غيرت تيل الفرامل

[SYD]

السلام عليكم ورحمة الله وبركاته
أزيكم يا شباب
عاملين ايه ؟؟

النهاردة بفضل الله غيرت تيل الفرامل الأمامي
اشتريت تيل سوق اوروبي بس بصراحة خامته عجبتني اوي
نوعه حاجة كدة مغمورة بس لما وريته للميكانيكي بتاعي (عصام) قالي كويس - شغال

ودي صورة علبته




وقبل عصام ما يركبه
كسح اطرافه علي قرص جلخ زي بتاع سن السكينة
وخلاه بالشكل دة
وتفسيره : عشان ماتصفرش معايا




الحمد لله الفرامل مش بتصفر

طبعا انا ملحقتش اجربها لأني روحت علي طوول علي البيت

ان شاء الله لما اخرج بالعربية هقولكم الفرامل عاملة ايه

هسيبكم مع صور التيل القديم
وتشوفوا قد ايه الأبيزا اصيلة واعتمادية
ملحوظة : انا شاري العربية من سنة ودي اول مرة اغير التيل
ولحد النهاردة الفرامل ماكنتش بتصفر
وسافرت بيها لمدة اسبوعين (عشر ايام متواصلة) الزقازيق رايح جاي بمتوسط سرعة 120 واقصي سرعة 145 كم/ساعة بالتيل دة











عايز اقولكم ان التيل القديم زي ماهو باين كدة في الصور تقريبا كان سمكه 1مم او اقل بدون بمبالغة

ملحوظة للي هيغير تيل قريب
وانت بتشتري هات التيل بتاع البولو ابو صاجة (البياع هيبقي عارفه)

وانا بشتري شوفت تيل الماني علامات ب 200 كربون
ميزته انه بيتاكل بسرعة دون ادني تأثير علي الطنبورة

ربنا يستر طريقي وطريقكم جميعاً

والله المستعان
،
،

[S O P H O S]

تقرير جميل
تسلم ايدك
ومبروك علي التغير

[SYD]

تقرير جميل
تسلم ايدك
ومبروك علي التغير

ربنا يخليك
شكرا علي مرورك

الله يبارك فيك

[dr.hazem]

ابو السيد
خف عالعربية شويه ياعم
دنا مغير التيل وهو في نصه ومعتبر اني اجرمت في حقها
ههههههههههههههههههه


بهزر معاك ياعمنا
موضوع كسح الاطراف ده بجد؟؟
اصل عندنا في الماروتي التيول اللي بتتباع كلها بلا مبالغه بتصفر
والعجيب ان كلها بتمسك حلو جدا جدا بس مشكلة الصفر لا تختفي ولو الحل اكسحه هكسح ابوه
ههههههههههههههههههههه

وانا مروح من المقابله الريداتير اتخرم اكتر من 3 اخرام وهو ألومونيوم
عندك فكره ده بسبب ايه؟؟
ده لوحده من غير اي تدخلات منه لنفسه كده اتخرم واظطريت اغيره طبعا والحمد لله
الصنايعيه كلهم بيقولولي من الميه الخضرا بس انا مش مقتنع؟؟؟

تحياتي

[SYD]

ابو السيد
خف عالعربية شويه ياعم
دنا مغير التيل وهو في نصه ومعتبر اني اجرمت في حقها
ههههههههههههههههههه


بهزر معاك ياعمنا
موضوع كسح الاطراف ده بجد؟؟
اصل عندنا في الماروتي التيول اللي بتتباع كلها بلا مبالغه بتصفر
والعجيب ان كلها بتمسك حلو جدا جدا بس مشكلة الصفر لا تختفي ولو الحل اكسحه هكسح ابوه
ههههههههههههههههههههه

وانا مروح من المقابله الريداتير اتخرم اكتر من 3 اخرام وهو ألومونيوم
عندك فكره ده بسبب ايه؟؟
ده لوحده من غير اي تدخلات منه لنفسه كده اتخرم واظطريت اغيره طبعا والحمد لله
الصنايعيه كلهم بيقولولي من الميه الخضرا بس انا مش مقتنع؟؟؟

تحياتي

الدكتور حازم عندنا في قسم سيات
يا مرحبااااا

أزيك يا دكتور
نورت قسم سيات

اولا - انا اول مرة في حياتي اشوف حد بيعمل كدة في تيل
وبعدين عارف انت انا اول مرة اشتري تيل غالي كدة

