ابيزا 98 استحملونى بقى شوية أسئله

[Dr.cairoky]

السلام عليكم ورحمة الله وبركاته ،،،،

الحمد لله بعد طول بحث وعناء كبير أوى اشتريت ابيزا 98 1000 سىسى تكييف وباور يعنى كامله تقريبا اشتريتها ب 33 ألف ببفضل الله وربنا يبارك فيها يارب

بس استحملونى بقى عندى كام سؤال عاوز اعرفهم لان دى أول مره فى حياتى اركب ابيزا

1) ايه هوا نوع زيت الموتور وزيت الفرامل وزيت الفتيس المناسب للعربيه ؟ويفضل تغييره كل كام كيلو تقريبا؟

2)أعرف منين إن استهلاك العربيه للبنزين معدله طبيعى ولا لأ ؟

3)المفروض احط بنزين 90 ولا 92 ولا مش بتفرق فى حاجه مع العلم ان العربيه انجيشكن؟

جزاكم الله كل خير بقى وهتقل عليكم كتير بقى فى الأول معلش عشمى فيكم كبير والله..

[SYD]

اولا اهلا بيك هنا في قسم سيات عضو جديد

والف مبروك عليك العربية وربنا يديك خيرها ويكفيك شرها

http://www.nilemotors.net/Nile/231103-a.html

http://www.nilemotors.net/Nile/231918-a.html

http://www.nilemotors.net/Nile/230520-a.html

http://www.nilemotors.net/Nile/213571-a.html#post3873426595

بخصوص البنزين هتلاقي علي الباب الصاج بتاع تنك البنزين مكتوب 95/98
ودة معناه ان سيات بتوصي باستعمال بنزين 95 و 98

اما عن جدول الصيانات فأصبر عليا وهكتبهولك كمان شوية

والله المستعان
،
،

[SYD]

اول حاجة لازم تعملها انك تغير جميع الزيوت والفلاتر والسيور كسيرفيس لازم يتعمل اول لما تشتري العربية

1- زيت الموتور:
في اقاويل كتيرة جدا وجدل كبير حول موضوع زيت الموتور والكتالوج قايل رأيه بشكل صريح في الموضوع دة


لو لقيت زيت بالدرجات دي اشتري النوع الي يريحك ويناسب امكانياتك
وفي رأي تاني بيقول ان نوع الزيت بيعتمد علي الكيلومتر وعمر الموتور بالسنين
لو قبل 100,000 استخدم تخليقي لو بعد 100,000 استخدم معدني متعدد الدرجات

ولكن افضل الزيوت المتاحة حاليا بالأسواق
كاسترول - ودة بتنصح بيه فولكس
ليكوي مولي - الماني
فيسكو - انجليزي
شل -
موبيل -

وطبعا هيتغير بناء علي نوع الزيت والموتور بياخد 3.5 لتر زيت بالفلتر ومن غير فلتر 3.25 لتر

2- فلتر الزيت
بيتغير كل 30,000 ولكن ينصح بتغيره كل 15,000 او لو هتحط زيت 10,000 غيره مع غيار الزيت وسعره في حدود 40 جنيه ماركة توب ران من عند فتح الباب

3- فلتر الهواء ودة بيتغير كل 60,000 ولكن في بلدنا ينصح بتغيره كل 30,000 او أقل علي حسب الحالة - بردو توب ران من عند فتح الباب وبيعمل حوالي 40 او 45 مش فاكر

4- فلتر الغبار - ودة بتاع التكييف بيتغير كل 30,000 او كل سنة وينصح يتغير قبل كدة او علي حسب الحالة وثمنه حوالي 80 جنيه

5- فلتر البنزين - بيتغير كل 60,000 وينصح بتغيره كل 30,000 او أقل وثمنه حوالي 75 او 80 مش فاكر

6- البوجيهات - ودي ليها حوار تاني خالص لأن ليها رقم كود بتتجاب بيه بس مؤقتا لحد لما تجيب الكود بتاعها بتتغير 3 شمعة سن 21 كل 30,000 كم

