ورشة سيات المتكامله

[agaty1st]

السلام على كل السياتاويه
بصراحه بعد اطلاعي على موضوع أستاذ جاسر و الدوخه اللي داخها لحد ما ظبط عربيته فكرت كل واحد يعرف صنايعي يكون محل ثقه يكتب بياناه عشان يكون عندنا Data Base كامله لكل التخصصات و كمان محلات الاستيراد و مش لازم يبقى واحد بس في كل تخصص و ممكن في الأخر نعمل جدول يكون فيه كل الصنايعيه المعتمدين من الجروب اللي جربناهم و حسينا أنهم أكفاء و عندهم ضمير
و الله الموفق

[agaty1st]

إضافه بسيطه : ياريت الأسم و التخصص و العنوان و رقم التليفون

[SYD]

الفكرة كويسة جدا

اكتبوا انتوا كل الي انتوا عايزينه وإن شاء الله نجمعه في ملف واحد أكسيل

انا بشتغل اكسيل كويس
وممكن اعمل فيه كام زرار بحث وحركات وتبقي بجد داتا بيز

كان في موضوع هنا في القسم بتاع egman عنده نفس الأقتراح وبالفعل عمل ملف اكسيل

ياريت لو يشارك معانا ونضم القوائم مع بعض
كل واحد يختار قائمة و2 فردي

ههههههههههه

والله المستعان
،
،

[SYD]

http://www.nilemotors.net/Nile/227450-a.html#post3873590964

http://www.nilemotors.net/Nile/228385-a.html#post3873602421

http://www.nilemotors.net/Nile/247808-a.html#post3873828587

http://www.nilemotors.net/Nile/264984-a.html

دي كدة شوية مشاركات قديمة فيها شوية عناوين واسماء ورش وميكانيكية سيات وفولكس عموما

ولو عايز تاني ممكن ندخل قسم فولكس وهنجيب من هناك tons من العنواين

والله المستعان
،
،

[agaty1st]

الله ينور عليك يا باشا و ان شاء الله لما نجمع كل المعلومات أعملنا Excel sheet كده على ذوقك و فعلا هاتبقى روعه للناس

[SYD]

من العين دي قبل العين دي

والله المستعان
،
،

[agaty1st]

1- الاستيراد :
- محل أسمه هامبرج في وكالة البلح و صاحبه أسمه محمد نبيل و ده فعلا عنده أنضف بضاعه ممكن تلاقيها و تليفونه 01222875395

2-العفشه :
- واحد أسمه رضا الكنج في الحرفيين و ده فعلا أكتر من محترم و عنده كل حاجه جديده و أستيراد و سعره مش غالي زي الناس بتاعت الحرفيين و ببعتلوا صحابي كتيييييييييييير و كل مره بيشرفني
و تليفونه 01003189676

3- الكهرباء :
- زكريا الهواري - أرض اللواء ت 01002765068
عنده برضه حاجات استيراد و دكتور في الابيزا

دي بصراحه الناس المميزه جدا بالنسبالي و اما باقي التخصصات فبصراحه معرفش حد متخصص زي الناس دي

[SYD]

ها يا رجالة مفيش تاني ؟؟؟؟

[ehab_mansour]

الله ينور يا جماعه و ربنا معاكم و انا والله لو اعرف حد كنت هحطه حالا و لكن اللي يعرفني عارف اني معرفش ورش بالقاهرة
والله الموفق

[Dr.cairoky]

السلام عليكم ورحمة الله وبركاته ،،،،،،،،،،

فكره رائعه بصراحه ياباشا تسلم إيدك

1- الاستيراد :
- محل أسمه عباد الرحمن في المريوطيه - الهرم و صاحبه أسمه أيمن قبل ملك الجولف بشارعين تلاته على نفس الصف بتاعه

- محل أسمه ملك الجولف المريوطيه - الهرم

2-الميكانيكى :
- الأسطى " عصام " هوا بيشتغل فى ابيزا وفولكس فاجن فقط - بيشتغل أساسا فى التوكيل بتاع فولكس فاجن و ببعتلوا صحابي كتيييييييييييير و كل مره بيشرفني
و تليفونه 0101739512

[agaty1st]

