اكشف علي ابيزا 94 فيين

[AhmedMetwally]

عايز اكشف علي الابيزا 94 كربيراتير اكشف عليها فيين انا الباشمهندس ايهاب منصور قالي علي المكان في مكملتنا التليفونيه بس سجلتو علي فيل وطاااااااااااااار

فا ياريت حد يقولي عشان انا رايح اشوف واحده النهارده وياريت يكون في جسر السويس او مدينه نصر ويكون امين عشان انا سمعت ان الحوار ده بيبقي في لعب بين المكان والبايع عشان يلبسو المشتري
وشكرا ليكم كلكم

[sameh_se]

بنزينة كالتكس الى فى اخر عباس العقاد والله اعلم

[ehab_mansour]

فيه ناس كتير كشفت عند مركز صيانة بتاع هاني عصمت و محمد سمير خلف حديقة بدر بجسر السويس بتخلي حديقة بدر علي يمينك و انت جاي من ناحية الحرفيين ولما تخلص الحديقة بتدخل يمين و بعد ما بتعدي مزلقان القطار بتلاقي المركز علي يمينك دول أشهر من يعمل في مجموعة فولكس عموما
وفيه ناس كتير في الحرفيين شغالين في فولكس و بيكشفو ايضا
وربنا ييسرلك الحال و يوفقك للخير و لاتنسي الاستخارة قبل الشراء
والله المستعان

[SYD]

ربنا يوفقك

انا طبعا للأسف معرفش حد ممكن تكشف عنده علي العربية
سواء في مدينة نصر او في الهرم حتي

بس انا داخل اقولك علي شوية حاجات كدة

اولا: الكيلومتر مش معيار تماما للتقييم عند الشراء

ثانيا: لو لقيت حالة الموتور تعبانة بس العربية عجباك فدة من اسهل ما يكون في العربيات دي انك تغير شورت بلوك او حتي مكنة كاملة

ثالثا: الصالون والطابلوه وحالة الفرش اهم من وجهة نظري من الموتور نفسه وبيصرفوا اكتر من موتور
يعني ماتجيش تقول : الصالون متبهدل مش مشكلة بس فيها مكنة حكاية
انت عشان تجيب فرش للأربع ابواب وطابلوه بثمن مثلا شورت بلوك ويمكن اغلي كمان

رابعا: لو مسقط مكنة فوق 1400 حاول تفاصل معاه لأن كدة معناها انه مغير في العفشة و في الفرامل وهتدوخ بعد كدة علي قطع الغيار لأنك كل ماهتيجي تجيب قطعة غيار مش هينفع تقوله موديل العربية - لا لازم هتقوله موديل قطعة الغيار
يعني هتبقي راكب ابيزا مثلا 94 1300 سي سي بس هتشتري مثلا تيل جولف 2 وممكن يكون مركب طنابير مثلا كوردوبا او اي موديل اخر في الفولكس زي الجيتا ثمانينيات وهكذا العفشة دة غير بقي قطع غيار الميكانيكا دة هيبقي موال تاني

خامسا: اهتم بحالة الكاوتش والبطارية

سادسا: من غير ما اقول طبعا الدواخل والقوايم والحوض والشنطة

ربنا يقدم الي فيه الخير

والله المستعان
،
،

[matrix012]

فيه ناس كتير كشفت عند مركز صيانة بتاع هاني عصمت و محمد سمير خلف حديقة بدر بجسر السويس بتخلي حديقة بدر علي يمينك و انت جاي من ناحية الحرفيين ولما تخلص الحديقة بتدخل يمين و بعد ما بتعدي مزلقان القطار بتلاقي المركز علي يمينك دول أشهر من يعمل في مجموعة فولكس عموما
وفيه ناس كتير في الحرفيين شغالين في فولكس و بيكشفو ايضا
وربنا ييسرلك الحال و يوفقك للخير و لاتنسي الاستخارة قبل الشراء
والله المستعان

تصدق انى ساكن جمب المركز بتاع هانى وعصمت وبشوف كل يوم طابور عربيات فولكس وسيات عندهم بس مفكرتش مره انى اقف اشوف بيعمله ايه علشان الحته ديه زحمه شويه وفيها مطبات ملهاش حل وكمان انا بروح ضايع ومش شايف قدامى بس ان شاء الله فى اقرب فرصه اروح عندهم
بس انا كنت بسئل الكشف بالجهاز ده بيبين ايه او حضرتك عاوز تكشف على العربيه ليه ؟؟
وربنا يستر طريقى وطريقكم

[ehab_mansour]

