وصله تحديد الاعطال لسيات ابيزا 94

[Ahmed_Gallant]

السلام عليكم
انا كنت عند محل قطع الغيار من فتره ولاحظت ان عنده وصله تحديد الاعطال اللى بتركب على عربيتى اللى هى ابيزا
94 ولاحظت كمان انها بتركب على موديلات اعلى من ابيزا وفولكس بولو واظن جولف كمان
المهم انى مسكتش وقعدت ادعبس لحد ما الوصله وقعت فى ايدى وقريت المكتوب عليها وكان vag 106
وطبعا حفظت شكل السوكت وهو كان دكر وفيه 16 صباع على صفين المهم دعبست فى عربيتى لقيت مكان الوصله واتاكدت انها مناسبه للفيشه دى
لحسن الحظ اخويا مسافر المانيا بعد العيد وقاللى لو عايز الوصله هاتلى اللينك بتاعها على امازون وانا اجيبهالك
المهم لقيته وبعتهولو وقاللى هابقى اجيبه واحاسبك كل ده كلام جميل انا بقى ليا حبه اسفسارات
1- حد جرب الوصله دى بنفسه قبل كده حتى لو مش بتاعته يعنى عند الميكانيكى مثلا
2- هل الوصله دى ممكن تكون فيها اختلاف بسيط انا مش ملاحظه ميخليهاش تركب عندى مثلا
3- هل التعامل مع البرناج عادى يعنى ولا فيه حوارات
4- هل الاعطال بتظهر فى شكل اكواد وبعد كده انت تترجم بقى ولا فى ارشادات بتوضح الاكواد دى بتدل على ايه
5- انا سمعت ان الوصله دى بتيين بس الاخطاء اللى هى فى اللوج فايل بتاع العربيه وتقدر تمسح منه
وفى ناس تانيه بتقول انك ممكن تظبط الاعدادات بتاعه العربيه منها زى سيتينج كده اصدق فتى مين فيهم
6- هل فى جدوى انى اجيب الوصله دى حتى لو مش هغير القطع بنفسى يعنى اعرف العطل واروح اشترى الحاجه البايظه واخلى ميكانيكى امين صاحبى يغيرهالى
هى دى الصوره اللى على النت للوصله اللى هشتريها ان شاء الله






ده كل اللى عندى اسف على الاطاله
احمد عبد السلام

[windofchange]

لأ هي ليها برنامج عالكمبيوتر اللابتوب وممكن علي مااعلم انك تغير اعدادات العربية وكده وبتدي قرايات وكده بس ده لو الجهاز اللي عامل زي الموبايل اعتقدت قرايات لكن علي برنامج اللابتوب هتبقي اوضح وجمل مفسرة مش قرائات بس والله اعلم

[sameh_se]

فين و بكام

لو مافيهاش غلاسة لقيتها بكام و عند مين يالظبط

[ehab_mansour]

الوصلة دي فيه منها أنوع كتير ولكن المعتمده و اللي جربتها من فولكس هيا الشركة دي
Ross-Tech: VCDS
ولو قلبت شوية في الموقع هتلاقي ان فيه انواع كتير علي حسب هو يقدر يتعامل مع عربيات ايه وانهي موديلات
البرنامج بينزل من علي موقع الشركة ببلاش و بتعمله تحديث باستمرار بكل السيارات الجديدة (وده لو انت بتستخدم الكابل الأصلي بتاعهم )

انا استخدمت الكابل ده قبل كده ولما جيت أشتري عربيتي من كام شهر وهو مع صديق واخ عزيز لي و كشفت بيه علي عربيتي كشف كامل جزاه الله عنا كل خير و بارك الله له

البرنامج الخاص بيه و الموجود علي الموقع سهل في استخدامه و بسيط ومش معقد و أعتقد لو دورت علي النت هتلاقي ارشادات كتيييييير لاستخدامه علي مواقع و منتديات أجنبيه

البرنامج بيظهرلك كود العطل و بيشرحلك قدامه هو ايه و بالخبرة بتعرف العطل فين و لازم تعرف ان الكابل ده بيقرالك الأعطال السابقة و الموجودة أثناء الكشف و بيمسحهالك و بيعمل ضبط لأهم حساسات محركات فولكس و هي البوابة و المسئولة عن كمية الهواء الداخلة للمحرك و المتحكمه في سرعة السلانسية ، بيعملها حاجه اسمها basic setting ده لظبطها في حالة استبدالها او عمل ريسيت للكنترول

