دي حكايتي مع الابيزا 2010

[egytamer]

ربنا يعوضك خير والفتيس ال dsg ضيع السمعة الكويسة الي كانت فولكس عملتها في مصر في الفترة الاخيرة.
واسلوبك رائع في الكتابة انا كل مفتكر موضوع انك كنت هتقلعلهم البنطلون زي مجدي عبد الغني افطس من الضحك.

[Land_Cruiser]

ربنا يعوض عليك بالاحسن منها و أحييك على الكوميديا السوداء اللى كاتب بها الموضوع

[wama1903]

يللا خييير....ربنا يعوضك عنها

اسلوبك جااامد و خصوصا لما اطمنت على بتاع التوكتوك ههههه

[yyy]

تفكير عميق وتردد في الإختيار بين cerato أو scoda fabia أو نيسان أو ابيزا dsg 2010
سبتمبر 2010 تم الشراء ب 119900 جنيه ، سياره أكثر من رائعة ، سرعة إنطلاق جبارة وفتيس ذو أداء رياضي مميز
سبتمبر 2010 صوت جلبه من الموتور على السرعات الواطية يزداد مع تشغيل التكييف . تم الكشف في التوكيل ، العريبة زي الفل يا باشا ده بس صوت المروحة عشان كبيرة
نوفمبر 2010 أصوات غريبة من الفتيس عند السير في طرق غير ممهدة ، صوت تكة مع وضعه على ال-n أو نقله الي ال-d ، تم الشرح للتوكيل ، أيوة يا باشا ، هو ده عيب الفتيس ال-dsg عشان مافيهوش زيوت ، لو مش عايز تسمع الصوت ، اقفل شباكك أو علي صوت الكاسيت
زيارة أخرى بعد قراءة خبر نزول software جديد للفتيس على المنتدى هنا ، ساعتين إنتظار ، بعد إستلام العربية مغسولة وزي الفل تمت التجربة بحماسة منقطعه النظير اسفرت عن إغلاق الشباك وتعليه صوت الكاسيت نظراً لأني مش هنكد على نفسي ونا شاري عربية جديدة بسبب أصوات غريبة من تحت
ديسمبر 2010 وركزوا معايا هنا ، صوت غريب الصبح ينتهي مع التسخين أو نقل الفتيس ، الصوت بيزيد والعيال فالشارع بئو عارفين إن عربيتي هي إلي بتعمل الصوت الغريب ده، لا قفل الشباك ولا تعلية الكاسيت مؤثرة فيهم، رحت التوكيل و فهمت المدير اني هعملهم مصيبة وهفضحهم على النت لو سمعت الحلول الغير تقليدية بتاعتهم دي، الرجل إهتم جداً و نزل معايا و طلبوا أسيب العربية عشان يدوروها الصبح ، سبتها و ركبت التوكتوك للمزلقان بجنيه وروحت في تاكسي
يوم يومين ، اتصلت، أيوة يا باشا . احنا بنبص على الرشاشات ووحدة الحقن ، يومين كمان ، رحت ، استلمت العربية بدون إصلاح لأن القطعة "اللي أنا مش عارف هي إيه " لسة هتيجي من أسبانيا
يناير 2011 القطعة وصلت ، سبت العربية عشرة أيام ، ومادونيش عريبة بديلة ، ركبوا القطعة اللي هي طلعت وش سليندر ، أيوة وش سليندر و مش عايز أسمع صوت
شوية والثورة قامت
إلى ابريل 2011 كان استخدامي ليها نادر أوي لأني ساكن في نص البلد
مايو 2011 كنت عامل حوالي 12000km ، رجرجه عند التحرك من الثبات ، مع ملاحظة إستمرار صوت جلبة من الموتور "راجع الصوت الأول " بجانب أصوات الفتيس اللتي لم يتم التخلص منها حتى بإغلاق الشباك وتعليه الكاسيت
الرجرجة بتزيد لما العربية بتسخن أو الجو حر وابتديت أحس اني لو مرجرجرتش العريبة يبقى أنا سايق غلط ، ما علينا ، عظيمة يا مصر و على أرض اللوا رحت للمدير ، و سبتها يومين بعدها إتصل بيا استلم العريبة واشوف الدنيا عاملة إيه!
تاني يوم بشغل التكييف ، مشتغلش، اتصلت بهم واصدرت جميع الأصوات اللازمة ، اسفرت عن تغيير سربنتينة التكييف لأني عملت حادثة خرمت السربنتينة بس دوناً عن العربية كلها محصلهاش حاجة حسب تفسير محمود بتاع التكييف
أغسطس 2011 رجعت من السفر ، زهقان من العربية ، نفس الأصوات و زاد عليها الرجرجة
ابتديت أعرف من المنتدى هنا إن الرجرجة دي علامة إن الفتيس ال-dsg باظ و كنت كاره العربية تماماً ، قافل الشباك ، معلي الكاسيت و بستني الرجرجة في الغيار الاول و بحاول معملش حوادث بالسربنتينة
سبتمبر 2011 رحت التوكيل ، و مع بدايه قلعي للبنطلون في غرفه المدير كحركه هجومية وليست دفاعية ، الراجل سمع مني و- بابتسامة عريضة طمني إن التوكتوك في إنتظاري لأني حسيب العربية يشوفوها
بعدها بأسبوع إتصل عشان أخد العريبة لحد ما الفتيس يجي من برة
متابعة مستمرة ، وصل الفتيس بعدها بشهر و نص ، ركبوه في أربع أيام ، استلمت العربية ، كانت الطاره معووجة ، رجعت تاني هم عدلتها ، و إطمنت على الواد بتاع التوكتوك و بعت العريبة بخسارة 27 ألف جنيه
شكراً لمروركم