تصدق انى ساكن جمب المركز بتاع هانى وعصمت وبشوف كل يوم طابور عربيات فولكس وسيات عندهم بس مفكرتش مره انى اقف اشوف بيعمله ايه علشان الحته ديه زحمه شويه وفيها مطبات ملهاش حل وكمان انا بروح ضايع ومش شايف قدامى بس ان شاء الله فى اقرب فرصه اروح عندهم
بس انا كنت بسئل الكشف بالجهاز ده بيبين ايه او حضرتك عاوز تكشف على العربيه ليه ؟؟
وربنا يستر طريقى وطريقكم

الكشف بالكمبيوتر بيبين لو فيه اي أعطال مسجلها كنترول العربية و في حالة الابيزا 94 بيبين أعطال حساسات المحرك فقط لأنها مافيهاش غير كنترول للمحرك ال 1300 بس و لكن في الموديلات الأعلي مثلا زي ال 98 الكنترول بيبين أعطال حساسات المحرك و بيعمل check علي شاشة العدادات أيضا و بيعدل في service interval في العدادات لأنها ديجيتال و لكن في ال 94 العدادات مش ديجيتال

في الكوردوبا مثلا ال 2001 الكشف بيكون علي المحرك و حساساته و التكيف التاتش و الكاسيت و الايرباج لأن كل ده ديجيتال و متصل بحساسات بكنترول العربية لذلك الكشف بيقدر يظهر اي مشاكل لأي أجزاء في العربية تربطها حساسات بكنترول العربية و هكذا الموديلات الاعلي

في الابيزا ال 2010 الكشف بالكمبيوتر بيبين وجود اي أعطال في المحرك و الفتيس و أنظمة الفرامل و الايرباج و التكييف و الكاسيت و السنتر و الانذار لان كل جزء من دول فيه وحدة كنترول مصغرة بتدير عمله و كله مرتبط في الأخر بوحدة الكنترول الرئيسية للعربية ecu والتي بدورها بتدير عمل كل هؤلاء و بتبين اي أعطال بتحصل في اي جزء منهم

[AhmedMetwally]

فيه ناس كتير كشفت عند مركز صيانة بتاع هاني عصمت و محمد سمير خلف حديقة بدر بجسر السويس بتخلي حديقة بدر علي يمينك و انت جاي من ناحية الحرفيين ولما تخلص الحديقة بتدخل يمين و بعد ما بتعدي مزلقان القطار بتلاقي المركز علي يمينك دول أشهر من يعمل في مجموعة فولكس عموما
وفيه ناس كتير في الحرفيين شغالين في فولكس و بيكشفو ايضا
وربنا هلمستعان

شكرا والله يا باشمهندس ايهاب انا تعبتك معايا يا باشا ربنا يكرمك

ربنا يوفقك

انا طبعا للأسف معرفش حد ممكن تكشف عنده علي العربية
سواء في مدينة نصر او في الهرم حتي

بس انا داخل اقولك علي شوية حاجات كدة

اولا: الكيلومتر مش معيار تماما للتقييم عند الشراء

ثانيا: لو لقيت حالة الموتور تعبانة بس العربية عجباك فدة من اسهل ما يكون في العربيات دي انك تغير شورت بلوك او حتي مكنة كاملة

ثالثا: الصالون والطابلوه وحالة الفرش اهم من وجهة نظري من الموتور نفسه وبيصرفوا اكتر من موتور
يعني ماتجيش تقول : الصالون متبهدل مش مشكلة بس فيها مكنة حكاية
انت عشان تجيب فرش للأربع ابواب وطابلوه بثمن مثلا شورت بلوك ويمكن اغلي كمان

رابعا: لو مسقط مكنة فوق 1400 حاول تفاصل معاه لأن كدة معناها انه مغير في العفشة و في الفرامل وهتدوخ بعد كدة علي قطع الغيار لأنك كل ماهتيجي تجيب قطعة غيار مش هينفع تقوله موديل العربية - لا لازم هتقوله موديل قطعة الغيار
يعني هتبقي راكب ابيزا مثلا 94 1300 سي سي بس هتشتري مثلا تيل جولف 2 وممكن يكون مركب طنابير مثلا كوردوبا او اي موديل اخر في الفولكس زي الجيتا ثمانينيات وهكذا العفشة دة غير بقي قطع غيار الميكانيكا دة هيبقي موال تاني

