تجربة تنظيف حساس الأسبراتير - الجزء الثالث من موضوع الطرمبة بعافية

[SYD]

فاكرين طبعا يا جماعة موضوع طرمبة البنزين بعافية - http://www.nilemotors.net/Nile/267484-a.html

وموضوع السيات عربية اعتمادية - http://www.nilemotors.net/Nile/267723-a.html

استكمالا للموضوعين السابقين انا عملت الموضوع دة لأنه مختلف تماما عنهم وحكايتي مع العربية اخدت منعطف تاني خالص

اخر حاجة وصلنالها هي ان العربية بتبطل مني وماكنتش عارف بتبطل ليه

وفي اخر مرة عملتها بصراحة كان معايا اسرتي واضطرينا نقضيها مواصلات واول لما رجعت من مشواري وبدور دارت - يعني كأنها عملاها عند معايا

من ساعتها وانا حطيتها في دماغي

تاني يوم كنت رايح الشغل (فرع مدينة نصر) بيها وفضلت ماشية معايا تمام لحد حتة اسمها محور الشهيد - لما تنزل من علي الدائري نزلة القطامية العين السخنة - وراحت عملاها ومبطلة

نزلت زقيت وركنت علي جمب وفتحت الكبوت وهاتك يا فحص

اول حاجة عملتها اني فكيت خرطوم البنزين






الي داخل علي الرشاشات وفتحت كونتاكت لقيتها بتجيب بنزين غرق الحوض
عرفت ان السبب بعيد تماما عن الطرمبة

طبعا فرحت بس في نفس الوقت عرفت اني داخل علي دوخة اكبر وهي ياتري المشكلة منين ؟؟؟؟

فحصت الفيش بتاعة الضفيرة الجديدة فيشة فيشة عن طريق Try and Error
اشيل الفيشة واركبها واحاول ادور
لحد لما وصلت لفيشة حساس الأسبراتير الي بيسموه Hall Sensor ودة بيبقي راكب علي الأسبراتير - فكيتها وركبتها وبحاول راحت دايرة
رحت قافل كبوتي وطاير بيها

ودي صور للحساس والأسبراتير بتاع عربيتي








طبعا في نفس اليوم عملتها معايا بتاع 3 مرات كمان بس خلاص انا فهمت اللعبة

اول لما وصلت عند الشغل رحت فورا فاكك الأسبراتير وركبت الأسبراتير بتاعي القديم
صحيح العربية ماعملتهاش تاني بس الأر بي ام ماكنش مظبوط تماما رجع لعيبه القديم انه يفضل طالع نازل ومش مستقر

روحت بيه علي كدة وخلاص

تاني يوم الصبح روحت نازل مركب تاني الأسبراتير الي كنت جايبه وقولت اشوف هيعمل معايا ايه

اشتغل يومين ورجعت تاني تبطل

قولت طب ما أحاول اخد الحساس Hall Sensor من القديم واركبه للجديد
ماعرفتش طبعا لأنه كان عايز مفك انجليزي ومارضيش المسمارين بتوعه يفكوا بالمفك الفرنساوي بتاعي

اتصلت طبعا بالمهندس ايهاب وقالي روح رجعه وماتغلبش نفسك

بس بصراحة ادوخ نفسي بنفسي احسن من اني اروح للصنايعية وهما يدوخوني

المهم اشتريت عبوة wd40 ونظفت فيشة الحساس
ونظفت الفيشة بتاعته في الضفيرة
أصل الضفيرة كمان انا جايبها استيراد وقولت اكيد من ركنتها متوسخة
وقد كان
فعلا لقيت الفيشة بتنزل طين لما نظفتها

الموضوع دة بقاله دلوقتي حوالي اكتر من الأسبوع وماعملتهاش غير مرة واحدة

الجميل بقي في الموضوع اني لما فكيت الفيشة بعد اسبوع او اكتر لقيتها لحد دلوقتي لسة فيها اثار من الwd40 مارضيتش انشفها وسيبتها بيه قولت يكمل فيها نظافة

دي كدة نهاية موضوعي مع تبطيل العربية وفي نهاية الموضوع بحب اوجه شكر خاص للمهندس ايهاب منصور الي تعب جدا معايا وصدع في التليفون
والي اللقاء في حلقة قادمة بأذن الله

والله المستعان
،
،

[ehab_mansour]

