ما رأيكم في seat cordoba 1998

[DirEcT]

السلام عليكم ورحمة الله وبركاته

أخباركم ايه دي

انا هسأل احبابنا بتوع السيات يفيدوني بالمعلومات


ما رأيكم في SEAT CORDOBA 1998

صور ...







فــي انتظاركم يا وحوش

[SYD]

هي طبعا عربية حلوة مفيش كلام
1400 سي سي
واسعة
شنطتها بردو واسعة نوعا ما عن الأبيزا

وفي نفس الوقت قطع غيارها متوفرة وباسعار كويسة

ربنا يوفقك

والله المستعان
،
،

[Mody_Benz]

السلام عليكم


بصراحة عربية ممتازة بجد معرفتش انها كويسة ومحترمة الا لما ركبتها واشترتها

وانا اشتريت من اسبوعين كدة سيات قرطبه 1997 (نبيتى ميتالك)بس انا عربيتى متسقطلها موتور 1800 انجكشن بدل من 1400 كربراتير

بصراحة عربية فى فئتها جميلة جدا واحسن من غيرها

ثبات
باور ستيرينج
تكييف ( عادى ) مش هقول جامد بس اهو يطرى على الواحد وهوا قاعد فى العربية فى الصيف )
مرايات كهرباء
عفشة كويسة ومحترمة مش مايعة
ازاز كهرباء ( امامى فقط )
واسعة من الكنبة
شنطة كويسة جدا جدا وواسعة برده الا حد ما
اقتصادية فى البنزين لحد ما بس لسه انا بجرب برده بتاخد قد اية فى جوه البلد وعلى الطرق السريعة


قطع غيارها متوفرة لحد ما بشكل كبير

الحرفيين (السراج للسيات والفولكس ) قطع غيار استيراد وكويسة )
الشهابى شارع دمشق
و قطع غيارها متوفرة لحد كبير

بصراحة عربية انا اشترتها حالتها جيدة جدا فعشان كدة ده ممكن من الاسباب اللى خلانى اشكر فيها واحترمها

وإن شاء الله هغسل العربية واصورها واوريلك صورها

[ehab_mansour]

السلام عليكم


بصراحة عربية ممتازة بجد معرفتش انها كويسة ومحترمة الا لما ركبتها واشترتها

وانا اشتريت من اسبوعين كدة سيات قرطبه 1997 (نبيتى ميتالك)بس انا عربيتى متسقطلها موتور 1800 انجكشن بدل من 1400 كربراتير

بصراحة عربية فى فئتها جميلة جدا واحسن من غيرها

ثبات
باور ستيرينج
تكييف ( عادى ) مش هقول جامد بس اهو يطرى على الواحد وهوا قاعد فى العربية فى الصيف )
مرايات كهرباء
عفشة كويسة ومحترمة مش مايعة
ازاز كهرباء ( امامى فقط )
واسعة من الكنبة
شنطة كويسة جدا جدا وواسعة برده الا حد ما
اقتصادية فى البنزين لحد ما بس لسه انا بجرب برده بتاخد قد اية فى جوه البلد وعلى الطرق السريعة


قطع غيارها متوفرة لحد ما بشكل كبير

الحرفيين (السراج للسيات والفولكس ) قطع غيار استيراد وكويسة )
الشهابى شارع دمشق
و قطع غيارها متوفرة لحد كبير

بصراحة عربية انا اشترتها حالتها جيدة جدا فعشان كدة ده ممكن من الاسباب اللى خلانى اشكر فيها واحترمها

وإن شاء الله هغسل العربية واصورها واوريلك صورها

ايوه كده عايزين نشوف ناس كتير بتركب كوردوبا عشان ننافس الابيزا هنا بالمنتدي
الف مبروك عليك يا أفندم الكوردوبا الجديدة و كل اللي قلته فيها موجود و اكتر و انا كمان معايا كوردوبا 2002 بصراحة عربية محترمة جدا جدا و شنطتها ما شاء الله واسعه و ممتازة
وعلي فكرة تكييفها ممتاز جدا جدا معايا و اعتقد انه عندك محتاج ضبط بس و شحن هيبقي زي الفل لأن ده اللي عملته فيها بعد ما اشتريتها العام الماضي

