ربط السنتر بشنطة العربيه

[matrix012]

اخوانى انا كنت عاوز اربط الشنطه بالسنتر مع العلم العربيه ابيزا 94 clx ولما اشتريتها كان السنتر بايظ اصلا المهم ركبت للاربع بيبان بس مش فاكر ليه معملتش كده مع الشنطه
هل ينفع اربط السنتر مع الشنطه يعنى افتح بالريموت وبعد كده ادوس على الكالون تفتح من غير مفتاح
هل ماكينة السنتر بتاعت الباب هيا هيا بتاعت الشنطه ؟
هل الموضوع ده متعب وهياخد وقت ( قلتو احسن )
وكمان فى حاجه فى البابين الى قدام فى حاجه كده فى الباب من تحت زى السوسته مش عارف الصراحه اسمها ايه بس الى هيا بتبين ان الباب مفتوح او مقفول بتاعه كده لونها اسود وفيها سوسته وللاسف الاتنين بايظين عندى كنت بسئل بيتغيرو منين علشان انا سئلت عليهم استيراد عند ابو شهد قالى بتتباع جديده ومش عارف فين

وشكرا وربنا يستر طريقى وطريقكم

[Ahmed_Gallant]

اخوانى انا كنت عاوز اربط الشنطه بالسنتر مع العلم العربيه ابيزا 94 clx ولما اشتريتها كان السنتر بايظ اصلا المهم ركبت للاربع بيبان بس مش فاكر ليه معملتش كده مع الشنطه
هل ينفع اربط السنتر مع الشنطه يعنى افتح بالريموت وبعد كده ادوس على الكالون تفتح من غير مفتاح
هل ماكينة السنتر بتاعت الباب هيا هيا بتاعت الشنطه ؟
هل الموضوع ده متعب وهياخد وقت ( قلتو احسن )
وكمان فى حاجه فى البابين الى قدام فى حاجه كده فى الباب من تحت زى السوسته مش عارف الصراحه اسمها ايه بس الى هيا بتبين ان الباب مفتوح او مقفول بتاعه كده لونها اسود وفيها سوسته وللاسف الاتنين بايظين عندى كنت بسئل بيتغيرو منين علشان انا سئلت عليهم استيراد عند ابو شهد قالى بتتباع جديده ومش عارف فين

وشكرا وربنا يستر طريقى وطريقكم

اولا السلام عليكم
ثانيا تقريبا انا كنت لسه هعمل موضوع اسال فيه نفس السؤال بس انت قصرت عليا المسافه لانى عندى نفس مشكلتك بالظبط مع السنتر بس لسه مصلحتوش وعربيتى هى عربيتك بالظبط بس المكنه انجيكشن متسقطه
بالنسبه لحساس الباب اللى بيتحكم فى النور والسنتر انا سمعت انهم موجودين جديد فعلا بس مش متاكد من السعر انهم ب20 جنيه وده عند فتح الباب اللى فى فيصل او التوفيقيه
كنت عايز اعرف حضرتك اشتريت السنتر بكام ونوعه ايه وجديد ولا استيراد وركبته بكام وعند ميين
وهل الحساسات اللى ورا بتاع البيبان عامله مشكله فى السنتر ولا عادى لانى عندى برده بايظين
تانى حاجه انا كنت بفكر فكره تانيه انه ينفع يركب للشنطه كالون يكون بيتفتح بواير من داخل السياره ولا لا وطبعا انا متابع موضوع السنتر بتاع الشنطه لانه هيكون عملى اكتر
ثالثا كنت عايز اعرف هلى التنك تبع السنتر ولا لا عشان انا السنتر عندى بايظ وجايبها كده والتانك مفتوح على طول ومن جوه مفيش مفتاح يعنى اى حد ممكن ياخد الغطا
اسف على الاطاله
احمد عبد السلام

[sameh_se]

متابع باهتمام

[SYD]

اولا الزرار بتاع الباب بيتباع فعلا ب20 جنيه عند فتح الباب او اي حد بتاع سيات واوعي تجيب حاجة تانية لأنه مش هيركب عليها (ناس بتقول هات بتاع هيونداي) مختلف تماما لازم بتاع سيات او فولكس علي ما اعتقد ينفع

ثانيا : الشنطة طبعا بتدخل علي السنتر وبيركبلها صباع عادي زي بتاع الأبواب ودة مش هياخد ربع ساعة فك وتركيب

ثالثا : التانك داخل علي السنتر والدليل هتلاقي مكان بيخرج منه الصباع بتاع السنتر وفي الباب هتلاقي زي دبلة لمكان الصباع بتاع السنتر بس دة بقي مش هتلاقيه غير استيراد للأسف وبيركب من جوة الشنطة في ظهر التانك وهتلاقيه عبارة عن علبة خارج منها بار طويل سنه مدبب وبيتنفخ بالهوا دة لو السنتر عندك هوا مش كهرباء

