الفرامل اتبرت

[SYD]

السلام عليكم ورحمة الله وبركاته
ازيكم يا جماعة الخير
عاملين ايه ؟

وحشتوني والله بعد طوول فترة غياب عنكم وانشغال بسبب السفر والشغل

بدون مقدمات كتير
من الأخر انا عايز اغير الفرامل عندي

من فترة كدة كانت الفرامل مش عجباني وروحت كشفت عليها عند حد حبيبي بس انتوا ماتعرفهوش
والنتيجة كانت كالتالي

1- الفرامل الأمامية
عايزة تيل وطنابير

2- الفرامل الخلفية
الطنابير علي اخرها
التيل خلصان
الماستر بتاع احد العجلات كان بيعلق ومش دايما شغال
انا اقصد الماستر الي داخل الطنبورة الي فيه سوستة وبيمسك علي التيل

دلوقتي انا امام خيارات عديدة وعايز مشورتكم

1- اشتري طنابير امامية جديدة وتيل جديد
اولا عايز اعرف الأنواع والأسعار للطنابير والتيل

2- اشتري طنابير خلفية بالمساتر بالتيل كله استيراد
يعني دشمة كاملة

3- اشتري الطنابير الخلفية استيراد والتيل جديد

4- اشتري الطنابير الخلفية جديدة والتيل جديد
عايز اعرف الأنواع والأسعار للطنابير والتيل

معلش هتعبكوا معايا

والله المستعان
،
،

[ehab_mansour]

باختصار شديد
1- الطنابير الأمامية محتاجه تتغير ليه ؟ يعني خلصانه ولا فيها تعريج طولي و محتاجه تتخرط ولا ايه علي فكرة انا اول ما اشتريت عربيتي الابيزا اتقالي نفس الكلام محتاجه تتغير فضلت ادور لقيت كل الجديد زباله فضلت ماشي عليها لحد ما بيعتها كما هي و كانت الفرامل زي الفل و لكن بتاكل تيل شوية يعني كنت بغيره كل 20 الف كيلو

فأنصحك غير تيل امامي و بص علي الطنابير بنفسك شوف فيها ايه

خلفي : هتشتري دشمه كاملة ليه ؟ كل ده عشان بستم ما يمكن محتاج يتاخدله هواء او ماسورته فيها كتم ولا حاجه او... محتاج يتغير غيره عشان بستم تشتري دشمه كاملة
وبعدين خلي بالك ان فرده واحده متمسكش مع الفرامل دي مشكلة كبيرة و تحس بيها جدا و ممكن تخلي العربية تلف حوالين نفسها او تجنح مع الفرامل الشديدة (انا مش مقتنع بموضوع البستم ده )المقصود بالبستم هنا هو سيرفو العجله الخلفية

علي العموم عايزك تراجع بنفسك و تتأكد انك محتاج الحاجات دي تتغير فعلا
مبدئيا و الطبيعي انك تغير تيل أمامي و خلفي جديد و بس و بعدين شوف هتبقي الفرامل عامله ايه لو حسيت بحاجه ابقي فكر تتصرف ازاي

[SYD]

اولا بالنسبة للطنابير الأمامية
الطنبورة متأكلة وفيها ريجة

ثانيا بالنسبة للطنابير الخلفية
بردو متأكلة واتقالي انها ممكن تشرخ معايا

ثالثا بالنسبة للبستم بتاع الماستر الخلفي كان بيعلق ولما اتنظف رجع تاني اشتغل
لكن انا عندي في الفرامل العربية بتمسك من غير لما تتلوح
واساسا انا مش بعرف افرمل فرامل فجائية لسوء حالة الفرامل

والسفر اليومي والفرامل علي سرعات قضت علي الفرامل تماما في العربية عندي

بص يا باشا انا مبدئيا كدة هجرب بتيل امامي تركي من ابو 80 جنيه
لو لاحظت انه تأكل بسرعة او الفرامل وحشة هغير الطنابير والتيل مع بعض وهجيبهم الماني

والفرامل الخلفية هصبر عليها شوية لحد لما اشوف الدنيا فيها ايه
هخلي الميكانيكي يكشف الطنبورة ويشوف التيل والبستم بتاع الماستر وساعتها نقرر
مين عارف : مايمكن املي التيل الخلفي وامشي عليه شوية وابقي اغيره بردو هو والطنبورة جداد الماني مع بعض

والله المستعان
،
،

[alzelafy]

الدنجل الخلفى كان ب 450

[SYD]

الدنجل الخلفى كان ب 450

تقصد دنجل كامل بالدشم كاملة (طنابير وتيل مساتر) ؟؟

[zika99_eg]

السلام عليكم
انا عضو جديد علي هذا المنتدي الرائع
احب شارك معاكو
انا لسه مغير تيل خلفي
انا جبت نوع بولندي ب 100 ج
وكان في نوع اسباني ب 170
بالنسبه للامامي سئالت عليه بس كان 120ج

[SYD]

السلام عليكم
انا عضو جديد علي هذا المنتدي الرائع
احب شارك معاكو
انا لسه مغير تيل خلفي
انا جبت نوع بولندي ب 100 ج
وكان في نوع اسباني ب 170
بالنسبه للامامي سئالت عليه بس كان 120ج

اولا اهلا بحضرتك في قسم سيات بوجه خاص ونايل موتورز بوجه عام

طب الأسعار دي من عند مين ؟؟
ياريت العنوان

وبرجاء تقرير بالأداء بعد التغيير

والله المستعان
،
،