مشكله فى ابيزا 98 بتبطل بعد 10 دقايق

[alzelafy]

يا ريت تساعدونى المشكله باختصار العربيه ضربت جوان وش سلندر و عملت طحينه و مشيت عليها كل شويه ازود ليها مياة لحد ما الزيت بقى عالى جدا فى الموتور و بدا يقع من الموتور يعنى الموتور غرق طحينه

رحت للميكانيكى و عملت جوان و العربيه دارت و تمام طبعا لكن المشكله بقى السحب بقى وحش جدا كانى راكب تكتك ( مش مشكله ) المشكله بقى ان العربيه بتبطل بعد ثلث ساعه من الدوارة او بمعنى اصح لما بتسخن و تمسك حرارة ال 90 و بعد كدة ادور مبتدورش الا لما تبرد و قبل ما تعمل الحركه دى مؤشر الحرارة بيلعب و تبطل بعدها يا ريت تفيدونى بدل ما الميكانيكى و الكهربائى يشقطونى لبعض

[SYD]

قدر الله وماشاء فعل

اولا اكشف علي حساس الشكمان
ثانيا اكشف علي حساس الماس اير او بيسموه الماف Mas Air Flow
ثالثا حطها علي الكمبيوتر والغي الأعطال

وربنا يسهل وتشتغل كويس

والله المستعان
،
،

[Ahmed_Gallant]

السلام عليكم
مشكله مشابهه حصلت مع اخويا فى السيفيك ال93 مكنه فى تك وهى انها كانت تبقى ماشيه كويس وبعدين يبدا عداد الحراره يلعب وبعدين يرجع مكانه بس هى ماكنتش بتبطل وللعلم هى اوتوماتيك المهم كلمنا الميكايكى قلنا هى عامله طحينه قولناله لا بس الزيت والميه بينقصوا مع ان مفيش دخنه الموضوع ده كل حصل بعد ما اخويا غير الجوان اللى كان فيها وهو بيعمل عمره للموتور واللى اقصده من كلامه ان ممكن العربيه تكون جابت جوان مره تانيه لسبب ما مش شرط يكون عيب صنايعى بس مش عشان انت لسه مغير الجوان تستبعد انه يكون هو اللى ضرب
اسف على لاطاله
احمد عبد السلام

[grumby78]

عزيزي المشكله دي ممكن تكون :
الاسبراتير بيفصل لما بيسخن والحل تغييره.
البوبينه لما بتسخن بتفصل وللتأكد لما تفصل حط فوطه مبلوله بعد عصرها عليها لتبريدها ولو دارت تبقى تتغير .
الرداخ ممكن يكون لما بيسخن بيفصل وللتأكد حط ميه عليه للتبريد ولو دارت حيكون العيب منه ويتغير.

[ehab_mansour]

نصيحة
لو ده الموتور ال 1000 سيسي اللي عندك من الأول و عمرته قبل كده و ده تقريبا تاني جوان يبقي الصح غيره و متصرفش عليه تاني