إعـــــــلان

Collapse

.

,
See more
See less

الوداع يا طرمبتي اهئ اهئ - العزاء غدا ً بمكرم عبيد

Collapse
X
 
  • Filter
  • الوقت
  • Show
Clear All
new posts

  • الوداع يا طرمبتي اهئ اهئ - العزاء غدا ً بمكرم عبيد

    الحمد لله علي كل حال

    توفت الي رحمة الله تعالي اليوم طرمبة البنزين عن عمر يناهز ال13 عام بعد صراع دام قرابة ال3 شهور مع المرض
    وقد شيعت الجنازة بعد عصر اليوم من شارع الطيران بمدينة نصر
    وقد حضر الدفن وتشييع الجنازة الأستاذ أحمد مبارك من قسم سيات
    والأسطي عصام الميكانيكي
    وقدم العزاء هاتفيا كلا من المهندس ايهاب منصور والمهندس ايهاب اسماعيل

    هحكيلكم الحكاية
    في البداية انتوا كلكوا عارفين قصتي الأليمة معاها في ايامها الأخيرة وهي بتنازع مع المرض

    امبارح اللهم صلي علي النبي كان معايا في العربية 7 اشخاص غيري يعني اجمالي 8 افراد منهم 3 اطفال - بسم الله ماشاء الله والله اكبر
    وكنت نافخ الدائري 100 - 120 وحرق اول تاني 6 ار بي ام
    عايز اقولكم ان الأكصدام كان بينه وبين الأرض حوالي 15 سم

    المهم

    نزلت النهاردة رايح شغلي في مدينة نصر
    انا سكتي كالتالي
    فيصل
    مريوطية
    دائري (منيب)
    قطامية
    السابع
    الطيران
    عباس العقاد

    جت بالظبط عند قسم مدينة نصر (مساكن طلبة كلية الأزهر)
    وكنت واقف في اشارة
    جيت طالع لقيت العربية طلعتها ضعيفة اوي
    ولما بكبس مش بتستجيب
    عديت الأشارة وعند لولو مول وقفت وبطلت
    بدور دارت
    طلعت بيها ودخلت يوسف عباس
    ومن بعد مركز الأزهر للمؤتمرات بدخل يمين وبطلع علي الطيران
    وفي نهاية الطيران بدخل يمين بعد كنتاكي عشان اوصل لعباس العقاد
    كل دة والعربية ماشية بالعافية
    اول لما دخلت يمين وقفت قدام السويدي للكابلات
    وبطلت
    بدور - مش راضية تدور
    طبعا ماحولتش تاني عشان البطارية
    لأني خلاص فهمت الزتونة

    المهم ركنت العربية تحت شجرة
    وقفلتها كويس وروحت شغلي مشي

    وانا في الشغل اتصلت بحبيب قلبي احمد مبارك عشان استلف منه عدة
    وانا كان معايا في شنطة العربية طرمبة بنزين احتياطي كان مدهاني ايهاب اسماعيل
    بالفعل احمد جالي مكان ماكنت واقف وسابلي العدة وراح مشواره

    قعدت انا فكيت الدنيا كلها وطلعت قلب الطرمبة وبديها كهرباء من البطارية - اشتغلت
    بس قولت طالما انا كدة كدة فكيت انا هركب طرمبة ايهاب اسماعيل

    بالفعل ركبتها
    وبدور
    العربية دارت

    قفلت الدنيا

    وجيت ماشي بالعربية
    لقيتها بردو بتعمل نفس الحركة
    اكبس بنزين العربية تتكتم تحت رجلي وبعدها تبدأ تستجيب وتسحب
    ضيف علي كدة - وانا ماشي بتنتش

    خلصت ظبط الزوايا وروحت طالع علي الأسطي عصام حبيب قلبي
    صعقني طبعا وفاجأني لما بيقولي كدة الطرمبة انتهت ولازم تتغير

    اتصلت بحبيب قلبي وحبيب الملايين ايهاب منصور
    قالي خبر ادهشني لدرجة اني افتكرت ان وداني حصلها حاجة ومابقتش بسمع كويس
    قالي ان الطرمبة انتهت ولازم تتغير

