رأيكم في سيات ليون dsg

[NaderNabil]

يا معشر نايل موتورز....أخباركم إيه؟

حالياً أمتلك سيارة سكودا أوكتافيا a5 2007..و أنوي التغيير لسيارة أخرى في حدود ال 150000 كحد أقصى..

متطلباتي في العربية تكون شبابي...اوروبي...مميزة...تكفي عائلة من شخصين و ثالث في المستقبل

السيات ليون من زمان و هي ساحراني و كل حاجة فيها بتبهرني...سواء شكل أو كماليات لا تعد و جودة...و كون انها سليلة فولكس فاجن و تشترك في معظم الأجزاء الميكانيكية مع أخواتها الجولف و الأوكتافيا و الأودي a3...من الأخر بحس فعلاً إنها مناسبة شخصيتي و ظروفي الحالية

المستعمل منها موديلات 2011 كسر زيرو بتلعب في حدود 140000...و ده سعر معقول جداً ليها

الكلام اللي فات ده كله كوم و الdsg كوم تاني خالص....

انا عارف طبعاً كل المشاكل اللي بتدور حوالين الفتيس ده...و عارف قد إيه الناس كارهاه...بس عايز أسأل عن ماهية المشاكل في جناح السيات و كان التوكيل بيتعامل معاها إزاي؟؟؟ و هل الفتيس ده فعلاُ يخليني أبعد عن العربية و مفكرش فيها أصلاً؟؟؟

الموضوع صعب و محتاج أراء مبنية عن خبرة سابقة...إحكولي أخبار الفتيس ده في السيات إبه...و إيه أخبار التوكيل كضمان و صيانة له أو للعربية ككل..

شكراَ جزيلاً

[SYD]

اولا اهلا بيك في قسم سيات

اعتقد الفرق مش كبير بين الأوكتافيا والسيات الليون من حيث تكنولوجيا فولكس المشتركة بينهم سوا فقط الفتيس
فتيس الأوكتافيا 2007 اعتقد كان 6 غيار وهو فتيس اوتوماتيك مشترك مع سيارات فولكس من جيتا لجولف لباسات
الفتيس الDSG عيبه في زيته وصيانته لكن لو تمت بشكل سليم هيشتغل كويس انشاء الله

في موضوع كان صاحبه عاملة بيحكي قصته مع ابيزا 2010 فتيس DSG وتجربته مع التوكيل

يمكن تفيدك او تأخذ منها عبر

ولك حرية الرأي فيما بعد

http://www.nilemotors.net/Nile/261741-2010.html#post3873992974

والله المستعان
،
،

[ehab_mansour]

اهلا بيك أستاذ نادر في قسم سيات و خاصة انك من أوائل أعضاء نايل موتورز
من خلال بحثي حول هذا الموضوع لأن اخي الأكبر عجباه و بشدة السيات ألتيا و رغم انه بيفكر يغير و لم يكن يضعها في الاعتبار أصلا ولكن لما نزلنا مع بعض المعارض وانا بعد ما خلصنا قلتله هتفرج علي جناحي الخاص في المعرض فقال ماشي فجه معايا شدته بشكل غريب من شكل و تصميم و كماليات و ...... كل حاجه و لكن انا اللي رفضت بسبب الفتيس dsg والسبب اني بحثت كثيرا و سألت كتير و لكن وجدت بنسبة تفوق ال 70% من الأراء بتقول انه لازم يتعمله صيانة معينه بعد كيلومتر قليل و كذلك تقريبا كلهم غيره في الضمان بعد فترة تقل عن سنة استخدام !!!!!!!!!! فهل هذا يعقل
انا بركب اوروبي و خاصة ألماني عشان الاعتمادية و الأمان مش عشان مكملش سنة ركوب و ارمي العربية في التوكيل كام شهر عشان الفتيس !!!!!!!!!!!!
بصراحة انا لو المشاكل دي مش موجودة كنت هكبرها في دماغ اخويا و هخليه يشتريها ولكن مش عارف فولكس مالها و انا متضايق جدا من الموضوع ده وانا شخصيا نفسي أركب dsg ولكن بعد ميخلصو مشاكلهم و يحلوها خالص نبقي وقتها نفكر

أنصحك خليك في الاوكتافيا حاليا لأنك هتلاقي كل العربيات المحترمه في الرينج ده كسر زيرو و اوروبي من فولكس كلها بنفس المشكلة لأن فولكس بتصنع نفس الفتيس لكل مجموعتها ولكن لو مصمم تغير فأكيد هتتجه لماركات أخري و تكنولوجيا تقريبا زي عربيتك او أقل او لكوري و ياباني و دي حاجه ترجعلك
وربنا يوفقك ان شاء الله
اسف علي الاطاله

[abouetta]

انا معايا سيات التيا ٢٠١١ داخله علي سنة و عامله ١٥٠٠٠ كم و زي الفل الحمدلله ما فيش احسن من كده

[Mohab.Nabil]

