مشكله هتخلينى أسقط موتور لأبيزا 2001

[gomaro2]

أصدقائي الأعزاء
اتعرضت لمشكلتين ورا بعض خلال أسبوع واحد .. والنتيجة إن الميكانيكي بيقولى لازم اسقط موتور .. وانا عربيتى ابيزا 2001 وكان فيها موتور 1400 واحد كامة.
هحكيلكم حكايتي من البداية
كنت ماشي بالعربية وبدأت تظهر شوية أصوات كده على خفيف في الموتور وراحت وبعدين رجعت تاني .. المهم إني كنت مشغول شوية وعمال امشي بالعربية لغاية ما أفضى وأروح للميكانيكي
لغاية في يوم وانا ماشي راحت العربية مبطلة منى خالص .. واجى أدور يقوم المارش يدور بسرعة والعربية ماتدورش .. المهم انى نقلت العربية للورشة .. والميكانيكي بص عليها وقاللى كده سير الكاتينة اتقطع .. لكنه لما فك الوش اللى بيغطى السير لقى السير سليم .. ولقى رايش حوالين السير .. فقالي كده الموتور جاب صبابات وعمود الكامة فيه حتة اتاكلت فيه وفي الترس .. وكده يبقى لازم أجيب وش سلندر من الآخر بدل ماجيب الحاجات دي لوحدها وشغلانة كده وكمان هتبقى هيا هياها.
طبعا أنا ماكدبتش خبر وروحت نازل الحرفيين وجايب وش سلندر استيراد، وجبت واحد كشف عليه هناك وقاللى تمام، ووديته للميكانيكي وقاللى تمام وركبه.
وحط نفس الزيت اللى كان في الماتور القديم بعد ماصفاه.. لاني كنت جايب الزيت موبيل 1 ب 260 جند .. ويادوب كنت مشيت بيه 800 كيلو بس من أصل 10000كيلو
ولما روحت آخد العربية قاللى دي العربية متكتفة عشان طرمبة البنزين عندي بعافية شويه وقاللى ان البوجيهات هيا كمان ضايعة .. وقاللى نعمل بالمرة كمان طقم سيرفس
قومت مروح العربية على البيت عشان انا كنت رايح اخد العربية يوم (السبت) وطبعا هما يوم (الأحد) قافلين .. وقفت العربية عند البيت ومارضيتش أمشي بيها وقضيتها تكاسي عشان كنت مقلق .. ويوم (الاتنين) خدت العربية وجبت بوجيهات وفلتر بنزين والميكانيكي قاللى ان عنده طرمبة بنزين استيراد .. وروحت واخد بعضي ورايحله ركب البوجيهات وفلتر البنزين وطرمبة البنزين
ولما اتحركت بالعربية لقيتها فعلا فرقت جدا جدا .. وخدت بعضي وروحت بالليل.
تاني يوم (الثلاثاء) .. اتحركت مشوارين صغيرين ماكملوش 20 كيلو.
ثالث يوم بقى (الأربعاء) .. روحت مشوار لغاية أكتوبر .. وانا راجع بالليل عند الوصلة بتاعة الدائرى كنت ماشي على 120 و 130 كيلو .. والعربية زي الفل .. وبعدين لقيت العربية معايا عمالة تهدي تهدي وانا مش فاهم ايه اللى بيحصل .. لقيت واحد بموتسيكل هارلى جه جنبي وقاللى ده فيه صوت عالى طالع من العربية وكمان فيه دخان كتير طالع من الشكمان .. طبعا لما فتحت الإزاز بدئت اسمعه
روحت مهدي عشان اجي على جنب وقبل ما أقف خالص العربية راحت مبطلة منى ولمبة الزيت منورة .. ودورت مرتين ماداريتش .. وفي الثالثة دارت بس فيه صوت تخبيط جامد في الموتور ولما نزلت ابص عليه لقيته بيترج جامد.
روحت جايب عربية انقاذ ونقلت العربية عند الميكانيكي وكلمته .. وهو ماكنش في الورشة لكنه حصلنى على هناك
ولما بص قاللى كده العربية جابت بيل والموتور كده شكرا .. ولما سألته ايه اللى حصل .. قاللى انه طرمبة الزيت علقت أو وقفت .. وبالتالى ما بقتش بضخ زيت للموتور .. وكده يبقى باظ
طبعا أنا محتار في الكلام ده .. ومش عارف .. ناس يقولولي .. يبقى ده بسبب غلطة من الميكانيكي لما ركب وش السلندر .. وماخليهوش يعمللى حاجة تاني في العربية
وناس يقولولى لأ انها مش غلطته وانه الطرمبة ممكن توقف عادي يعنى وانه ده بيحصل كتير وخصوصا انه لما ركب الوش ما فكش الجزء السفلى من الموتور.
طبعا أنا مش عارف أحكم
وبرضه محتار في موضوع الموتور .. اسقط 1400 زي اللى كان فيها ممكن يبقى كامة أو 2 كامة .. ولا أسقط موتور جولف .. وبرضه أسقط عنده ولا ابعد عنه واسقط عند غيره .. واجيب الموتور من الحرفيين ولا من بورسعيد ولا منين
بجد محتار مش عارف آخد قرار.
وكنت كلمت الباشمهندس المحترم جدا جدا ايهاب منصور كتر خيره وأخدت رأيه .. بس انا قولت اطرح الموضوع على العام عشان استفيد وكمان الناس تستفيد من اللى حصل ومن اللى هيتقال