    ايه يا جدعان
    كلكوا عليا ولا ايه ؟؟؟

    قالي ان الطرمبة من كتر الأستخدام بيحصل فيها تأكل ولووز lose بيخليها تفقد احكامها وبالتالي ماتكبسش او ضغطها بيضعف
    يعني لو اختبرتها هتشتغل كهربائيا لكن فعليا مش هتضغط بالكبس المناسب الي يدور العربية

    وعليه

    قررت اني اجيب طرمبة جديدة بناء علي توصيات من المهندس ايهاب منصور
    وهاخد اجازة 3 ايام حداد علي الطرمبة




    ومانجلكومش في حاجة وحشة

    والدوام لله
    ،
    ،
    [CENTER][FONT=Lucida Sans Unicode][COLOR=darkred]Eng. Mohamed Sayed[/COLOR] [COLOR=black]|[/COLOR] [COLOR=sienna]MS Networking Trainer[/COLOR][/FONT][/CENTER]
    [CENTER][FONT=Lucida Sans Unicode][COLOR=darkorange]IBIZA MK2 (Typ 6K) APQ 1.4 MPI R4 44KW - 60hp[/COLOR][/FONT][/CENTER]

    [CENTER][SIGPIC][IMG]http://www.nilemotors.net/Nile/signaturepics/sigpic94704_5.gif[/IMG][/SIGPIC][/CENTER]
    [CENTER]
    [COLOR=DarkRed]صفحة القسم علي الفيس بوك[/COLOR]
    [/CENTER]
    [CENTER][URL]http://www.facebook.com/SeatNileMotors[/URL]

    [COLOR=Navy]صفحتي الشخصية
    [url]https://www.facebook.com/ITNetworksWay[/url]
    [/COLOR] [/CENTER]

  • #2
    نشاطركم الاحزان .... و ندعو لعائله فولكس الصبر و السلوان ...... يلا اهى ريحت و ارتاحت

    Comment


    • #3
      الحمدلله قدرالله وماشاء فعل وكويس انك كنت لوحدك بس يابشمهندس الطرمبة بتاعتي آخر مرة انا فكتها من العربية كانت شغالة بس الكهربائي قاللي محتاجة تتغير,جرب بتاعتي منفعتش هات الvdo الجديدة اللي ب350 مع اني جبتها من سنتين تقريبا ب300 بس وكان مكتوب عليها passat وده كان من الصفوة قريب من رمسيس ومبرووووووك وهتحس بالفرق لما تركبها وقولنا احساسك ايه قبل وبعد ومنجلكش في حاجة وحشة ياباشا *)
      [SIZE=3]" اللهم إنا نجعلك في نحورهم ، ونعوذ بك اللهم من شرورهم "[/SIZE]

      Comment


      • #4
        المشاركة الأصلية كتبت بواسطة alzelafy مشاهدة المشاركة
        نشاطركم الاحزان .... و ندعو لعائله فولكس الصبر و السلوان ...... يلا اهى ريحت و ارتاحت
        سعيكم مشكور
        [CENTER][FONT=Lucida Sans Unicode][COLOR=darkred]Eng. Mohamed Sayed[/COLOR] [COLOR=black]|[/COLOR] [COLOR=sienna]MS Networking Trainer[/COLOR][/FONT][/CENTER]
        [CENTER][FONT=Lucida Sans Unicode][COLOR=darkorange]IBIZA MK2 (Typ 6K) APQ 1.4 MPI R4 44KW - 60hp[/COLOR][/FONT][/CENTER]

        [CENTER][SIGPIC][IMG]http://www.nilemotors.net/Nile/signaturepics/sigpic94704_5.gif[/IMG][/SIGPIC][/CENTER]
        [CENTER]
        [COLOR=DarkRed]صفحة القسم علي الفيس بوك[/COLOR]
        [/CENTER]
        [CENTER][URL]http://www.facebook.com/SeatNileMotors[/URL]

        [COLOR=Navy]صفحتي الشخصية
        [url]https://www.facebook.com/ITNetworksWay[/url]
        [/COLOR] [/CENTER]

