شنطه ابيزا 98

[hamada_elzayat]

انا كنت بشوف عربيه ابيزا 98 النهارده وجبت واحد من اللى بيفهموا (انا ماليش فيها خالص ) وقالى العربيه كويسه بس انا شوفت لما شيلت فرش الشنطه من ناحيه اليمين فى الصاج اكن فيه صاج تانى فوق الصاج والراجل اللى انا جايبه قالى بتاع الفبريكه بس مش عارف مش مستريح
فعايز اعرف الصاج من جوه الشنطه من ناحيه اليمين بيكون فيه حاجه زى كده فعلا ولا بيكون مستوى واحد ( حته واحده ) على فكره انا مشوفتش الجمب الشمال
واحد قالى يمكن التلبيسه بتاعه تانك البنزبن
افيدونى افادكم الله

[SYD]

انا كنت بشوف عربيه ابيزا 98 النهارده وجبت واحد من اللى بيفهموا (انا ماليش فيها خالص ) وقالى العربيه كويسه بس انا شوفت لما شيلت فرش الشنطه من ناحيه اليمين فى الصاج اكن فيه صاج تانى فوق الصاج والراجل اللى انا جايبه قالى بتاع الفبريكه بس مش عارف مش مستريح
فعايز اعرف الصاج من جوه الشنطه من ناحيه اليمين بيكون فيه حاجه زى كده فعلا ولا بيكون مستوى واحد ( حته واحده ) على فكره انا مشوفتش الجمب الشمال
واحد قالى يمكن التلبيسه بتاعه تانك البنزبن
افيدونى افادكم الله

دة طبيعي جدا
ولو كنت مديت ايدك تحت الصاج الي تقصده
كنت هتلاقي طرمبة الهوا بتاعة السنتر

وهو مش طبقة تانية ولا حاجة
دي عبارة عن قايم صاج بيتركب فيه طرمبة الهوا للسنتر
وبردو صباع السنتر بتاع باب تانك البنزين بيبقي وراه

والتانك عموما تحت الكنبة
مش يمين شنطة العربية

تحياتي


والله المستعان
،
،

[hamada_elzayat]

الله يعزك ويطمنك يا سعاده الباشا

طب وده بيكون فى الناحيتين ولا ناحيه واحده ؟

[hamada_elzayat]

واسف معلش اسألتى كتير

العربيه بيتعملها عمره صاج عشان الفحص بتاعها قرب وهيا من غير تكييف وموتورها 1000 ( اللى اعرفه انه الاستوك بتاعها الاصلى ) وفيريكه دواخل وطبعا الرش الخارجى حيكون جديد

تعمل فى حدود كام تقريبا

[hamada_elzayat]

العربيه طلعت 1400 انجكشن من 1000

[SYD]

الله يعزك ويطمنك يا سعاده الباشا

طب وده بيكون فى الناحيتين ولا ناحيه واحده ؟

لا دة من ناحية واحدة
اليمين فقط علي ما اعتقد

واسف معلش اسألتى كتير

العربيه بيتعملها عمره صاج عشان الفحص بتاعها قرب وهيا من غير تكييف وموتورها 1000 ( اللى اعرفه انه الاستوك بتاعها الاصلى ) وفيريكه دواخل وطبعا الرش الخارجى حيكون جديد

تعمل فى حدود كام تقريبا

لا يا باشا اتفضل مفيش مشاكل
والله لو العربية فاضية خالص وسواء بالموتور ال1000 او ال1400 هتعمل في حدود من 28 ل 30 علي حسب حالتها وباقي مكوناتها زي الفرش والطابلوه وحالة الكاوتش وحالة الموتور والبطارية وكل الكلام الباقي

وكل لما يبقي فيها كماليات السعر بيختلف
لحد لما تبقي كاملة (باور - زجاج - مرايات - سنتر - مفتاح بالريموت) ودي بتعمل من 32 لحد 35 علي حسب الحالة بردو كما سبق

العربيه طلعت 1400 انجكشن من 1000

مش هتفرق كتير
ال1400 بيركب مكان ال1000 علي نفس اداوت التغذية بالظبط ومش بيحتاج لأي تعديلات تاني زي الفرامل والعفشة والكنترول والفتيس
وبالتالي مش بيفرق في سعر العربية او يقلل منها
الكلام دة لو كان 1600 او 1800 او 2000
هو الي يقلل منها لأنك بتغير كل ماسبق وبالتالي العربية بتبقي مشكلة من كل فيلم أغنية ولما تيجي تجيب قطع غيارها بتوه وبتبقي مش عارف تجيب للجولف ولا البولو ولا الأبيزا
لذلك لا ينصح بال1600 وما اعلي

