فرش الشنطة

[SYD]

الله ينور يارجالة ويابشمهندس ايهاب وسيد بس سؤالي ياايهاب العضاضة جبتها جديدة ولا استيراد؟

وينور عليك ايهاب باشا

معلش العضاضة دي شكلها ايه ؟؟؟؟

انا عندي حاجات كتير اوي مفكوكة من الكرسي وعمال يرقص بيا وبيزيق كمان

والله المستعان
،
،

[ehab_mansour]

العضاضة يا شباب موجودة جديدة عن محل الشيخ حسن في الحرفيين لقطع الغيار الجديدة

و بتركب العضاضة دي في الجزء الأمامي اللي بيتحرك عليه كرسي السائق و الكرسي المجاور له ولو عايز تعرف هي عندك ولا لأ هترجع الكرسي للأخر لحد ما يصد و تفك مسمار الألانكيه اللي بيمنعه من التحرك بعد ما يوصل للأخر و تشيل المسمار هتلاقي الكرسي بيرجع معاك كمان للأخر هتحركه سنه بسيطة لحد متلاقي الجزء الحديد الي بيتحرك عليه لو ملقيتش فيه العضاضة دي تبقي مش موجودة
خلي بالك من الصباع اللي بيثبت حركة الكرسي للأمام و الخلف لو خرج من مكانه حاول تركبه تاني في مجرته و مكانه

دي صورة العضاضة (هي الجزء الصغير الأصفر )

Uploaded with ImageShack.us

[SYD]

تسلم ايدك يا باشمهندس ايهاب
الله ينور عليك
بس انت ماقولتليش لو مش موجودة الكرسي هيحصله ايه ؟؟؟ ولما ركبت فرقت معاك في ايه ؟؟؟

ارجوك قولي
انا خايف لحسن الكرسي عندي بيسنن وعايز اجيبله عضاضة

هههههههههههه

والله المستعان
،
،

[ehab_mansour]

تسلم ايدك يا باشمهندس ايهاب
الله ينور عليك
بس انت ماقولتليش لو مش موجودة الكرسي هيحصله ايه ؟؟؟ ولما ركبت فرقت معاك في ايه ؟؟؟

ارجوك قولي
انا خايف لحسن الكرسي عندي بيسنن وعايز اجيبله عضاضة

هههههههههههه

والله المستعان
،
،

هههههههههههههههههههههه
انا عندي الحمد لله الكرسي اتفطم و بخير دلوقتي ولا توجد اي أعراض

شوف يا سيدي لو جيت تحرك الكرسي للأمام و الخلف و رفعت اليد و جيت تسيبها بعد ما حركته عشان تسقط فيه الخرم المقابل لصباع التثبيت عشان الكرسي يثبت تاني بعد التحرك و لقيت الصباع مدخلش في مكانه و الكرسي بيتحرك للأمام و الخلف تبقي مش موجودة و عشان يثبت لازم ترفعه شويه من قدام و تفضل تحركه شويه شويه عشان يثبت و الصباع يدخل مكانه و اليد ترجع تاني لتحت مكانها

و كمان هتلاقي قاعدة الكرسي فيها بوش للأمام و الخلف و مش ثابته لأن الجزء ده بيرفع الكرسي من قدام قليلا و بيثبته و الكرسي هتلاقيه مش سلس الحركة عند تحريكه لأن الكرسي عموما بيتحرك عليها و بتكون فيه شحم خفيف لتسهيل الحركة زي الصورة كده

نسيت أقلك انها لما ركبت الكرسي اصبح ثابت تماما و تستطيع ترجيعه او تأخيره بكل سهوله ودون ادني مشكله فقط تسحب اليد لفوق و تحرك و تسيبها تاني ترجع مكانها لوحدها

اي خدمه كل دي وصفات لحل مشكلة التسنين لكرسي الابيزا و غيره
ههههههههههههه