يعنى بعد وجع الدماغ دة كلة تبيع طالما معاك فتيس جديد وعلية ضمان يبقى تركب براحتك ووقت مايبوظ تطلع على التوكيل وانت خلاص عرفت طريقة التعامل معاهم والواد بتاع التوكتوك موجود

[ehab_mansour]

ربنا يعوضك عليك ...
انا معايا نفس العربية بس مانيوال
كل الناس هاجمتنى لما جيبتها
بس انا اصريت
هو زى حضرتك ما اولت ضيقة بس مناسبة ليا انا و المدام و طفل صغير
موفرة طحن فى البنزين رغم انى بحطلها 95

فعلا يا أستاذ شريف انا فاكر النقاش اللي حصل هنا في المنتدي لما جيت تشتري عربيتك وانا كنت معترض بشدة انك تشتري سيارة مانيوال و 1400 و مقابل ان فيه تكنولوجيا أحسن و أفضل موجودة و أدائها رائع ولكن الحلو ميكملش و ورجع بينا الزمن و طلعت انت الصح ولكن هل فعلا كنت عامل حساب مشاكل ال dsg ولا كان فيه عوامل أخري و ليه مقلتش طالما كان عندك فكرة عن المشاكل كنت حذرت الناس حتي

علي العموم قدر الله و ما شاء فعل و ربنا يعوض علي صاحب الموضوع و يرزقه خير منها

[mokhtarm]