[ehab_mansour]

ربنا يعوض عليك أستاذ أحمد
صدقني موضوعك ده من الحالات الغريبة اللي قابلتها في حياتي بما يخص السيارات عموما
لكن لا تعليق

طبعا انا في الحالة الأولي كان اقتراحي ان لازم يفك وش السلندر نفسه و يشوف حالة الصبابات و يتأكد اذا كانت اتعوجت فعلا ولا لأ و هل الجزء كله سليم و الطنبورة بس هي اللي تأكلت ولا ايه الحكاية (يعني يحاول يقلل التكلفة نسبيا من شراء وش سلندر كامل ) بس طبعا المياكنيكي قله هو كده باظ و شكرا و راح اشتري وش سلندر تاني

في الحالة الثانية دي ممكن يكون فيه سبب من الميكانيكي و ممكن لأ و الاحتمال الأقرب انه مالهوش علاقة لأن العربية بعد تركيب الوش الجديد و عمل السيرفس كانت ماشية كويس و مافيش مشكلة

المهم في النهاية ان المشكلة اللي بيتكلم فيها دلوقتي دي معناها عمرة للمحرك تساوي ثمن محرك أخر استيراد (لأن العمرة نوعين عمرة للبساتم وما حولها و دي المعتاده و فيه عمره بتشمل السابق مع تغيير أجزاء في البيلات و عمود الكرنك و دي بتبقي مكلفة ) و انا نصحته بشراء محرك 1400 بدون فتيس زي اللي كان موجود بالضبط عشان متصرفش كتير و هتركبه في وقت قليل جدا لا يتعدي اليومين لأنك هتسقط موتور فقط بدون اي تغيير في الكهرباء غير تركيب شوية فيش للموتور و الحساسات فقط
و اقتراحي ده كان عشان ميصرفش كتير لأنه صعبان عليا اللي صرفه ده كله و ضاع بدون نتيجة و في نفس الوقت المحرك ال 1400 كويس علي العربية و لكن الأهم في كل ده ان يكون الفتيس اللي عنده زي الفل و بدون مشاكل و كذلك بقية الكهرباء و أجزاء الجر من كبالن و غيرها