7- زيت الفرامل - ودة حسب الكتالوج هتجيبه Dot4

انا جيبته شل ب16 جنيه

8- زيت الباور - وبردو فيه اقاويل كتيرة حول موضوع زيت الباور ولكن افضلهم هو زيت فولكس الأبيض وبيعمل 110 جنيه او الزيت الي قولتلك عليه في المشاركة السابقة


ودة بتغيره كل سنتين

9- مياة الردياتير - ويفضل تغييرها بالمياة الحمرا الهيبو الألماني كل سنتين ويتم تزويدها بمياة مقطرة او مياى التكييف


10- سير الكاتينة - بيتغير كل 50,000 او أقل
11- بلية شداد الكاتينة - بتتغير مع سير الكاتينة
12- سير الدينامو والأدارة - بيتغير كل 30,000

13- زيت الفتيس - ودة هتجيبوا زي الكتالوج 90/75 ودة بيتباع بالكيلو عند محطات اسو وهتلاقيه تعبئة موبيل او ممكن تجيب مؤقتا شل 90/80


اعتقد دي كدة كل الصيانات والسيرفيس بتاعة العربية
ولو عايز حاجة تانية تسأل عليها انا تحت أمرك

والله المستعان
،
،

[SYD]

دة جدول الصيانات بتاع الكتالوج



والله المستعان
،
،

[windofchange]

الله ينور يابشمهندس سيد بالنسبة للبوجيهات وانهي نوع 3 شمعة او 1 شمعة تجيبو بالظبط في موقع بوجيهات NGK بتدخل موديل العربية والموتور وسنة انتاجه طبقا للموديل طبعا لو غيرته بتشوف موديل العربية وقوة الموتور الحصانية بالكيلو وات يعني 55 كيلووات يعني 75 حصان وفي مواقع بتحول من كيلووات لحصان وهيجيبللك البوجيه بالكود بتاعه من علي الموقع ان جبت 3 شمعة NGK من الشهابي شارع دمشق نفس الكود علي الموقع ب85 جنيه وده اللينك من الموقع علشان كده مهم تعرف كود الموتور مورتوري AEE 75 حصان فبالتالي كود البوجيه BUR6ET وده اللينك بتاع NGK انجلترا NGK Partfinder for Cars & Light Commercial Vehicles

[Dr.cairoky]

ربنا يبارك فيكم يارب والله مش عارف أقلكم ايه فعلا
انا كنت قاعد محتار ومش فاهم حاجه والله ربنا بجد يجازيكم كل خير

وهتعبكم معايا بقى شويه فى الأول بس انتم ادها طبعا ان شاء الله

[SYD]

الله ينور يابشمهندس سيد بالنسبة للبوجيهات وانهي نوع 3 شمعة او 1 شمعة تجيبو بالظبط في موقع بوجيهات ngk بتدخل موديل العربية والموتور وسنة انتاجه طبقا للموديل طبعا لو غيرته بتشوف موديل العربية وقوة الموتور الحصانية بالكيلو وات يعني 55 كيلووات يعني 75 حصان وفي مواقع بتحول من كيلووات لحصان وهيجيبللك البوجيه بالكود بتاعه من علي الموقع ان جبت 3 شمعة ngk من الشهابي شارع دمشق نفس الكود علي الموقع ب85 جنيه وده اللينك من الموقع علشان كده مهم تعرف كود الموتور مورتوري aee 75 حصان فبالتالي كود البوجيه bur6et وده اللينك بتاع ngk انجلترا ngk partfinder for cars & light commercial vehicles

وعليك يا باشمهندس ايهاب
بالنسبة للبوجيهات فدة موضوع طويل ممكن تسأل فيه المهندس ايهاب منصور او الأستاذ احمد مبارك هما ادري مني في الموضوع دة وليهم باع طويل فيه لأن انا صدعت من كتر الأكواد واللف علي البوجيه الصح
بس ياريت تقولنا ايه اخبار الأداء بعد تركيب البوجيه الngk واخبار استهلاك البنزين ايه معاه ؟؟