تفكير عميق وتردد في الإختيار بين cerato أو scoda fabia أو نيسان أو ابيزا dsg 2010
سبتمبر 2010 تم الشراء ب 119900 جنيه ، سياره أكثر من رائعة ، سرعة إنطلاق جبارة وفتيس ذو أداء رياضي مميز
سبتمبر 2010 صوت جلبه من الموتور على السرعات الواطية يزداد مع تشغيل التكييف . تم الكشف في التوكيل ، العريبة زي الفل يا باشا ده بس صوت المروحة عشان كبيرة
نوفمبر 2010 أصوات غريبة من الفتيس عند السير في طرق غير ممهدة ، صوت تكة مع وضعه على ال-n أو نقله الي ال-d ، تم الشرح للتوكيل ، أيوة يا باشا ، هو ده عيب الفتيس ال-dsg عشان مافيهوش زيوت ، لو مش عايز تسمع الصوت ، اقفل شباكك أو علي صوت الكاسيت
زيارة أخرى بعد قراءة خبر نزول software جديد للفتيس على المنتدى هنا ، ساعتين إنتظار ، بعد إستلام العربية مغسولة وزي الفل تمت التجربة بحماسة منقطعه النظير اسفرت عن إغلاق الشباك وتعليه صوت الكاسيت نظراً لأني مش هنكد على نفسي ونا شاري عربية جديدة بسبب أصوات غريبة من تحت
ديسمبر 2010 وركزوا معايا هنا ، صوت غريب الصبح ينتهي مع التسخين أو نقل الفتيس ، الصوت بيزيد والعيال فالشارع بئو عارفين إن عربيتي هي إلي بتعمل الصوت الغريب ده، لا قفل الشباك ولا تعلية الكاسيت مؤثرة فيهم، رحت التوكيل و فهمت المدير اني هعملهم مصيبة وهفضحهم على النت لو سمعت الحلول الغير تقليدية بتاعتهم دي، الرجل إهتم جداً و نزل معايا و طلبوا أسيب العربية عشان يدوروها الصبح ، سبتها و ركبت التوكتوك للمزلقان بجنيه وروحت في تاكسي
يوم يومين ، اتصلت، أيوة يا باشا . احنا بنبص على الرشاشات ووحدة الحقن ، يومين كمان ، رحت ، استلمت العربية بدون إصلاح لأن القطعة "اللي أنا مش عارف هي إيه " لسة هتيجي من أسبانيا
يناير 2011 القطعة وصلت ، سبت العربية عشرة أيام ، ومادونيش عريبة بديلة ، ركبوا القطعة اللي هي طلعت وش سليندر ، أيوة وش سليندر و مش عايز أسمع صوت
شوية والثورة قامت
إلى ابريل 2011 كان استخدامي ليها نادر أوي لأني ساكن في نص البلد
مايو 2011 كنت عامل حوالي 12000km ، رجرجه عند التحرك من الثبات ، مع ملاحظة إستمرار صوت جلبة من الموتور "راجع الصوت الأول " بجانب أصوات الفتيس اللتي لم يتم التخلص منها حتى بإغلاق الشباك وتعليه الكاسيت
الرجرجة بتزيد لما العربية بتسخن أو الجو حر وابتديت أحس اني لو مرجرجرتش العريبة يبقى أنا سايق غلط ، ما علينا ، عظيمة يا مصر و على أرض اللوا رحت للمدير ، و سبتها يومين بعدها إتصل بيا استلم العريبة واشوف الدنيا عاملة إيه!
تاني يوم بشغل التكييف ، مشتغلش، اتصلت بهم واصدرت جميع الأصوات اللازمة ، اسفرت عن تغيير سربنتينة التكييف لأني عملت حادثة خرمت السربنتينة بس دوناً عن العربية كلها محصلهاش حاجة حسب تفسير محمود بتاع التكييف
أغسطس 2011 رجعت من السفر ، زهقان من العربية ، نفس الأصوات و زاد عليها الرجرجة
ابتديت أعرف من المنتدى هنا إن الرجرجة دي علامة إن الفتيس ال-dsg باظ و كنت كاره العربية تماماً ، قافل الشباك ، معلي الكاسيت و بستني الرجرجة في الغيار الاول و بحاول معملش حوادث بالسربنتينة
سبتمبر 2011 رحت التوكيل ، و مع بدايه قلعي للبنطلون في غرفه المدير كحركه هجومية وليست دفاعية ، الراجل سمع مني و- بابتسامة عريضة طمني إن التوكتوك في إنتظاري لأني حسيب العربية يشوفوها
بعدها بأسبوع إتصل عشان أخد العريبة لحد ما الفتيس يجي من برة
متابعة مستمرة ، وصل الفتيس بعدها بشهر و نص ، ركبوه في أربع أيام ، استلمت العربية ، كانت الطاره معووجة ، رجعت تاني هم عدلتها ، و إطمنت على الواد بتاع التوكتوك و بعت العريبة بخسارة 27 ألف جنيه
شكراً لمروركم

بعد شهور طويلة من موضوعك المحزن ده - أولا احب اقول لحضرتك الله يعوض عليك باللي في خير
وللعلم أنا من فترة عضو في المنتدى وأغلب انشطتي هنا - رييد أونلي مود - وقليل قوي لما بكتب
بس بصراحة لما قرأت موضوعك وطريقتك الساخرة ونفسك الحلوة - أحب أهني حضرتك على اسلوبك وابداعك - إنت أكيد عندك موهبة ولازم تستغلها و أهو يبقى موضوع الفتيس ده طلع العبقري اللي جواك

تحياتي

[احمد فهمى]

الحمد لله على كده وانت مخسرتش ده انت اشتريت نفسك وكسبت الفلوس الباقيه لو كانت قهدت كمان سنه اقل واجب كنت هتخسر نص المبلغ اللى اشتريت بى

[Mstfun]

سيبك من الخساره ال 27 باكو....

المهم ان طريقتك في سرد الموضوع زي العسل

وانت عسل اصلا

[S O P H O S]

ان شاء الله الي جي يكون احسن وخير