منقول: ساعدوني افهم قبل ما اشتري الابيزا ...

[ehab_mansour]

طبعا الأخوة الأعضاء ردو عليك بما فيه الكفاية
ولكن عايز أقلك ان حتي 2009 الابيزا كانت بتنزل بالشكل القديم اللي هو من 2003 حتي 2009 و ده كان نازل 1600 بفتيس ستيب ترونيك عادي 6 سرعات في 2009 وليس ال dsg وده مفيش منه مشاكل ولا تقلق
ولكن في موديلات من 2003 حتي 2007 تقريبا كان بينزل بمحرك 1400 16 فالف وهو أيضا ممتاز حتي مع التكييف و السفر

بالنسبة للكشف فأنا بكشف علي اي عربية بشتريها بنفسي ومبرحش لحد و طبعا الأخوة الأعضاء هنا ردو بالمفيد فيه
ولا تقلق من الابيزا او اي موديل لسيات لأنها عربيات اعتمادية و ممتازة و ان شاء الله تستمتع بيها ولا تنسي الاستخارة و بالتوفيق ان شاء الله

[hamoza]

الف شكر للاخوه الاعضاء وادعولي ان ربنا يرزقني بعربيه نضيفه وعلى العموم انا اتصلت بصاحب الورشه الي في جسر السويس وهروح اكشف على العربيه ان شاء الله

[egman]

ربنا يكرمك ويوفقك لكل خير يا باشا

[khaledsaad]

يا ريت بعد ازنك تقولنا ايه الاخبار وتحكي الترجبه للاعضاء للافاده وشكرا

[egman]

يا ترى يا باشا وصلت لأية وعملت اية فى الكشف طمنا عليك وارجو انك تحط الى حصل بالتفصيل علشان الكل يستفاد وكمان الموضوع يبقى كمل مش مجرد انه طرح سوال ويدخل عضو اخر محتاج نفس الموضوع وما يلاقيش الإجابة وبالتوفيق ان شاء الله فى الشراء وكل عام وحضرتك بخير ....

[hamoza]

السلام عليكم ورحمة الله
معلش يا جماعه ان كنت اتاخرت عليكم بتفاصيل بحثي عن سيات ابيزا ما بين موديل 2007ـ2009
كانت نتيجة البحث في اعلانات كونتاكت كار حتى الان عدم الصدق من المعلنين يعني يقولك حاله ممتازه وفابريكه بره وجوه واروح اشوف كلام تاني بس ما اظنش ان كل المعلنين كده دي كانت حالة فرديه واخر عربيه اتفرجت عليها المهم بقه فاضلي عربيه موديل 2007 بس صاحبها دايما مشغول عشان كده مستني حضرتو يفضى عشان اروح اشوف العربيه
بس في حاجه لفتت انتباهي جدا الا وهيا سيات كوردوبا ما بين موديل 2007ـ2009 بس انا ما اعرفش اي حاجه عنها غير انها العربيه السيدان من الابيزا طيب يعني وهل صالونها نفس الابيزا ولا اوسع شويه وايه الفرق ما بين الابيزا والكوردوبا؟؟؟؟ ده غير اني شوفت الكوردوبا حوالي مرتين تلاته في الشارع وسالت صاحب الورشه الي في جسر السويس عنها قالي انها عربيه لفئه معينه من الناس وكان قصدو للرجاله الكبار ؟؟؟ مع ان شكلها شيك جدا وراقي ويدي لشبابي وحريمي وده مجرد رايي ..
على العموم ياريت تفيدوني بخصوص كوردوبا وهل فيها مشاكل بالنسبه لقطع الغيار وهل صالونها اوسع من الابيزا ؟؟ ولا رايكو اخليني في الابيزا وما اشتتش نفسي وانا بدور؟؟

[ehab_mansour]