و إلا لو فيه مشكلة في الحاجات دي يبقي ترمي كله او تبيعه و تغير لمحرك أخر بفتيسه و كنتروله و ضفيرته و بمشتملاته عشان تريح دماغك و تبقي صرفت فلوس في محلها و تاخد بيها نتيجة

الخلاصة عايزك تخرج بعد ما تصرف بعربية شغالة صح مش نص نص و متسترخصش ..لأ ادفع زيادة ولكن اخد عربية مضبوطة ان شاء الله

وربنا يوفقك لما فيه الخير دائما

[SYD]

الف لا بأس استاذ أحمد
قلبي معاك ، انا عارف انت مش بتستغني عن عربيتك ثانية واحدة

انا لسة شايف الموضوع دلوقتي والله

قدر الله وماشاء فعل

حرام نظلم الميكانيكي

انت تقصد ابراهيم ؟؟؟

ولا عملتها عند مين ؟؟؟

فعلا ممكن طرمبة الزيت تعطل وانا كان عندي الطرمبة ضعيفة بس انا كانت لمبة الزيت منورة كذا يوم ورا بعض ومكنش في تخبيط (كان تسييل زيت من كل حتة في الموتور)

المهم عوضك علي الله

لو المكنة اتفكت واتلعب فيها هتصرف قد ثمنها وهتوجع دماغك

انت هتجيب شورت بلوك زيي انا واسلام ابوجاسر
انا جبت شورت بلوك 1400 بقرابة ال2000 جنيه وسقطه عند عصام (صاحب ابراهيم مانت عارفه)

طبعا انت عندك كل ادوات التغذية سليمة وهتبقي طبعا علي نفس الضفيرة والكنترول

انت كمان هتبقي اقل من 2000
انا ب2000 لأني خدت كمان فرن الشكمان بالحساس (لمبادا سنسور) و مانافولد وشجرة المياة

اعتقد عندك هيقلل يمكن 200 ولا 250 جنيه

عند ايمن الي بعتك عنده انت عارفه

لو حابب نروحله سوا يوم الجمعة اوك انا معنديش مشاكل
كلمني ونتقابل في نفس المكان ونروحله ونكلم عصام لو حابب ونتفق معاه

شوف كدة انت عايز ايه وربنا يسهل انشاء الله

والله المستعان
،
،

[alzelafy]

المواتير دى لما بتتفتح يلا السلامه ال 1000 و ال 1400 مش عارف الشركه مشفراهم و لا ايه لو فتحت موتورك و عملت اغلى عمرة مش هتقعد معاك 4 شهور فى اى موتور تانى من فولكس العمرة بتنجح و دا عن تجربه ليا و ناس كتيير اصحابى انتا هاتلك شورت بلوك 1400 ب 1500 جنيه و ممكن تفاصل لانو قبل الثورة كان ب 1200 الكلام دة فى الحرفيين انا كنت احسن واحد يسال و ميشتريش و تسقطو و تريح دماغك و 250 تسقيط و الزيت شوف انتا هتجيب ايه

[gomaro2]

تسلم يا باشمهنس ايهاب على اهتمامك .. وانا عارف تقلت عليك بالسؤال .. وربنا يديم الصداق

ربنا يعوض عليك أستاذ أحمد
صدقني موضوعك ده من الحالات الغريبة اللي قابلتها في حياتي بما يخص السيارات عموما
لكن لا تعليق

طبعا انا في الحالة الأولي كان اقتراحي ان لازم يفك وش السلندر نفسه و يشوف حالة الصبابات و يتأكد اذا كانت اتعوجت فعلا ولا لأ و هل الجزء كله سليم و الطنبورة بس هي اللي تأكلت ولا ايه الحكاية (يعني يحاول يقلل التكلفة نسبيا من شراء وش سلندر كامل ) بس طبعا المياكنيكي قله هو كده باظ و شكرا و راح اشتري وش سلندر تاني

