إستفسار ضروري بخصوص إبيزا 2012

[sport781]

السلام عليكم و رحمة الله و بركاته
يا جماعة أنا إشتريت سيات إبيزا 2012 وكيل ... بحمد الله من الشركة المصرية للسيارات و عندي شوية أسئلة ضرورية :
1- هو الإستبن اللي جاي مع العربية ليه مقاس 14 مش 15 زي باقي الكاوتش اللي في العربية ؟
2- كمبيوتر الرحلات مش بيجيب غير البنزين بس مبيتغيرش ؟
3- الكاوتش نوعه pirelli مش bridgestone مع إني سمعت إن العربية الوكيل bridgestone ....
شكرا

[harban]

ألف مبروك، إرجع للشركة بخصوص الاستبن ، ال-5 فرد المفروض يكونوا مقاس 15, تغيير قراءت العداد عن طريق الذراع اليمين إلي بيتحكم فالمساحات، إضغط على الزراير إلي في رأسه للتغيير، أنا استلمت العربية ببريدجستون، و على مهلك في العريبة دي لأنها جراية جداً

[sport781]

الله يبارك فيك و انا كلمتهم و هغيروا إن شاء الله .. :):):)

[Mohab.Nabil]

مبروك يا باشا و ربنا يباركلك فيها ان شاء الله

بس يا ريت تقولنا انطباع سريع عنها كده

[ehab_mansour]

الف مبروك السيارة الجديدة وربنا يباركلك فيها
انت اشتريت الابيزا العادية بالمحرك ال 1600 و الفتيس dsg ولا الابيزا الاستيشن ST بالمحرك ال 1200 TSI وبفتيس dsg
وياريت تدينا انطباع عنها و تقرير سريع

[sport781]

الله يبارك فيكوا جميعا و إن شاء الله هعمل تقرير عنها بس مستني ادرس كل حاجة فيها :):):):)

[sport781]

وهيا اه ابيزا 1600 cc dsg

[sport781]

على فكره الشركة قالت ان الاستبن بتاع موديل 2012 كله مقاس 14 فهل ده صحيح ؟

[sport781]

إنطبعي عن السيارة لحد دلوقتي
إن السيارة ما شاء الله سحبها حلو و الأوبشنز بتاعتها حلوة من مثبت سرعة و فرامل abs , ebd و airbags 2 و كمبيوتر رحلات و مالتي فنكشن و 6 سماعات
بس مش عارف حاسس ليه ان عفشتها مش ناعمه هل عشان هيا لسه في التليين ام الموضوع ده ملوش علاقة ؟
عيبها إن الكنبة الخلفيه ضيقة

[Mohab.Nabil]

على فكره الشركة قالت ان الاستبن بتاع موديل 2012 كله مقاس 14 فهل ده صحيح ؟

معظم العربيات بينزل الاستبن بالمقاس الموجود فى الفئة البيزلاين

الموضوع دا حاصل معانا فى الفلوينس و السى فور

العربيات فيها كاوتش 16 و الاستبن 15

معرفش بصراحة الابيزا نفس النظام ولا لا

بس الفكرة نفسها بتحصل فى اكثر من ماركة بس محدش هيأكد موضوع الابيزا الا حد تانى مستلمها او حضرتك ممكن تروح تشوف عربية موجودة فى الشو روم فى التوكيل و تتأكد بنفسك