حاجه غريبه فى سحب العربيه

[matrix012]

السلام عليكم ورحمة الله وبركاته
اولا انا معايا ابيزا 94 موتور 1400 كاربراتير
عندى حاجه غريبه شويه فى سحب العربيه انا كل فتره بنضف الكربراتير بالاسبراى وبيطلع دخان اسود كتير وشويه الدخان بيقل مش بيروح خالص
المهم بدأت الاحظ سحب العربيه اكتشفت الاتى
الغيار الاول ار بى ام على 3 وعداد السرعه لسه متحركش
الغيار الثانى ار بى ام على 3 والسرعه بدأ يصحى من النوم
الثالث على 3 والسرعه 50
الرابع على 3 والسرعه 70
الخامس على 3 برده والسعه 100 بالعافيه
واستهلاك البنزين بقى حوالى 7 كيلو فى اللتر يعنى 140 فى الصفيحه و 280 فى التفويله ال 40 لتر
وملحوظه انى بحط بنزين 80 نظرا للظروف الاقتصاديه
هيا مكانتش كده الاول فى السحب ولا فى استهلاك البنزين بس الدخان الاسود من ساعة ما اشتريتها وهوا موجود رغم انى غيرت الكربراتير بواحد استيراد ولسه برده
فين المشكله ؟؟ !!
وربنا يستر طريقى وطريقكم
وشكرا

[ehab_mansour]

مبدئيا لو زي موضحت حضرتك بالضبط ان الأربي ام بيكون علي 3 وانت بالفعل سيبت دواسة الدبرياج خلاص و العربية لم تتحرك و كذلك في بقية الغيارات كما قلت يبقي حاجه من اتنين
1- ممكن يكون سلك الدبرياج مشدود زيادة و لما بتسيبه مش بيوصل صح
2- طقم الدبرياج باظ و محتاج يتغير
ياريت اسمع منك ده حصل بعد ايه عملته في العربية و هل هي كده من يومها و هل حد عملك حاجه في سلك الدبرياج ولا لأ و نوع السلك عندك ايه عادي (سلك بجراب فقط) ولا أتوماتيك يعني اللي بيضبط نفسه بنفسه ؟

مستني ردك

[SYD]

الحااجات الي بتأثر علي السحب كثيرة جدا
اولها طبعا زي ما المهندس ايهاب ماقال لحضرتك الدبرياج
طقم الكهرباء بما فيها وضعية الأسبراتير وظبطته
سلوك البوجيهات
طبعا بكات الكربراتير وخصوصا بك الهوا وبوجه عام ظبط خلط الهواء والبنزين من المسمار الي في جمب الكربراتير

لحد هنا
كل الي فات يؤثر علي السحب واعراضه دخنة سودا واستهلاك بنزين عالي

ظبط التاكيهات ولو انها مستبعدة عندك لأن مواتير فولكس علي كستبانات بتظبط نفسها بملي الزيت
ترحيل في الكاتينة وخلف التقسيمة
نوعية البنزين ولكن مش بالدرجة دي
اختناق في فلتر البنزين
اختناق في فلتر الهوا
انسداد في الشكمان او تلف احدي علبه
واخيرا ضعف في طرمبة البنزين

وكل الي فات دة يسبب ضعف في السحب وزيادة في السخونة وزيادة استهلاك بنزين

قولنا ايه اخر حاجة عملتها قبل المشكلة دي تسببت فيها لأنك مش معقولة هتراجع علي كل النقط الي فاتت دي

والله المستعان
،
،

[matrix012]

مبدئيا لو زي موضحت حضرتك بالضبط ان الأربي ام بيكون علي 3 وانت بالفعل سيبت دواسة الدبرياج خلاص و العربية لم تتحرك و كذلك في بقية الغيارات كما قلت يبقي حاجه من اتنين
1- ممكن يكون سلك الدبرياج مشدود زيادة و لما بتسيبه مش بيوصل صح
2- طقم الدبرياج باظ و محتاج يتغير
ياريت اسمع منك ده حصل بعد ايه عملته في العربية و هل هي كده من يومها و هل حد عملك حاجه في سلك الدبرياج ولا لأ و نوع السلك عندك ايه عادي (سلك بجراب فقط) ولا أتوماتيك يعني اللي بيضبط نفسه بنفسه ؟

مستني ردك

اولا شكرا على الرد
ثانيا انا معملتش حاجه فى موضوع الدبرياج من ساعة ما جبت العربيه انا غيرت ديسك واسطوانه فاليو وغيرت كاربراتير بالقاعده بتاعه بس من ناحية الموتور
ثالثا انا لما روحت ل سيد عبده عند كبرى التجنيد بخصوص الدخان الاسود قالى اغير الكربراتير وفعلا جابلى واحد من بتاع قطع الغيار الى جمبه ونضفه وركبه وقالى امشى بيه شويه واشوف الدخان اختفى ولا زى ما هوا وسئلته هل الموتور خفيف مثلا قالى الموتور عندك ما شاء الله عليه زى الفل مفيهوش حاجه لكن ماجبش سيرة طقم الدبرياج ده خالص
رابعا علشان حضراتكم ممكن تكونو فهمتونى غلط انا من ساعة ما جبت العربيه وهيا كده وغيرت فلتر البنزين بواحد جديد (مالى ) تقريبا بحوالى 70 جنيه وسئلت عنه قبل ما اجيبو الميكانيكى قالى ده اجسن حاجه
خامسا لو فى ميكانيكى كويس وامين وحنين فى المصنعيه قريب من جسر السويس ( لحسن سيد عبده مش كويس معايا )ممكن يشخص الموضوع ده ويتحل بدل ما انا عمال اصرف على البنزين واقف فى طوابير يبقى ربنا يكرم
وشكرا