الحمد لله وربنا يتم عليك نعمته و تخلص من مشاكل العربية و تستمتع بيها ان شاء الله
و عموما ان شاء الله لما تحن عليا و نعرف نتقابل هنحكي في الموضوع عشان لي شوية اسأله حول هذا الموضوع و يا رب يكون المقابلة القادمة للقسم عشان نتعرف علي الناس المحترمة هنا بالمنتدي و يكون النقاش مشترك ان شاء الله

والف مبروك الوصول لمصدر المشكلة دون فتي او تغييرشيء ملهوش علاقة او دفع فلوس في الفاضي و صدقني انا هتحس بسعاده غريبة لما ربنا يكرمك و تحل مشاكلك بنفسك هتسمتع اكتر بالعربية
الله الموفق و المستعان

[Ahmed_Gallant]

انا عندى نفس المشكله تقريبا وبدات تانى بعد ما نضفت البوابه بس بقت على فترات اطول وكمان فى فتره التسخين بس
ان شاء الله هجرب انضف الفيشه زى مانت قولتلى بال wd40 وهقول على النتيجه بس بعد كام يوم كده
وبفكرك بالمقابله الجايه ان شاء الله

[SYD]

والله يا باشمهندس انا لحد دلوقتي لسة الأسبراتير عندي بايظ وكل يوم يعملها معايا وبقيت خبرة في توقع هو هيعملها امتي لدرجة مابقتش استني انها تقطع مني لوحدها بقيت من نفسي اركن وابطلها وادور تقوم ماتدورش اقوم نازل خالع الفيشة ومنظفها بمنديل ومركبها ومدور

ولحد النهاردة افكها الاقي مكانها dw40 وبمسحها بمنديل
ومعتقد ان الdw40 هو الي بيخليه يفصل
انا مستني لحد لما يروح اثره خالص ولو قطع تاني هغيره

وبالنسبة للكنترول انا مش حاسس بمشكلة منه
ممكن يكون عامل مشاكل بس انا مش عارف احدد مشكلتي

لأني بدأت الاحظ اني كل ما افول العربية الاقي مؤشر البنزين مش رامي للأخر زي زمان
لما بفول بلاقي المؤشر قبل الأخر كأن العربية ناقصها 3 لتر مثلا
زمان لما كنت بفول كان بيرمي لبعد الأخر
وعلي فكرة كان كويس لحد بعد ماغيرت الضفيرة

الكلام الجديد دة لسة بقاله حوالي اسبوع او 10 ايام

انا اصلي بفول كل حوالي اسبوع

والله المستعان
،
،

[ehab_mansour]

أولا موضوع الكنترول عامل مشكلة ولا لأ فدي انت اللي هتحددها وانا خايف ان احنا نكون بنلف في دائرة مفرغة وان الكنترول هو اللي عامل كل وجع الدماغ ده

ثانيا موضوع الأسبراتير و الفيشة فأعتقد ان ال المنظف مستحيل يعمل المشكلة دي او يخليها تفصل لأني استخدمته قبل كده في بورد الكترونية في ماكينات و نظفت بيه سوكيتات ISA رغم انه زيتي ومع ذلك معملش مشكلة في التوصل الكهربي بين البورد و بعضها .. كلامي علي wd40 لذلك فيه عندك مشكلة أخري حاول تتعرف عليها

ثالثا موضوع المؤشر ده طبيعي وكان بيحصل معايا في الابيزا زمان لما أفول من بنزينات اي كلام او في مناطق ريفيه و السبب ان البنزين كان بيبقي فيه شوائب و مياة مخلوطة و بتخلي العوامة متقراش صح
ولو عايز تحل مشكلة العوامة يبقي تمشي بالعربية لحد تقريبا متفضي خالص تماما من بالنزين يعني حاول تجيب أخر التانك و بعد كده فول من بنزينة محترمة (امارات مصر مثلا )هتلاقي المؤشر رفع طبيعي للأخر بدون مشاكل و عن تجربة ولو عملت كده و فعلا مرفعش يبقي فيه مشكلة أخري
طبعا أخر التانك ده مش معناه انك العربية تبطل منك ولكن كل واحد عارف العربية لما تنور ممكن تمشيه قد ايه و برده يفضل فيها لترين او ثلاثة و متبطلش و لكن قربت فعلا تفضي تماما

وربنا ييسرلك الأمور و تخلص من مشاكلك ان شاء الله

[SYD]

