طرمبة البنزين بعافية

[SYD]

ربنا معاك يا هندسة
عايزك تراجع كهربيا علي كل شيء اولا قبل ما تغير حاجه يمكن ربك يجعلها خفيفة عليك و يطلع الموضوع بسيط ان شاء الله
ولو مش لاقي مفر غيرها استيراد أفضل وربنا يعوض عليك و يجعلها اخر الاحزان هههههههههههههههههههه عارف انك شطبت خلاص و بعت البلاطة كمان
ايه أخبار المقابلة مش لاقي تفاعل من حد
الله المستعان

ربنا كريم

انا هنزل دلوقتي افك واشوف الدنيا فيها ايه
والله المستعان

[SYD]

في عرض السوبر توفير

واحد صاحبي كان معاه أبيزا 94 1300 غير البلوك بس بدون أدوات تغذيه من عند السراج في الحرفيين بس البلوك اللي جابه 1400 و شغله على كربراتير ال 1300
المهم الميكانيكي قاله البلوك ده مفيهوش طرمبة بنزين بدل متشتري تانك و نخش في حوارات ركبله طرمبه ياباني (توصيله بلدي كده في الحوض) تمنها 30 جندي و العربيه فضلت شغاله معاه زي الفل فتره طويله على كده لحد ما باعها

اول مرة اسمع عن الموضوع دة
هو الموتور الكربراتير طرمبة بنزينه في الحوض جوة ؟؟؟

[SYD]

النهاردة نزلت وقولت افتح واشوف الدنيا فيها ايه
فكيت الكنبة وشيلت الموكيت (فاتحين في الموكيت مكان علي شكل نصف دائرة بالظبط علي قد الغطاء المعدني للطرمبة)
فكيت الغطاء المعدني الشبه دائري ويوجد فيه 3 مسماير صليبة (لازقين فيه الجوان عشان مايقعش لما تفتح الغطاء - ناس محترمين والله)
لقيت طبعا كمية تراب غير طبيعية
نظفت الطرمبة وهي راكبة ونظفت الفيشة بتاعتها من التراب الغير عادي الي عليها
العربية طبعا اتردمت تراب

حد هيسألني ويقولي طب ليه طالما فتحت كنت بالمرة خرجت الطرمة برة ونظفتها

هقوله لما فتحت بصراحة انبهرت (اللهم صلي علي النبي الله اكبر الغطاء دة انا اول واحد تقريبا يفتحه ومفهوش خربوش مكان اي مفك قبل كدة) ولقيت تقفيلها فبريكة وشكله كويس خوفت افك ماعرفش اقفلها تاني زي الفبريكة وبصراحة انا قولت كمان اشوف بعد النظافة هيبقي ايه النتيجة لو عملتها تاني ابقي بجد افك الطرمبة وانظفها بأي منظف

وجاري التجربة
ادعولي بالتوفيق

والله المستعان
،
،

[windofchange]

سيد باشا,,,,حصل معاي نفس المشكلة بعد تركيب عوامة وتجربتها لأن عندي العوامة بايظة وشايلها المهم ان شاء الله الطرمبة مفيهاش حاجة ,,,حصل عندي نفس الموضوع ونزلت خبطت عالتانك من تحت وسمعت الطرمبة بتحضر بنزين لكن ده حل مؤقت لما رحت للكهربائي فكها ولقي ان الصنايعي نسي يركب فيشة صغيرة جوه الطرمبة مش هتشوفها من عندك طبعا إلا لما تفك القربة كلها (جواها قلب الطرمبة والعوامة) وركبت واشتغلت الطرمبة الحمدلله وطلعت سليمة(كنت غيرت قلبها قبل كده متجيبش الصيني اللي ب70 جنيه ديه ابداااا لأن زي ما acoal قال المنطقة دي من العربية اللعب فيها عايز صنايعي وغالبا حاجات بتبوظ من كتر اللعب فيها زي خراطيم دي بلاستيك قاسي من كتر التني الخرطوم بيتقطع وتعمله افيز كاوتش وحوارات او تلحمه طبعا اللي بيتنيه صنايعي المفروض فاهم ويقلك مش هيحصل حاجة لكن بالعقل ده مش خرطوم طري ميحصلوش حاجة التني بيعلم عليه ويعمل تنيات فيه مع الوقت بتسرب بنزين ممكن تغرقه مياه دافيه تطريه شويه قبل الفك والتركيب) غير جوان القربة (دائري حول القربة) لازم يبات في مكانه كويس عشان تفول معاك ومتنزلش بنزين عالتانك ومنه للارض وريحة بنزين تقلبلك العربية قلب الطرمبة انا جبته زي اللي فيها vdo وبالمناسبة هي نفس الشركة اللي مصنعة عدادات العربية وبتاع باسات يعني البار بتاعه ميقلش عن 3.0 وب300 جنيه من الصفا فرمسيس مش فرمسيس الميدان في منطقة محيطة به وهي شكلها اصلي ومبرشمة بس صنع الصين ساعتها كنت جايب قلب بوش لون كرتونته اصفر ب400 جنيه مضروب والبشمهندس رشاد الكهربائي قاللي ارجعه لأنه مش اصلي وجبت الvdo من الصفا رمسيس او الصفوة مش فاكر اسمه بس هو فرمسيس المنطقة المحيطة(هحاول اشفلك الكارت) فمتسترخصش لو احتاجت تغيير قلب الطرمبة عشان كتر اللعب فالمنطقة دي ممكن يبوظلك عوامة او خراطيم بنزين (راجع,رايح,بخر بنزين) بس انا متفائل انها زي عندي سلكة فالته من ترمل كده فالقربة لما تفكها هتشوفها راكبه او لأ ,لو طلعت راكبه يبقي للاسف احتمال كبير الطلمبة ودعت,ده موقع شركة VDO فيه معلومات عن البار اللي محتاجه كل موتور فالطلمبة واكيد هيفيد بعد كده http://www.vdo.com/generator/www/com...e/home_en.html

