الشكمان الابيزا بيطلع مية وزيت

[youssefazmi]

اعزائى خبراء الابيزا ..العربية موديل 94 1300 cc
لاحظت وانا بسخنها الصبح ان الشكمان بيطلع مية وفيها زيت ..بس معنديش اى نقص زيت فى الموتور ..بس ملاحظ ان زيت الموتور بيسود بسرعة ..برجاء المساعدة عشان اترحم من فتى الميكانيكية ..ويومكو زى الفل

[ehab_mansour]

نوع الزيت اللي في العربية ايه
لأن ممكن يكون الزيت مضروب

[youssefazmi]

نوع الزيت اللي في العربية ايه
لأن ممكن يكون الزيت مضروب

لاء الزيت موبيل XHP وقبلة كنت بحط شيل ..اعتقد فى حاجة فى الموتور مش موضوع زيت

[ashoub]

مياه وزيت يبقى كده جوان وش السلندر وان الزيت يسود بسرعه ممكن يكون الزيت نوعه وحش زى المهندس ايهاب مقال او الزيت خفيف على الماتور لان لو الماتور خفيف يعمل كده وان شاء الله يبقى خير وتبقى حاجه بسيطه
م/احمد عشوب

[SYD]

ازاي الشكمان يطلع مياة وزيت مع بعض ؟؟
لو في اي مشاكل عندك في غرفة الأحتراق بتخلي الزيت يدخل علي العادم كان الشكمان هيحرق الزيت ويطلعه دخنة لونها ازرق
انت بس الشكمان بتاعك عايز ينظف كويس
وطبعا التعريق دة امر طبيعي

بالنسبة للزيت انه يسود بسرعة جرب تغير نوعية الزيت

بسيطة انشاء الله

والله المستعان
،
،

[youssefazmi]

ازاي الشكمان يطلع مياة وزيت مع بعض ؟؟
لو في اي مشاكل عندك في غرفة الأحتراق بتخلي الزيت يدخل علي العادم كان الشكمان هيحرق الزيت ويطلعه دخنة لونها ازرق
انت بس الشكمان بتاعك عايز ينظف كويس
وطبعا التعريق دة امر طبيعي

بالنسبة للزيت انه يسود بسرعة جرب تغير نوعية الزيت

بسيطة إن شاء الله

والله المستعان
،
،

يا جماعة انا غيرت الزيت حوالى 3 مرات وكلهم من حتت موثوق فيها سواء موبيل او شيل ...النقطة ان العربية مش جديدة للدرجة انا تعرق مية بشكل كبير كدة وبتبقى مية مخلوطة بزيت ..الغريب ان الزيت مش بينقص ..بس المية ممكن تكون بتنقص بشكل بطىء ...انا سالت ميكانيكى كويس قالى الموتور تعبان وعايز طقم شنبر بس مش عارف لية حاسس انة بيستسهل او عايز يقلبها وخلاص ...هية كمان بتقطع فى المشى بس دى اعتقد بوجيهات او بنزين مش نضيف ولا ممكن يكون كلة مرتبط بكلة...اللى اعرفة ان الموتور التعبان بيسحب احسن !!!!!