ومنتظرين منك تقريرك عن العربية و استهلاكها و حالتها معاك
خلي بالك ان عربيتك 1800 سيسي يعني محرك جبار ما شاء الله لذلك المفروض يكون استهلاكه اعلي من مثيلاتها
وربنا يوفقك لما فيه الخير و يباركلك فيها

و صاحب الموضوع
لو لقيت منها عربية نضيفة اشتريها ولا تتردد وان شاء الله لن تندم و اهم شيء حالتها تكون كويسه عموما

[DirEcT]

والله عجزت عن الكلام

بسم الله ما شاء الله عليكم اخواتي - بصراحة افادة وكلام معقول جدا جدا جدا

ان شاء الله دايما تكون بينا المشاركة والمعلومة

[alzelafy]

توكل على الله عربيه جبارة و 98 كمان يعنى موديل عالى انا بردو بدور على عربيه نظيفه و لو لاقيت منها حاله حلوة هاتها و لا تترد و قطع غيارها فى المتناول الفانوس الخلفى 150 باب الشنطه بالاسبويلر 400 الاكصدام الخلفى 500 و الجزء الامامى ابيزا طبعا و اسعارها معروفه و فى المتناول و مش هتحس العربيه دى و جمالها الا لما تركبها و تاخد عليها

[Mody_Benz]

وعلي فكرة تكييفها ممتاز جدا جدا معايا و اعتقد انه عندك محتاج ضبط بس و شحن هيبقي زي الفل لأن ده اللي عملته فيها بعد ما اشتريتها العام الماضي

يارب يا خويا يطلع كدة فعلا انتا عارف انا شاريها فى الشتاء من اسبوعين معرفش بقه تكييفها اية نظامه

ومنتظرين منك تقريرك عن العربية و استهلاكها و حالتها معاك

ان شاء الله هوريكو صور للعربية باذن الله وحالتها معايا وكل حاجة ان شاء الله

ويارب يديم بينا المحبة والود اكتر يارب

[SYD]

يارب يا خويا يطلع كدة فعلا انتا عارف انا شاريها فى الشتاء من اسبوعين معرفش بقه تكييفها اية نظامه



ان شاء الله هوريكو صور للعربية باذن الله وحالتها معايا وكل حاجة ان شاء الله

ويارب يديم بينا المحبة والود اكتر يارب

انشاء الله التكييف يطلع كويس بأذن الله
مع العلم ان التكييف بتاعها طالما فبريكة انشاء الله تنتظر منه اداء كويس بس يكون الطابلوه مظبوط
انا عندي الطابلوه مسببلي مشكلة كبيرة اوي مع التكييف وكنت تقريبا كل اسبوعين لازم اروح اظبطه عند بتاع التكييف

في انتظار الصور والتقرير

وربنا يارب يديم المعروف

والله المستعان
،
،

[Mody_Benz]

عاملن اية يا رجااااااالة
يارب دايما بخير

صور عربيتى سيات قرطبه 1997

رايكو اية فيها يا رجالة
هيا بس محتاجة شوية شغل سمكرة وفى خبطة على الجمب اليمين واحد ريح بعربيته على الرفرف اللى من ناحيتى دخله لجوا شوية
بس الخبطه قبل ماشتريها مش منى
والشغل السمكرة اللى فيها قلل ثمنها 2000 عن سعرها

لكن موتور ( بسم الله ما شاء الله عفى ومحترم وتقيل )
عفشة سليمة مفهاش اى حاجة نهائى (فبريكه)


الصور الجايه ان شاء الله هاصورهالكو من جوه
ويارب تعجبكو

[SYD]

بسم الله ماشاء الله
ربنا يباركلك فيها

هي فعلا عايزة جوز اكصدامات وشبكة وشغل السمكرة وتبقي حاجة تانية خالص

بس خلي بالك من نقطة
الأكصدامات العريضة دي قليلة شوية
حاول تمعجنهم وتمنجهم وماتغيرهمش دلوقتي
هات الهوايات الناقصة قدام وانشاء الله تظبط معاك الوش

وفي انتظار باقي الصور انشاء الله

والله المستعان
،
،

[ehab_mansour]

ربنا يباركلك فيها هيا بس محتاجه شوية تظبيط للوش من قدام و الكبوت و الاكصدامات الخلفي و الأمامي و ترش تبقي زي الفل
وعلي فكرة ال 2000 جنيه اللي نزلتهم من السعر عشان الشغل ده يخلوها زي الفل ان شاء الله

