Tweet
السلام عليكم ورحمة الله وبركاته
كنت وعدتكم قبل كدة بعمل موضوع عن فك وتغيير رشاشات الأنجيكشن
والحمد لله وبفضله الموضوع اهو بين ايديكم مدعم بالصور
نبدأ بسم الله الرحمن الرحيم
الأدوات المطلوبة
1- مفك صليبة
2- بيبة مقاس 10
3- مفتاح الانكيه طويل مقاس 5
4- بنسة (زرادية)
الخطوات
1- هتفك وش الموتور الي مكتوب عليه 1.0 وعلامة سيات الفضية
هتلاقي 3 صامولات مقاس 10 هتفكهم بالبيبة ال10
2- هتفك العمة بالمفك الصليبة من المسامير المرقمة من 1 - 4
وهتلاقي فيها من تحت خرطوم فايظ الزيت - هتفكه بهدوء بأيدك
3- هتفك خرطوم الفاكيوم الخارج من البوابة والواصل بمبخر البنزين بأيدك
4- هتفك خرطوم الفاكيوم الخارج من المنافولد والواصل بالمسطرة من طرفها اليمين
5- هتفك سلك الأسبراتير بأيدك
6- هتفك فيش الرشاشات من الكلبسات بتاعتها بأيدك
7- هتفك فيشة ساعة الزيت بجوار الرشاش الأول بأيدك
8- هتفك خرطوم البنزين الداخل بالبنسة لو كان الكوليه الأصلي او بالمفك الصليبة لو كان كوليه عادي بمسمار ودة هتلاقيه علي شمال المسطرة (ورا فيشة الرشاش الأول من ناحية الكاتينة)
9- هتفك خرطوم البنزين الراجع بالبنسة لو كان الكوليه الأصلي او بالمفك الصليبة لو كان كوليه عادي بمسمار ودة هتلاقيه علي يمين المسطرة وبصراحة مكانه رخم حبتين
10- هتفك المسمارين الألانكيه في ظهر المسطرة من ناحية المنافولد
بس خلي بالك كويس وانت بتفك عشان المسامير ماتوقعش منك لأنهم مزنوقين شوية
يستحسن في نهاية الفك - تسند المسمار بصباعك وانت ماسك الألانكيه
11- بحرص شديد جدا هتمسك المسطرة وتشد لفوق وبرة عشان تفك الرشاشات من وش السلندر
12- هتلاقي علي كل رشاش قفل معدن عامل زي الكلبس بيمسك الرشاش في المسطرة
هتوسعه بأيدك او بمفك عادة ان لزم الأمر
13- هتشد الرشاش لبرة وخلي بالك من الجوان الكاوتش الراكب في الرشاش عشان ممكن يفضل مزنوق جوة المسطرة
لحد كدة انت فكيت المسطرة ورشاشات الأنجيكشن
هندخل دلوقتي علي مرحلة التنظيف ودي كانت في موضوع منفصل بس انا هكررها تاني هنا في الموضوع عشان يبقي الموضوع متكامل بالفك والتنظيف
الأدوات المطلوبة
1- سرنجة طبية 20 مل
2- علبة منظف كربراتير ABRO
3- مصدر طاقة 12 فولت بأمبير مرتفع (وليكن بطارية العربية بس بعد فصل اقطابها لتجنب اي مشاكل)
تجهيز السرنجة
هتفك كباس السرنجة من الحقنة
هتلاقي في طرفه كاوتشة سودا (علشان احكام الضغط)
هتفك الكاوتشة من الكباس (البستم بتاع الحقنة)
هتخرم الكاوتشة خرم لا يتعدي حجم العدس (انا شخصيا خرمتها بمسمار سخن)
هتخرم جسم السرنجة من ناحية الفوهة بتاعه الأبرة من جنب السرنجة (كما هو متضح من الصور)
الخطوات
1- هتركب كاوتش الكباس في طرف الأنجكتور
2- هتحاول تحشر الأنجكتور بالكاوتشة في السرنجة
3- هتملي السرنجة بالمنظف
ملحوظة علي المنظف
المنظف حامي جدا علي الجلد وبيسبب حكة وحرقان لو نزل منه شوية علي ايدك
ويفضل تجيب جمبك زجاجة مياة لتنظيف ايدك فورا لو نزل شوية عليها
4- هتوصل كهرباء للأنجكتور
ملحوظة قبل التوصيل
وقف السرنجة وهي راكب فيها الأنجكتور شوية لحد لما يتملي من جواه بالمنظف وهتلاحظ ملؤه من حركة المنظف بالسرنجة واخراج الأنجكتور للهواء مكان السائل بشكل يشبه الفوران
5- هتسد الأخرام بتاعة السرنجة (خرم من فوق - مكان الأبرة - الخرم التاني الي انت لسة عاملة من شوية)
هتلاقي الرشاش بيضخ المنظف
في البداية هيبقي بينقط
ثم بعد ذلك نزول المنظف بشكل غير منتظم
ثم بعد ذلك هتلاقيه بيرش كأنه جوة المسطرة بتاعته
عايز تقلبه وتنظفه عكس - مفيش مشاكل
بس بشرط
ترجع تعدله تاني وتعيد التنظيف وهو عدل
كدة كمان خلص موضوع التنظيف
هترجع تركب بنفس الترتيب الي خلعت بيه
وتتأكد من تركيب جميع الخراطيم والكلبسات والفيش
أتمني الموضوع يحوز علي اعجابكم
وفي انتظار الردود والتعليقات