كان معايا لادا وقبلها فيات
لما بقول انا انزه ركيب في الدنيا كنت بشتري التيل ب 40 - 45 جنيه لما يضربه الدم

دة انا جايبه سوق اوروبي ب 100 ولو هجيب الدرجة الي بعده ب 200 والنضيف اخر حاجة ب 250 جنيه

فلما لقيت الميكانيكي واقف علي قرص التجليخ وبيكسح اطرافه - حسيت اني هيجيلي شلل اطراف
هههههههههههههههه

بس لحد دلوقتي لسة ماطبعش
طلعت طلعة جريئة الدائري وفضلت اجري وافرمل
الدواسة تنزل للأخر ومش بتمسك

ما علينا

جرب مش هتخسر حاجة (واساسا تلاقي التيل عندك ب 15 جنيه هههههههههههه)
انا بضحك معاك بس انت قايلي مرايتك مش عارف ب30 والشبكة ب 40 واسعار كدة غريبة
كدة كدة انت مش بتاكل من اللحمية بتاعته
انت بس بتبري اطرافه زي بتوع الزجاج عشان مايبقاش ليه سوكة

بالنسبة للردياتير
لو هو اساسا تعبان
فعلا المياة الخضرا تخرمه
سمعتها من كذا حد بتاع ردياتيرات - بيقولك حامية عليه

عارف انا بعمل ايه ؟؟؟
بحط مياة مقطرة من اي محطة بنزين
بشتري الزجاجة (تقريبا 650 مل) ب 1.75 وبزود الردياتير
علي الأقل عشان الأملاح
لحد لما اجيب ردياتير جديد علي الصيف ان شاء الله

بجد نورت الموضوع يا دكتور
ونورت القسم كله

والله المستعان
،
،

[dr.hazem]

الدكتور حازم عندنا في قسم سيات
يا مرحبااااا

أزيك يا دكتور
نورت قسم سيات

اولا - انا اول مرة في حياتي اشوف حد بيعمل كدة في تيل
وبعدين عارف انت انا اول مرة اشتري تيل غالي كدة

كان معايا لادا وقبلها فيات
لما بقول انا انزه ركيب في الدنيا كنت بشتري التيل ب 40 - 45 جنيه لما يضربه الدم

دة انا جايبه سوق اوروبي ب 100 ولو هجيب الدرجة الي بعده ب 200 والنضيف اخر حاجة ب 250 جنيه

فلما لقيت الميكانيكي واقف علي قرص التجليخ وبيكسح اطرافه - حسيت اني هيجيلي شلل اطراف
هههههههههههههههه

بس لحد دلوقتي لسة ماطبعش
طلعت طلعة جريئة الدائري وفضلت اجري وافرمل
الدواسة تنزل للأخر ومش بتمسك

ما علينا

جرب مش هتخسر حاجة (واساسا تلاقي التيل عندك ب 15 جنيه هههههههههههه)
انا بضحك معاك بس انت قايلي مرايتك مش عارف ب30 والشبكة ب 40 واسعار كدة غريبة
كدة كدة انت مش بتاكل من اللحمية بتاعته
انت بس بتبري اطرافه زي بتوع الزجاج عشان مايبقاش ليه سوكة

بالنسبة للردياتير
لو هو اساسا تعبان
فعلا المياة الخضرا تخرمه
سمعتها من كذا حد بتاع ردياتيرات - بيقولك حامية عليه

عارف انا بعمل ايه ؟؟؟
بحط مياة مقطرة من اي محطة بنزين
بشتري الزجاجة (تقريبا 650 مل) ب 1.75 وبزود الردياتير
علي الأقل عشان الأملاح
لحد لما اجيب ردياتير جديد علي الصيف ان شاء الله

بجد نورت الموضوع يا دكتور
ونورت القسم كله

والله المستعان
،
،

الله يرضى عليك ده نورك ياباشا
مش عارف انا موضوع التيل ده قرفنا كلنا بجد
مفيش تيل للماروتي مبيصفرش
انا جربت من اول 35 جنيه لحد 90 جنيه وكله بيصفر وكلهم بيمسكو كويس بس الصفيييييييييير
طيور الحب كلها بتبقى في العربية وانت بتفرمل
هشوف موضوع الكسح ده ربنا يسهل