لازم تعرف ان الكابلات دي ببرامجها بتبينلك و بتكشفلك فقط علي الحساسات و الكنترول و أي جزء مرتبط بيهم (يعني عندي مثلا تكييف تاتش و كاسيت خاص بالعربية نازل فيه باسم سيات فلما كشفت البرنامج أظهرلي حالة التكييف و الكاسيت و العدادات و المحرك بكنتروله لأن كل دول مرتبطين بكنترول العربية ) ولكن الاعطال التي ليس لها علاقة بالحساسات زي مثلا البوجيهات او السيور - تأكل الزيوت - نقص المياة - تأكل التيل - خشونة البلي -وجود دخنة للمحرك ..... يعني اي مشاكل في عربية ميكانيكا او غيرها مالهاش حساس بيتأثر بها يبقي الكابل مالهوش علاقة بيها ولا هيعرفها

دي نبذه بسيطة عن استخدامات و عمل كابل كشف الأعطال من فولكس ولو فيه اي استفسار انا تحت أمرك ولو حابب لما تجيبه نتقابل و نظبطه مع بعض و نجرب تجربة سريعه علي أكتر من عربية مافيش مشكلة وربنا يوفقك لما فيه الخير

[ehab_mansour]

لو مافيهاش غلاسة لقيتها بكام و عند مين يالظبط

دي الأسعار و الأنواع من علي موقع الشركة ولو لك حد في اوروبا او أمريكا يبقي سهل تجيبه غير كده يبقي هيكلفك شحن كمان لو حبيته تشتريه من علي النت
Ross-Tech Store: VCDS

وعلي فكرة الكابل ده فيه منه صيني بيشتغل علي نفس السوفتوير ده ولكنه مش بيعمل أبديت و مش بيظهر كل المشاكل (ده علي حسب تجربة أحد الأصدقاء له ) لذلك لو حابب تشتري صح يبقي الكابل الأصلي مع السوفت الأصلي
الصيني تقريبا موجود بحوالي 400 جنيه مصري

[Ahmed_Gallant]

لأ هي ليها برنامج عالكمبيوتر اللابتوب وممكن علي مااعلم انك تغير اعدادات العربية وكده وبتدي قرايات وكده بس ده لو الجهاز اللي عامل زي الموبايل اعتقدت قرايات لكن علي برنامج اللابتوب هتبقي اوضح وجمل مفسرة مش قرائات بس والله اعلم

شكرا للرد والتوضيح اخى الكريم

لو مافيهاش غلاسة لقيتها بكام و عند مين يالظبط

http://www.amazon.com/VAG-COM-10-6-Car-Diagnostic-Cable/dp/B005X4NSDY/ref=sr_1_1?ie=UTF8&qid=1320136700&sr=8-1
ده موقع امازون وعليه الوصله اللى بتشتغل على نفس البرنامج اللى الاخ ايهاب قال عليه وب20 دولار تقريبا ومش كل الدول بتتعامل مع امازون بس اكيد امريكا وانجلترا والمانيا ودول كتير من اوروبا

الوصلة دي فيه منها أنوع كتير ولكن المعتمده و اللي جربتها من فولكس هيا الشركة دي
Ross-Tech: VCDS
ولو قلبت شوية في الموقع هتلاقي ان فيه انواع كتير علي حسب هو يقدر يتعامل مع عربيات ايه وانهي موديلات
البرنامج بينزل من علي موقع الشركة ببلاش و بتعمله تحديث باستمرار بكل السيارات الجديدة (وده لو انت بتستخدم الكابل الأصلي بتاعهم )

انا استخدمت الكابل ده قبل كده ولما جيت أشتري عربيتي من كام شهر وهو مع صديق واخ عزيز لي و كشفت بيه علي عربيتي كشف كامل جزاه الله عنا كل خير و بارك الله له

البرنامج الخاص بيه و الموجود علي الموقع سهل في استخدامه و بسيط ومش معقد و أعتقد لو دورت علي النت هتلاقي ارشادات كتيييييير لاستخدامه علي مواقع و منتديات أجنبيه

