كرهت العربية بجد

[sameh_se]

السلام عليكم ورحمة الله وبركاته
بصراحة يا شباب انا كرهت عربيتى جدا جدا مع العلم انى متهنتش بيها ولا ركبتها الا 3 شهور
كل يوم مشكلة شكل و اخرها مشكلة كتم العربية و خنئها مع دوسة البنزين عملت كل حاجة غيرت بوجيهات غيرت طرمبة البنزين غيرت الايرماس غيرت فلتر البنزين الرشاشات و لسا زى ما هى و محدش عارف السبب و المهم انها سعات تظبط و ايام تخرف و بقت دعوتى اليومين دول يارب سترك و عدم الفضايح طول ما انا راكب العربية و حاطط ايدى على قلبى خايف تعمل معايا اى نقصة من بتوعها لما كرهت العربية و كرهت اليوم الى جبتها فية يا جماعة الى يعرف العيب دة منين او سمع عنة قبل كدا يقولى و الاجر والثواب هلى الله
العربية ابيزا 94 الموتور 1800 بىبى
نفسى اعرف العيب بس موش اكتر
نسيت اقلكم ان الكنترول غيرتة برضوا
وشكرا ..

[mohamed5800]

هوة انت منين لو من شبرا او اى حاجة جنبيها فى ورشة فى المطرية بتاعت شباب بس بجد شغلهم حلو اوى فى الابيزا والجولف لو قررت تروح انا تحت امرك

[eng.m7md.ali]

كنت هقولك الكنترول .. بس لقيتك كتبت انك غيرته في الاخر
طيب ماتروح عن وليد في الحرفيين وده ملك الابيزا الجولف والفولكس فاجن كلها

[sameh_se]

بسم الله الرحمن الرحيم
بصراحة ياجماعة انا زقت ونفسى اخلص
طيب


وليد دة ورشته فين او الشباب بتوع المطرية عنوانهم
اية ويارب يكون خير

وشكرا

[mohamed5800]

الشارع اللى على ناصيتة موبيل اللى فى ميدان السواح اللى يوديك على المطرية خش فية واسال عن ورشة كريم حجازى ولو فى اى حاجة انا تحت امرك

[sameh_se]

الشارع اللى على ناصيتة موبيل اللى فى ميدان السواح اللى يوديك على المطرية خش فية واسال عن ورشة كريم حجازى ولو فى اى حاجة انا تحت امرك

تسلم. لى. يا باشا وربنا يجعل علىاديهم البركة

[SYD]

طب انت بصيت علي واير الأكسلاتير
كشفت علي سلك البوجيهات والأسبراتير

انت كل حلولك كانت ميكانيكا
شوف الكهرباء لأنها مؤثرة جدا علي السحب والتجميع والمشي عموما

والله المستعان
،
،

[sameh_se]

و. اللة انا ماسبت حاجة الا. وعمتها البوحيهات غيرتها وسلوك الاسبراتير والاسبراتير شخصيا وطرمة البنزين والسيور والزيت وبفكر اتغير انا هههههه
ياجماعه انت شاكر جهودكم واسف علىالازعاج بس اعزرونى

[ehab_mansour]

وجهة نظري و خلاصة هذا الموضوع
ان التسقيط كان عك للأسف و أكيد الضفيرة و الكهرباء عموما متقفلتش صح و دي بتكون اكبر عيوب العربيات دي انها لو اتلعب في كهربتها و مرجعتش اوريجينال هتوريك الويل و مش هتعرف توصل لحاجه

وجهة نظري ولو عايز تحل صح يبقي تشوف حد بيفهم يراجعلك علي الضفيرة و الكهرباء و التقفيل و الكنترول غير كده يبقي انت بتلف في دائرة مغلقة
وربنا ييسرلك الحال صدقني كل ما بشوف حد كده بيصعب عليا الاشتغالات اللي بتعلمها معاه الصنايعيه حاجه تقرف و معدتش فيه ضمير وأخلاق
ربنا يرحمنا من الناس دي

[sameh_se]

وجهة نظري و خلاصة هذا الموضوع
ان التسقيط كان عك للأسف و أكيد الضفيرة و الكهرباء عموما متقفلتش صح و دي بتكون اكبر عيوب العربيات دي انها لو اتلعب في كهربتها و مرجعتش اوريجينال هتوريك الويل و مش هتعرف توصل لحاجه

وجهة نظري ولو عايز تحل صح يبقي تشوف حد بيفهم يراجعلك علي الضفيرة و الكهرباء و التقفيل و الكنترول غير كده يبقي انت بتلف في دائرة مغلقة
وربنا ييسرلك الحال صدقني كل ما بشوف حد كده بيصعب عليا الاشتغالات اللي بتعلمها معاه الصنايعيه حاجه تقرف و معدتش فيه ضمير وأخلاق
ربنا يرحمنا من الناس دي

انتا عندك حق بس انا رحت لرشاد و غيرلى الضفيرة كاملة وراجع عليها وبرضو موش عايزة تظبط و المهم ان العربية كانت مظبوطة
ربنا يسهل ويكتب لنا السلامة ويبعد عنا الفتى و الفتايين

[ehab_mansour]

انتا عندك حق بس انا رحت لرشاد و غيرلى الضفيرة كاملة وراجع عليها وبرضو موش عايزة تظبط و المهم ان العربية كانت مظبوطة
ربنا يسهل ويكتب لنا السلامة ويبعد عنا الفتى و الفتايين