رأيى الشخصى من دون سابق تجربة

ابعد عن الـ dsg

هتشترى عربية بـ 150 الف عشان كل ما تسمع صوت تبقى خايف ان الفتيس يبوظ ؟

اعتقد المبلغ ممكن يجيبلك حاجات كثير كويسة خصوصا انك بتتكلم على كسر زيرو يعنى مش لازم زيرو هتلاقى اختيارات كتير كويسة

و بالتوفيق ان شاء الله

[atiffshakker]

طالما العربيه عاجباك اتوكل علي الله يا رجل , الفتيس دا ميزه مش عيب و كل الكلام الي اثار حوله ده معظمه مجرد كلام ناتج عن موضوع او اتنين اتفتحوا هنا في المنتدي بيشكوا من عيب في الفتيس , الفتيس معايا بقاله فتره كبيره و اول ما اشتريت العربيه بقيت باضغط عليه علشان لو فيه عيب يبان بس ده محصلش .

العيب كان موجود في موديلات 2009 و 2010 - بعد كده العيب انتهي تماما .

هتعمل صيانه العربيه في التوكيل ( التوكيل بس ) في معادها و حاول مثلا انها تكون قبل موعد الصيانه بألف كيلو مثلا و لو حسيت بحاجه غريبه تروح علي التوكيل فورا - كل 5000 كيلو ياريت برضه تروح التوكيل تحط العربيه علي الكمبيوتر و تشوف لو في ابديت للفتيس .

مشاوير التوكيل دي مهمه جدا جدا علشان تحافظ علي عربيتك و من حسن حظك ان توكيل سيات محترم و معليهوش ضغط ومريح .

اتوكل علي الله و اشتري الليون - عربيه ممتازه .

[abouetta]

طالما العربيه عاجباك اتوكل علي الله يا رجل , الفتيس دا ميزه مش عيب و كل الكلام الي اثار حوله ده معظمه مجرد كلام ناتج عن موضوع او اتنين اتفتحوا هنا في المنتدي بيشكوا من عيب في الفتيس , الفتيس معايا بقاله فتره كبيره و اول ما اشتريت العربيه بقيت باضغط عليه علشان لو فيه عيب يبان بس ده محصلش .

العيب كان موجود في موديلات 2009 و 2010 - بعد كده العيب انتهي تماما .

هتعمل صيانه العربيه في التوكيل ( التوكيل بس ) في معادها و حاول مثلا انها تكون قبل موعد الصيانه بألف كيلو مثلا و لو حسيت بحاجه غريبه تروح علي التوكيل فورا - كل 5000 كيلو ياريت برضه تروح التوكيل تحط العربيه علي الكمبيوتر و تشوف لو في ابديت للفتيس .

مشاوير التوكيل دي مهمه جدا جدا علشان تحافظ علي عربيتك و من حسن حظك ان توكيل سيات محترم و معليهوش ضغط ومريح .

اتوكل علي الله و اشتري الليون - عربيه ممتازه .

كلام سليم و اتفق معك ١٠٠٪

[ehab_mansour]

انا معايا سيات التيا ٢٠١١ داخله علي سنة و عامله ١٥٠٠٠ كم و زي الفل الحمدلله ما فيش احسن من كده

مبروك عليك الالتيا لما اتفرجت عليها في المعارض عربية محترمة جدا جدا جدا كما عهدنا من سيات و فولكس دائما و اتمني من الله انها تفضل زي الفل دائما وياريت توافينا دايما بأخبارك
و صدقني انا شخصيا متضايق جدا من السمعه اللي طلعت علي الفتيس و اتمني انها تتلاشي قريبا لأني نفسي اركب سيارة فيها الفتيس ده و بالتكنولوجيا دي

طالما العربيه عاجباك اتوكل علي الله يا رجل , الفتيس دا ميزه مش عيب و كل الكلام الي اثار حوله ده معظمه مجرد كلام ناتج عن موضوع او اتنين اتفتحوا هنا في المنتدي بيشكوا من عيب في الفتيس , الفتيس معايا بقاله فتره كبيره و اول ما اشتريت العربيه بقيت باضغط عليه علشان لو فيه عيب يبان بس ده محصلش .

العيب كان موجود في موديلات 2009 و 2010 - بعد كده العيب انتهي تماما .

هتعمل صيانه العربيه في التوكيل ( التوكيل بس ) في معادها و حاول مثلا انها تكون قبل موعد الصيانه بألف كيلو مثلا و لو حسيت بحاجه غريبه تروح علي التوكيل فورا - كل 5000 كيلو ياريت برضه تروح التوكيل تحط العربيه علي الكمبيوتر و تشوف لو في ابديت للفتيس .

مشاوير التوكيل دي مهمه جدا جدا علشان تحافظ علي عربيتك و من حسن حظك ان توكيل سيات محترم و معليهوش ضغط ومريح .

اتوكل علي الله و اشتري الليون - عربيه ممتازه .

كلام ممتاز و مبروك عليك العربية و ربنا يباركلك فيها