اتمني تكون الفكرة وصلت لحضرتك

ربنا يوفقك

والله المستعان
،
،

[hamada_elzayat]

طب سؤال تانى طمعا فى كرم حضرتك ورغبه فى المعرفه
ممكن لو حبيت اقلبها اوتوماتيك قدام الموتور ده بيركب عليه فيتيس اوتوماتك ولا لأ وفى حدود كام ؟

والله انا محرج من كتر الاسئله بس الغريب اعمى ولو كان بصير وانا حاسس انى اعمى وسط ناس بيشوفوا وانا الوحيد الجاهل ودى او حاجه ليا وشوفت فى خلال 20 يوم محاولات نصب بالهبل

[SYD]

طب سؤال تانى طمعا فى كرم حضرتك ورغبه فى المعرفه
ممكن لو حبيت اقلبها اوتوماتيك قدام الموتور ده بيركب عليه فيتيس اوتوماتك ولا لأ وفى حدود كام ؟

والله انا محرج من كتر الاسئله بس الغريب اعمى ولو كان بصير وانا حاسس انى اعمى وسط ناس بيشوفوا وانا الوحيد الجاهل ودى او حاجه ليا وشوفت فى خلال 20 يوم محاولات نصب بالهبل

للأسف المكنة ال1400 مش نازلها فتيس اوتوماتيك
الأوتوماتيك نازل من اول ال1600 فيما فوق

كلنا كنا كدة اول لما جبينا العربية
واخوانا هنا علمونا كل حاجة

ربنا يكرمك فيها ان شاء الله ويجعلها قدم خير عليك

والله المستعان
،
،

[hamada_elzayat]

ؤبنا يكرمك ويجازيك خير يا باشا

[SYD]

ؤبنا يكرمك ويجازيك خير يا باشا

شرفت يا باشا

رنا يوفقك فيها ان شاء الله
ونشوف مشاركات لحضرتك
وتعملنا تقرير مصور بيها

والله المستعان
،
،

[hamada_elzayat]

ان شاء الله لو كان ليا فيها نصيب حعمل تقرير كامل وارفعه ان شاء الرحمن

بس ممكن اعرف هو غطاء الموتور بيبقى عليه علامه سيات و 1.0 ده كده يبقى الموتور 1000 ولا ممكن يكون زى ما الناس قالت 1400 بس الوش هو كده ؟ انا لسه مبصتش فى رخص العربيه

معلش سؤال كمان هو معدل استهلاك ال 1400 قد ايه ؟ وبتاخد بنزين ايه 80 وولا 90

[SYD]

ان شاء الله لو كان ليا فيها نصيب حعمل تقرير كامل وارفعه ان شاء الرحمن

بس ممكن اعرف هو غطاء الموتور بيبقى عليه علامه سيات و 1.0 ده كده يبقى الموتور 1000 ولا ممكن يكون زى ما الناس قالت 1400 بس الوش هو كده ؟ انا لسه مبصتش فى رخص العربيه

معلش سؤال كمان هو معدل استهلاك ال 1400 قد ايه ؟ وبتاخد بنزين ايه 80 وولا 90

غطاء الموتور الشكل دة

وعادي جدا يكون الموتور 1400 ومتركب الغطاء بتاع الموتور القديم ال1000
زي الصورة بالظبط
دي صورة من عربيتي انا شخصيا
انا مغير من 1000 ل 1400 ومركب كل حاجة الموتور ال1000 عليه

وبالنسبة للأستهلاك
لو الموتور مظبوط والدنيا كلها متظبطة ونظيفة وأيدك في العربية
هتعمل حوالي من 280 - 300 كم في الصفيحة طوالي
وجوة البلد مش هتقدر تحكمها لأنها بتاكل بجد كتير في الأشارات والطلعة والوقفة
ولو بتحرق وبتشد بتاكل اكثر شوية من المعتاد

وطبعا بتاخد بنزين 92 بحد ادني
العربية مصممة علي 95 و 98 اساسا

والله المستعان
،
،