        Comment


        • #5
          المشاركة الأصلية كتبت بواسطة windofchange مشاهدة المشاركة
          الحمدلله قدرالله وماشاء فعل وكويس انك كنت لوحدك بس يابشمهندس الطرمبة بتاعتي آخر مرة انا فكتها من العربية كانت شغالة بس الكهربائي قاللي محتاجة تتغير,جرب بتاعتي منفعتش هات الvdo الجديدة اللي ب350 مع اني جبتها من سنتين تقريبا ب300 بس وكان مكتوب عليها passat وده كان من الصفوة قريب من رمسيس ومبرووووووك وهتحس بالفرق لما تركبها وقولنا احساسك ايه قبل وبعد ومنجلكش في حاجة وحشة ياباشا *)
          انت الظاهر ماقرتش كويس

          المشاركة الأصلية كتبت بواسطة syd مشاهدة المشاركة

          بس قولت طالما انا كدة كدة فكيت انا هركب طرمبة ايهاب اسماعيل

          بالفعل ركبتها
          وبدور
          العربية دارت

          قفلت الدنيا

          وجيت ماشي بالعربية
          لقيتها بردو بتعمل نفس الحركة
          اكبس بنزين العربية تتكتم تحت رجلي وبعدها تبدأ تستجيب وتسحب
          ضيف علي كدة - وانا ماشي بتنتش

          انا طرمبتي قطعت خالص
          وانت طرمبتك ضعيفة

          انا والله محتار
          مش عارف اعمل ايه

          اجيبها استيراد وتبقي بردو مستهلكة وسنتين تلاتة وتضعف مني وتقطع
          ولا اجيبها جديدة صيني واحتمال تشتغل سنتين تلاتة او احتمال تقطع بعد شهر

          بجد حيران

          والله المستعان
          ،
          ،
          [CENTER][FONT=Lucida Sans Unicode][COLOR=darkred]Eng. Mohamed Sayed[/COLOR] [COLOR=black]|[/COLOR] [COLOR=sienna]MS Networking Trainer[/COLOR][/FONT][/CENTER]
          [CENTER][FONT=Lucida Sans Unicode][COLOR=darkorange]IBIZA MK2 (Typ 6K) APQ 1.4 MPI R4 44KW - 60hp[/COLOR][/FONT][/CENTER]

          [CENTER][SIGPIC][IMG]http://www.nilemotors.net/Nile/signaturepics/sigpic94704_5.gif[/IMG][/SIGPIC][/CENTER]
          [CENTER]
          [COLOR=DarkRed]صفحة القسم علي الفيس بوك[/COLOR]
          [/CENTER]
          [CENTER][URL]http://www.facebook.com/SeatNileMotors[/URL]

          [COLOR=Navy]صفحتي الشخصية
          [url]https://www.facebook.com/ITNetworksWay[/url]
          [/COLOR] [/CENTER]

          Comment


          • #6
            علي العموم انا جاي من السفر و تعبان و مش قادر أعلق علي حاجه و لكن مش قادر امسك نفسي من الضحك بصراحه
            ههههههههههههههههههههههههههههههههه صدقني انت أضفت الكثير و الكثير علي القسم الميت ده يا هندسة و مبقتش بقدر أدخل ملقيش لك تعليق او موضوع يفتح نفسنا للضحك او يروح عن قلوبنا في الأيام اللي زي الفل دي و حال البلد اللي يغم ده
            والله المستعان
            والي لقاء غدا للتعليق علي كل المواضيع ان شاء الله
            و البقاء لله وحده
            اخوكم في الله ايهاب منصور
            م / إيهاب منصور
            SEAT CORDOBA 2002 1.0 16V AVZ

            Comment


            • #7
              ههههههههههههه
              موضوع جميل
              والوداع صعب