بالنسبه للريديتير انا عندي مش قديم ولا حالته وحشه
بس مش عارف حصله ايه انا فعلا مغير نوع الميه من قبلها باسبوع فجايز يكون كلامهم صح
المهم اظطريت اغيره وجبت ميه خضرا تاني بس انامكنتش بخففها ومن خوفي رحت مقطر ميه في البيت ومخففها وحطيتها والحمد لله الدنيا معقوله على كده وربنا يسترها

سلامي ياريس وابقى نورنا في قسم السوزوكي

تحياتي

[SYD]

الله يرضى عليك ده نورك ياباشا
مش عارف انا موضوع التيل ده قرفنا كلنا بجد
مفيش تيل للماروتي مبيصفرش
انا جربت من اول 35 جنيه لحد 90 جنيه وكله بيصفر وكلهم بيمسكو كويس بس الصفيييييييييير
طيور الحب كلها بتبقى في العربية وانت بتفرمل
هشوف موضوع الكسح ده ربنا يسهل

بالنسبه للريديتير انا عندي مش قديم ولا حالته وحشه
بس مش عارف حصله ايه انا فعلا مغير نوع الميه من قبلها باسبوع فجايز يكون كلامهم صح
المهم اظطريت اغيره وجبت ميه خضرا تاني بس انامكنتش بخففها ومن خوفي رحت مقطر ميه في البيت ومخففها وحطيتها والحمد لله الدنيا معقوله على كده وربنا يسترها

سلامي ياريس وابقى نورنا في قسم السوزوكي

تحياتي

ازاي بقي الكلام دة يا دكتور
لازم المياة الخضرا تتخف
واحسن حاجة تجيب المياة الي بتبقي في علبة كان abro
وتحطها في الردياتير وتكمل الردياتير مياة مقطرة
اعتقد جلجل (محمد عبدالجليل) كان مواضيع حلوة اوي عن المياة والتبريد

هدورلك عليهم وابعتلك لينكاتهم

والله المستعان
،
،

[dr.hazem]

ازاي بقي الكلام دة يا دكتور
لازم المياة الخضرا تتخف
واحسن حاجة تجيب المياة الي بتبقي في علبة كان abro
وتحطها في الردياتير وتكمل الردياتير مياة مقطرة
اعتقد جلجل (محمد عبدالجليل) كان مواضيع حلوة اوي عن المياة والتبريد

هدورلك عليهم وابعتلك لينكاتهم

والله المستعان
،
،

لا انا بتكلم عالانواع المخففه اللي لا يتعدى تركيزها ال 40%

انما المركز طبعا يتم تخفيفه للتركيز المطلوب

وبالنسبه لجو مصر فأفضل التراكيز من 5% -40%
الجركن ال5 لتر معتقدش انه بيحتاج يتخفف

التخفيف للعبوات اللي بتبقى لتر ومكتوب عليه يخفف وبيبقى تركيزه 90 % مثلا بحيث لما يتخفف على 5 لتر يبقى 20%


صح كده؟؟

[kar!m]

مبروك يا بشمهندس .. أنا نفسى أعرف الحاجات اللى انتاج السوق الأوروبيه دى بتبقى متصنعه فين بالضبط؟

تحس كده من الكلمه انها زى سوق التلات معموله على حدود الدول الأوروبيه و كل واحد جاي و فارش بحاجته :-)

[SYD]

لا انا بتكلم عالانواع المخففه اللي لا يتعدى تركيزها ال 40%

انما المركز طبعا يتم تخفيفه للتركيز المطلوب

وبالنسبه لجو مصر فأفضل التراكيز من 5% -40%
الجركن ال5 لتر معتقدش انه بيحتاج يتخفف

التخفيف للعبوات اللي بتبقى لتر ومكتوب عليه يخفف وبيبقى تركيزه 90 % مثلا بحيث لما يتخفف على 5 لتر يبقى 20%


صح كده؟؟

هو اكيد طبعا الجركن ال5 لتر مش بيتخف
الا لو الدورة عندك 6 لتر هتضطر تحط لتر مياة مقطرة

والكان دي بتتجاب وتتخف لحد لما تكمل دورتك سواء 3 لتر ونص او 5 او 6

بجد هبقي اشوفلك مواضيع عبدالجليل - جامدة اوي

والله المستعان
،
،

[SYD]

مبروك يا بشمهندس .. أنا نفسى أعرف الحاجات اللى انتاج السوق الأوروبيه دى بتبقى متصنعه فين بالضبط؟