والله المستعان
،
،
كنت وعدتكم قبل كدة بعمل موضوع عن فك وتغيير رشاشات الأنجيكشن
والحمد لله وبفضله الموضوع اهو بين ايديكم مدعم بالصور
نبدأ بسم الله الرحمن الرحيم
الأدوات المطلوبة
1- مفك صليبة
2- بيبة مقاس 10
3- مفتاح الانكيه طويل مقاس 5
4- بنسة (زرادية)
الخطوات
1- هتفك وش الموتور الي مكتوب عليه 1.0 وعلامة سيات الفضية
هتلاقي 3 صامولات مقاس 10 هتفكهم بالبيبة ال10
2- هتفك العمة بالمفك الصليبة من المسامير المرقمة من 1 - 4
وهتلاقي فيها من تحت خرطوم فايظ الزيت - هتفكه بهدوء بأيدك
3- هتفك خرطوم الفاكيوم الخارج من البوابة والواصل بمبخر البنزين بأيدك
4- هتفك خرطوم الفاكيوم الخارج من المنافولد والواصل بالمسطرة من طرفها اليمين
5- هتفك سلك الأسبراتير بأيدك
6- هتفك فيش الرشاشات من الكلبسات بتاعتها بأيدك
7- هتفك فيشة ساعة الزيت بجوار الرشاش الأول بأيدك
8- هتفك خرطوم البنزين الداخل بالبنسة لو كان الكوليه الأصلي او بالمفك الصليبة لو كان كوليه عادي بمسمار ودة هتلاقيه علي شمال المسطرة (ورا فيشة الرشاش الأول من ناحية الكاتينة)
9- هتفك خرطوم البنزين الراجع بالبنسة لو كان الكوليه الأصلي او بالمفك الصليبة لو كان كوليه عادي بمسمار ودة هتلاقيه علي يمين المسطرة وبصراحة مكانه رخم حبتين
10- هتفك المسمارين الألانكيه في ظهر المسطرة من ناحية المنافولد
بس خلي بالك كويس وانت بتفك عشان المسامير ماتوقعش منك لأنهم مزنوقين شوية
يستحسن في نهاية الفك - تسند المسمار بصباعك وانت ماسك الألانكيه
11- بحرص شديد جدا هتمسك المسطرة وتشد لفوق وبرة عشان تفك الرشاشات من وش السلندر
12- هتلاقي علي كل رشاش قفل معدن عامل زي الكلبس بيمسك الرشاش في المسطرة
هتوسعه بأيدك او بمفك عادة ان لزم الأمر
13- هتشد الرشاش لبرة وخلي بالك من الجوان الكاوتش الراكب في الرشاش عشان ممكن يفضل مزنوق جوة المسطرة
لحد كدة انت فكيت المسطرة ورشاشات الأنجيكشن
هندخل دلوقتي علي مرحلة التنظيف ودي كانت في موضوع منفصل بس انا هكررها تاني هنا في الموضوع عشان يبقي الموضوع متكامل بالفك والتنظيف
الأدوات المطلوبة
1- سرنجة طبية 20 مل
2- علبة منظف كربراتير ABRO
3- مصدر طاقة 12 فولت بأمبير مرتفع (وليكن بطارية العربية بس بعد فصل اقطابها لتجنب اي مشاكل)
تجهيز السرنجة
هتفك كباس السرنجة من الحقنة
هتلاقي في طرفه كاوتشة سودا (علشان احكام الضغط)
هتفك الكاوتشة من الكباس (البستم بتاع الحقنة)
هتخرم الكاوتشة خرم لا يتعدي حجم العدس (انا شخصيا خرمتها بمسمار سخن)
هتخرم جسم السرنجة من ناحية الفوهة بتاعه الأبرة من جنب السرنجة (كما هو متضح من الصور)
الخطوات
1- هتركب كاوتش الكباس في طرف الأنجكتور
2- هتحاول تحشر الأنجكتور بالكاوتشة في السرنجة
3- هتملي السرنجة بالمنظف
ملحوظة علي المنظف
المنظف حامي جدا علي الجلد وبيسبب حكة وحرقان لو نزل منه شوية علي ايدك
ويفضل تجيب جمبك زجاجة مياة لتنظيف ايدك فورا لو نزل شوية عليها
4- هتوصل كهرباء للأنجكتور
ملحوظة قبل التوصيل
وقف السرنجة وهي راكب فيها الأنجكتور شوية لحد لما يتملي من جواه بالمنظف وهتلاحظ ملؤه من حركة المنظف بالسرنجة واخراج الأنجكتور للهواء مكان السائل بشكل يشبه الفوران
5- هتسد الأخرام بتاعة السرنجة (خرم من فوق - مكان الأبرة - الخرم التاني الي انت لسة عاملة من شوية)
هتلاقي الرشاش بيضخ المنظف
في البداية هيبقي بينقط
ثم بعد ذلك نزول المنظف بشكل غير منتظم
ثم بعد ذلك هتلاقيه بيرش كأنه جوة المسطرة بتاعته
عايز تقلبه وتنظفه عكس - مفيش مشاكل
بس بشرط
ترجع تعدله تاني وتعيد التنظيف وهو عدل
كدة كمان خلص موضوع التنظيف
هترجع تركب بنفس الترتيب الي خلعت بيه
وتتأكد من تركيب جميع الخراطيم والكلبسات والفيش
أتمني الموضوع يحوز علي اعجابكم
وفي انتظار الردود والتعليقات
والله المستعان
،
،
Comment