والله يا باشمهندس انا اتخنأقت علي الأخر
لسة حالا عاملاها معايا كنت في مشوار مع الحاج ولسة راجع
بردو وانا ماشي بطلت مني
فكيت الفيشة لقيت فيها بقايا wd40
نظفتها وركبتها مارديتش تدور
فكيتها ونظفتها تاني مارديتش تدور
نفخت فيها جامد طبعا طلعت تاني wd40 نظفته تالت وبركبها دارت

فالموضوع مش عارف ليه بشك انه من المنظف
لأني لما بنفخ فيها جامد بتدور

انا خلاص زهقت جدا جدا جدا والله

بس بردو الصبر جميل

وهسيبها دلوقتي وهروح شغلي مواصلات

والله المستعان
،
،

[SYD]

بالنسبة لموضوع البنزين احتمال يكون كلامك صح
واحتمال يكون كلامي انا الي صح

لأني بلاحظ اني لما بفك الفيشة وارجعها بحس بتغيير في مكان المؤشر

ربنا يسهل

انا هحاول اتفرغلها شوية

وامشي ورا الحوار دة واحدة واحدة ويانا يا هي

والله المستعان
،
،

[SYD]

انا بفكر اروح عند اي ميكانيكي وانظف الفيشة والأسبراتير بالwd40 وانفخها بالكومبيرسور عشان اطير منها اي بقايا للمنظف او لو كان المنظف دوب الوساخة الهوا الجامد يطردها برة لأن اندفاع الwd40 مش جامد ومش بيطير الأوساخ

هجرب تاني وتالت ورابع وعشرين

وزي ما قولت يانا يا العربية

والله المستعان
،
،

[ehab_mansour]

من الأخر ال wd40 بريء من عربيتك وانا ان شاء الله متأكد
شكي بدا يروح للكنترول

[SYD]

من الأخر ال wd40 بريء من عربيتك وانا ان شاء الله متأكد
شكي بدا يروح للكنترول

والله يا باشمهندس ربنا يسهل

انشاء الله هروح للميكانيكي في اقرب فرصة

وهشوف الدنيا فيها ايه

والله المستعان
،
،

[Ahmed Mubarak]

http://www.nilemotors.net/Nile/253379-1400.html

[windofchange]

والله يا باشمهندس انا لحد دلوقتي لسة الأسبراتير عندي بايظ وكل يوم يعملها معايا وبقيت خبرة في توقع هو هيعملها امتي لدرجة مابقتش استني انها تقطع مني لوحدها بقيت من نفسي اركن وابطلها وادور تقوم ماتدورش اقوم نازل خالع الفيشة ومنظفها بمنديل ومركبها ومدور

ولحد النهاردة افكها الاقي مكانها dw40 وبمسحها بمنديل
ومعتقد ان الdw40 هو الي بيخليه يفصل
انا مستني لحد لما يروح اثره خالص ولو قطع تاني هغيره

وبالنسبة للكنترول انا مش حاسس بمشكلة منه
ممكن يكون عامل مشاكل بس انا مش عارف احدد مشكلتي

لأني بدأت الاحظ اني كل ما افول العربية الاقي مؤشر البنزين مش رامي للأخر زي زمان
لما بفول بلاقي المؤشر قبل الأخر كأن العربية ناقصها 3 لتر مثلا
زمان لما كنت بفول كان بيرمي لبعد الأخر
وعلي فكرة كان كويس لحد بعد ماغيرت الضفيرة

الكلام الجديد دة لسة بقاله حوالي اسبوع او 10 ايام

انا اصلي بفول كل حوالي اسبوع

والله المستعان
،
،

"زمان لما كنت بفول كان بيرمي لبعد الأخر
وعلي فكرة كان كويس لحد بعد ماغيرت الضفيرة
" خير ان شاء الله ياسيد بس معلش سؤال صغير ليك (ضفيرة ايه اللي لها علاقة بمؤشر البنزين" والعربية بتاعتنا لما بتتظبط من اول مرة بتنساها ودي ميزة الالماني يعني ممكن العيب ميتكررش تاني ابداااا بس المشكلة فالصنايعية وضميرهم وامانتهم الغائبة وان شاء الله الواحد يعمل زيك وزي ايهاب باشا ويشتغل بنفسه فالعربية

[SYD]