السلام عليكم ورحمة الله وبركاته ،،،،،،،،،،

فكره رائعه بصراحه ياباشا تسلم إيدك

1- الاستيراد :
- محل أسمه عباد الرحمن في المريوطيه - الهرم و صاحبه أسمه أيمن قبل ملك الجولف بشارعين تلاته على نفس الصف بتاعه

- محل أسمه ملك الجولف المريوطيه - الهرم

2-الميكانيكى :
- الأسطى " عصام " هوا بيشتغل فى ابيزا وفولكس فاجن فقط - بيشتغل أساسا فى التوكيل بتاع فولكس فاجن و ببعتلوا صحابي كتيييييييييييير و كل مره بيشرفني
و تليفونه 0101739512

يا باشا العفو
و ياريت بعد أذنك عنوان عصام

[ahmad_salama]

احنا ليه بطلنا الحاجات الحلوة المفيده دي يا جماعه ؟؟

[mahmoud ghanem]

احنا فعلاً محتاجين المعلومات المهمة دى ... الايام دى كنز انك تعرف صنايعى كويس

بالنسبة لى يا جماعة انا العربية معايا من 4 شهور فا لسة معرفش حد كويس وخاصاً فى الميكانيكا والموضوع دة هيبقى مفيد للاعضاء الجدد فى عالم سيارات السيات وخاصاً الابيزا !!!

انا اعرف كهربائى كويس هو عنده ضمير جداً وصنايعى ممتاز انا جربيته مرتين
وبيأخد مصنعيه حنينه .. وجمب البيت عندى
اسمه - عصام موجود فى شارع 9 المعادى قبل مسجد الفتح بحوالى 200 متر
واللى هيرحله ياخد باله كويس لانه مش فاتح ورشة !! دة جوه فيلا بس بيشتغل بره وهو ساكن فى نفس الفيلا يعنى بيسهر لو الشغل طلب منه

فى انتظار باقى مشاركات الاساتذة الاعضاء علشان نساعد بعض ونستفيد

[egman]

والله يا جماعه قد اية الموضوع ده مهم جدا جدا وهيريج كل الناس .
انا كنت عامل الموضوع ده قبل كده من فترة وكنت اتمنى التثبيت لموضوع زي المواضيع ده علشان قاعده البيانات ده تزيد وكل الى يدخل يكتب فيه بيتعامل مع مين علشان الناس تستفاد .

انا الى الان يا رجالة بصر على ان الاسطى / محمد الزعيم هو امهر واحسن ميكانيكي انا شوفته فى مجال العربيات بتاعتنا ده هو محترف تسقيط المواتير لكل الفئات وتعديل العربيات على حس كل نوع موتور من عفشة او خلافه كمان انه ممتاز فى العفشه بمعنى اكلمة وضمير ما بعده ضمير .
من الاخر الى عنده حاجة محيراه فى عربيته ومش عارفلها حل يروح للراجل ده على طول وان شاء الله هيقوله على الحل .

هو عموما محمد الزعيم دلوقتى شغالى ما بين الاربعين والحرفين وجسر السويس والجديد دلوقتى فى المعادى والايام بتبقى متقمسة على الورش بتاعنه وعايز اقولكم بيشتغل بايده فى الاصلاحات والتسقيط والعفشة ومعظم الصيانه ومش ب يخلى لا صناعي ولا صبي يعمل اى حاجة غير انه يناوله عدة وبس .

ده غير ان ممكن بقى للزبائن بتوعه يساعدهم فى اى حاجة فى العربية عايز تجيب اى حاجة للعربية من اول الصاج لحد الاكسسوارات والصالون هو هيساعدك جامد جدا جدا .

والميزه الاهم الى بيقدمها للناس بتوعه انك لوعطلت فى شرم الشيخ بيروحلك وطبعا كله بحسابه وعلى فكره انا لما بقولكم شرم ده مش مجازا ده بيحصل قدامى اواقات اسوان والغردقه وكل حته فى مصر بس ده للزباين بتوعه ، وبرده بروح بنفسه مش بيبعتلك اى جد .

بصه انا هديكم تليفونه علشان الى محتاجه حاجة يكلمة ويعرف هو هيكون فين فى الوقت الى هو عايزة وتروحله المكان الى هيكون فيه :

01113991219


الى يكلمه يقوله ان عرف التليفون من النت من على منتدى السيارات وانه من طرف ا/ حسين بتاع الايبيزا البيضاء وهو وقتها هيعمل معاكم الصح الى مش هتتخيلوه .