السلام عليكم ورحمة الله
معلش يا جماعه ان كنت اتاخرت عليكم بتفاصيل بحثي عن سيات ابيزا ما بين موديل 2007ـ2009
كانت نتيجة البحث في اعلانات كونتاكت كار حتى الان عدم الصدق من المعلنين يعني يقولك حاله ممتازه وفابريكه بره وجوه واروح اشوف كلام تاني بس ما اظنش ان كل المعلنين كده دي كانت حالة فرديه واخر عربيه اتفرجت عليها المهم بقه فاضلي عربيه موديل 2007 بس صاحبها دايما مشغول عشان كده مستني حضرتو يفضى عشان اروح اشوف العربيه
بس في حاجه لفتت انتباهي جدا الا وهيا سيات كوردوبا ما بين موديل 2007ـ2009 بس انا ما اعرفش اي حاجه عنها غير انها العربيه السيدان من الابيزا طيب يعني وهل صالونها نفس الابيزا ولا اوسع شويه وايه الفرق ما بين الابيزا والكوردوبا؟؟؟؟ ده غير اني شوفت الكوردوبا حوالي مرتين تلاته في الشارع وسالت صاحب الورشه الي في جسر السويس عنها قالي انها عربيه لفئه معينه من الناس وكان قصدو للرجاله الكبار ؟؟؟ مع ان شكلها شيك جدا وراقي ويدي لشبابي وحريمي وده مجرد رايي ..
على العموم ياريت تفيدوني بخصوص كوردوبا وهل فيها مشاكل بالنسبه لقطع الغيار وهل صالونها اوسع من الابيزا ؟؟ ولا رايكو اخليني في الابيزا وما اشتتش نفسي وانا بدور؟؟

انا كان معايا ابيزا 98 و معايا حاليا كوردوبا 2002
الفرق بينهم ان الكوردوبا اوسع شوية من الابيزا في الطول و العرض ولكن مش كتير
الكوردوبا في كل الموديلات بتنزل بفئة واحدة فيها كل حاجه تقريبا و بتكون أعلي من الابيزا في الكماليات
الكوردوبا بتحتوي علي شنطة كبيرة و واسعه تقريبا ضعف شنطة الابيزا و اكتر قليلا (455 لتر)
وفي موديل من 2003 حتي 2009 أصبحت أكبر من كده كمان

الكوردوبا أعلي من الأرض أكتر من الابيزا و أثقل في الوزن و مع ذلك أكثر ثباتا من الابيزا علي الرغم من ان الابيزا ثابته جدا
الكوردوبا بتنزل بمحركات أكبر من الابيزا دايما(علي فكرة ده في مصر بس) لأنها عربية عائلية و أثقل وزنا لذلك تحتاج محرك أكبر

يعيب الكوردوبا فقط انها النصف الخلفي منها قليل كقطع غيار ولكن في اخر لفة لي في الحرفيين لقيت منها كل حاجه موجوده
يعيب الكوردوبا ايضا انها تقيله في البيع لأنها مش منتشرة كتير زي الابيزا و مش اي حد يعرفها و كمان اللي بيمتلكها مش بيبيع إلا القليل لذلك مش معروفة قوي في سوق البيع و الشراء زي الابيزا

بخصوص قطع الغيار العادية فهي موجوده و منتشرة زيها زي كل قطع غيار مجموعة فولكس

و بالتوفيق ان شاء الله

[hamoza]

شكرا جزيلا استاذي العزيز م/ إيهاب منصور على الرد و على الافاده

[egman]

ارجو من العضو الفاضل انه ينقل تجربة الكشف على السيارة والتكلفة واية الى تم فى الكشف علشان الموضوع يكتمل والى يحتاج مكان يكشف فيه يلاقي موضوع كامل يقدر يستفيد منه مش الفكرة من انى اخد مصلحتى وخلاص والمعلومات الى تهمنى وخلاص لانه مش هيكون اخر موضوع وهترجع تانى تحتاج للناس هنا فى المنتدى !!!!!!!!!!!