تحس كده من الكلمه انها زى سوق التلات معموله على حدود الدول الأوروبيه و كل واحد جاي و فارش بحاجته :-)

الله يبارك فيك يا بشمهندس كريم

انا كمان لسة سائل السؤال دة للميكانيكي وهو بيركب التيل
اعتقد لما التصنيع بيبقي في حتت زي البوسنة والكام بلد التعبانين في اوروبا بيتمحكوا في السوق الأوربية لكن لو التصنيع في المانيا تفتكر هيتكسفوا مثلا يقولوا Made in Germany ؟

هههههههههههه
حلوة سوق الثلاث
ليه هما هيبيعوا حمام ؟؟؟

[ehab_mansour]

مبروك يا هندسة و بصراحة مش مرتاح لموضوع سوق اوروبي دي لكن طبعا الأداء هو اللي هيحكم ولو التيل طلع كويس اخوك محتاج طقم منه لأني مركب طقم ريمسا أسباني من فترة و زبالة الزبالة و قرفت منه خلاص رغم انه لسه فيه كتييييييير بس هغيره خلاص لأنه بيصفر مع كل دوسة فرامل و خشن جدا علي الطنابير فأنا مش هضحي بيها عشان طقم تيل

بخصوص موضوع التركيب بقي فأنا أختلف مع الأخ اللي قلك ناخد شوية من جنب التيل عشان ميصفرش ده كلام فاكس ملوش أساس لأن التجليخ اللي عمله من حرف التيل ده و جنابه ده بيتعمل عشان صبة التيل نفسه بتكون مش مضبوطة علي الجزء اللي بتسمك بيه علي الطنابير فبيكون فيها زيادات خفيفة بتتشال عشان التيل ميكلش في الحرف العالي (الشفة العالية) للطنبورة بس دي كل قصة التجليخ و ده انا عملته قبل كده و كل دي عيوب بسبب ان التيل تعبان و مش اصلي

موضوع التصفير ده سببه الرئيسي مش اللي هو قاله و لكن سببه هو وجود شوائب و معادن غير مرغوب فيها في مادة التيل و ده بيكون عشان تقيليل التكلفة و يتخلي التيل اكثر نشوفيه و بالتالي لا يتأكل بسهولة و بالتالي يطول عمره و ده هو اللي بيسبب التصفير المستمر لأن ماده التيل بتتأكل و الشوائب و المعادن دي بتفضل بارزة و تعمل الصفارة اللي انت بتسمعها مع الدوسة ولو كانت كبيرة و واضحة بتصفر باستمرار مع الدوس و من غيره و هكذا

الحل لمشكلة التصفير هو تركيب تيل فرامل محترم نضيف خالي من شوائب و للعلم التيل ده معدل تأكله هيكون أعلي من التيل المليان شوائب و لكن أدائه أفضل و طبعا بيحافظ علي الطنابير من التأكل و الريجه و التخطيط

والله الموفق

[SYD]

مبروك يا هندسة و بصراحة مش مرتاح لموضوع سوق اوروبي دي لكن طبعا الأداء هو اللي هيحكم ولو التيل طلع كويس اخوك محتاج طقم منه لأني مركب طقم ريمسا أسباني من فترة و زبالة الزبالة و قرفت منه خلاص رغم انه لسه فيه كتييييييير بس هغيره خلاص لأنه بيصفر مع كل دوسة فرامل و خشن جدا علي الطنابير فأنا مش هضحي بيها عشان طقم تيل

بخصوص موضوع التركيب بقي فأنا أختلف مع الأخ اللي قلك ناخد شوية من جنب التيل عشان ميصفرش ده كلام فاكس ملوش أساس لأن التجليخ اللي عمله من حرف التيل ده و جنابه ده بيتعمل عشان صبة التيل نفسه بتكون مش مضبوطة علي الجزء اللي بتسمك بيه علي الطنابير فبيكون فيها زيادات خفيفة بتتشال عشان التيل ميكلش في الحرف العالي (الشفة العالية) للطنبورة بس دي كل قصة التجليخ و ده انا عملته قبل كده و كل دي عيوب بسبب ان التيل تعبان و مش اصلي

موضوع التصفير ده سببه الرئيسي مش اللي هو قاله و لكن سببه هو وجود شوائب و معادن غير مرغوب فيها في مادة التيل و ده بيكون عشان تقيليل التكلفة و يتخلي التيل اكثر نشوفيه و بالتالي لا يتأكل بسهولة و بالتالي يطول عمره و ده هو اللي بيسبب التصفير المستمر لأن ماده التيل بتتأكل و الشوائب و المعادن دي بتفضل بارزة و تعمل الصفارة اللي انت بتسمعها مع الدوسة ولو كانت كبيرة و واضحة بتصفر باستمرار مع الدوس و من غيره و هكذا