"زمان لما كنت بفول كان بيرمي لبعد الأخر
وعلي فكرة كان كويس لحد بعد ماغيرت الضفيرة
" خير ان شاء الله ياسيد بس معلش سؤال صغير ليك (ضفيرة ايه اللي لها علاقة بمؤشر البنزين" والعربية بتاعتنا لما بتتظبط من اول مرة بتنساها ودي ميزة الالماني يعني ممكن العيب ميتكررش تاني ابداااا بس المشكلة فالصنايعية وضميرهم وامانتهم الغائبة وان شاء الله الواحد يعمل زيك وزي ايهاب باشا ويشتغل بنفسه فالعربية

انا كمان كاااااااااااااااااان عندي بيعمل كدة لما كنت بفول كان بيجي بعد الشرطتين بس مش بعديهم بشكل وحش لا يادوب بس بيعديهم

اقولك انا مؤشر ايه الي ليه علاقة بالضفيرة
انا كان المؤشر عندي لما بلف يمين كان يملي التانك ويفول ويعدي كمان الشرطتين
ولما الف شمال كان يفضي واللمبة تنور

لما روحت غيرت الضفيرة
ظبط

كان مؤشر السرعة مش شغال وطبعا عداد الكيلو متر او بمعني تاني حساس السرعة مش شغال

لما غيرت الضفيرة
ضبط

وعموما انا لسة مايأستش من حواري
ولسة بالي طويل

ويا انا يا هي

والله المستعان
،
،

[Ahmedhk]

انا كمان كاااااااااااااااااان عندي بيعمل كدة لما كنت بفول كان بيجي بعد الشرطتين بس مش بعديهم بشكل وحش لا يادوب بس بيعديهم

اقولك انا مؤشر ايه الي ليه علاقة بالضفيرة
انا كان المؤشر عندي لما بلف يمين كان يملي التانك ويفول ويعدي كمان الشرطتين
ولما الف شمال كان يفضي واللمبة تنور

لما روحت غيرت الضفيرة
ظبط

كان مؤشر السرعة مش شغال وطبعا عداد الكيلو متر او بمعني تاني حساس السرعة مش شغال

لما غيرت الضفيرة
ضبط

وعموما انا لسة مايأستش من حواري
ولسة بالي طويل

ويا انا يا هي

والله المستعان
،
،

السلام عليكم
طبعا الموضوع قديم بس معلش عندي سؤال اكيد كنت شايف مواضيع التبطيل اللي كانت عندي و قصتي معاها مستنيها تخلص إِنْ شَاءَ الله و هتكتب موضوع مفصل عن كل ما مررت به
انا توصلت ان المشكلة في الكنترول و الاسلراتير
وديت الكنترول لواحد بتاع اي سي و طلع الاي سي بتاع الموبينة و الاسبراتير بايظين شبه مفحمين و ده بسبب المياه لان الماكلنين اللي بينزلو المياه من الجنبين كانو مسدودين
و بعد تغيير الاثنين اي سي بتاع الاسبراتير و الموبينة حصلت نفس المشكلة و هي في الاسبراتير و لما اخبط عليه او اهزه العربية كانت بتدور
رحت اشتريت واحد ب٢٠٠ جنيه استعمال كان بايظ و مبينطقش و لا بيوصل كهرباء نهائي
فهل انظف اللي عندي ولا ممكن الاقيه جديد ولا ايه اللي ممكن انظفه بالضبط .

[SYD]

السلام عليكم
طبعا الموضوع قديم بس معلش عندي سؤال اكيد كنت شايف مواضيع التبطيل اللي كانت عندي و قصتي معاها مستنيها تخلص إِنْ شَاءَ الله و هتكتب موضوع مفصل عن كل ما مررت به
انا توصلت ان المشكلة في الكنترول و الاسلراتير
وديت الكنترول لواحد بتاع اي سي و طلع الاي سي بتاع الموبينة و الاسبراتير بايظين شبه مفحمين و ده بسبب المياه لان الماكلنين اللي بينزلو المياه من الجنبين كانو مسدودين
و بعد تغيير الاثنين اي سي بتاع الاسبراتير و الموبينة حصلت نفس المشكلة و هي في الاسبراتير و لما اخبط عليه او اهزه العربية كانت بتدور
رحت اشتريت واحد ب٢٠٠ جنيه استعمال كان بايظ و مبينطقش و لا بيوصل كهرباء نهائي
فهل انظف اللي عندي ولا ممكن الاقيه جديد ولا ايه اللي ممكن انظفه بالضبط .

أنا مش فاهم قصدك
ازاي الأسبراتير جزء منه بينزل في المياة ؟؟؟؟
وأنهي مياة ؟؟؟؟؟

ياريت توضيح ولو صور ان أمكن