خامسا: اهتم بحالة الكاوتش والبطارية

سادسا: من غير ما اقول طبعا الدواخل والقوايم والحوض والشنطة

ربنا يقدم الي فيه الخير

والله المستعان
،
،

تمام يا باشمهندس محمد وانا هقولك انا عملت ايه ان شاء الله واوصفلك حاله العربيه

الكشف بالكمبيوتر بيبين لو فيه اي أعطال مسجلها كنترول العربية و في حالة الابيزا 94 بيبين أعطال حساسات المحرك فقط لأنها مافيهاش غير كنترول للمحرك ال 1300 بس و لكن في الموديلات الأعلي مثلا زي ال 98 الكنترول بيبين أعطال حساسات المحرك و بيعمل check علي شاشة العدادات أيضا و بيعدل في service interval في العدادات لأنها ديجيتال و لكن في ال 94 العدادات مش ديجيتال

في الكوردوبا مثلا ال 2001 الكشف بيكون علي المحرك و حساساته و التكيف التاتش و الكاسيت و الايرباج لأن كل ده ديجيتال و متصل بحساسات بكنترول العربية لذلك الكشف بيقدر يظهر اي مشاكل لأي أجزاء في العربية تربطها حساسات بكنترول العربية و هكذا الموديلات الاعلي

في الابيزا ال 2010 الكشف بالكمبيوتر بيبين وجود اي أعطال في المحرك و الفتيس و أنظمة الفرامل و الايرباج و التكييف و الكاسيت و السنتر و الانذار لان كل جزء من دول فيه وحدة كنترول مصغرة بتدير عمله و كله مرتبط في الأخر بوحدة الكنترول الرئيسية للعربية ecu والتي بدورها بتدير عمل كل هؤلاء و بتبين اي أعطال بتحصل في اي جزء منهم

هو مش بيكشف علي العربيه كلها يعني كبس موتور وعفشه وشاسيه والكلام ده ولا كهربتها بس
وانا كنت قريت علي منتدي تاني انه محمد سكير بطل يكشف علي عربيات ابيزا 94 خلاص وفي مراكز خدمه معتمده زي اوتو ماجد ده ممكن اكشف عنده برضه ولا ايه

[AhmedMetwally]

حكاتيع مع اول عربيه اعينها

انا هحكي الموضوع من طقطق ل سلامو عليكم
انا اتصلت بصاحب العربيه قبل ما اروحله بيوم عسان اظبط معاها الميعاد قالي في اي وقت وتشرف وكده قولتله يعني اجيلك بكره قالي في اي وقت

خلصت شغل وخبطت مشوار من اكتوبر للعباسيه اجيب واحد صحبي معايا يشوفها وانا في العباسيه اتصلت بيه كزا مره يكنسل وميردش وكده علي الحوار ده يجي ساعه المهم قلت اتقل انا مش هخبط المشوار ده كله علي الفاضي وارجع بنها تاني المهم بعد فتره رد وقالي المفتاح مع البواب روح شوفها وبعد لف شويه وسوال واتصلات وصلت للعربيه طبعا الدنيا ضلمه والبواب مرضيش يحرك العربيه من مكنها اتصلت بصحبها قالي هو مينفعش يحركها تعالي عينها بكره بقي بالنهار بعد الساعه 4 المهم قالت اعاي ن اللي اعينه وعلي ضوء كشاف موبيلي ربنا يكرمه عاينت انا وزميلي علي قد ما قدرنا واليكم النتايج

عربيه شلها كويس من الشنطه الفانوس في حته قزاز وقعه بس شغال
العتب بتاع باب السواق والباب اللي وراه مرشوس بس رش اي كلام لان البويه مسيله
عليه وباين اوي صحبي قالي ممكن تكون خبطه او حكه في رصيف بس هو خايف تكون خبطه ومعديه في الشاسيه وهتتشاف من تحت نزلت انا ابص تحتها مشفتش خبطه يعني بس انا مفهمش فيها اصلا بس حاولت ولقيت صاجه بطول العربيه من تحت مغطياها هيه دي موجود اصلا وازا كانت كده يبقي انا هكشف عفشه ازاي ما علينا
فتحت الكبوت بان من جوه ان في خبطه في الكرتيره ومردوده علي البارد لان راس الشاكوش معلمه فيها وسايبه حتت بيضا بالخبطه مسمعه جوه بس مش اوي (هو صاحبها قالي مش رشه دواخل بس انا كنت فاهم ان معناها ان متخبطتش من جوه مش معناها انا اتخبطت وانا مرشتهاش )
بعد محيله البواب دور الموتور فتحنا بتاع كده مش عارف اسمها ايه بس بتشوف حركه من جوها المهم صحبي حط ايده قالي بتنطر زيت بس خفيف اوي وتحسه لسعته علي ايدك لما تسخن بس انا متشوفوش علي ايدك او تحس بيه
الشنب كويس بس مشفناش الحته اللي فيها البطاريه ولا القرب لاننا محركنهمش
الكوتش اللي ورا متاكل عن اللي القدام بس الاتنين بحاله جيده يعني
الصالون والتابلوه شكلهم كويسين بس انا لقيت فيها ار بي ام وتقريبا كنت قريت انها مش بيبقي في العداد ده
القاويم كويسه
ده كل اللي شفته وعايز رايكم يا اهل الخبره في اللي انا شفته ده

