سؤال في ابيزا 2012

[mibrahim]

ان شاء الله انا ناوي اغير عربيتي و اجيب ابيزا 2012
بس اللي مقلقني ناس كتير بتتكلم على الفتيس dsg و مشاكله
يا ريت لو حد يقدر يفيدني هل لسة مشكلة الفتيس موجودة في 2012

[Falcon.Crest]

اخي الفاضل ابعد عن اي حاجه فيها dsg الان الفتيس مش فيه مشكله المشكله في زحمه الكرق في مصر
انا عندي الفتيس عمل مشاكل بعد 2000 كم

[SYD]

اصبر شوية علي ال dsg لحد لما يظبطوه

لحد النهاردة مازلت الناس بتشتكي منه سواء سيات او فولكس

والله المستعان
،
،

[mibrahim]

شكرا ليكم على الردود
المشكلة ان العربية عجباني جدا...انا كان معايا فابيا 2002 و مش ناوي اركب حاجة مش الماني من ساعتها
بس كدة بما اني غاوي هاتشباك و الاسترا غالية اوي مقداميش غير البونتو

[hany63]

تعال على نفسك في الفلوس و هات فانتازيا او ممكن فلوانس وابعد عن الشر و غني له

[atiffshakker]

يعني كل عربيات الفولكس الي فيها الفتيس دا و ماشيه في الشارع زي الفل عندهم مشاكل في الفتيس ؟ الفتيس لو فصل مش هتعرف تمشي بالعربيه أصلا - يعني ببساطه شديده كل عربيات فولكس الكتيره الي ماشيه في الشارع ( سواء كانت فولكس - سيات - سكودا ) معندهمش اي مشاكل في الفتيس .

شوف لو الابيزا عاجباك و رحت اشتريت حاجه تانيه كل ما هتشوف ابيزا معديه من جنبك بوشها الجرئ الهجومي هتتحسر و هتقول يا ريتني اشتريت العربيه الي بحبها - انا والدي معاه بي ام 2008 مفيهاش خدش و بسيبها اركب الابيزا :)

[Falcon.Crest]

يعني كل عربيات الفولكس الي فيها الفتيس دا و ماشيه في الشارع زي الفل عندهم مشاكل في الفتيس ؟ الفتيس لو فصل مش هتعرف تمشي بالعربيه أصلا - يعني ببساطه شديده كل عربيات فولكس الكتيره الي ماشيه في الشارع ( سواء كانت فولكس - سيات - سكودا ) معندهمش اي مشاكل في الفتيس .

شوف لو الابيزا عاجباك و رحت اشتريت حاجه تانيه كل ما هتشوف ابيزا معديه من جنبك بوشها الجرئ الهجومي هتتحسر و هتقول يا ريتني اشتريت العربيه الي بحبها - انا والدي معاه بي ام 2008 مفيهاش خدش و بسيبها اركب الابيزا :)

معلش حضرتك لاعتراضي علي كلامك
مبيعات جولف 2011 465 عربيه
جيتا 2011 780 عربيه
باسات 2011 1500 عربيه
هما مش عملو مبيعات كةيسه بسسب الفتيس
و انا معايه جولف 2011 هاي لاين
بدأت مشاكل الفتيس معايه بعد 2000 كم مش عايز اقولك عدد الناس الي معاها فولكي 2011 و توقف في الطريق تسالني علي الفتيس
و بعدين في كابور كامل في التوكيل هناك بسبب dsg

[atiffshakker]

معلش حضرتك لاعتراضي علي كلامك
مبيعات جولف 2011 465 عربيه
جيتا 2011 780 عربيه
باسات 2011 1500 عربيه
هما مش عملو مبيعات كةيسه بسسب الفتيس
و انا معايه جولف 2011 هاي لاين
بدأت مشاكل الفتيس معايه بعد 2000 كم مش عايز اقولك عدد الناس الي معاها فولكي 2011 و توقف في الطريق تسالني علي الفتيس
و بعدين في كابور كامل في التوكيل هناك بسبب dsg

أهلا ..

إنت قارنت بين مبيعات فولكس في 2010 و 2009 و 2008 ؟ بتهيألي مبيعات العربيات كلها انخفضت السنه الي فاتت بسبب الثوره و انشغال الناس بالاحداث السياسيه .

مبيعات السيارات السنه الي فاتت كانت 170 الف سياره كتقريب ..
ومن سنتين كانت المبيعات 205 الف بالتقريب ..

وقتها كانت مبيعات فولكس حوالي 2000 سياره ..

مفيش مبيعات قلت ولا حاجه بسبب الفتيس .

[mibrahim]

طب سؤال ؟
الناس اللي بتشتكي من dsg عربياتها موديل كام
و الناس اللي مش بتشتكي موديل كام ؟

[Falcon.Crest]

أهلا ..

إنت قارنت بين مبيعات فولكس في 2010 و 2009 و 2008 ؟ بتهيألي مبيعات العربيات كلها انخفضت السنه الي فاتت بسبب الثوره و انشغال الناس بالاحداث السياسيه .

مبيعات السيارات السنه الي فاتت كانت 170 الف سياره كتقريب ..
ومن سنتين كانت المبيعات 205 الف بالتقريب ..

وقتها كانت مبيعات فولكس حوالي 2000 سياره ..

مفيش مبيعات قلت ولا حاجه بسبب الفتيس .