البرنامج بيظهرلك كود العطل و بيشرحلك قدامه هو ايه و بالخبرة بتعرف العطل فين و لازم تعرف ان الكابل ده بيقرالك الأعطال السابقة و الموجودة أثناء الكشف و بيمسحهالك و بيعمل ضبط لأهم حساسات محركات فولكس و هي البوابة و المسئولة عن كمية الهواء الداخلة للمحرك و المتحكمه في سرعة السلانسية ، بيعملها حاجه اسمها basic setting ده لظبطها في حالة استبدالها او عمل ريسيت للكنترول

لازم تعرف ان الكابلات دي ببرامجها بتبينلك و بتكشفلك فقط علي الحساسات و الكنترول و أي جزء مرتبط بيهم (يعني عندي مثلا تكييف تاتش و كاسيت خاص بالعربية نازل فيه باسم سيات فلما كشفت البرنامج أظهرلي حالة التكييف و الكاسيت و العدادات و المحرك بكنتروله لأن كل دول مرتبطين بكنترول العربية ) ولكن الاعطال التي ليس لها علاقة بالحساسات زي مثلا البوجيهات او السيور - تأكل الزيوت - نقص المياة - تأكل التيل - خشونة البلي -وجود دخنة للمحرك ..... يعني اي مشاكل في عربية ميكانيكا او غيرها مالهاش حساس بيتأثر بها يبقي الكابل مالهوش علاقة بيها ولا هيعرفها

دي نبذه بسيطة عن استخدامات و عمل كابل كشف الأعطال من فولكس ولو فيه اي استفسار انا تحت أمرك ولو حابب لما تجيبه نتقابل و نظبطه مع بعض و نجرب تجربة سريعه علي أكتر من عربية مافيش مشكلة وربنا يوفقك لما فيه الخير

حضرتك ده شرح اكتر من وافى واظن انه اجاب كل التساؤلات اللى عندى الفكره بقى الكابل اللى فى اللينك ده يعتبر اصلى واقدر اعمل منه ابديت ولا لا ولو اكتفيت بالسوفتوير اللى معاه هل ده هيكون كفايه نظرا لانه هشتغل بيه على 94 ولو فى مثلا صديق هيكشف على نفس الموديل لكن ليس لاغراض تجاريه يعنى هيجيب همه ولا بلاش منه
انا بشكر استاذ ايهاب لسرعه ووضوح اراءه فى الردود على مواضيع الاعضاء مش مجامله ده حقيقى

[ehab_mansour]

حضرتك ده شرح اكتر من وافى واظن انه اجاب كل التساؤلات اللى عندى الفكره بقى الكابل اللى فى اللينك ده يعتبر اصلى واقدر اعمل منه ابديت ولا لا ولو اكتفيت بالسوفتوير اللى معاه هل ده هيكون كفايه نظرا لانه هشتغل بيه على 94 ولو فى مثلا صديق هيكشف على نفس الموديل لكن ليس لاغراض تجاريه يعنى هيجيب همه ولا بلاش منه
انا بشكر استاذ ايهاب لسرعه ووضوح اراءه فى الردود على مواضيع الاعضاء مش مجامله ده حقيقى

أعتقد انه هينفع مع موديلات كتير قديمة واللي نازله مع السوفتوير ولكن مش هيعمل أبديت لأن السوفت اللي جاي معاه مش تبع السايت اللي بيعمل ابديت اللي حطيته فوق و أعتقد انه هيوصفلك أعطال بالفعل ولكن مش زي التاني لأن البرنامج اللي نازل مع الأصلي فوق فيه اوبشنز كتير غير الكشف و كمان اكواد الأعطال أعتقد هتكون قليلة ولكنها بالنسبة للعربيات اللي بتنزلنا هنا هتكون كافيه انها توصفلك مشاكلها

وفي انتظار اخونا محمد مصطفي هو جرب أكتر مني الأصلي و المضروب
وربنا يكرمك علي ثنائك و ربنا يرزقنا جميعا الأخلاص في القول و العمل و يوفقنا لما يحب و يرضي

[sameh_se]