الحل لمشكلة التصفير هو تركيب تيل فرامل محترم نضيف خالي من شوائب و للعلم التيل ده معدل تأكله هيكون أعلي من التيل المليان شوائب و لكن أدائه أفضل و طبعا بيحافظ علي الطنابير من التأكل و الريجه و التخطيط

والله الموفق

الله يبارك فيك يا بشمهندس
لو عايز تيل
انا نفسي تشرفني مرة في الهرم عندنا
خدلك لفة عند الناس الي عندنا
التغيير مطلوب بردو

وبص يا باشا
في تيل شوفته عند الشيخ علاء
تيل الماني اسود تماما (نسبة الرصاص فيه قليلة اوي)
ثمنه 200 جنيه
بيقولي التيل دة كربون
معدل التأكل بتاعه سريع جدا (اكثر من الألماني العادي)
بس ميزته الوحيدة انه مش بياكل من الطنبورة
هو بس الي بيحصله تأكل
وقالي حرام تركبه علي طنبورة تعبانه
قالي الي بيركبه بيركبه عشان يحافظ علي الطنبورة وخصوصا في العربيات العالية (جولف و جيتا) عشان طنبورتها غالية

فهي بتعتبر موازنة
تيل رخيص = تأكل طنبورة
تيل غالي = محافظة علي الطنبورة
بمعني
هتغير طنبورة كل مثلا 30,000 لو بتستعمل تيل رخيص
هتغير طنبورة كل مثلا 90,000 لو بتستعمل تيل غالي

وعلي المدي الطويل اعتقد هتلاقي التكلفة واحدة لأنك مع استخدام التيل الرخيص هتغير طنابير بسرعة
بس مع الفارق في نقطة تانية
قوة تماسك الفرامل + الصفير
التيل الغالي = قوة تماسك افضل + عدم صفير
التيل الرخيص = قوة تماسك اقل + وجود صفير

انا الحمد لله بفضل الله
التيل بعد ما طبع مفيش اي صفير بس بردو حاسس ان الفرامل مش قد كدة
يمكن عشان التيل الخلفي
او عشان الطنبورة اساسا وحشة
او في هوا في الدورة (لأن البدال واطي حبتين)

ربنا يسهل
انا ان شاء الله هروح النهاردة للميكانيكي عشان الطرمبة البنزين وهخليه لازم يجرب الفرامل وياخد الهوا منها

والله المستعان
،
،

[ehab_mansour]

الله يبارك فيك يا بشمهندس
لو عايز تيل
انا نفسي تشرفني مرة في الهرم عندنا
خدلك لفة عند الناس الي عندنا
التغيير مطلوب بردو

وبص يا باشا
في تيل شوفته عند الشيخ علاء
تيل الماني اسود تماما (نسبة الرصاص فيه قليلة اوي)
ثمنه 200 جنيه
بيقولي التيل دة كربون
معدل التأكل بتاعه سريع جدا (اكثر من الألماني العادي)
بس ميزته الوحيدة انه مش بياكل من الطنبورة
هو بس الي بيحصله تأكل
وقالي حرام تركبه علي طنبورة تعبانه
قالي الي بيركبه بيركبه عشان يحافظ علي الطنبورة وخصوصا في العربيات العالية (جولف و جيتا) عشان طنبورتها غالية

فهي بتعتبر موازنة
تيل رخيص = تأكل طنبورة
تيل غالي = محافظة علي الطنبورة
بمعني
هتغير طنبورة كل مثلا 30,000 لو بتستعمل تيل رخيص
هتغير طنبورة كل مثلا 90,000 لو بتستعمل تيل غالي

وعلي المدي الطويل اعتقد هتلاقي التكلفة واحدة لأنك مع استخدام التيل الرخيص هتغير طنابير بسرعة
بس مع الفارق في نقطة تانية
قوة تماسك الفرامل + الصفير
التيل الغالي = قوة تماسك افضل + عدم صفير
التيل الرخيص = قوة تماسك اقل + وجود صفير