يعني العربية كانت مظبوطة و ايه حصل بعدها و غيرت ايه ؟
يعني ياريت تكتب خطوات يمكن نوصل لحل مع بعض واحده واحده وربنا يسهلها
وهل الحاجات اللي غيرتها دي قطع غيار مضبوطة لنفس المحرك ولا لأ ؟ لأن انت مسقط ماكينة مش مشهورة يمكن تكون ركبتلها قطع مش بتاعتها و هي دي المشكلة
و ممكن تكون مركب قطع مش أصلية و فيها مشاكل
ممكن تكون ركبتلها كنترول مش بتاعها و مش متوفق معاها
ممكن يكون الشكمان فيه مشكلة و انت عمال تحاول تحل مشاكل المحرك و هو سليم
هل كشف عليها كمبيوتر و ايه كانت النتائج
راجع ذاكرتك و شوف ايه حصلها بعد ما كانت مضبوطة و احكيلنا وربنا يوفق لما فيه الخير

[eng.m7md.ali]

بص على علبة البيئة كمان
وعنوان وليد
في شارع المرسيدس هتلاقيه في شارع جانبي على نصيته محل سفينة بتاع الاوبل .. روح واسأل هناك وطمنا

[ashoub]

شوف من الاخر الوحيد الى بثق فيه هو رشاد فى الحرفيين ده كهربائى وعنده كشف كمبيوتر الراجل ده هيجبلك من الاخر هو موجود فى بلوك 8 وبيجى الساعه 12 بليل معلش هو معاده رخم شويه ولما تروحله قوله انك من طرف م/ احمد عشوب لانه مبيحبش يشتغل فى مواتير متسقطه وان شاء الله خير وتبقى طمنى

[sameh_se]

على فكرة انا بشتغل مع رشاد و هوا الى مغير لى الضفيرة و الكنترول و بجد العربية اتحسنت كتير بس لسا الخنقة الى مع دوسة البنزين .
مشكلة رشاد انه بييجى الورشة الساعة 12 و انا من الزقازيق يعنى لازم لما اروح لة يكون انا اجازة تانى يوم بس للامانه هو استاذ .
استحملونى شوية انا هحكى لكم القصة باختصار
انا اشتريت العربية دى زى الفل ابيزا عليها موتور 1800 بى بى ممتازة و الى عرفتة بعد كدا ان الموتور كان متسقط بلدى اى كلام يعنى المهم كانت كويسة و جريها ممتاز
و الحكاية دى دامت شهرين و بعدين .................................................. ...
حصل الى مكنش تخطر على بال العفريت بدا البنزين تطير من العربية و استهلاكة يزيد مع ظهور شوية دخنة سوده تحولت الى دخنة ولاد ابو اسماعيل وابتديت رحلة العزاب و الضنا مع الميكانيكية و الكهربائية و البحث عن المشكلة و كانت العربية مظبوطة و بتجرى بس كنت بفول بنزين كل يوم و فى يوم انا فاكرة و عمرى ما هنساة فولت 3 مرات فى يوم واحد المختصر رشاد حل المشكلة بتاعت الدخنة و الحمد لله و ارتحت خيرا هااااا بس على مين عربيتى تريحنى انا الظاهر بحلم .
وبدئت من تانى يوم مشكلة الكتمة مع دوسة البنزين و مفيش سحب خالص لدرجة انى اكتشفت ان عربيتى تحولت الى بطة بقدرة قادر و ادوس بنزين تكتم و ممكن تبطل منى و الى يغيظ انها ممكن تظبط و بتقى اخر جمال لدرجة انى ببقى راكبها و موش عايز اروح و مقدرش انزل منها .
و هى دى قصة حياتى .
لستة الحجات الى غيرتها
1- اول حاجه قالولى الايرماس بايظ غيرتة
2- الكنترول لان الاير ماس الجديد لما ركب معملش حاجة
3- عدد 3 اسبراتير
بدات يظهر مشكلة فى الرشاشات و بدئت الرشاشات تنزل بنزين على طول من اول ما تشغل الكنتاك و ما تفصلش
4- طقم رشاشات
لسا المشكلة موجودة
5- ضفيرة جديدة
العربية كفرت من شغل العك و فتى الصنايعية (مرحلة رشاد ) ولاد الحلال دلونى علية و رحت له كلامة عجبنى و سلمت له العربية
6- ضفيرة جديدة كلاكت ناى مرة
7-اسبراتير تانى مرة + طقم الخراطيم بتاعتة
8- تانى مرة
الحمد لله العربية ظبطت بس تانى يوم ظهرت المشكلة بتاعت الكتمة الملعونه
9- طرمبة بنزين رجعت لرشاد قالى طرمبة البنزين ضغطها تعبان و عايزة تتغير
10 - خلال الرحلة دى الى استمرت 10 شهور(منهم 3 شهور واقفة عند الصنايعية ) مجموعة لاباس بها من اطقم البوجيهات و خلافة غير الزيت الى اتغير بالهبل
و المفروض انى هروح لرشاد الاسبوع الجاى ان شاء الله على شان يشوفلى حل
اسف على الاطالة بس اعذرونى لانى مشوش جدا و عندى اكتئاب بس الحمد لله على كل شئ فى الاول و الاخر

[SYD]

غيرت حساس الشكمان (لمبادا سنسور) ؟

دة يسبب دخنة وحريق مش كويس واستهلاك بنزين

والله المستعان
،
،