برضو

السلام عليكم

انا كنت عند محل قطع الغيار من فتره ولاحظت ان عنده وصله تحديد الاعطال اللى بتركب على عربيتى اللى هى ابيزا
94 ولاحظت كمان انها بتركب على موديلات اعلى من ابيزا وفولكس بولو واظن جولف كمان
المهم انى مسكتش وقعدت ادعبس لحد ما الوصله وقعت فى ايدى وقريت المكتوب عليها وكان vag 106
وطبعا حفظت شكل السوكت وهو كان دكر وفيه 16 صباع على صفين المهم دعبست فى عربيتى لقيت مكان الوصله واتاكدت انها مناسبه للفيشه دى
لحسن الحظ اخويا مسافر المانيا بعد العيد وقاللى لو عايز الوصله هاتلى اللينك بتاعها على امازون وانا اجيبهالك
المهم لقيته وبعتهولو وقاللى هابقى اجيبه واحاسبك كل ده كلام جميل انا بقى ليا حبه اسفسارات
1- حد جرب الوصله دى بنفسه قبل كده حتى لو مش بتاعته يعنى عند الميكانيكى مثلا
2- هل الوصله دى ممكن تكون فيها اختلاف بسيط انا مش ملاحظه ميخليهاش تركب عندى مثلا
3- هل التعامل مع البرناج عادى يعنى ولا فيه حوارات
4- هل الاعطال بتظهر فى شكل اكواد وبعد كده انت تترجم بقى ولا فى ارشادات بتوضح الاكواد دى بتدل على ايه
5- انا سمعت ان الوصله دى بتيين بس الاخطاء اللى هى فى اللوج فايل بتاع العربيه وتقدر تمسح منه
وفى ناس تانيه بتقول انك ممكن تظبط الاعدادات بتاعه العربيه منها زى سيتينج كده اصدق فتى مين فيهم
6- هل فى جدوى انى اجيب الوصله دى حتى لو مش هغير القطع بنفسى يعنى اعرف العطل واروح اشترى الحاجه البايظه واخلى ميكانيكى امين صاحبى يغيرهالى
هى دى الصوره اللى على النت للوصله اللى هشتريها ان شاء الله

ده كل اللى عندى اسف على الاطاله
احمد عبد السلام

طيب مقلتش الكابل دة شفتو فين و كان بكام

[SYD]

اعتقد المهندس ايهاب قال كل حاجة

بس انا حسب معلوماتي ان فعلا في برامج بيتعملها ابديت وفي برامج لا

بس انت مش هتحتاج للأبديت لأنك هتشغله علي عربيتك بس لكن المحتاج ابديت الي جاب البرنامج النهاردة وهيشتغل بيه لحد لما تنزل عربية موديل 2013 ومحتاج سوفت ويير ليها

الوصلة والبرنامج دة مجرد كشف اعطال وليس تكويد للكنترول او ابديت لسوفت ويير العربية نفسها

في منه انواع بتشتغل علي اي نوع عربية او بمعني ادق بيغطي انواع كتير ودة مش بيبقي متخصص قد الوصلة والبرنامج الخاص بفولكس

وفعلا زي المهندس ايهاب قال دة مجرد للأعطال الي اساسا بتسجل اعطال علي الكمبيوتر ودي الأعطال الخاصة بالأجزاء الموصلة بحساس او بالكنترول زي البوابة والتكييف والشكمان والأر بي ام وبعض الأعطال المرتبطة بحساسات وبتسجل اعطال في الكمبيوتر غير كدة لا

وباعتبار ان عربيتك 94 يعني انت فقدت بعض الحساسات وباللتالي الوصلة والبرنامج هيبينوا اعطال قليلة اوي

والله المستعان
،
،

[Ahmed_Gallant]

طيب مقلتش الكابل دة شفتو فين و كان بكام

حضرتك لو راجعت المشاركه اللى فوق منى كنت هتلاقى انى كاتب ان سعرها 20 دولار على موقع امازون وحاطط اللينك كمان

[Ahmed_Gallant]

اعتقد المهندس ايهاب قال كل حاجة

بس انا حسب معلوماتي ان فعلا في برامج بيتعملها ابديت وفي برامج لا

بس انت مش هتحتاج للأبديت لأنك هتشغله علي عربيتك بس لكن المحتاج ابديت الي جاب البرنامج النهاردة وهيشتغل بيه لحد لما تنزل عربية موديل 2013 ومحتاج سوفت ويير ليها