[agaty1st]

اول مرة اسمع عن الموضوع دة
هو الموتور الكربراتير طرمبة بنزينه في الحوض جوة ؟؟؟

- موتور ال 94 1300 كربراتير و طرمبة النزين عاده مش كهربا و مكانها في الموتور نفسه ورا غطا التاكيهات
- أما موتور ال98 الطرمبه في التانك زي مانتا عارف
- الراجل ده ركب الكربراتير بتاع ال 1300 على الموتور ال1400 اللي اشتراه استيراد فاصبح الموتور ال 1400 اللي بدون طرمبه و التانك بتاع ال1300 برضه بدون طرمبه فجاب طرمبه بتاعت عربيه ياباني و ثبتها جوه الحوض زي كده أي كتاوت أو سارينة الأنذار

[alzelafy]

متنزل الحرفيين خدلك لفه و شوف الدنيا فيها ايه و اسال مهندس رشاد الكهربائى شوف هيقلك ايه او الكهرباءى اللى انتا اتعاملت معاة و ظبطلك الدفيرة شوف هيقلك ايه مبدئيا و لو لقدر الله طرنبه هاتها استيراد احسن و يا سلام لو تاخدها من نص يبقى تمام ____ معلش هى العربيات كدة على قد ما بتديك على قد ما بتاخد منك لو الواحد كان يعرف المصاريف اللى هيصرفها على عربيته كان جاب عربيه متقطعه و حطها جنبو دى كلها ب 5500 عربيه كامله .... يلا ربنا يعينك

[SYD]

سيد باشا,,,,حصل معاي نفس المشكلة بعد تركيب عوامة وتجربتها لأن عندي العوامة بايظة وشايلها المهم ان شاء الله الطرمبة مفيهاش حاجة ,,,حصل عندي نفس الموضوع ونزلت خبطت عالتانك من تحت وسمعت الطرمبة بتحضر بنزين لكن ده حل مؤقت لما رحت للكهربائي فكها ولقي ان الصنايعي نسي يركب فيشة صغيرة جوه الطرمبة مش هتشوفها من عندك طبعا إلا لما تفك القربة كلها (جواها قلب الطرمبة والعوامة) وركبت واشتغلت الطرمبة الحمدلله وطلعت سليمة(كنت غيرت قلبها قبل كده متجيبش الصيني اللي ب70 جنيه ديه ابداااا لأن زي ما acoal قال المنطقة دي من العربية اللعب فيها عايز صنايعي وغالبا حاجات بتبوظ من كتر اللعب فيها زي خراطيم دي بلاستيك قاسي من كتر التني الخرطوم بيتقطع وتعمله افيز كاوتش وحوارات او تلحمه طبعا اللي بيتنيه صنايعي المفروض فاهم ويقلك مش هيحصل حاجة لكن بالعقل ده مش خرطوم طري ميحصلوش حاجة التني بيعلم عليه ويعمل تنيات فيه مع الوقت بتسرب بنزين ممكن تغرقه مياه دافيه تطريه شويه قبل الفك والتركيب) غير جوان القربة (دائري حول القربة) لازم يبات في مكانه كويس عشان تفول معاك ومتنزلش بنزين عالتانك ومنه للارض وريحة بنزين تقلبلك العربية قلب الطرمبة انا جبته زي اللي فيها vdo وبالمناسبة هي نفس الشركة اللي مصنعة عدادات العربية وبتاع باسات يعني البار بتاعه ميقلش عن 3.0 وب300 جنيه من الصفا فرمسيس مش فرمسيس الميدان في منطقة محيطة به وهي شكلها اصلي ومبرشمة بس صنع الصين ساعتها كنت جايب قلب بوش لون كرتونته اصفر ب400 جنيه مضروب والبشمهندس رشاد الكهربائي قاللي ارجعه لأنه مش اصلي وجبت الvdo من الصفا رمسيس او الصفوة مش فاكر اسمه بس هو فرمسيس المنطقة المحيطة(هحاول اشفلك الكارت) فمتسترخصش لو احتاجت تغيير قلب الطرمبة عشان كتر اللعب فالمنطقة دي ممكن يبوظلك عوامة او خراطيم بنزين (راجع,رايح,بخر بنزين) بس انا متفائل انها زي عندي سلكة فالته من ترمل كده فالقربة لما تفكها هتشوفها راكبه او لأ ,لو طلعت راكبه يبقي للاسف احتمال كبير الطلمبة ودعت,ده موقع شركة VDO فيه معلومات عن البار اللي محتاجه كل موتور فالطلمبة واكيد هيفيد بعد كده VDO - We are a leading international supplier of automotive electronics & mechatronics.

