييير في مدينة اللمنصورة نفسها و متخرج من كلية الهندسة جامعة المنصورة ولكن ساكن حاليا بالقاهرة بعائلتي و شغال هنا و بسافر المنصورة كل فترة وفي المناسبات
عربيتي كوردوبا 2002 كاملة بالمحرك الأوريجينال 1000 سيسي 16 فالف 70 حصان
فبريكة برة و جوة ما عدا جزء بسيط في العتبة اليمين هو اللي مرشوش
شاريها كانت عاملة 102 الف كيلومتر و كل شيء فيها بحالة الفبريكة بفضل الله (عفشة - محرك - دهان - ....) وكانت معروضة ب 49 الف و خلصتها بعد وجع دماغ كتير ب 47 الف و نصف و بها رخصة سنة و نصف و اللي كان متغير فيها فقط هو فانوس أمامي شمال و صاحبها جابلي الفانوس الأوريجينال و كان فيه نقرة بسيطة و لذلك غيره
العيب الوحيد اللي قابلني و يعتبر مش عيب هو فرش الباب الداخلي فيه أجزاء لزقها مفكوك وده يعتبر عيب أساسي في الموديل ده للكوردوبا و الابيزا
بعد شرائها كانت محتاجه سيرفس عادي ( زيت و فلاتر و بوجيهات و شحن تكييف و بس ) و الحمد لله مشيت بيها حتي الأن 14 الف كيلومتر لأني بسافر كتير لظروف شغلي و مافيش مشاكل و كله زي الفل بفضل الله

عارف ان فيه ناس هتقول ان السعر عالي و لكن انا بحب أريح دماغي يعني ممكن أدفع زيادة كام الف بس أركب عربية سليمة و مضبوطة و أدور و أمشي فقط ... مش كل يوم وقفة و وجع دماغ و صيانة لأني معنديش وقت لكده
وربنا يباركلي فيها و يحفظهالي
والله الموفق و المستعان