في الحالة الثانية دي ممكن يكون فيه سبب من الميكانيكي و ممكن لأ و الاحتمال الأقرب انه مالهوش علاقة لأن العربية بعد تركيب الوش الجديد و عمل السيرفس كانت ماشية كويس و مافيش مشكلة

المهم في النهاية ان المشكلة اللي بيتكلم فيها دلوقتي دي معناها عمرة للمحرك تساوي ثمن محرك أخر استيراد (لأن العمرة نوعين عمرة للبساتم وما حولها و دي المعتاده و فيه عمره بتشمل السابق مع تغيير أجزاء في البيلات و عمود الكرنك و دي بتبقي مكلفة ) و انا نصحته بشراء محرك 1400 بدون فتيس زي اللي كان موجود بالضبط عشان متصرفش كتير و هتركبه في وقت قليل جدا لا يتعدي اليومين لأنك هتسقط موتور فقط بدون اي تغيير في الكهرباء غير تركيب شوية فيش للموتور و الحساسات فقط
و اقتراحي ده كان عشان ميصرفش كتير لأنه صعبان عليا اللي صرفه ده كله و ضاع بدون نتيجة و في نفس الوقت المحرك ال 1400 كويس علي العربية و لكن الأهم في كل ده ان يكون الفتيس اللي عنده زي الفل و بدون مشاكل و كذلك بقية الكهرباء و أجزاء الجر من كبالن و غيرها

و إلا لو فيه مشكلة في الحاجات دي يبقي ترمي كله او تبيعه و تغير لمحرك أخر بفتيسه و كنتروله و ضفيرته و بمشتملاته عشان تريح دماغك و تبقي صرفت فلوس في محلها و تاخد بيها نتيجة

الخلاصة عايزك تخرج بعد ما تصرف بعربية شغالة صح مش نص نص و متسترخصش ..لأ ادفع زيادة ولكن اخد عربية مضبوطة ان شاء الله

وربنا يوفقك لما فيه الخير دائما

[gomaro2]

الف لا بأس استاذ أحمد
قلبي معاك ، انا عارف انت مش بتستغني عن عربيتك ثانية واحدة

انا لسة شايف الموضوع دلوقتي والله

قدر الله وماشاء فعل

حرام نظلم الميكانيكي

انت تقصد ابراهيم ؟؟؟

ولا عملتها عند مين ؟؟؟

فعلا ممكن طرمبة الزيت تعطل وانا كان عندي الطرمبة ضعيفة بس انا كانت لمبة الزيت منورة كذا يوم ورا بعض ومكنش في تخبيط (كان تسييل زيت من كل حتة في الموتور)

المهم عوضك علي الله

لو المكنة اتفكت واتلعب فيها هتصرف قد ثمنها وهتوجع دماغك

انت هتجيب شورت بلوك زيي انا واسلام ابوجاسر
انا جبت شورت بلوك 1400 بقرابة ال2000 جنيه وسقطه عند عصام (صاحب ابراهيم مانت عارفه)

طبعا انت عندك كل ادوات التغذية سليمة وهتبقي طبعا علي نفس الضفيرة والكنترول

انت كمان هتبقي اقل من 2000
انا ب2000 لأني خدت كمان فرن الشكمان بالحساس (لمبادا سنسور) و مانافولد وشجرة المياة

اعتقد عندك هيقلل يمكن 200 ولا 250 جنيه

عند ايمن الي بعتك عنده انت عارفه

لو حابب نروحله سوا يوم الجمعة اوك انا معنديش مشاكل
كلمني ونتقابل في نفس المكان ونروحله ونكلم عصام لو حابب ونتفق معاه

شوف كدة انت عايز ايه وربنا يسهل انشاء الله

والله المستعان
،
،

صديقى العزيز محمد السيد .. تسلم .. وانشاء الله خير .. والحمد لله انها جت لحد كده
وانشاء الله هكلمك ورتب معاك نشوف الأمور هتمشى ازاي
وبعدها انشاء الله نتفق كلنا .. أنا وانت و أ.أحمد عبد السلام و م.ايهاب منصور واللى يحب ييجى تاني ونتقابل كلنا في اقرب وقت