الوصلة والبرنامج دة مجرد كشف اعطال وليس تكويد للكنترول او ابديت لسوفت ويير العربية نفسها

في منه انواع بتشتغل علي اي نوع عربية او بمعني ادق بيغطي انواع كتير ودة مش بيبقي متخصص قد الوصلة والبرنامج الخاص بفولكس

وفعلا زي المهندس ايهاب قال دة مجرد للأعطال الي اساسا بتسجل اعطال علي الكمبيوتر ودي الأعطال الخاصة بالأجزاء الموصلة بحساس او بالكنترول زي البوابة والتكييف والشكمان والأر بي ام وبعض الأعطال المرتبطة بحساسات وبتسجل اعطال في الكمبيوتر غير كدة لا

وباعتبار ان عربيتك 94 يعني انت فقدت بعض الحساسات وباللتالي الوصلة والبرنامج هيبينوا اعطال قليلة اوي

والله المستعان
،
،

اظن كده الصوره وضحت وبصراحه اللى مخلينى عايز اجيبها ان المكنه المتسقطه انجيكشن وتقريبا كل الحساسات شغاله وبصراحه احمد فتحى مقفل الضفيره ما شاء الله كانها فبريكه عشان كده قلت انها ممكن توفر عليا وخصوصا انى لسه اول مره اتعامل مع انجيكشن
شكرا للافاده

[ehab_mansour]

اظن كده الصوره وضحت وبصراحه اللى مخلينى عايز اجيبها ان المكنه المتسقطه انجيكشن وتقريبا كل الحساسات شغاله وبصراحه احمد فتحى مقفل الضفيره ما شاء الله كانها فبريكه عشان كده قلت انها ممكن توفر عليا وخصوصا انى لسه اول مره اتعامل مع انجيكشن
شكرا للافاده

علي فكرة عايز أوضح لحضرتك نقطة بسيطة وهو ان المحركات الانجيكشن سهل جدا في صيانتها عن الكاربيراتير
انا فضلت شغاله معايا الابيزا 98 100 سيسي انجيكشن ثلاث سنوات و 100 الف كيلومتر و بعتها عامله 300 الف كيلومتر باستهلاك بنزين ممتاز جدا و بأداء أكثر من ممتاز دون اي مشاكل سوي مرة واحدة نظفت البوابة و ارتفع معايا الأر بي ام و زهقت لف بيها وفي الأخر اتظبطت لوحديها و اكتشفت ان ده طبيعي و انا اللي مش فاهم وقتها ولكن الحمد لله بفضل الله أولا ثم بفضل نايل موتورز بدأت أقرأ و أتعلم في السيارات

ولكن أحب أقلك ان المحركات الألماني معمرة جدا المهم انك تصونها صح يعني تعمل السيرفس المضبوط للسيارة زي ما الكاتالوج بيقول حتي ولو مش حاسس بأي مشكلة
انا كنت دايما بغير البوجيهات علي 20 الي 30 الف كيلومتر وانا معنديش اي مشكلة و كذلك الفلاتر و التنظيف و الزيوت و هكذا يعني امشي معاها صح هتشيلك فوق دماغها هتقل معاها هتقرفك و تكرهك في حياتك
والأهم كمان انك تحاول تفهم شوية في أعطال السيارات و لما تختار ميكانيكي يشتغلك فيها لازم تكون فاهم بيعمل ايه وهل هو كمان بيفهم ولا بيفتي و خلاص ده شيء مهم جدا لاستمرار ثبات أداء السيارة و تلافي المشاكل و الوقفات

وربنا يوفقك

[ashoub]

يجماعه فى انواع كتير 106 و 704 انا اتهيالى ان الاحسن 704 وانتو رايكم ايه
ولو حد عاوز يبيع الكابل ده انا اشتريه وسعره 20.35 دولار يعنى حوالى 125 جنيه مصرى لو حد عنده الكبل وعاوز يبيع يقولى وهل يمشى مع البولو 97 ولا لا

[Ahmed_Gallant]