أقسم بالله انت معلم

انا بشكرك جدا يا ايهاب علي المعلومات دي
الصراحة انا اتعلمت درس في التعامل مع العربيات وخصوصا الألماني في الفترة الأخيرة دي وهي اني اجرب واشوف وانتظر لأخر لحظة وماديش ودني لأي صنايعي اياً كان لأن الصنايعي مهما كان محترف بردو شغال بمبدأ Try and Error او بالعامية "زغرتي يالي مانتيش غرمانة"
فعلا الصنايعي مش غرمان حاجة وبالزات لو واحد عنده في التوكيل قطع غيار بالهبل مرمية وبيجرب بيها مثال علي كدة "عصام" الي انا بتعامل معاه او غيره، عندهم قطع غيار لو شك في حاجة فورا بيجرب من عنده وانا متأكد لو عصام كان عنده واحدة كان جربلي بيها بس هو ماعندوش فقالي اشتني "فكرني بمحمد صبحي في المسرحية لما كان غني وأخنف" كل حاجة يقولك أشتري وهو مش غرمان حاجة هو بياخد مصنعية علي الفك والتركيب والتجربة
انا ماقصدش ازم في عصام او غيره ولكن ربنا ادالي عقل بفكر بيه وابقي غلطان لو ماتعلمتش من الدرس

أخويا كان عنده الطرمبة باظت بس هو لما باظت قطعت تماما
يعني لما فكها وخدها جربها علي البطارية دريك بردو قاطعة
واخويا قالي حاجة من اتنين ياأما هتبقي قاطعة خالص او لو أشتغلت هتشتغل ضعيف

وبالتالي انا مش دي الحالة بتاعتي
انا بتشتغل ساعات وتقطع ساعات

يعني مثلا قطعت تاني النهاردة وللأسف كان معايا اسرتي ونزلت وخدتهم مواصلات بعد ماركبنا ورستقنا نفسنا
كنت كاره نفسي وكاره الطرمبة

الله المستعان
،
،

[SYD]

- موتور ال 94 1300 كربراتير و طرمبة النزين عاده مش كهربا و مكانها في الموتور نفسه ورا غطا التاكيهات
- أما موتور ال98 الطرمبه في التانك زي مانتا عارف
- الراجل ده ركب الكربراتير بتاع ال 1300 على الموتور ال1400 اللي اشتراه استيراد فاصبح الموتور ال 1400 اللي بدون طرمبه و التانك بتاع ال1300 برضه بدون طرمبه فجاب طرمبه بتاعت عربيه ياباني و ثبتها جوه الحوض زي كده أي كتاوت أو سارينة الأنذار

الف شكر ياباشا علي التوضيح

علم الأنسان ما لم يعلم
صدق الله العظيم

والله المستعان
،
،

[SYD]

متنزل الحرفيين خدلك لفه و شوف الدنيا فيها ايه و اسال مهندس رشاد الكهربائى شوف هيقلك ايه او الكهرباءى اللى انتا اتعاملت معاة و ظبطلك الدفيرة شوف هيقلك ايه مبدئيا و لو لقدر الله طرنبه هاتها استيراد احسن و يا سلام لو تاخدها من نص يبقى تمام ____ معلش هى العربيات كدة على قد ما بتديك على قد ما بتاخد منك لو الواحد كان يعرف المصاريف اللى هيصرفها على عربيته كان جاب عربيه متقطعه و حطها جنبو دى كلها ب 5500 عربيه كامله .... يلا ربنا يعينك

يا سيدي مش للدرجادي
هي العملية عايزة شوية صبر
وانا بفضل الله نفسي طويل اوي

انا هصبر وتني وراها لحد لما اجيب داغ الي خلفوها

والله المستعان
،
،

[sameh_se]

متنزل الحرفيين خدلك لفه و شوف الدنيا فيها ايه و اسال مهندس رشاد الكهربائى شوف هيقلك ايه او الكهرباءى اللى انتا اتعاملت معاة و ظبطلك الدفيرة شوف هيقلك ايه مبدئيا و لو لقدر الله طرنبه هاتها استيراد احسن و يا سلام لو تاخدها من نص يبقى تمام ____ معلش هى العربيات كدة على قد ما بتديك على قد ما بتاخد منك لو الواحد كان يعرف المصاريف اللى هيصرفها على عربيته كان جاب عربيه متقطعه و حطها جنبو دى كلها ب 5500 عربيه كامله .... يلا ربنا يعينك

ممكن تليفون رشاد يا شباب لانه بينزل الورشه الساعة 12 و انا عايز اكلمه ضرورى