والله المستعان
،
،

[Ahmed_Gallant]

شكرا للاستاذ سيد على الرد والتوضيح انا النهارده فتحت الباب اللى ورا لقيت السنتر ده
مع العلم ان البابين اللى قدام مفيهومشى الكلام ده والاسلاك بتاعت السنتر مرميه جوه الباب ومش واصله لحاجه
ويا ترى سلك السنتر بتاع الشنطه بيكون من تحت عند الصباع اللى القفل بيمسك عليه ولا فى القف نفسه
وفعلا انا لقيت الصباع اللى حضرتك قلت عند التانك بس لسه مشوفتش واصله اسلاك ولا لا عليه بس مش شغال على الاطلاق
انا بس كنت عايز اعرف السنتر ده هوا ولا كهربا وهل ينفع انى اجيب عليه اتنين كمان قدام وبتاع الشنطه بدل ما اشترى الاربعه جداد ده فى حاله انه طلع شغال
ولو عايز اجربه اعمل ايه يعنى اوصله كهربا ازاى ولا مينفعشى
احمد عبد السلام

[matrix012]

اولا السلام عليكم
ثانيا تقريبا انا كنت لسه هعمل موضوع اسال فيه نفس السؤال بس انت قصرت عليا المسافه لانى عندى نفس مشكلتك بالظبط مع السنتر بس لسه مصلحتوش وعربيتى هى عربيتك بالظبط بس المكنه انجيكشن متسقطه
بالنسبه لحساس الباب اللى بيتحكم فى النور والسنتر انا سمعت انهم موجودين جديد فعلا بس مش متاكد من السعر انهم ب20 جنيه وده عند فتح الباب اللى فى فيصل او التوفيقيه
كنت عايز اعرف حضرتك اشتريت السنتر بكام ونوعه ايه وجديد ولا استيراد وركبته بكام وعند ميين
وهل الحساسات اللى ورا بتاع البيبان عامله مشكله فى السنتر ولا عادى لانى عندى برده بايظين
تانى حاجه انا كنت بفكر فكره تانيه انه ينفع يركب للشنطه كالون يكون بيتفتح بواير من داخل السياره ولا لا وطبعا انا متابع موضوع السنتر بتاع الشنطه لانه هيكون عملى اكتر
ثالثا كنت عايز اعرف هلى التنك تبع السنتر ولا لا عشان انا السنتر عندى بايظ وجايبها كده والتانك مفتوح على طول ومن جوه مفيش مفتاح يعنى اى حد ممكن ياخد الغطا
اسف على الاطاله
احمد عبد السلام

وعليكم السلام يا اخ احمد
اولا شكرا على معلومة الحساس ابو 20 جنيه وان شاء الله يوم الجمعه هنزل اجيبو
ثانيا بالنسبه للسنتر الى انا ركبتو انا جبتو سينفونى ومعلش مش فاكر بكام ممكن يكون ب 100 جنيه اصلى ركبت كتاوت ضد السرقه وكان الحساب كلو مع بعض وطبعا جبتو جديد وبالنسبه للحساسات طبعا هيا عامله مشكله يعنى الباب بالنسبالها ديما مقفول يعنى لو ملحقتش تركب العربيه قبل 30 ثانيه السنتر بيقفل والانزار بيعمل احلى ازعاج وبالنسبالى العربيه مش بتدور علشان الكتاوت
والتانك يا حبيب قلبى انا لسه عارف انو ممكن يركبلو سنتر عموما هسئل

وبالمناسبه ماكينة السنتر بتيجى باربع فرد منها فرده ماستر فيها شويه سلوك زياده ما علينا انتا ممكن تجيب فرده واحده بس حسب الى شغال عندك
اما بالنسبه للتجربه فمعلش معنديش خلفيه بيها كل الى اعرفو انى بوظت فرده من الى عندى ( الوحيده الى كانت شغاله ) وانا بجرب
وربنا يستر طريقى وطريقكم

[ehab_mansour]

شكرا للاستاذ سيد على الرد والتوضيح انا النهارده فتحت الباب اللى ورا لقيت السنتر ده
مع العلم ان البابين اللى قدام مفيهومشى الكلام ده والاسلاك بتاعت السنتر مرميه جوه الباب ومش واصله لحاجه
ويا ترى سلك السنتر بتاع الشنطه بيكون من تحت عند الصباع اللى القفل بيمسك عليه ولا فى القف نفسه
وفعلا انا لقيت الصباع اللى حضرتك قلت عند التانك بس لسه مشوفتش واصله اسلاك ولا لا عليه بس مش شغال على الاطلاق
انا بس كنت عايز اعرف السنتر ده هوا ولا كهربا وهل ينفع انى اجيب عليه اتنين كمان قدام وبتاع الشنطه بدل ما اشترى الاربعه جداد ده فى حاله انه طلع شغال
ولو عايز اجربه اعمل ايه يعنى اوصله كهربا ازاى ولا مينفعشى
احمد عبد السلام