علي فكرة عايز أوضح لحضرتك نقطة بسيطة وهو ان المحركات الانجيكشن سهل جدا في صيانتها عن الكاربيراتير
انا فضلت شغاله معايا الابيزا 98 100 سيسي انجيكشن ثلاث سنوات و 100 الف كيلومتر و بعتها عامله 300 الف كيلومتر باستهلاك بنزين ممتاز جدا و بأداء أكثر من ممتاز دون اي مشاكل سوي مرة واحدة نظفت البوابة و ارتفع معايا الأر بي ام و زهقت لف بيها وفي الأخر اتظبطت لوحديها و اكتشفت ان ده طبيعي و انا اللي مش فاهم وقتها ولكن الحمد لله بفضل الله أولا ثم بفضل نايل موتورز بدأت أقرأ و أتعلم في السيارات

ولكن أحب أقلك ان المحركات الألماني معمرة جدا المهم انك تصونها صح يعني تعمل السيرفس المضبوط للسيارة زي ما الكاتالوج بيقول حتي ولو مش حاسس بأي مشكلة
انا كنت دايما بغير البوجيهات علي 20 الي 30 الف كيلومتر وانا معنديش اي مشكلة و كذلك الفلاتر و التنظيف و الزيوت و هكذا يعني امشي معاها صح هتشيلك فوق دماغها هتقل معاها هتقرفك و تكرهك في حياتك
والأهم كمان انك تحاول تفهم شوية في أعطال السيارات و لما تختار ميكانيكي يشتغلك فيها لازم تكون فاهم بيعمل ايه وهل هو كمان بيفهم ولا بيفتي و خلاص ده شيء مهم جدا لاستمرار ثبات أداء السيارة و تلافي المشاكل و الوقفات

وربنا يوفقك

كلام حضرتك مظبوط 100% خصوصا موضوع صيانه الماكينه الالمانى وانا مجرب مع جولف 1 قبل كده بس كانت كربراتير ومشكلتى انى مكنتش بغير القطعه غير لما تبوظ وده عمل معايا مشاكل كتير جدا
انا بقى عندى طلب مش لاقى حد يخدمنى فيه وهو الكتالوج بتاع الابيزا ال94 لان فى حاجات كتير عنها نفسى اعرفها زى الكهربا بتاعتها ومقاسات الجنوط اللى تركب عليها واوقات تغيير السيور والزيوت ولما جربت اجيب الكتالوج بتاع البولو حسيت كان واحد شارى معزه ومتخيل طعمها خروف تحس ان فى حاجه فارقه عشان كده انا بعتبر ده طلب انسانى من الاستاذ ايهاب والاستاذ محمد سيد وكل الناس اللى معانا فى المنتدى اتبرع ولو بكتالوج

[ehab_mansour]

كلام حضرتك مظبوط 100% خصوصا موضوع صيانه الماكينه الالمانى وانا مجرب مع جولف 1 قبل كده بس كانت كربراتير ومشكلتى انى مكنتش بغير القطعه غير لما تبوظ وده عمل معايا مشاكل كتير جدا
انا بقى عندى طلب مش لاقى حد يخدمنى فيه وهو الكتالوج بتاع الابيزا ال94 لان فى حاجات كتير عنها نفسى اعرفها زى الكهربا بتاعتها ومقاسات الجنوط اللى تركب عليها واوقات تغيير السيور والزيوت ولما جربت اجيب الكتالوج بتاع البولو حسيت كان واحد شارى معزه ومتخيل طعمها خروف تحس ان فى حاجه فارقه عشان كده انا بعتبر ده طلب انسانى من الاستاذ ايهاب والاستاذ محمد سيد وكل الناس اللى معانا فى المنتدى اتبرع ولو بكتالوج

شوف انا دورت كتييييييييير جدا ومقدرتش اوصل غير لكتالوج البولو و اللي هي هي بالضبط الابيزا مع اختلاف الشكل الداخلي و الخارجي و لكن كل الميكانيكا و المحركات و العفشة و الشاسيه كلها الاتنين زي بعض بالضبط و علي فكرة الكاتالوج ده كان له دور رئيسي و مهم جدا اني افهم في السيارات و اتعلم
ولكن بخصوص العربية اللي معايا حاليا فالحمد لله جاتلي بكاتالوجاتها كاملة و مش ناقصة حاجه ولكنها مختلفة عن الموديلات من 94 الي 99
ده لينك الكاتالوج و جزاه الله خيرا صاحبه الأساسي اللي عمله scan و رفعلهولنا
Polo_Katal.zip
و البتوفيق ان شاء الله