Tweet
ربنا يخليك ياستاذ ايهاب انت فعلا افدتني كتير وربنا يباركلك يارب وكل الناس الحلوه اللي زيك كده
-
-
انا انهارده حليت اول مشكله والحمد لله وهي روحت عملت ترصيص في شركه بيرديجسون
والحمد لله الموضوع ده اتظبط وخلاص
هو قالي الفرده هتترصص ب 10 يبقي كلو 40 وهو بيرصص لاقينا في فرده فيها مسمار راشق فيها جه يشيلو لاقه الكوتش اتخرم قالي هتتلحم ب 20 جنيه علشان الحام اللي عندنا الماني مش زي اي لحام قولتلو ماشي ياعم هي المصايب بتيجي مع بعضها :d
المهم خلصت قولتلو انا عضر في منتدي نايل موتورز قالي يبقي ليك خصم ورحب بيا جدا واخد في الاخر 40 جنيه عمل خصم 20 جنيه ع الترصيص و20 لحام الفرده
ودي التجربه انهارده مع الترصيص
بس في حاجه لما فك العجله اللي مخرومه لاقي في مياه في الكوتش من جوه قالي اللي انت عامل عندو النيتروجين وحش
وشكرا ليكو بجد ع الافاده اللي انتو افدتوهالي يارجاله
ااااااه نسيت صحيح في واحد هناك لما فكيت العجل الراجل نداه علشان يبص ع الفرامل جه بص قالي لا التيل عالي اهو مش عاوز يتغير قولتو طيب من ايه قالي بعد لما تخلص نبقي نجرب سوا ونظبطها بس بعد لما خلصت الراجل بتاع الشركه قالي سيبك منو روح لواحد تبعك احسن وسبتو فعلا ومشيت تفتكرو بقي مشكله الفرامل دي من ايه
وانا شوفت التيل فعلا عالي عن الطنابير ومش متاكل خالص مش عارف بقي ايه المشكلهComment
-
الحمد للهالمشاركة الأصلية كتبت بواسطة dreamonline مشاهدة المشاركة
علي فكرة بريدجستون محترمين جدا و هما فعلا ليهم تعاقد مع المنتدي و أعضاءه و بعدين انت تدفع كتير عندهم و تاخد شغل صح احسن ما تدفع قليل في اي مكان و ترجع تعيده تاني
بخصوص التيل و الفرامل فهو عادي انه يكون عالي و بيصفر و مش حلو و السبب انه تيل مش أصلي و مضروب و ممكن يأثر علي الطنابير لو كملت بيه لأن الخامة بتاعته مبتكنش صفيه و بيكون فيها شائب بتعمل تأكل و خطوط دائرية في الطنابير و الرايش ده هو اللي بيتسمع صوت تصفيره
عايز تكمل بالتيل ده لحد ما ينتهي كمل و لكن فيه عندك احتمال تبوظ الطنابير و فيه احتمال لأ
ولو الفرامل ضعيفة قوي ممكن يكون محتاجه تغيير سائل فرامل او محتاجه ضبط او فيها هواء في الدورة لو حاسس انها فعلا محتاجه كشف روح اكشف عليها و ريح نفسك عشان تتطمن صح و تتأكد انها تمام ولو كده ممكن تشتري عبوة سائل فرامل أصلي من أشرف الشهابي و تغيره أحسن لأنها مش غالية أعتقد 50 جنيه
و بالتوفيق ان شاء اللهم / إيهاب منصور
SEAT CORDOBA 2002 1.0 16V AVZComment
-
هما فعلا محترمين جدا وشغلهم نضيف جداالمشاركة الأصلية كتبت بواسطة ehab_mansour مشاهدة المشاركة
وبالنسبه للفرامل انا حاسس انها ضعيفه جدا لدرجه اني علشان اكون ماشي وعربيه وقفت قدامي فجاه لازم اكبس فرامل ع الاخر وبيكون الفرق بقي حاجه بسيطه اللي هو خلاص انا هخبط اللي قداميComment
-
لا كده لازم تكشف عليها و تظبطها مهما كانت محتاجه ايه لأن عوامل الأمان مافيهاش هزار ده افضل شيء في العربيات دي هي عوامل الأمان اللي دايما بتخيليني وانا سايق مطمئن مهما حدث إلا لو قدر الله شيء أخرالمشاركة الأصلية كتبت بواسطة dreamonline مشاهدة المشاركة
شوف بقي محتاجه
سائل فرامل ولا تاخدلها هواء
ولا محتاجه تغيير سيرفو ولا بساتم للعجل يعني شوف حد محترم و ظبطها صح أنه مينفعش السكوت عليها
وربنا يوفقكم / إيهاب منصور
SEAT CORDOBA 2002 1.0 16V AVZComment
-
اولا الف مبروك علي حل اول مشكلة في العربية
بالنسبة لتاني مشكلة
زي ما المهندس ايهاب قال لحضرتك
في عوامل كتير بتأثر علي الفرامل
1- نوعية سائل الفرامل
انا شخصيا غيرته اول لما جبت عربيتي وفرق معايا كتير
جبت dot4 من محطة شل
2- الدورة لو واخدة هوا
دة بيضعف الفرامل جامد
3- المساتر (جمع ماستر)
سواء العمومية او مساتر العجل
4- نوعية التيل وحالة الطنابير
مش شرط ان التيل عالي يبقي الفرامل حلوة
اكشف كويس علي الحاجات دي
والله المستعان
،
،[CENTER][FONT=Lucida Sans Unicode][COLOR=darkred]Eng. Mohamed Sayed[/COLOR] [COLOR=black]|[/COLOR] [COLOR=sienna]MS Networking Trainer[/COLOR][/FONT][/CENTER]
[CENTER][FONT=Lucida Sans Unicode][COLOR=darkorange]IBIZA MK2 (Typ 6K) APQ 1.4 MPI R4 44KW - 60hp[/COLOR][/FONT][/CENTER]
[CENTER][SIGPIC][IMG]http://www.nilemotors.net/Nile/signaturepics/sigpic94704_5.gif[/IMG][/SIGPIC][/CENTER]
[CENTER]
[COLOR=DarkRed]صفحة القسم علي الفيس بوك[/COLOR]
[/CENTER]
[CENTER][URL]http://www.facebook.com/SeatNileMotors[/URL]
[COLOR=Navy]صفحتي الشخصية
[url]https://www.facebook.com/ITNetworksWay[/url]
[/COLOR] [/CENTER]Comment
Comment