[gomaro2]

المواتير دى لما بتتفتح يلا السلامه ال 1000 و ال 1400 مش عارف الشركه مشفراهم و لا ايه لو فتحت موتورك و عملت اغلى عمرة مش هتقعد معاك 4 شهور فى اى موتور تانى من فولكس العمرة بتنجح و دا عن تجربه ليا و ناس كتيير اصحابى انتا هاتلك شورت بلوك 1400 ب 1500 جنيه و ممكن تفاصل لانو قبل الثورة كان ب 1200 الكلام دة فى الحرفيين انا كنت احسن واحد يسال و ميشتريش و تسقطو و تريح دماغك و 250 تسقيط و الزيت شوف انتا هتجيب ايه

الصديق alzelafy .. فعلا العمرة في المواتير دي مالهاش لازمة .. و فيه أصدقاء كمان منهم م. ايهاب منصور قالولى كمان ان فكرة وش السلندر دي بتبقى فاشلة برضه .. والحل بيبقى تسقيط الموتور .. فربنا يسهل ولاقى ماتور بحالة كويسة .. بحيث انى أشيل وأركب علطول .. وانشاء الله عى تواصل

[agaty1st]

ربنا يكون في عونك و الله يا باشا
- فعلا كلام فيه الشفا تجيب بلوك ده أفضل حل
- و بالنسبه لسبب دمار الموتور لو كان زيت موبيل 1 اللي حطيته مضروب ممكن أوي بس عموما فيما بعد الزيت ده بالذات أشتريه من حد معتمد لأنه نظرا للاقبال الشديد عليه بيضرب كتير

[gomaro2]

ربنا يكون في عونك و الله يا باشا
- فعلا كلام فيه الشفا تجيب بلوك ده أفضل حل
- و بالنسبه لسبب دمار الموتور لو كان زيت موبيل 1 اللي حطيته مضروب ممكن أوي بس عموما فيما بعد الزيت ده بالذات أشتريه من حد معتمد لأنه نظرا للاقبال الشديد عليه بيضرب كتير

الصديق agaty1st
المشكلة أكيد مش مشكلة زيت لأنى اشتريته من بنزينة موبيل مش من مكان بره ... وبصراحة أفضل زيت استعملته زيت شيل الأصفر .. وأنا بنصح بيه الجميع

[SYD]

الصديق agaty1st
المشكلة أكيد مش مشكلة زيت لأنى اشتريته من بنزينة موبيل مش من مكان بره ... وبصراحة أفضل زيت استعملته زيت شيل الأصفر .. وأنا بنصح بيه الجميع

وحتي شل الاصفر في منه مضروب

[Ahmed_Gallant]

استاذ احمد قلبى معاك وقدر الله وما شاء فعل
ان شاء الله يكون ابتلاء فى ميزان حسناتك
هو بصراحه بعد المقابله كنت حاسس انك محتاج تهتم بعربيتك اكتر من كده لان الالمانى كله عن تجربه بيستحمل اوى بس لما بيزعل بيزعل كل اللى حواليه وفعلا ممكن تكون الطرمبه بس انا حصلت معايا قبل كده فى عربيتى الجيب القديمه انى كنت رايح الشغل لقيت الموتور عامل صوت نحره عاليه قلت لما انزل ابقى ابص عليها المهم لان العربيه قديمه كان فى لمبه بتنور ساعات وتطفى بدون سبب وانا مكنتش اعرف بتاعت ايه المهم بقيس الزيت لقيت مفيش حاجه طالعه على المقياس بدون مبالغه كان جاف تماما المهم مشيت بيها لحد البيت تقريبا على سرعه 60 وروحت للميكانيكى وقاللى لازم نحط زيت اتقل وبمجرد ما حطينا الزيت كانها كانت جعانه وشبعت الصوت اختفى والعربيه بقت طبيعيه خلاصه الكلام انا مشيت بعربيه قديمه مسافه 12 كيلو على سرعه من 40 ل60 ل80 والكلام ده حصل مرتين بس فى مره منهم كان الزيت على اخر المقاس والمكنه محصلهاش حاجه وبعتها وسافرت الاقصر كمان وعربيتى الجولف الاولانيه مشيت بيها من غير زيت لعدم خبرتى بالموضوع ده ساعتها اكتر من 4 مرات هو الموتور كان حالته 35 % بس كانت ماشيه وصاحبها عملها عمره وبقت زى الفل وجرى وحركات
خلاصه الكلام هو عشان طرمبه الزيت وقفت المكنه تودع هو للدرجه دى الموتور ضعيف