يا أفندم من غير سخريه الي انا حسسها فس كلام حضرتك
في موضوعات كتير معموله في قسم فولكس ملها علي dsg و مشاكله من اول 2010
الفتيس 7 سرعات دراي كلتش
و بعد انا في مشواري مع حمايه المستهلك اتقالي بالحرف الواحد ان فولكس فاجن فس شكاوي كتير اوي بال\ات الباسات و الجولف 2010 و 2011 بسبب الفتيس
و ارقام المبيعات دي موجوده في تقرير اميك 2011
و اي انسان بيفكر يشري عربيه dsg 7 سرعات دراي كتش
يروح بس يشوف Auto Arabia Media Group - The No1 Auto & Motorsport Media in Middle East و كميه المشاكل الي في dsg

اخير : انا و غيري زي المهندس هاني الي باع عربيته اليباسات بخساره 70000 علشان الفتيس بس بننصح الي عايز يشتري اي عربيه dsg
انه يفكر تاني لانه هايدفع فلوس كتير

[hany63]

ياجماعه اللي مقتنع بال dsg يتكل على الله و ربنا يطول في عمره لحد مليون كم
الواحد بينقل تجربته لوجه الله وكل واحد حر
بالنسبه للمنتدى فيه حوالي 8 اشخاص عملوا موضوع عن المشاكل و اضطروا يبيعوا و راجعوا كويس
و انا عن نفسي اعرف 8 عربيات باظت و غيرت الفتيس وفيه حوالي 5 ما رجعتش اخرها عربية واحد صاحبي لسه جايبه فتيس من اسبوع جيتا 2010 للمره التالته و خرجت من الضمان

[atiffshakker]

يا أفندم من غير سخريه الي انا حسسها فس كلام حضرتك
في موضوعات كتير معموله في قسم فولكس ملها علي dsg و مشاكله من اول 2010
الفتيس 7 سرعات دراي كلتش
و بعد انا في مشواري مع حمايه المستهلك اتقالي بالحرف الواحد ان فولكس فاجن فس شكاوي كتير اوي بال\ات الباسات و الجولف 2010 و 2011 بسبب الفتيس
و ارقام المبيعات دي موجوده في تقرير اميك 2011
و اي انسان بيفكر يشري عربيه dsg 7 سرعات دراي كتش
يروح بس يشوف auto arabia media group - the no1 auto & motorsport media in middle east و كميه المشاكل الي في dsg

اخير : انا و غيري زي المهندس هاني الي باع عربيته اليباسات بخساره 70000 علشان الفتيس بس بننصح الي عايز يشتري اي عربيه dsg
انه يفكر تاني لانه هايدفع فلوس كتير

مفيش سخريه ولا حاجه , و أنا مقدر خسارتك في عربيتك بس مش لازم يكون شغلك الشاغل انك تخوف أي حد يشتري عربيه فيها نفس الفتيس دا , إنت كده بتأثر علي مبيعات الشركه بوجه عام من غير ما تحس .

لو عملت سيرش علي جوجل هتلاقي أن النسبه محصوره في موديلات و عربيات معينه و حتي النسبه قليله فيهم , ودا مش معناه ان نقول يا جماعه بلاش تشتروا اي عربيه فيها الفتيس دا علشان الفتيس هيبوظ بنسبه 100 % .

إنت عندك حق تعرض مشكلتك بس , لكن التعييم حرام لأن زي ما قلتلك ممكن و إنت مش واخد بالك تأثر علي راي ناس كتير كانوا هيشتروا عربيات كويسه مفيهاش اي مشكله و بتحرم الشركه نفسها انها تحقق ارباح بتعود في النهايه علي الناس الي شغالين فيها الي أكيد هما كمان هيتأثروا بقله المبيعات .

وربنا يعوضك كل خير و تحصل في النهايه علي حقك وفلوسك الي اتدفعت .

[A.Adel]

معلش حضرتك لاعتراضي علي كلامك
مبيعات جولف 2011 465 عربيه
جيتا 2011 780 عربيه
باسات 2011 1500 عربيه
هما مش عملو مبيعات كةيسه بسسب الفتيس
dsg

الارقام دي سليمة بس دي عدد العربيات اللي دخلت البلد مش أرقام مبيعات
و عموما الأرقام دي أحسن أرقام في الشركات الأوروبية يعني مش قليلة ولا حاجة

[A.Adel]

يعني كل عربيات الفولكس الي فيها الفتيس دا و ماشيه في الشارع زي الفل عندهم مشاكل في الفتيس ؟ الفتيس لو فصل مش هتعرف تمشي بالعربيه أصلا - يعني ببساطه شديده كل عربيات فولكس الكتيره الي ماشيه في الشارع ( سواء كانت فولكس - سيات - سكودا ) معندهمش اي مشاكل في الفتيس .

مبدئيا سكودا مفيهاش dsg , بس فعلا عدد عربيات فولكس بالذات شيء محير رغم المشاكل الموجودة في الفتيس.
حضرتك هوه أكيد مش كل العربيات فيها مشاكل بس فيه نسبة كبيرة جدا فيها مشاكل واحنا كان عندنا فالبيت جيتا وعارف. يعني احنا بننصح الناس من واقع التجارب اللي حصلت معانا مش قصدنا نوقع سوق العربية ولا نأذي حد