              Comment


              • #8
                المشاركة الأصلية كتبت بواسطة ehab_mansour مشاهدة المشاركة
                علي العموم انا جاي من السفر و تعبان و مش قادر أعلق علي حاجه و لكن مش قادر امسك نفسي من الضحك بصراحه
                ههههههههههههههههههههههههههههههههه صدقني انت أضفت الكثير و الكثير علي القسم الميت ده يا هندسة و مبقتش بقدر أدخل ملقيش لك تعليق او موضوع يفتح نفسنا للضحك او يروح عن قلوبنا في الأيام اللي زي الفل دي و حال البلد اللي يغم ده
                والله المستعان
                والي لقاء غدا للتعليق علي كل المواضيع ان شاء الله
                و البقاء لله وحده
                اخوكم في الله ايهاب منصور
                الف حمد لله علي السلامة يا بشمهندس
                في انتظار تعليقك

                سعيكم مشكور
                [CENTER][FONT=Lucida Sans Unicode][COLOR=darkred]Eng. Mohamed Sayed[/COLOR] [COLOR=black]|[/COLOR] [COLOR=sienna]MS Networking Trainer[/COLOR][/FONT][/CENTER]
                [CENTER][FONT=Lucida Sans Unicode][COLOR=darkorange]IBIZA MK2 (Typ 6K) APQ 1.4 MPI R4 44KW - 60hp[/COLOR][/FONT][/CENTER]

                [CENTER][SIGPIC][IMG]http://www.nilemotors.net/Nile/signaturepics/sigpic94704_5.gif[/IMG][/SIGPIC][/CENTER]
                [CENTER]
                [COLOR=DarkRed]صفحة القسم علي الفيس بوك[/COLOR]
                [/CENTER]
                [CENTER][URL]http://www.facebook.com/SeatNileMotors[/URL]

                [COLOR=Navy]صفحتي الشخصية
                [url]https://www.facebook.com/ITNetworksWay[/url]
                [/COLOR] [/CENTER]

                Comment


                • #9
                  المشاركة الأصلية كتبت بواسطة ahmed1006 مشاهدة المشاركة
                  ههههههههههههه
                  موضوع جميل
                  والوداع صعب
                  شكرا علي مرورك
                  والأصعب الفراق

                  انا مش عارف العربية هتمشي ازاي من غير طرمبة بنزين

                  اعتقد ماينفعش
                  لازم اكيد اجيب واحدة تانية

                  بس ماعتقدش ان في اي واحدة تانية في الدنيا ممكن تملي مكانها او ممكن تسد الفراغ الي سببته المرحومة في التانك

                  الله المستعان
                  ،
                  ،
                  [CENTER][FONT=Lucida Sans Unicode][COLOR=darkred]Eng. Mohamed Sayed[/COLOR] [COLOR=black]|[/COLOR] [COLOR=sienna]MS Networking Trainer[/COLOR][/FONT][/CENTER]
                  [CENTER][FONT=Lucida Sans Unicode][COLOR=darkorange]IBIZA MK2 (Typ 6K) APQ 1.4 MPI R4 44KW - 60hp[/COLOR][/FONT][/CENTER]

                  [CENTER][SIGPIC][IMG]http://www.nilemotors.net/Nile/signaturepics/sigpic94704_5.gif[/IMG][/SIGPIC][/CENTER]
                  [CENTER]
                  [COLOR=DarkRed]صفحة القسم علي الفيس بوك[/COLOR]
                  [/CENTER]
                  [CENTER][URL]http://www.facebook.com/SeatNileMotors[/URL]

                  [COLOR=Navy]صفحتي الشخصية
                  [url]https://www.facebook.com/ITNetworksWay[/url]
                  [/COLOR] [/CENTER]

                  Comment


                  • #10
                    امبارح بعد اتصال تليفوني بكلا من الأستاذ احمد مبارك والمهندس ايهاب منصور
                    الأتنين اجمعوا علي اني لازم اشتري واحدة جديدة اضمن واحسن وان الطرمبة مافيهاش من التكنولوجيا او التعقيد الي يخليني اجيبها اصلي او استيراد بمعني ادق

                    فخلاص عقدت النية اني هنزل عند اشرف الشهابي في شارع دمشق اجيب واحدة من عنده وخلاص

                    بس طبعا لازم اروح لعصام لأنه كان قايلي هجيبلك واحدة استيراد

                    عديت عليه بالفعل بليل علشان اتأكد انه لسة ماجبهاش
                    لقيته بيقولي انها النهاردة ان شاء الله جاياله الظهر