[SYD]

استاذ احمد قلبى معاك وقدر الله وما شاء فعل
ان شاء الله يكون ابتلاء فى ميزان حسناتك
هو بصراحه بعد المقابله كنت حاسس انك محتاج تهتم بعربيتك اكتر من كده لان الالمانى كله عن تجربه بيستحمل اوى بس لما بيزعل بيزعل كل اللى حواليه وفعلا ممكن تكون الطرمبه بس انا حصلت معايا قبل كده فى عربيتى الجيب القديمه انى كنت رايح الشغل لقيت الموتور عامل صوت نحره عاليه قلت لما انزل ابقى ابص عليها المهم لان العربيه قديمه كان فى لمبه بتنور ساعات وتطفى بدون سبب وانا مكنتش اعرف بتاعت ايه المهم بقيس الزيت لقيت مفيش حاجه طالعه على المقياس بدون مبالغه كان جاف تماما المهم مشيت بيها لحد البيت تقريبا على سرعه 60 وروحت للميكانيكى وقاللى لازم نحط زيت اتقل وبمجرد ما حطينا الزيت كانها كانت جعانه وشبعت الصوت اختفى والعربيه بقت طبيعيه خلاصه الكلام انا مشيت بعربيه قديمه مسافه 12 كيلو على سرعه من 40 ل60 ل80 والكلام ده حصل مرتين بس فى مره منهم كان الزيت على اخر المقاس والمكنه محصلهاش حاجه وبعتها وسافرت الاقصر كمان وعربيتى الجولف الاولانيه مشيت بيها من غير زيت لعدم خبرتى بالموضوع ده ساعتها اكتر من 4 مرات هو الموتور كان حالته 35 % بس كانت ماشيه وصاحبها عملها عمره وبقت زى الفل وجرى وحركات
خلاصه الكلام هو عشان طرمبه الزيت وقفت المكنه تودع هو للدرجه دى الموتور ضعيف

والله يا باشا مع كامل احترامي لتجربتك بس الموتور مش ضعيف ولا حاجة
طبيعي ان عدم وجود زيت وماشي علي سرعة 130 - 140 لازم الموتور يقفش
وسبب عدم وجود زيت هو ان الطرمبة مش بتقلب وتضخ الزيت فبالتالي مش بيحصل عملية التزييت لكل اجزاء الموتور حتي في وجود زيت وبكمية مناسبة بس مفيش ضخ يعني الزيت كله في الكرتيره تحت
لكن حالتك انت ان عندك كمية ولو بسيطة والطرمبة بتضخ فبالتالي هاه مشتك شوية لحد الميكانيكي وحطيت الزيت والعملية رجعت زي الأول

فعلا الطرمبة اخطر مكون في الموتور وكل الناس بتقول ان الأهتمام بالزيت = الأهتمام بالمحرك ككل

تقبل مروري ولك تحياتي

والله المستعان
،
،

[egyseadragon]

heya lampit ilzit kanit minawara wenta mashy?...

[Dr.cairoky]

لا حول ولا قوة الا بالله
قدر الله وماشاء فعل