انا الحمد لله بفضل الله
التيل بعد ما طبع مفيش اي صفير بس بردو حاسس ان الفرامل مش قد كدة
يمكن عشان التيل الخلفي
او عشان الطنبورة اساسا وحشة
او في هوا في الدورة (لأن البدال واطي حبتين)

ربنا يسهل
انا ان شاء الله هروح النهاردة للميكانيكي عشان الطرمبة البنزين وهخليه لازم يجرب الفرامل وياخد الهوا منها

والله المستعان
،
،

يا مسهل الحال يمكن أنزل فيصل قريب و أكيد هعدي عليك
كلامك سليم ولكن الطنابير مش من المستهلكات التي بتتغير هيا بتتغير لما يحصل ليها مشكلة او تتأكل و لكن طول ماهي شغالة و سليمة خلاص فواجب علينا نحافظ عليها دائما خاصة و ان من وجهة نظري ان ثمن الطنابير الأصلية للعربيات الألماني كلها مش هيفرق كتير سواء كانت ابيزا او جولف او جيتا او حتي باسات لأن الخامة واحدة و الفرق فقط في قطر الطنبورة و ده الفرق بينهم مش كبير يعني هتلاقي مثلا الابيزا قطر الطنبورة 19 بوصة مثلا و هتلاقي الباسات 23 بوصة مثلا (انا مش فاكر القطر بالضبط انا بضرب مثال) و دي طنابير مهواه و دي برضه زيها و هكذا

بخصوص قوة الفرامل عندك و الدواسة واطية دي فده شيء غريب و لازم تشوف المشكلة فين سواء كان التيل الخلفي خلصان ممكن يبوظ الدنيا و يخلي العربية تتكفي لقدام لما تدوس فرامل و يحسسك ان الفرامل ضعيفة
ولكن حتي لو التيل الخلفي خلصان المفروض لما تغير تيل أمامي ترتفع الدواسة تحت رجلك ده لو الدورة سليمة و سائل الفرامل سليم و السيرفو الرئيسي سليم و الفاكيوم محكم و سليم

علي فكرة انا لما كنت بغير تيل أمامي كان مستوي السائل بيرتفع في الاربه و الدواسة بترتفع بوضوح عن وضع قبل التغيير و ده الطبيعي

[SYD]

يا مسهل الحال يمكن أنزل فيصل قريب و أكيد هعدي عليك
كلامك سليم ولكن الطنابير مش من المستهلكات التي بتتغير هيا بتتغير لما يحصل ليها مشكلة او تتأكل و لكن طول ماهي شغالة و سليمة خلاص فواجب علينا نحافظ عليها دائما خاصة و ان من وجهة نظري ان ثمن الطنابير الأصلية للعربيات الألماني كلها مش هيفرق كتير سواء كانت ابيزا او جولف او جيتا او حتي باسات لأن الخامة واحدة و الفرق فقط في قطر الطنبورة و ده الفرق بينهم مش كبير يعني هتلاقي مثلا الابيزا قطر الطنبورة 19 بوصة مثلا و هتلاقي الباسات 23 بوصة مثلا (انا مش فاكر القطر بالضبط انا بضرب مثال) و دي طنابير مهواه و دي برضه زيها و هكذا

بخصوص قوة الفرامل عندك و الدواسة واطية دي فده شيء غريب و لازم تشوف المشكلة فين سواء كان التيل الخلفي خلصان ممكن يبوظ الدنيا و يخلي العربية تتكفي لقدام لما تدوس فرامل و يحسسك ان الفرامل ضعيفة
ولكن حتي لو التيل الخلفي خلصان المفروض لما تغير تيل أمامي ترتفع الدواسة تحت رجلك ده لو الدورة سليمة و سائل الفرامل سليم و السيرفو الرئيسي سليم و الفاكيوم محكم و سليم

علي فكرة انا لما كنت بغير تيل أمامي كان مستوي السائل بيرتفع في الاربه و الدواسة بترتفع بوضوح عن وضع قبل التغيير و ده الطبيعي

انا معاك طبعا يا باشا
لازم فرق التيل يعوضه ارتفاع في منسوب الزيت

وعشان كدة انا بقولك هخليه يكشفلي علي الفرامل النهاردة ان شاء الله
صحيح انا مابصتش علي منسوب الزيت لكن اكيد ارتفع ان شاء الله
دة التيل القديم كان خارج منتهي - انت شوفت الصور ؟؟

ربنا يسهل بس واخلص من طرمبة البنزين بنت الفقري دي

والله المستعان
،
،