                    وعليه

                    فانا مضطر كدة اركب بتاعة عصام الأستيراد

                    واتفقت معاه علي انها علي التجربة ولو مش عجباني هرجعها
                    وانا متأكدة من جوايا انه هو من نفسه لو لقاها مش حلوة مش هيجيبها ومش هيرضي يركبها

                    لأن عصام يختلف عن معظم الصنايعية في نقطة
                    لو في حاجة مش عجباه هو شخصيا مش بيرضي يركبها سواء هو الي جايبها او الزبون هو الي جايبها

                    فربنا يسهل ان شاء الله وتطلع حلوة

                    ادعولي بالتوفيق ان شاء الله

                    والله المستعان
                    ،
                    ،
                    [CENTER][FONT=Lucida Sans Unicode][COLOR=darkred]Eng. Mohamed Sayed[/COLOR] [COLOR=black]|[/COLOR] [COLOR=sienna]MS Networking Trainer[/COLOR][/FONT][/CENTER]
                    [CENTER][FONT=Lucida Sans Unicode][COLOR=darkorange]IBIZA MK2 (Typ 6K) APQ 1.4 MPI R4 44KW - 60hp[/COLOR][/FONT][/CENTER]

                    [CENTER][SIGPIC][IMG]http://www.nilemotors.net/Nile/signaturepics/sigpic94704_5.gif[/IMG][/SIGPIC][/CENTER]
                    [CENTER]
                    [COLOR=DarkRed]صفحة القسم علي الفيس بوك[/COLOR]
                    [/CENTER]
                    [CENTER][URL]http://www.facebook.com/SeatNileMotors[/URL]

                    [COLOR=Navy]صفحتي الشخصية
                    [url]https://www.facebook.com/ITNetworksWay[/url]
                    [/COLOR] [/CENTER]

                    Comment


                    • #11
                      المشاركة الأصلية كتبت بواسطة syd مشاهدة المشاركة
                      امبارح بعد اتصال تليفوني بكلا من الأستاذ احمد مبارك والمهندس ايهاب منصور
                      الأتنين اجمعوا علي اني لازم اشتري واحدة جديدة اضمن واحسن وان الطرمبة مافيهاش من التكنولوجيا او التعقيد الي يخليني اجيبها اصلي او استيراد بمعني ادق

                      فخلاص عقدت النية اني هنزل عند اشرف الشهابي في شارع دمشق اجيب واحدة من عنده وخلاص

                      بس طبعا لازم اروح لعصام لأنه كان قايلي هجيبلك واحدة استيراد

                      عديت عليه بالفعل بليل علشان اتأكد انه لسة ماجبهاش
                      لقيته بيقولي انها النهاردة ان شاء الله جاياله الظهر

                      وعليه

                      فانا مضطر كدة اركب بتاعة عصام الأستيراد

                      واتفقت معاه علي انها علي التجربة ولو مش عجباني هرجعها
                      وانا متأكدة من جوايا انه هو من نفسه لو لقاها مش حلوة مش هيجيبها ومش هيرضي يركبها

                      لأن عصام يختلف عن معظم الصنايعية في نقطة
                      لو في حاجة مش عجباه هو شخصيا مش بيرضي يركبها سواء هو الي جايبها او الزبون هو الي جايبها

                      فربنا يسهل ان شاء الله وتطلع حلوة

                      ادعولي بالتوفيق ان شاء الله

                      والله المستعان
                      ،
                      ،
                      بالتوفيق ان شاء الله
                      ويارب تعوضك عن المرحومة و متحسش بفراغ كبير
                      م / إيهاب منصور
                      SEAT CORDOBA 2002 1.0 16V AVZ

                      Comment


                      • #12
                        المشاركة الأصلية كتبت بواسطة ehab_mansour مشاهدة المشاركة
                        بالتوفيق ان شاء الله
                        ويارب تعوضك عن المرحومة و متحسش بفراغ كبير

                        ربنا يصلح الحال
                        والله يابشمهندس انا مش عايز منكم اكثر من دعواتكم ليا بالتوفيق