[ehab_mansour]

بخصوص موضوع الكشف فانت ممكن تكشف في اي مكان تاني غير محمد سمير لو بطل يشتغل فيها
بخصوص كشفك ده فانا مش فاهم صاجة اه اللي تحت العربية لأنك اكيد فاهم غلط لأنك لو نمت في نص العربية هتلاقي بطن العربية و المنطقة دي مافيهاش عقشة ولا حاجه العفشة كلها قدام و وري بس
فأكيد انت تقصد بطن العربية لأن مينفعش يركب تحتها اي صاج
بالنسبة للدهان طلاما صاحبها داهن فيها اماكن لسه جديدة حتي ولو عاتبة واحده و طالما العربية عند حوض الموتور فيها دق و رد علي البارد يبقي رأيي تبعد عنها لأنه محتمل تكون مخبوطة او فيها خبطات وهو مظبطها اي كلام عشان يبيعها و خلاص
غير كده الباقي لازم يكشف عليه حد بيفهم في العربيات دي عشان يفيدك
بعد كل ده انت مقلتش لا علي سعر ولا علي كماليات ولا علي موديل و لا علي محرك كام سيسي عشان نقدر نقيم معاك الموضوع

والله الموفق

[SYD]

مبدأيا كدة
كشف بليل دة ماينفعش علي نور الموبايل
لازم تتشاف الصبح في نور ربنا

عربيه شلها كويس من الشنطه الفانوس في حته قزاز وقعه بس شغال

بسيطة

العتب بتاع باب السواق والباب اللي وراه مرشوس بس رش اي كلام لان البويه مسيله
عليه وباين اوي صحبي قالي ممكن تكون خبطه او حكه في رصيف بس هو خايف تكون خبطه ومعديه في الشاسيه وهتتشاف من تحت نزلت انا ابص تحتها مشفتش خبطه يعني بس انا مفهمش فيها اصلا بس حاولت ولقيت صاجه بطول العربيه من تحت مغطياها هيه دي موجود اصلا وازا كانت كده يبقي انا هكشف عفشه ازاي ما علينا

يعني ايه صاجة بطول العربية
العربيات دي بتنزل من غير مصفحة
الا لو هو مركبلها مصفحة
بس عموما خبطات العتب دي واردة ومفيهاش حاجة طالما مش لاوحة العربية
ولو بصيت علي كل الأبيزا هتلاقي العتب متني ومتبهدل من شوارعنا الجميلة

فتحت الكبوت بان من جوه ان في خبطه في الكرتيره ومردوده علي البارد لان راس الشاكوش معلمه فيها وسايبه حتت بيضا بالخبطه مسمعه جوه بس مش اوي (هو صاحبها قالي مش رشه دواخل بس انا كنت فاهم ان معناها ان متخبطتش من جوه مش معناها انا اتخبطت وانا مرشتهاش )

ماينفعش الوصف دة
انت شوفت ايه ؟؟
عموما لو في دق في الحوض يبقي سيبك منها
لو انت قبلتها علي الوضع دة
لما تيجي تغير - مش هتلاقي الي يقبل بيه

بعد محيله البواب دور الموتور فتحنا بتاع كده مش عارف اسمها ايه بس بتشوف حركه من جوها المهم صحبي حط ايده قالي بتنطر زيت بس خفيف اوي وتحسه لسعته علي ايدك لما تسخن بس انا متشوفوش علي ايدك او تحس بيه

بخر الموتور دة طبيعي
بس بيبقي خفيف اوي مش بخر لدرجة انه يغرق ايدك زيت

الشنب كويس بس مشفناش الحته اللي فيها البطاريه ولا القرب لاننا محركنهمش
الكوتش اللي ورا متاكل عن اللي القدام بس الاتنين بحاله جيده يعني
الصالون والتابلوه شكلهم كويسين بس انا لقيت فيها ار بي ام وتقريبا كنت قريت انها مش بيبقي في العداد ده

لآء نزل منها موديل فيه ار بي ام وساعة ديجيتال زي ماقولتلك في التليفون

القاويم كويسه
ده كل اللي شفته وعايز رايكم يا اهل الخبره في اللي انا شفته ده

انا رأيي سيبك منها لأنها مش صفقة اوي
ودور تاني علي حالة احسن
الا لو سعرها واقع اوي

هو قالك كام ؟؟

ربنا يقدم الي فيه الخير

والله المستعان
،
،