وعليكم السلام
الصورة دي لماكينة سنتر كهرباء مش هواء ودي متركبه زي اللي كانت في عربيتي القديمة الابيزا لأن الابيزا من 94 حتي 99 كانت بتنزل بسنتر هواء اوريجينال

بخصوص تجربتها فانت لو وصلت زوج الأسلاك بتوعها اللي في الصورة دول علي البطارية بلمسه واحدة لو اتحركت يبقي سلمية ولو اتحركت ولقيتها تقيله شيل الكاوتشة بتاعتها و اديها رشة ب wd40 هتلاقيها اشتغلت زي الفل و خلي بالك انها بتشتغل بلمسة واحده تفتح و بعكسها تقفل (يعني بعكس الموجب و السلب علي البطارية

لو عايز تكمل بقية الأبواب لازم هتحتاج تروح لحد متخصص بالسنتر و الأبواب و هو هركبلك اللي ناقص و هتتوصل بجزء كنترول كده بيبقي عند علبة الفيوزات خاص بتشغيل كل وحدات السنتر

بالنسبة لسؤالك وبقية الأخوة حول ربط الشنطة و تانك البنزين بالسنتر زي ما قال الأخ سيد فوق بتحتاج تركيب قفل شنطة كهرباء وده تجيبه استيراد و تجيب قفل تانك كهرباء و هيتوصلو مع بقية وحدات السنتر ولو مالهمش وصلات في ضفيرة العربية هيتمدلهم أسلاك جديدة و بس
وبالتوفيق ان شاء الله

[Ahmed_Gallant]

وعليكم السلام يا اخ احمد
اولا شكرا على معلومة الحساس ابو 20 جنيه وان شاء الله يوم الجمعه هنزل اجيبو
ثانيا بالنسبه للسنتر الى انا ركبتو انا جبتو سينفونى ومعلش مش فاكر بكام ممكن يكون ب 100 جنيه اصلى ركبت كتاوت ضد السرقه وكان الحساب كلو مع بعض وطبعا جبتو جديد وبالنسبه للحساسات طبعا هيا عامله مشكله يعنى الباب بالنسبالها ديما مقفول يعنى لو ملحقتش تركب العربيه قبل 30 ثانيه السنتر بيقفل والانزار بيعمل احلى ازعاج وبالنسبالى العربيه مش بتدور علشان الكتاوت
والتانك يا حبيب قلبى انا لسه عارف انو ممكن يركبلو سنتر عموما هسئل

وبالمناسبه ماكينة السنتر بتيجى باربع فرد منها فرده ماستر فيها شويه سلوك زياده ما علينا انتا ممكن تجيب فرده واحده بس حسب الى شغال عندك
اما بالنسبه للتجربه فمعلش معنديش خلفيه بيها كل الى اعرفو انى بوظت فرده من الى عندى ( الوحيده الى كانت شغاله ) وانا بجرب
وربنا يستر طريقى وطريقكم

شكرا للرد وان شاء الله هبقى اكتب تقرير عن السنتر فى نفس الموضوع ان شاء الله لما يخلص

وعليكم السلام
الصورة دي لماكينة سنتر كهرباء مش هواء ودي متركبه زي اللي كانت في عربيتي القديمة الابيزا لأن الابيزا من 94 حتي 99 كانت بتنزل بسنتر هواء اوريجينال

بخصوص تجربتها فانت لو وصلت زوج الأسلاك بتوعها اللي في الصورة دول علي البطارية بلمسه واحدة لو اتحركت يبقي سلمية ولو اتحركت ولقيتها تقيله شيل الكاوتشة بتاعتها و اديها رشة ب wd40 هتلاقيها اشتغلت زي الفل و خلي بالك انها بتشتغل بلمسة واحده تفتح و بعكسها تقفل (يعني بعكس الموجب و السلب علي البطارية

لو عايز تكمل بقية الأبواب لازم هتحتاج تروح لحد متخصص بالسنتر و الأبواب و هو هركبلك اللي ناقص و هتتوصل بجزء كنترول كده بيبقي عند علبة الفيوزات خاص بتشغيل كل وحدات السنتر

بالنسبة لسؤالك وبقية الأخوة حول ربط الشنطة و تانك البنزين بالسنتر زي ما قال الأخ سيد فوق بتحتاج تركيب قفل شنطة كهرباء وده تجيبه استيراد و تجيب قفل تانك كهرباء و هيتوصلو مع بقية وحدات السنتر ولو مالهمش وصلات في ضفيرة العربية هيتمدلهم أسلاك جديدة و بس
وبالتوفيق ان شاء الله