                        والحمد لله علي نعمة النسيان
                        المرحومة كانت بالنسبالي رمز كبير اوي

                        بس هنقول الله
                        دي سنة الحياة

                        انا مش هنسي وقفتها جمبي في مواقف كتير اوي

                        ووالله مش بهزر

                        هي لو قليلة الأصل كانت عملتها معايا في اليوم الي قبلها
                        انا كنت خارج انا والمدام والأولاد والحاج والحاجة واختي باولادها
                        وكنا في مشوار بعيد (ساعة لما اتصلت بيك وقلتلك انا في عين شمس)
                        لو كانت قليلة الأصل كانت عملتها علي الدائري الساعة 12 بليل ومعايا اسرتي
                        لكن ولاد الأصول هي دي شمائلهم
                        وصلتنا لحد البيت بفضل من الله

                        وتاني يوم لو كانت قليلة الأصل
                        كانت عملتها معايا علي الدائري ولا في القطامية ولا في اي حتة من دوول (اكيد تعرف محور الشهيد)
                        لكن بردو فضلت معايا لحد الطيران وعملتها قبل الشغل بمسافة 10 دقايق مشي وركنت تحت شجرة فحتة ضلة وبحري (وابقي اسأل احمد مبارك اهو جالي وشاف الموقع علي الطبيعة - ومش هقولك بقي علي الطراوة هناك عاملة ازاي ماسكة 3 نواصي) كنت شغال وانا مستمتع

                        اصيلة والله

                        والله المستعان
                        ،
                        ،
                        [CENTER][FONT=Lucida Sans Unicode][COLOR=darkred]Eng. Mohamed Sayed[/COLOR] [COLOR=black]|[/COLOR] [COLOR=sienna]MS Networking Trainer[/COLOR][/FONT][/CENTER]
                        [CENTER][FONT=Lucida Sans Unicode][COLOR=darkorange]IBIZA MK2 (Typ 6K) APQ 1.4 MPI R4 44KW - 60hp[/COLOR][/FONT][/CENTER]

                        [CENTER][SIGPIC][IMG]http://www.nilemotors.net/Nile/signaturepics/sigpic94704_5.gif[/IMG][/SIGPIC][/CENTER]
                        [CENTER]
                        [COLOR=DarkRed]صفحة القسم علي الفيس بوك[/COLOR]
                        [/CENTER]
                        [CENTER][URL]http://www.facebook.com/SeatNileMotors[/URL]

                        [COLOR=Navy]صفحتي الشخصية
                        [url]https://www.facebook.com/ITNetworksWay[/url]
                        [/COLOR] [/CENTER]

                        Comment


                        • #13
                          المشاركة الأصلية كتبت بواسطة syd مشاهدة المشاركة
                          ربنا يصلح الحال
                          والله يابشمهندس انا مش عايز منكم اكثر من دعواتكم ليا بالتوفيق

                          والحمد لله علي نعمة النسيان
                          المرحومة كانت بالنسبالي رمز كبير اوي

                          بس هنقول الله
                          دي سنة الحياة

                          انا مش هنسي وقفتها جمبي في مواقف كتير اوي

                          ووالله مش بهزر

                          هي لو قليلة الأصل كانت عملتها معايا في اليوم الي قبلها
                          انا كنت خارج انا والمدام والأولاد والحاج والحاجة واختي باولادها
                          وكنا في مشوار بعيد (ساعة لما اتصلت بيك وقلتلك انا في عين شمس)
                          لو كانت قليلة الأصل كانت عملتها علي الدائري الساعة 12 بليل ومعايا اسرتي
                          لكن ولاد الأصول هي دي شمائلهم
                          وصلتنا لحد البيت بفضل من الله

                          وتاني يوم لو كانت قليلة الأصل
                          كانت عملتها معايا علي الدائري ولا في القطامية ولا في اي حتة من دوول (اكيد تعرف محور الشهيد)
                          لكن بردو فضلت معايا لحد الطيران وعملتها قبل الشغل بمسافة 10 دقايق مشي وركنت تحت شجرة فحتة ضلة وبحري (وابقي اسأل احمد مبارك اهو جالي وشاف الموقع علي الطبيعة - ومش هقولك بقي علي الطراوة هناك عاملة ازاي ماسكة 3 نواصي) كنت شغال وانا مستمتع