[ehab_mansour]

اولا شكرا على الرد
ثانيا انا معملتش حاجه فى موضوع الدبرياج من ساعة ما جبت العربيه انا غيرت ديسك واسطوانه فاليو بس من ناحية الموتور
ثالثا انا لما روحت ل سيد عبده عند كبرى التجنيد بخصوص الدخان الاسود قالى اغير الكربراتير وفعلا جابلى واحد من بتاع قطع الغيار الى جمبه ونضفه وركبه وقالى امشى بيه شويه واشوف الدخان اختفى ولا زى ما هوا وسئلته هل الموتور خفيف مثلا قالى الموتور عندك ما شاء الله عليه زى الفل مفيهوش حاجه لكن ماجبش سيرة طقم الدبرياج ده خالص
رابعا علشان حضراتكم ممكن تكونو فهمتونى غلط انا من ساعة ما جبت العربيه وهيا كده وغيرت فلتر البنزين بواحد جديد (مالى ) تقريبا بحوالى 70 جنيه وسئلت عنه قبل ما اجيبو الميكانيكى قالى ده اجسن حاجه
خامسا لو فى ميكانيكى كويس وامين وحنين فى المصنعيه قريب من جسر السويس ممكن يشخص الموضوع ده ويتحل بدل ما انا عمال اصرف على البنزين واقف فى طوابير يبقى ربنا يكرم
وشكرا

أخي الفاضل من الممكن ان حضرتك تكون بتحاول تحل المشكلة من اتجاه وهو غلط تماما و الحل في اتجاه أخر

من وجهة نظري دعك قليلا من المحرك بذاته طالما داير انا عايزك فقط تقارن بين الأر بي ام و بين السرعات لو بالفعل كما تقول ان علي الرابع و الأر بي ام 3 و السرعه 70 و كذلك بقية الغيارات كما ذكرت في الأول .... لذلك فيه عندك مشكلة في التوصيل بين المحرك و الفتيس وهو مجموعة الدبرياج

بقلك ايه لو سكنك قريب من عين شمس او جسر السويس قلي و ممكن نتقابل اليوم نجربها مع بعض لو كده نتناقش علي الخاص لأني أجازة اليوم
منتظرك و ربنا ييسر الحال

[Ahmed_Gallant]

أخي الفاضل من الممكن ان حضرتك تكون بتحاول تحل المشكلة من اتجاه وهو غلط تماما و الحل في اتجاه أخر

من وجهة نظري دعك قليلا من المحرك بذاته طالما داير انا عايزك فقط تقارن بين الأر بي ام و بين السرعات لو بالفعل كما تقول ان علي الرابع و الأر بي ام 3 و السرعه 70 و كذلك بقية الغيارات كما ذكرت في الأول .... لذلك فيه عندك مشكلة في التوصيل بين المحرك و الفتيس وهو مجموعة الدبرياج

بقلك ايه لو سكنك قريب من عين شمس او جسر السويس قلي و ممكن نتقابل اليوم نجربها مع بعض لو كده نتناقش علي الخاص لأني أجازة اليوم
منتظرك و ربنا ييسر الحال

+1
كلام مظبوط 100% وده حصل معايا فى الجولف 1 وكانت العربيه بتدخن من الاول اسود بسبب الكربراتير وكانت العربيه بتستهلك بوجيهات كتير بس السحب مكنشى فيه كلام بعد ما اخويا سابها للكهربائى وكان الصبى عنده لسه بيتعلم لما ساقها بوظ الاسطوانه والسحب بقى فى الضايع مع مكنه 2000 سىسى بس عشان كانت حصلت معانا قبل كده فعلى طول نزلنا الفتيس وملينا الاسطوانه قبل ما الديسك يحصله حاجه وما شاء الله بقت حلاوه
بالنسبه للكهرا بتاعه الاسبراتير انا كان العربيه لما الكهربا تكون مش مظبوطه كانت العربيه الاربى ام بتاعها بيعلى ببطء وتحس انها هتبطل وخصوصا فى المطالع مع انها على الواقف تدى الامبليه زى الفل بس لما تيجى تمشى تحس ان الموتور ميتان ومش ممشى العربيه لكن الاربى ام عالى وبيعلى بدون مشاكل يبقى الكهربا مظلومه وخد بالك ممكن تكون المشكلتين مع بعض يعنى الاضمن انك تودى الكربراتير للراجل اللى فى شبرا وتكشف على مجموعه الدبرياج وتملى الاسطوانه لو محتاجه وتغير بوجيهات وان شاء الله هتظبط ظبطه السنين