[Mody_Benz]

بس خلي بالك من نقطة
الأكصدامات العريضة دي قليلة شوية
حاول تمعجنهم وتمنجهم وماتغيرهمش دلوقتي

ربنا يخليك يا استاذ سيد منا فعلا يا سيد باشا مش هشيلهم همعجنهم فعلا بس واظبطهم
بس نفسى فى فوانيس شبورة ليها بعد لما اظبط الاكصدامين هاروح اسال فى الحرفيين عليهم واجيبلها صباع ولاعة وحجات كدة كانت ناقصة فى العربية

ربنا يباركلك فيها هيا بس محتاجه شوية تظبيط للوش من قدام و الكبوت و الاكصدامات الخلفي و الأمامي و ترش تبقي زي الفل

ربنا يخليك يا استاذ ايهاب ان شاء الله اكيد لازم الاكصدامات يتظبطوا شوية ووشها مش معدول بسبب الشبكة مع الاكصدام مش مظبوطين فربنا يسهل واعملهم باذن الله وانا هاروح الحرفيين هسال على شوية حجات للعربية وهسال على فوانيس الشبورة برده بكام

[alzelafy]

فوانيس الشبورة هاتهم من عند فتح الباب الفردة ب 115 الكلام دة من 3 شهور و الحرفيين ب 250 الجوز شارع دمشق فيه اسعار حلوة بردو و فى كام واحد هناك جبت منهم حاجات للموتور عندى كانت اسعارهم حلوة عن الحرفيين

[Flamingo]

تحية للكوردباويين

ايوه كده عايزين نشوف ناس كتير بتركب كوردوبا عشان ننافس الابيزا هنا بالمنتدي
الف مبروك عليك يا أفندم الكوردوبا الجديدة و كل اللي قلته فيها موجود و اكتر و انا كمان معايا كوردوبا 2002 بصراحة عربية محترمة جدا جدا و شنطتها ما شاء الله واسعه و ممتازة
وعلي فكرة تكييفها ممتاز جدا جدا معايا و اعتقد انه عندك محتاج ضبط بس و شحن هيبقي زي الفل لأن ده اللي عملته فيها بعد ما اشتريتها العام الماضي

ومنتظرين منك تقريرك عن العربية و استهلاكها و حالتها معاك
خلي بالك ان عربيتك 1800 سيسي يعني محرك جبار ما شاء الله لذلك المفروض يكون استهلاكه اعلي من مثيلاتها
وربنا يوفقك لما فيه الخير و يباركلك فيها

و صاحب الموضوع
لو لقيت منها عربية نضيفة اشتريها ولا تتردد وان شاء الله لن تندم و اهم شيء حالتها تكون كويسه عموما

استاذ ايهاب
احييك على حبك للكودوبا واللى هى اصلا بنت سيات المحترمة
فى الحقيقة انا معايا ابيزا 94 بسم الله ما شاء الله زى الفل.... بس عاوز ارقى لكودوبا 2002 علشان الشنطة وعائلية وحاسس انها شكلا محترمة جدا جدا والأهم انها سيات.........
يا ريت توضح بعض التفاصيل عن خبرتك معاها وقطع الغيار وماتورها وتقرير مصغر لحبى لها وحتى اؤكد رغبتى فى شرائها.... ويا ريت اسعارها
اشكرك مقدما

[ehab_mansour]

استاذ ايهاب
احييك على حبك للكودوبا واللى هى اصلا بنت سيات المحترمة
فى الحقيقة انا معايا ابيزا 94 بسم الله ما شاء الله زى الفل.... بس عاوز ارقى لكودوبا 2002 علشان الشنطة وعائلية وحاسس انها شكلا محترمة جدا جدا والأهم انها سيات.........
يا ريت توضح بعض التفاصيل عن خبرتك معاها وقطع الغيار وماتورها وتقرير مصغر لحبى لها وحتى اؤكد رغبتى فى شرائها.... ويا ريت اسعارها
اشكرك مقدما

أخي الفاضل ربنا يكرمك علي ثقتك و ان شاء الله هرد عليك رد شافي كافي و بأمانه و مفصل ان شاء الله و لكن بكره الصبح حتي أستطيع ذكر كل شيء يفيدك في الموضوع ده ان شاء الله
بس ياريت لو تقدر تقلي ان هتقدر تدفع لحد كام عند التغيير ان شاء الله