                          اصيلة والله

                          والله المستعان
                          ،
                          ،
                          ولاد الأصول ميتعوضوش ابدا يا أفندم و ربنا يديمها علينا نعمه
                          م / إيهاب منصور
                          SEAT CORDOBA 2002 1.0 16V AVZ

                          Comment


                          • #14
                            البقاء لله وربنا يجعلها اخر الاحزان ويعوضك باللي يسعدك وما يوجعش قلبك تاني على غالي إهئ إهيئ إهئ
                            https://t.me/pump_upp

                            Comment


                            • #15
                              النهاردة روحت لعصام حسب الأتفاق
                              كلمته وقالي ان الطرمبة جاتله
                              خلصت الشغل ورحت جبت العربية وروحتله

                              فك الطرمبة الي كانت راكبة (طرمبة ايهاب اسماعيل) وركب الجديدة
                              الطرمبة الجديدة طرمبة جولف 4

                              بعد ماركب وقفل
                              طلعت اجرب
                              مفيش ادني فرق بينها وبين طرمبة ايهاب اسماعيل
                              العربية مكتومة ولما اقرص علي التاني تفضل تنتش وهي بتعلي الأر بي ام

                              رجعتله وقولتله الطرمبة دي ماتلزمنيش
                              فعلا الراجل فكها تاني

                              بس المرادي اديتله طرمبتي حبيبة قلبي
                              ربنا يارب يحفظها ويخليهالي

                              فعلا ركب طرمبتي القديمة
                              بدور
                              العربية دارت
                              صحيح بتعتل شوية في الدوارة بس دارت

                              المهم

                              طلعت اجرب
                              بسم الله ما شاء الله ولا قوة الا بالله

                              اول تاني 6 ار بي أم
                              تجميع من صفر ل 60 في حوالي 5 ثواني
                              اللهم صلي علي النبي
                              الله اكبر عليها

                              انا مش عارف بقي
                              هل الطرمبات كلها واحدة
                              ولا بتختلف من طرمبة للتانية

                              بمعني
                              هل الطرمبات الي بتكتم معايا لو ركبت في عربيات تانية هتشتغل كويس ولا بردو هتكتم ؟؟؟

                              انا مش عارف

                              بس انا شايف ان انسب طرمبة لعربيتي هي طرمبتي القديمة
                              وهي الوحيدة الي بسم الله ما شاء الله بتخلي العربية تنطلق زي الصاروخ وتجميع سريع

                              وعليه
                              انا نويت اشتري طرمبة جديدة vdo ان شاء الله
                              ويارب تطلع كويسة
                              ولحد لما اشتري الطرمبة اديني راكن العربية ومش هطلع بيها لحسن تعملها معايا تاني وتقطع المرادي في حتة مش كويسة

                              ادعولي بالتوفيق

                              والله المستعان
                              ،
                              ،
                              [CENTER][FONT=Lucida Sans Unicode][COLOR=darkred]Eng. Mohamed Sayed[/COLOR] [COLOR=black]|[/COLOR] [COLOR=sienna]MS Networking Trainer[/COLOR][/FONT][/CENTER]
                              [CENTER][FONT=Lucida Sans Unicode][COLOR=darkorange]IBIZA MK2 (Typ 6K) APQ 1.4 MPI R4 44KW - 60hp[/COLOR][/FONT][/CENTER]

                              [CENTER][SIGPIC][IMG]http://www.nilemotors.net/Nile/signaturepics/sigpic94704_5.gif[/IMG][/SIGPIC][/CENTER]
                              [CENTER]
                              [COLOR=DarkRed]صفحة القسم علي الفيس بوك[/COLOR]
                              [/CENTER]
                              [CENTER][URL]http://www.facebook.com/SeatNileMotors[/URL]

                              [COLOR=Navy]صفحتي الشخصية
                              [url]https://www.facebook.com/ITNetworksWay[/url]
                              [/COLOR] [/CENTER]

                              Comment

                              Working...
                              X