إعـــــــلان

Collapse

.

,
See more
See less

بفكر اشتري سيات 133 ياريت تردو عليا

Collapse
X
 
  • Filter
  • الوقت
  • Show
Clear All
new posts

  • #16
    هى دى الـ سيات 133 ..

    فيه غيرها فيات 126 ، برضه موتور ورا ولها نفس المشاكل

    والاتنين فى نفس مستوى السعر.
    [LEFT]The only alternative to coexistence is codestruction - [I]Nehru[/I]
    [/LEFT]
    [LEFT][COLOR=#000000][LEFT]

    [/LEFT]
    [/COLOR][/LEFT]

    Comment


    • #17
      تمام يا باشا .... شكرا ليك

      Comment


      • #18
        وطالما دى امكانياتك يبقى اتكل على الله ، بس استنضف بقدر الإمكان.
        [LEFT]The only alternative to coexistence is codestruction - [I]Nehru[/I]
        [/LEFT]
        [LEFT][COLOR=#000000][LEFT]

        [/LEFT]
        [/COLOR][/LEFT]

        Comment


        • #19
          انا اشتريت السيات 133 أربع مرات ، اولها كان 1995 وبعتها 1997 ، واخرها 2005 وبعتها 2007، واقدر اقول لك بكل اطمئنان وراحة ضمير اوعى تشترى سيات 133 ، حرام عليك فلوسك، العربية دى كانت حلوة من 15 سنة فاتت لما كان عمرها 15 سنة، وانا اول عربية سيات جبتها برغم ان كان عمرها 15 سنة لكن كانت ممتازة، لا كانت بتسخن ولا ضايقتنى فى الفتيس ولا الفلانشات(آلات الجر) ولا اى حاجة
          لكن كل واحدة كنت بجيبها بعد كدة كانت أسوء من اللى قبلها، وقطع الغيار عماله تقل وسعرها يزيد والموجود منها مستعمل وحالته زبالة، لحد آخر عربية سيات جبتها فى 2005 ، خلال سنتين مكملتش بيها 6 آلاف كيلومتر وصرفت عليها 6 آلاف جنيه فوق تمنها وبعتها اقل ما اشتريتها ، وكانت مركونة طول الوقت واعتمادى كله على عربيتى الكبيرة ومش بتكمل مشوار من غير ما تعطل وكانت بتتفنن فى ابتكار اعطال لا أول لها ولا آخر ، وعملت فيها كل العمايل ولعبتها كل الألعاب، ركبت الطنبورة الصغيرة لطرمبة المية وشلت قميص الردياتير وركبت لها مروحة عربية لادا، وركبت على وش الردياتير من الناحية التانية مروحة كهربا وجبت لها ردياتير جديد، وعلمت لها عمرة موتور وبرضة بتسخن، اما بالنسبة لألات الجر فحدث ولا حرج، غيرت لها الجير بوكس مرتين لأن اللى موجود فى السوق مستعمل وتعبان، كما ان كل الل موجود ديلوقتى بتاع الزستافا 750 ونسب تخفيضه اقل من بتاع السيات وبيخليها ماشية تزحف، وقلبت الفلانشات الى كبالن بعد ما فقعتنى اكتر من مقلب وكلفتنى مبلغ وقدره، ده غير بأة العيوب العجيبة اللى كانت بتوقف العربية، مرة تقف ويطلع مسمار الكوندنسر مفوت وبالتالى بيضيع الشرارة، مرة الضفيرة شاطت بدون ادنى سبب، مرة صرة العجلة هربت من أكس الجر، مرةقاعدة دواسة الدبرياش طرقعت وبقت العربية بدون دبرياش(عيب شهير ومتكرر فى السيات)، وكانت لما متلاقيش عطل تعطله تختار مطلع كوبرى او منزل نفق وتضرب فردة كاوتش، وبعدين العربية قطع غيارها قليلة جدا، هيقولولك كل قع غيار ال127 بتركب عليها وهذة معلومة غير صحيحة، اللى بيركب عليها من قطع غيار ال127 هى قطع غيار الموتور(ماعدا عمود الكامة ) وفيه حاجات بتحتاج تعديل علشان تركب عليهامن قطع ال127 زى المارش والدينامو والحاجات دى (بما فيها عمود الكامة اللى مش بينفع) علشان موتور عربية من الاتني بيلف يمين والتانى بيلف شمال، وطرمبة المية والكاربراتير مختلفين بين العربيتين، اما بأة بالنسبة للفتيس( وده اكبر مصيبة فى السيات وبيتغير زى البنزين والزيت وغالى موت ومش موجود وان لقيته هتلاقيه حالته عدمانة) فمش بيركب عليها غيرا بتاعها وبتاع الزاستافا 750 وكلاهما نادر، مش هيركب عليها فتيس اى عربية تانية علشان هى جر خلفى ومتور بالطول وباقى العربيات جر امامى ومتور بالعرض، كمان موضوع ال 120 كيلو يوميا للسيات ده حتى لو كانت فى افضل حالاتها(وهو ما لن تجده) مأساه، وجو اسيوط حر لن تتحمله السيات(دى بتفطس فى جو القاهرة)
          نصيحة يا أخى الصغير حافظ على فلوسك واصبر لحد ما يكون معاك على الأقل ثمن ال 127 او ال 128، انا كل اللى اعرفهم اشتروا سيات 133 بما فيهم انا خربت بيتهم وفلستهم واتباعت بأرخص من تمنها علشان يتدبس فيها واحد تانى تفلسه وهكذا ، ده ناهيك عن انها مبتكملش مشوار بدون مشكلة، لو كنا من 20 سنة فاتوا كنت قلت لك اشتريها بلا تردد، لكن النهاردة علشان تشترى عربية عمرها 30 سنة وهى اصلا من ساعة كان عمرها 10 سنوات ابتدت تبان لها مشاكل فنصيحتى لك هى حافظ على فلوسك ، ونصيحة اخرى متعيشش فى قصة انك هتجيبها وتركب لها موتور عربية تانية(ألماروتى مثلا) لا هيبات مكان موتور السيات ولا ينفع يترخص مكانه، كما ان مشاكلها مش فى نوعية موتورها لأن نفس الموتور راكب فى ال127 بدون مشاكل، هى مشاكلها من تصميم الحوض ومكان الموتور خلف السيارة اللى بيخليها تسخن وده اى موتور هيتركب مكانه هيعانى نفس المشكلة (فيه ناس بتعدل موتور ال 127 وتركبه مكان موتورها وبتسخن برضه) وباقى مشاكلها من آلات الجر اللى مبينفعش يركب مكانها غير بتاعتها او بتاعت عربيات اسوأ منها زى الزاستافا وبالتالى تغيير الموتور مش هيحل لك المشكلة دى
          [SIZE=5][COLOR=navy]سبعاوى[/COLOR][/SIZE]
          _______________________________________________