وسؤال اخير معلش
هو المكنة ال1.4 استهلاكها كام في الصفيحة ؟؟؟؟

شكرا علي اللينك جدا
فعلا البوجيه الي طلع من الموتور الجديد بتاعي هو البوجيه bur6et وكان ngk
انا موتوري polo 1.4

والله المستعان
،
،

[SYD]

ربنا يبارك فيكم يارب والله مش عارف أقلكم ايه فعلا
انا كنت قاعد محتار ومش فاهم حاجه والله ربنا بجد يجازيكم كل خير

وهتعبكم معايا بقى شويه فى الأول بس انتم ادها طبعا ان شاء الله

ياباشا مايهمكش احنا هنا كلنا اخوات والمهم اننا نكون بنفيد بعض علي قد ما نقدر

لو في اي حاجة تاني اسأل ومايهمكش

والله المستعان
،
،

[windofchange]

في موقع عالنت بيبين استهلاك المكنة للبنزين فالسفر وجوه المدينة بس طبعا تجيب المكنة اللي راكبه علي عربيتك لأن وزن العربية له علاقة طبعا فقبل متتصفح الموقع وتشوف عربيتك لازم تكون عارف كود موتورك اللي هيبينلك هو كام حصان وتشوف عربيتك اللي عليها المكنة دي هي هي نفس القوة الحصانية وتشوف ساعتها بيقلك تعمل كام فالصفيحة توهتك معاي ) والموقع هو ده AUTOMOTIVE - Complete technical details

[minicooper20]

الف مبروك يا كبير

[Dr.cairoky]

في موقع عالنت بيبين استهلاك المكنة للبنزين فالسفر وجوه المدينة بس طبعا تجيب المكنة اللي راكبه علي عربيتك لأن وزن العربية له علاقة طبعا فقبل متتصفح الموقع وتشوف عربيتك لازم تكون عارف كود موتورك اللي هيبينلك هو كام حصان وتشوف عربيتك اللي عليها المكنة دي هي هي نفس القوة الحصانية وتشوف ساعتها بيقلك تعمل كام فالصفيحة توهتك معاي ) والموقع هو ده automotive - complete technical details

تسلم ايدك ياباشا ربنا يبارك فيك

[simsim_scorpio]

عندي استفسار بسيط يا جماعة لو سمحتم انا عربيتي ابيزا موديل 98 1000 سي سي سنتر وزجاج امامي كهرباء ومرايات كهرباء بدون تعديلات يعني الكماليات اللي فيها دي بتاعة الفابريكا ومفيهاش تكييف بالرغم من زرارير التكييف موجودة في التابلوة ولما سألت عرفت انها مجهزة لتكييف لكن مفيهاش تكييف وهي هاف باور وشايف ان في اعضاء معاهم نفس العربية بيتكلموا ان عربيتهم فيها تكييف وباور فهل عربياتهم نازلة كده ولا دي كماليات متركبة ؟؟!!

[SYD]

عندي استفسار بسيط يا جماعة لو سمحتم انا عربيتي ابيزا موديل 98 1000 سي سي سنتر وزجاج امامي كهرباء ومرايات كهرباء بدون تعديلات يعني الكماليات اللي فيها دي بتاعة الفابريكا ومفيهاش تكييف بالرغم من زرارير التكييف موجودة في التابلوة ولما سألت عرفت انها مجهزة لتكييف لكن مفيهاش تكييف وهي هاف باور وشايف ان في اعضاء معاهم نفس العربية بيتكلموا ان عربيتهم فيها تكييف وباور فهل عربياتهم نازلة كده ولا دي كماليات متركبة ؟؟!!

عربية حضرتك تعتبر هاف اوبشن (2 زجاج وهاف باور)
في سيات نزلت (اعتقد 99 فقط) كاملة (باور - 4 زجاج - مرايات - سنتر - مجهزة تكييف - بالأضافة لعدة كماليات اخري زي الفرش القطيفة والديلاي في نور الصالون و4 مخادع رأس ونور في الشنطة والمفتاح بالريموت وانذار فبريكة) وقليل القليل جدا الي فيها تكييف ولكن معظمها بتكييف متركب لأنه مجهز فيها بالوصلات والثلاجة والفلتر

والله المستعان
،
،