شكرا للرد اخى ايهاب وانت كده وضحتلى الصوره وطمنتنى لانى سمعت ان الهوا الاورجينال لما بيبوظ لازم يتغير ومحاولات تصليحه فاشله تانى حاجه انا عندى فعلا عند علبه الفيوزات فيشه لونها بنى متوصلها فردتين من كل باب بس مركزتش هى جايلها فرد من التانك والشنطه ولا لا على العموم بسيطه لانى مش محتاج غير انى اعد السلوك

[SYD]

زي المهندس ايهاب ما قال لحضرتك بالظبط

بس انا مع الأسف عندي السنتر كله هواء والحمد لله وكل الأبواب شغالة والحمد لله

انا كان عندي السنتر مش شغال ومطبب بعض المواسير ومفصول بعضها الأخر بسبب ان كالون باب السواق كان القربة بتاعته بايظة

كل الصنايعية نصحوني اكبر دماغي منه واشتغل كهرباء وانه بسيط وان معظم العربيات بتنزل كهرباء لكفائته وقله اعطالة

انا معاك ان لو وحدة كهرباء باظت هي الوحيده الي هتتأثر علي عكس الهواء لو قربة فصلت او خرطومها اتقطع هتخل بالمنظومة بالكامل وجميع الأبواب هتتعطل

لكن انا صممت اني لازم اشغله واشغله علي الأنذار

أشتريت الطرمبة بتاعته استيراد
ولغيت قربة كالون باب السواق وركبت بدالها قربة كهرباء
وصلت جميع الوصلات المطببة ووصلت المفصول
غيرت قربة باب التانك لأنها كانت بايظة وبتنفس هوا
وصلت كالون باب الشنطة

وبعد التجربة لقيته اكتر من رائع

لما بتقفل العربية بريموت الأنذار وحدة باب السواق بتاخد الأشارة وبتقفل وبعدها تتدي الأشارة لباقي الوحدات وبتقفل جميع الأبواب علي التوالي وليس التوازي يعني الباب الشمال ورا اول باب بيقفل بعد باب السواق وبعده الشنطة وبعده التانك وبعده الباب اليمين ورا واخر مرحلة هو باب اليمين قدام
لأن القرب جميعا لازم تملي هوا عشان تقفل اللوك فلو قربة واحدة نفست هوا هتأثر علي ضغط الهوا داخل العربية وبالتالي القرب مش هتملي
والملحوظة ان اللوك بيقفل بالراحة تماما مش خطف زي الكهربا ومن غير اي صوت وشكلها شيك جدا وفعلا بتعمل ابهار لأي حد معاه هيونداي مثلا لأنه لما بيقفل عنده بيلاقي صوت خطف السنتر لكن في الفولكس بتقفل بالراحة وبشياكة

انصحك دور كويس ورا القرب والخراطيم والوصلات بتاعتها وشوف الطرمبة شغالة ولا لاء

لو عايز صنايعي كويس وباله طويل وهيعملك الي انت عايزه
انا ممكن اوصفلك الي عملي السنتر والأنذار وهو نفسه الي دعبس عنده وجابلي القربة بتاعة التانك وعلي فكرة كانت سويدي يعني ممكن تكون بتاعة فولفو والي خلعها من عندي كانت صناعة اسباني لأنها كانت اورجينال العربية

هو عيبه الوحيد انه زحمة وممكن عشان يشتغل عندك يركنك جمبه ساعتين او 3 بس انا بالي اطول منه وكان ممكن استناه لحد 8 ساعات

لو عايز تروحله لازم تروحله قبل 11 الصبح عشان تضمن انك تقفشه وهو لسة فاتح وعلي مايغير هدومه ويبدأ فيها بتاع نص ساعة
كشغل مش تكمل ساعة لكن لو روحتله متأخر هيبقي هتقعد كتير وفي الأخر هيقولك تعالالي بكرة
انا شخصيا علي ما بدأ شغل عندي روحتله والله اكتر من 4 مرات وكل مرة بينها وبين التانية يمكن بالأسبوع

طول بالك واصبر عشان تعمل شغل صح

والله المستعان
،
،

[matrix012]

لو عايز صنايعي كويس وباله طويل وهيعملك الي انت عايزه
انا ممكن اوصفلك الي عملي السنتر والأنذار وهو نفسه الي دعبس عنده وجابلي القربة بتاعة التانك

والله المستعان
،
،

هوا للدرجه ديه صنايعى كويس
يا ريت يا باشمهندس تقولنا مكانه فين علشان نستفاد من صنعته ويا ريت تقولنا ايه اخبار المصنعيه
وشكرا وربنا يستر طريقى وطريقكم

[SYD]

اسمه عادل
فاتح في شارع المطبعة - فيصل

هدورلك علي نمرته واكتبهالك

والله المستعان
،
،