          Comment


          • #20
            اانا بشكرك جدا على ردك المفصل و على نصيحتك ... خلاص هستنى شوية و اجيب حاجة اعلى ان شاء الله ...لان من اواضح انها عربية مش عربية من خلال نصائح الاعضاء ...و جزاك الله خيرا اخي

            Comment


            • #21
              ما تفكر في الفولكس البيتلز عربيه محترمه و استنضف حاله كويسه مش هتعدي ال 8 هتشيلك و هتفتكرها

              لما تحب تجيب عربيبه تانيه

              Comment


              • #22
                المشاركة الأصلية كتبت بواسطة mahmoudyoussif مشاهدة المشاركة
                ما تفكر في الفولكس البيتلز عربيه محترمه و استنضف حاله كويسه مش هتعدي ال 8 هتشيلك و هتفتكرها

                لما تحب تجيب عربيبه تانيه
                بالفعل البيتلز عربية كويسة بشرطين، الشرط الأول يكون فى محيطك ميكانيكى بيتلز كويس لأنها محدش بيشتغل فيها غير ال ميكانيكى بتاعها لان تصميمها عجيب جدا (محرك بوكسر مسطح "لايوجد سوى فى البيتلز والسوبارو" ومبردة بالهواء"فقط البيتلز وال126 والرمسيس القديمة والموتوسيكلات" ومكانه فى الخلف"البيتلز وسيارات اخرى قليلة ومعادش فيه حاليا عربيات بمحرك خلفى") وشوية الحاجات دى مع بعضها بتخلى محدش يعرف يمد ايده فيها غير الميكانيكى بتاعها

                الشرط التانى انك تشترى موديلات ما بعد 1965، متقربش نهائيا من موديلات ما قبل 1965 ام عفشة 5 خرم وقزاز رفيع، قطع غيار آلات الجر بتاعتها نادرة جدا وعفشتها سيئة، لو هتجيب تشترى من 1965 لحد 1974 انت وامكانياتك اللى هى قزازها الجانبى والخلفى واسع وعفشتها 4 خرم لان دى عفشتها انعم وقطع غيار العفشة وآلات الجر بتاعتها اكثر توافرا، فيه طبعا من موديلات السبيعنات موديلين مميزين واحد فيهم اسمه 1302 ودى تتميز بأن عفشتها الأماميه على سوست مش تورشن بار وشنطتها الامامية اوسع، وفيه موديل رائع اسمعه 1303 ودى اشيك والقزاز الأمامى بتاعها بومبيه(واخد تدويرة شوية مش فلات زى الموديلات الاقدم) وتابلوهها جلد زى باقى العربيات مش تابلوه حديد وكان فيه منها بمحرك 1600، لكن مع ذلك حتى بو قدرت تجيب الموديل العادى اللى هو 1300 بشرط يكون موديلات ما بعد 1965 هيكون كويس، لكن ام 5 خرم القديمة لو اتحط لك عليها فلوس متاخدهاش، وبرضه افكرك لازم يكون فى محيطك ميكانيكى بيتلز
                [SIZE=5][COLOR=navy]سبعاوى[/COLOR][/SIZE]
                _______________________________________________

                Comment


                • #23
                  استاذ محمود و استاذ سبعاوي شكرا ليكم ... انا فعلا بفكر في البيتل و بجمع معلومات عنها و ربنا يسهل .

                  Comment


                  • #24
                    معلومه صغيره ليك العربيه سعره رخيص بس قطع غيارها غاليه مثلا متور استراد بتعها عامل 3000 جنيه

                    Comment


                    • #25
                      قصدك البيتلز و لا السيات ؟

                      Comment


                      • #26
                        يقصد البيتلز هى غالية شوية فعلا بس معمره وبتعيش فترات طويلة
                        [COLOR=blue][B]وبحب الناس الرايئه اللى بتضحك على طول, اما العالم المدايئه انا لأ ماليش فى دول[/B][/COLOR]

                        Comment


                        • #27
                          يا مسهل ... اديني بشوف

                          Comment


                          • #28
                            اشتري عربية بيتلز احسن من السيات دي
                            عربية مشاكلها كتير وبتعطل اكتر ما بتمشي
                            وهاتخليك تكره السواقة والعربيات بشكل عام
                            ده غير ما هاتذلك في الطرق وتعطل وتوقف المرور والناس تشتم وتتريق
                            الاحسن تصبر شوية وتجيب 127 مثلا او بيتلز
                            اكرملك من السيات ونصحتي لو ناوي تجيب سيات اتمشي علي رجلك ( احسن لك - اكرملك - توفير للوقت)

                            Comment

                            Working...
                            X